黎小敏's Profile

聽講呢間係韓國人自己開嫁，亦都由韓國人打理，Ｄ員工個個識講韓文（好似係）。所以我都見到好多韓國人係到食，聽到好多韓文，好似我地格格不入咁ＬＯＬ講番Ｄ食物先，石頭窩飯好味道，食到底仲有飯焦，好香，見到隔離韓國人嗌左泡菜冷面幾唔錯，所以我地都一樣嗌左，當然唔錯啦，絕對係第一樣推介，真係好好食，彈牙可口，連泡菜食夠曬辣，嗜辣唧朋友千萬唔好錯過，記住要冷麵至夠辣，有湯唧就唔夠辣了。另外仲叫左豆腐窩、海鮮煎餅，海鮮煎餅用料豐富又煎得香口，送酒一流!仲有炆牛骨，牛骨用韓式甜醬油，炆得非常入味，味道甜美。連帶一眾配料如紅蘿蔔、冬菇等都好好味，除了韓烤，呢個炆牛骨都唔好錯過。另外, 服務都唔錯啦, 琴晚full晒, 但我地叫waiter時, 佢地都盡快應我地, 有時請佢地加茶, 加order, 問野, 分野食等都盡快幫我地搞。 …Read More

朋友推介，佢話呢間韓國野好正，身為韓迷，梗係要黎試下先啦！坐低左之後 望一望menu 就諗都唔諗叫左我最愛既海鮮辣豆腐鍋！唔好見個湯好紅，以為好辣！原來假架～！豆腐好滑又入口又爽，同我向韓國食既一樣嫁！個鍋好足料，有2隻蝦啦八爪魚啦仲有蜆添！蜆因為見佢未開晒，所以放左佢晌底慢慢再煮下 ，差唔多食剩3分1既時候佢就開晒喇！！！因為好好食，個鍋同飯都食到一乾二淨！呢個價錢食到正宗韓國味道真係抵食兼好快會再黎試！！不過就會試下其他！相信其他都唔錯既，總之無介紹錯啦！如果大家都係韓迷一定要黎試下，哈哈希望你地都鍾意啦！如果你地都覺得正我就開心啦！ …Read More

今日黎到依到,見城,係依個午市時間黎,好彩都有位,一開始先上既係依個茶碗蒸,咁佢就有D雞肉,銀杏同埋冬菇,依個我都幾鍾意,因為佢個蛋夠哂滑同嫩,而鹹味都做得岩岩好,好怕食銀杏會苦,不過依到就無,唔錯,加埋少少雞肉,唔同口感幾正。卷物就要依個鐵火卷,佢依到既鮪魚味道非常之咁香甜,外面既紫菜竟然唔係無味個種,仲食到少少鮮味,係我意料之外既,係唔錯既,之後就係依個生花膠魚,其實我聽都未聽過叫生花膠魚,以為佢係依個類似花膠咁既野,原來唔係,食落佢質地又爽口,味道就淡淡地的,都唔錯嫁,夠哂爽口,幾好,之後係海鰻,係一個熱上既壽司,佢醬汁份量控制得岩岩好,唔會太多,鰻魚肉質就比較鬆軟,食落幾有油香,唔洗點醬油同芥末就已經很好夠味 …Read More

今日朋友叫我一齊去食Brunch，傾下計咁喎,咁佢就揀左依個18Grams。估唔到今日既18Grams都非常之多人,都要等番一陣先有枱。叫左兩個樣野食同埋兩杯飲品：依個Aussie Breakfast ,都唔太差既,有麥包牛油,茄汁豆,蕃茄,比較好既係豬肉腸,煙肉同埋炒蛋,其實味道只係一般，食落唔會太有驚喜,正常水準喇。之後就係依個Egg Hemingway,佢就係依個Egg Benedict加埋依個Smoked Salmon，佢依到個汁控制得幾好,味道岩岩好，起碼食落感覺唔算太油。個底既 English Muffin 做得幾好，起碼放左一陣都唔會太硬身，慢慢食都幾軟熟。Poached Egg 整既時間都唔錯,岩岩好，切開個陣仲有依個蛋汁流出黎，正呀加埋個賣相,加埋個汁一齊食,果然係絕配。飲野我就要左Iced Chocolate,味道唔會似出面既朱古力，得個甜無朱古力既香味。依杯就有好香既朱古力味，口感都幾濃厚又夠滑，上層既奶泡都得打好好,夠哂滑。 …Read More

今日突然間好想去食下吉列豬排。咁搵下搵下就黎左依到,今次係第一次黎。唔想眼闊肚窄浪費食物,所以同朋友一人叫一個set,另外仲有依個吉列野菜。我就叫左依個吉列豚，個吉列豬排都炸得好脆又夠哂鬆化，最緊要係個豬排仲保留到幾多肉汁,食落幾好味,而且份量都算比較大份，食落肯定夠僥,朋友就要依個吉列豚肉蘆荀卷，豚肉質感食落唔夠吉列豬排咁正，但因為有蘆荀，食落唔會正係食豬肉個口感咁悶，白飯又夠粒粒分明，唔會話煮到太爛，食吉列，如果個飯唔好食真係有D浪費。加埋佢地會不停refill D椰菜絲，真係唔錯既! 食左個SET個已經好飽,但仲有吉列野菜,佢份量都唔少嫁，不過食落都算炸得幾香口，最鍾意係個吉列南瓜好正!依到服務都算好好嫁,會好主動咁REFILL椰菜絲,而且味道又唔錯,值得一試。 …Read More

今日黎左依到放題,都唔錯既。首先係叫左依個刺身魚生拼盤,賣相就真係十分靚喇,用既係一隻好靚既圓碟,個底就有好多碎冰,而上面就緊係佢D魚生刺身喇,咁就有三文魚,八爪魚,希靈魚,吞拿魚,甜蝦咁樣喇,都幾多款式下嫁,另外仲一隻既帶子,佢賣相係最出位既,依盤刺身份量真係非常之多,少D人都真係食唔哂,佢三文魚同吞拿魚都算唔錯嫁,最起碼係夠哂新鮮喇,而且都幾夠厚嫁,反而希靈魚同埋甜蝦係比到驚喜我,平時我都唔太鍾意食希靈魚,因為佢比較酸同埋唔夠新鮮,不過依到就無咩問題,而且淡口D幾岩我嫁,甜蝦比起其他就夠哂新鮮,而且仲幾鮮甜,真係唔錯。之後就我最愛既壽司喇 依到既火灸壽司真係值得一試既,火灸三文魚同海膽火灸甜蝦加埋火灸鰻魚壽司,絕對合格既。不過值得推介既係火灸鰻魚壽司,絕對既驚喜,鰻魚當然係無骨先,加埋佢鰻魚汁好正,甜得黎帶到鮮味出黎,個魚食落鮮甜爽滑,有機會既一定要試依個。…Read More

係崇光行完街, 當然有D餓就走左落黎地庫依間麵包店買野食。當然唔可以只係食一個,首先就要個芝士菠菜法包。食落個芝士味非常之香,雖然聞落無咩味,但一咬落去個下依個芝士菠菜法包, 個種特香既芝士味就慢慢係個口到爆出黎, 非常好食之後朋友要揀左個賣相非常靚既芝士法包,面頭有一粒粒芝士溶哂依個真係好靚,見到都已經忍唔住想一啖食左佢，依個既芝士味非常濃郁，法包做得好好,外層夠哂香脆，裹面就係非常鬆軟，仲有芝士既油香,依個真係無得彈, 之後我都仲係唔夠,就要多個綠茶餅,都幾靚既焗到有少少燶既餅面,加埋少少小紅莓、合桃及腰果碎，賣相吸引,口感食落一般,比較硬,唔係想像咁鬆脆,雖然有少少綠茶味,但唔係好夠,如果要黎依到食野建議都係要番芝士,因為真係好正。 …Read More

黎別府食飯真係好既就係唔洗等太耐，門口既服務員都十分幾好禮貌，今次二人個人仲要唔洗等位，不過得兩個人唔可以叫太多野食。首先就叫左依個雞柳黑芝麻湯拉面,雞肉都真係完全無味嫁，如果唔係有個湯都真係無咩味,另外拉面個芝麻湯底就差少少濃味,不過整體味道都唔算太差。之後試左一個用調味料「鹽麴」去做既柚子鹽麴蕃茄，聽講鹽麴經過發酵之後，味道有層次之外，裹面仲有活菌，幫助消化促進健康，之外仲可以養顏美容,唔知真定假,所以我都叫了依個試一試,佢蕃茄新鮮非常JUICY,個個鹽麴食落都幾正,有少少啫哩,不過就咸咸地,口感都唔錯,。食完拉面之後食埋蠔就上刺身，服務夠哂細心。刺身來到個陣唔算太凍，北寄貝幾好食，整體賣相都算唔錯，材料夠哂新鮮。: …Read More

今次好搞笑咁黎左依到食野,不過大家都明白依到出名在D咩,所以都唔洗多講喇。一坐低,好好咁佢就比左每人一個茶包我地，斟水個位就每枱都有既,不過要小心D,因為好易就禁得出水,講下壽司先喇,其實都唔係話想像中咁差既,不過搶手既壽司唔會成日有,不過可以叫既, 首先就試左依個肉鬆壽司同肉鬆小卷最夠味,依個都唔差既,起碼正正常常,不過唔得既就係暖。之後就叫左幾個三文魚壽司，三文魚真係薄到傻，食落只係好似一舊飯放落口咁,之後八爪魚,螺肉個D都算正,可能係因為黎貨所以唔係太特別,另外就依個炸帶子壽司,不過其實賣相算係幾靚,金黃色都算炸得幾好,不過口感有D奇怪,唔太似帶子,因為唔太夠彈口,所以食落唔太好食,總睇黎講又唔係話想像中咁差既。 …Read More

今日經過附近,就當然要黎大家食一齊食下咁喇。今天叫左依個四川擔擔麵,朋友就叫左茄蛋牛手攪麵,價錢好似比之前高左少少,無咁抵食喇已經,不過味道應該唔會有太大改變既,我個擔擔麵好快就黎嚀,一黎就已經聞到個醬汁有好濃既花生味道,同以前差唔多,材料十足就當然喇,炸菜,肉碎等,加埋依個削搖麵比曹普通既更加吸到個醬,真係好正,而朋友個茄蛋牛都無咩點變,賣相都唔錯,味道都算幾甜,當然會有番少少酸味,不過兩樣野都算好夾埋,另外牛肉份量唔算太多,不過朋友話都算夠,但佢啖湯,感覺完成同出面唔同,好有住家既味道,不過就會濃少少,蕃茄仲見係完整一個,已經好少見出面會咁做,但依到就有,但牛肉肉質都做得幾好,牛肉味都有出到黎,不過比個湯搶左少少。 …Read More

今次黎左依到食好出名既豬頸肉芝士撈麵,自己都真係非常鍾意食芝士,當然要黎試下,叫完等左一陣好快就已經有得食,D芝士汁真係好香,聞落到覺得佢好濃, 一開始當然就要撈勻哂成個,依到個芝士汁顏色同出面個D有少少唔同,依個有少少黃同埋無咁稠,不過食落都係好濃既,而且夠哂濃,都係好好食！麵底係大光麵，整得好都夠爽口唔錯,依個麵最正就係佢個炭燒豬頸肉,食一啖已經有陣炭香味,好鍾意依隻味,而且個蜜煻味都好香,加埋少少炭味,好有燒野食既感覺,最緊要就係肉質做得外面好夠脆同裹面做得好軟身,,又唔會太薄,不過份量少左D,如果可以既多少少就好正。不過一個正常男人食應該唔太夠,不過唔包野飲嫁。所以要考慮下去唔去食,不過味道同價錢都係成正比既。…Read More

今次叫幾樣野食,整體黎講都唔錯既,首先紫菜包飯,非常普通既包飯,材料當然都一D簡單既野,雞蛋,青瓜,蟹柳同埋酸瓜咁樣,其實就唔太鍾意食酸瓜,不過食落只係會有一陣陣既酸味,算開胃,所以都接受到,不過依都有D特別,唔似用普通米,但又唔係日本個D珍珠米,食落口感好好,又唔會話好飽,當小食一流。炒年糕都做得唔錯,顏色方面已經吸引左我地,香味係另一種吸引,年糕夠哂煙韌,又唔話煮得唔夠時間所以好硬,辣醬加埋年糕本來已經一絕，再埋加埋芝士,食落又唔算太濃，DD芝士味用黎點綴下,食起上黎都好過癮，因為夠哂辣一定追住食,但又食唔到太快因為要咬,好得意。另外就係一個泡菜煎薄餅,唔錯嫁依個都,薄薄地唔會厚最緊要係煎得夠脆，泡菜煎起上黎都好香,又有少少章魚粒做配料,口感好多層既一款小食,唔錯。…Read More

見朋友幫襯左好多好多次,自己就食左幾次咋,次次都係常餐,無試過佢其他野,今次真係要試下,平時佢d炒蛋已經夠哂滑,份量又真係十足。今次試下佢好出名既野校長多士,朋友都係食豬扒包,佢就好快有得食,可能我個個要焗,所以就等耐d,等左一陣終於都有得食,賣相都錯,d芝士真係想殺死我,好多好多,最緊要係用厚多士,不過鋪滿左黑松露醬係上面就影響左少少賣相,不過都無計佢顏色係咁,成個多士都好香菌香,加埋芝士又多,好濃既口味,不過成份食哂又唔會話太膩, 最緊要係個多士咁料係上面都仲夠脆,平時有料既多士焗完通常都會無咁脆,最緊要係佢價錢夠公道,絕對係茶餐廳價錢,高品質享受。整體黎講,佢D裝修其他野睇落都好乾淨,加埋d野食質素真係無得彈。 …Read More

一路都對冰室有D特別既感情,不過冰室就真係買少見少,所以經過銅鑼灣就一定要去下依間,一向冰室都有種人情味,依到都唔例外,伙記都係十分好人。餐牌就有好多香港既地道食品,奄列,飛碟,多士等等都唔錯,飲品有就更加懷舊,連滾水蛋都有嫁,不過我就唔好既,仲有新潮D既營養餐，HAHA不過只係有奶同蛋咁樣,幾有特色,懷舊得黎有少少西式色彩,仲有好搞笑既吋吋蛋,食過真係有成吋咁。因為下午茶時間既關係，所以我自己就要左西多士餐食,價錢唔算太貴,同埋真係好耐無食過,落單好快手，當然要多杯奶茶,西多士同奶茶唔夠五分鐘就即刻上左，用厚多士整既我覺得小見,連三文治都係,唔會呃你錢呀真係,西多士整得好香,奶茶就更加唔洗講,滑,濃,香,三個字形容就岩哂。係銅鑼灣黎講算係超平同有質素既茶餐廳。 …Read More

依間野細細個屋企人已經成日同我一齊黎食,所以今日都想黎懷舊下。首先就當然要食個魚肉煎豆腐,細細食覺得非常之正,到依家唔知有咩分別呢,今次食雖然佢係剪,但係絕對唔會太油,同細個食既時候都無咩分別,表皮脆口,魚肉都好新鮮,水準都好似無變。食完豆腐,當然都要飲豆漿,細細個個陣飲得幾啖就唔比飲,而家成杯飲就覺得佢甜左DD。不過都係好好味,可能大個左唔鍾意食太甜既野。就係食少少野就走人LU。依到既野食真係同細個個陣無咩分別,雖然簡單，但唔太油又健康。服務又唔錯,同其他快餐既服務去比，佢地真係好好多,唔會扮野,勝左夠真,可能依家既人都鍾意假情假意掛。係銅鑼灣依區，可以用咁既價錢，食番細個既口味,實在難得。…Read More