呢度裝修格局好懷舊，MENU上有好多款嘅Burger㨂！另外仲有啲小食、飯/意粉類同飲品。我地分別叫咗檸檬蜜糖酸忌廉薯條，炸軟殼蟹蝦漢堡同埋牛肝菌意大利飯。
檸檬蜜糖酸忌廉薯條 $36
薯條熱辣辣，而個蜜糖酸忌廉醬係另上既。呢個醬好好味，蜜糖同酸忌廉味道好夾，我啲拎埋黎點漢堡配既薯條，最後係一滴不漏咁比我哋點晒。
.
炸軟殼蟹蝦漢堡 $118
因為朋友唔食牛，所以㨂咗呢一款漢堡。呢個漢堡份量好大，兩個人SHARE食啱啱好。入面有鮮蝦、菜、蕃茄同軟殼蟹，一旁仲會配上好多薯條。漢堡包皮煎香咗，配上佢炸軟殼蟹酸甜汁，口感都幾清新，係女仔會喜歡既味道。
牛肝菌意大利飯 $118
好香既菇菌味，再加埋面頭加咗少少香草碎，意大利飯本身質地好杰身，菇味愛好者可以試吓。
