大木橋's Profile

跟朋友去開灣仔，黎到駿景酒店Monkey cafe醫肚，見食評都唔錯所以試一試，果然非虛，半自助形式加主菜，又有水果又有甜點，啱晒我，正！冷盤有蝦、煙三文魚、各款火腿、沙律菜，配搭任君選擇，熱盤有炒蟹、炒蜆、炒飯、炸春捲，慢慢揀選，仲可以食多幾轉，同朋友一邊傾一邊食，十分寫意！主菜都有好幾款可以選擇，我就揀左烤肉眼扒配燒汁，七成熟剛剛好，唔會太老又唔會太生，牛扒很嫩，肉汁流出充滿香濃的油脂，配上燒汁，一絕！最後我們還吃了水果及芝士蛋糕作甜品，還沖左杯熱檸水消消滯，非常滿意！…Read More

油塘原來都有火鍋放題，一於同朋友黎試試，餐廳位於大食代，可選擇用電話app落單或紙仔落單，支持環保當然要立即下載個app啦！除了火鍋，原來有埋日式放題的食物選擇，各款刺身，如： 三文魚、甜蝦、吞拿魚、馬刀貝、希靈魚等，一般既刺身種類都有，火鍋未到可以先品嚐刺身同壽司！為免太飽，我哋都係主打食刺身，刺身肥美鮮甜，非常好。除了刺身壽司外，亦可選擇炸天婦羅、燒物，燒雞翼、燒海蝦、炸蝦天婦羅、燒番薯、燒菠蘿，很多選擇！火鍋湯底有不同選擇，我們選擇了豬骨湯底，一般火鍋配料包括豬頸肉、粟米、蔬菜、丸子類、根莖類、麵食等等，都可以喺凍櫃自己選擇。肉類我哋揀咗特級美國牛肉，亦都有豬腩片、豚肉片、雞肉等選擇，海鮮種類繁多，有帆立貝、聖子、象拔蚌、蛤類、魷魚、生蠔等等，應有盡有。醬油則可以自行去配料吧到選擇，自行混醬，各取所需。最後唔少得自助雪糕櫃同飲品櫃任君選取，食到好飽啊！…Read More

南瀛水產位於尖沙咀太興廣場五樓，出地鐵只需步行兩分鐘，方便快捷。餐廳地方寬敞，佈置以日本漁場作特色，天花掛滿竹製燈籠、捕魚用的麻藤粗繩，讓客人仿佛置身於日本品嚐地道新鮮的海產食材。餐廳食物款式繁多，主打壽司、刺身、燒物，點了刺身五點盛，包括：三文魚、甜蝦、左口魚、吞拿魚及凡立貝，款款新鮮味美，特別推介左口魚及凡立貝，鮮甜爽口，正！另一推介南瀛卷，賣相吸引，石板上的卷物鋪上滿滿的海膽、吞拿魚肉、三文魚子及甜蝦，未食已經垂涎欲滴，夾起一塊厚厚的海膽放入口，簡直無比享受，新鮮甜美！三文魚子的咸鮮味逐粒係口腔爆出，配上滿滿的吞拿魚肉，簡直特級享受，必食之選！燒蟹蓋用料豐富，有蟹膏、蟹肉、蟹子、蛋、蔥花，專人開爐係旁邊燒熟，香味飄散，好香的蟹膏味，濃濃的咸鮮，一粒粒蟹子爆開，口感豐富。由於餐廳新張，凡惠僱都會送蟹蓋，好好味！另外點了即燒凡立貝及鮑魚，廚師係魚缸揀選新鮮的活鮑魚，即時燒熟上碟，保證新鮮，食落口充滿海水的鮮味，喜歡燒海鮮的朋友不仿試試，海鮮種類繁多，即燒即食，鮮！天婦羅海膽紫菜卷，啱晒喜歡海膽的我，脹脹滿滿的海膽加埋紫菜已經是一貫的食法，餐廳還製作成天婦羅，暖暖的放入口，海膽溶化於口腔，一絕！花魚一夜干，抵食夾大件，整條魚煎好，魚肉本身帶咸，配上醬汁及青檸，帶出魚的味道，送酒一流，性價比高！我地叫了兩杯梳打，一邊吃一邊談天說地，非常享受！餐廳新張期間惠僱有八折，值得再來！…Read More

今日同朋友近近地去青衣城既羅麥記醫肚，環境佈置舒適，價錢相宜，仲有大把款式選擇，味道美味！叫左我既最愛脆炸雞翼撈公仔面👍🏻賣相吸引，炸雞翼又脆又熱辣辣，一碟四隻，撈面汁適中，面身唔會太淋，味道非常好，價錢又合理！值得一試！焗磚頭豬扒飯，豬扒ok彈牙不會硬，份量十足，個包外脆内軟， 撈埋芝士茄汁食，味道非常夾！兩個人食都好飽！好滿足！如果個飯係炒底會更加好！炸魷魚鬚味道ok，脆脆的，點埋醬汁一起食，特別醒胃，不錯！叫左兩杯凍飲，中和熱氣，爽晒！…Read More

位於荃灣的燒皇燒烤專門店主打雞煲同燒烤食物，約埋三五知己開餐暢聚不二之選!椰子雞煲夠晒足料好味，湯底好清甜入味，我們連椰子肉都食埋，半隻雞的份量剛好足夠二人慢慢分享，非常抵食。本來可以用椰子湯底打埋邊爐，不過今晚想食燒烤香口野，所以清左D雞同椰子肉，再叫左一大堆燒烤食物。露筍肥牛卷，牛肉加上七味粉非常惹味，中間既露筍爽甜，juicy!蒜蓉燒蟶子皇及大扇貝，加上椒絲蔥花，非常新鮮美味，而且帶子肉大大粒好厚身!燒貴妃蚌非常抵食，又大隻，鮮甜彈牙!燒白鱔更加是我的最愛，一份有三串，魚肉彈牙爽脆，新鮮魚肉汁流出，不得不試，好好味~燒鵝肝配脆多士都好正，多士脆卜卜，鵝肝則外脆內軟，鵝肝的油份充斥口腔，超正。羊架燒到好入味，燒牛脷又好厚身，食肉獸最後只叫了燒尖椒，但唔辣，都ok!…Read More

市面好多快餐店、燒味店貨源一般是攞貨售賣，新唔新鮮、肉質靚唔靚、餣得好唔好都無法穩定控制，但深水埗呢間開業十幾年的快靚正燒味茶餐廳，於元朗自設廠房燒製燒味，一手一腳由買貨餣製燒烤至售賣都是親力親為，可見餐廳對燒味的認真同執著。快靚正茶餐廳位於西九龍廣場附近，燒味可以斬料外帶亦可以選擇堂食，堂食就有更多粉面飯供選擇，真係明符其實快靚正就可以醫飽個肚，而且仲非常抵食！今日一家人開飯，買左半隻燒鵝、一斤乳豬同半斤叉燒，燒鵝本身大隻，肉質非常嫩滑而且肉汁juicy，肥美的外皮非常甘香，配埋酸梅醬，啖啖肉好好味！$190/半隻乳豬皮非常脆口，餣製入味，$175/1斤，非常抵食，又新鮮，熱辣辣忍唔住偷食，開飯時已經無左半盒，好好味！不得不提半肥瘦叉燒，肥肉剛剛好不會太多，餣製入味，肉質新鮮唔會鞋唔會硬，重點是全部熱騰騰的，回到家仍有餘溫，即刻開飯趁熱食，非常味美。燒味又何止以上三款呢，仲有燒乳鴿、燒腩仔、燒鴨等等，經過深水埗值得考慮斬料之選。…Read More

成日經過QRE都被電梯旁的火鍋廣告吸引，今日相約老公黎渝味曉宇試試重慶老火鍋的麻辣滋味，餐廳裝修雅緻企理，坐位寬闊，我地被安排坐於卡位，空氣流通，感覺舒適。湯底可選擇兩款，老公食辣就挑戰下普通麻辣湯底，而我就選擇清清地的野菌湯底，火鍋個鍋已經夠晒大，而且麻辣味已經急不及待地刺激住我們的嗅覺，辣椒一隻隻於火鍋浮浮沉沉，見到都覺得辣，果然真材實料。至於火鍋食材，我地點了黃喉、鵝腸、肥牛、鮮滑牛肉、即炸豆皮、毛肚、茗粉、娃娃菜，海鮮則有美國肥桶蠔及白鱔片，食材賣相美觀，望落已經非常吸睛。一向打邊爐一定要點的莫過於肥牛，今次更點埋鮮滑牛肉，相比之下，原來鮮牛肉係可以咁滑咁林，一點都不老不硬，細細碟有好多件，喜出望外，當然肥牛都非常新鮮，牛味十足，但最快被我地清空既竟然是鮮滑牛，呢個必食推介。不得不說的一定是美國肥桶蠔，餐廳食材全部可以揀一份或半份，桶蠔半份有兩隻，超級超級超級肥大肉厚，新鮮又無腥味，每隻建議淥五分鐘你就知有幾大隻，淥完夾番起都唔會縮水縮太多，咬落去依舊咁肥咁厚肉，蠔味充斥口腔，非常推介。至於黃喉對於我呢d從來未食過既人來說都非常特別，白色一片片整整齊齊地端上桌，本身黃喉無乜味道，放落麻辣鍋到拾下拾下，沾染住紅紅橙橙既辣油，非常惹味，咬落非常爽口，新鮮。毛肚一片片鋪成小山丘，看上去似灰色的刨冰，賣相特別，毛肚薄薄的，不需淥得太久，十五秒剛剛好，爽口彈牙，又唔會太硬，辣椒配上新鮮牛柏葉，感覺好夾。鵝腸非常新鮮爽口，鮮味十足又乾淨，份量又多，最後剩左少少食唔晒。叫埋娃娃菜同茗粉，菜叫半份都有一籃，二人份量已足夠，非常新鮮爽脆。茗粉即是平日食既闊身薯粉，要淥耐少少才完全林晒，索晒野菌湯底，非常入味，個人認為茗粉放麻辣湯非常刺激，好麻辣，要邊食邊狂飲洛神花茶消消辣。即炸豆皮好脆身，一客都有幾多塊，賣相精美，淥林左同枝竹差不多，但薄薄的一片，唔會太硬，淥三至五分鐘可食得，索晒麻辣湯，正啊！點餐紙每款食材都有列明建議烹調的時間，非常貼心，而且侍應服務態度友善，招呼周到，渝味曉宇，值得再來。…Read More

今日同朋友去左荃灣尚點小籠包醫肚，叫左鮮肉小籠包、醉雞、三小碟、津白湯年糕及酸辣湯，甜品有高力豆沙同酒釀小丸子。鮮肉小籠包皮薄餡靚，熱辣辣，配埋薑絲醋，肉汁爆滿溢出，原汁原味，味道不錯。醉雞酒味香濃，份量適中，冷盤啱晒炎熱夏天開胃醒胃，好在食左無醉倒!三小碟包括: 芥蘭豆干粒、拍青瓜同糖醋排骨，拍青瓜清甜爽脆，十分鮮甜，芥蘭豆干粒味道OK，可以一試。糖醋排骨甜甜酸酸，十分開胃。津白湯年糕湯底清甜，年糕煙煙韌韌有咬口，津白爽甜，湯年糕比炒年糕無咁油膩，清清地，不錯之選。酸辣湯刺激味蕾，酸辣度剛剛好，不會太辣。甜品有高力豆沙同酒釀小丸子，食左咁多咸野，當然要叫番甜點平衡下，高力豆沙一客三粒，脹卜卜，紅豆蓉甜甜的，好滿足，加上酒釀小丸子，滋味十足。…Read More

今天來到尖沙咀食好西，位於柯士甸的luxury，餐廳設計別具特色，地方舒適，侍應服務態度良好，用心介紹，令客人倍添親切感。食物質素優良，用料新鮮上乘，賣相吸引且精緻，可見廚師的手藝及誠意。面包鬆軟，特別推介有三款軟滑牛油供配襯，番茄、黑松露和海鹽味牛油，任君選擇，最味美的首選黑松露，香氣撲鼻，正。小食有炸蠔，香脆可口，蠔大隻新鮮，充滿海洋味道，而且賣相精緻，見到已經口水流。特別推介沙律配鵝肝，入口即溶化，軟滑油潤的感覺充斥整個口腔，確實難以形容的美味，而且我跟朋友的鵝肝做法不同，朋友品嚐的是沙律配鵝肝醬，細軟味濃，別出心栽。一個龍虾湯，一個黑松露湯，兩款湯均熱騰騰的端上桌，味道、視覺跟嗅覺感受都非常好，黑松露湯較特別及優秀，淡淡香氣撲鼻。主食:一個海胆配芝士意粉，一個带子配意大利飯，芝士跟海膽味濃，異常的配合，好味！帶子新鮮味甜，非常大隻，非常開胃，而且份量不算太多，剛剛好，可以繼續品嚐其他菜色。再来一個煮雜錦海鲜，有半隻龍虾，带子，魚，青口，另一個係牛臉額，超美味👍🏻可見廚師的手藝超群，醬汁美味，值得一讚，非常有驚喜。甜品有拿破侖蛋糕配楱子雪糕及籃苺芝士蛋糕配楱子雪糕，兩款蛋糕都是我的至愛，拿破崙香脆夾上甜美的吉士，再配雪糕，味美，芝士蛋糕亦好精緻，美味！法國私房菜特感驚喜，每道菜都擺設得別出心裁，吸引口腹，細細碟非常精緻，常言道貴精不貴多，令客人對每道菜色都印象深刻！…Read More

觀塘駱駝漆大廈食肆種類繁多又有特色，開設於工廈的食肆一般又較經濟實惠，今次約好朋友來購物，順道試試呢間港式串燒吧，睇吓係咪真鮮！餐廳據聞開業兩年多，眼見晚市都有不少三五知己、一雙一對來醫肚，點餐紙有各式各類的串燒及炸物，而且還有即開生蠔及刺身選擇，花多眼亂。是日主打串燒，價錢相宜，份量及賣相雅緻，與朋友暢談送酒一流。點選了七八款串燒，樣樣即點即燒，上枱時細細碟，熱騰騰的，非常吸引。單點了串燒白鱔、燒大蜆、燒鯖魚、煙肉蠔串、牛仔骨、豬頸肉、墨魚丸、燒魚皮餃、雞翼、吉烈薯餅，兩人食量剛剛好，果真每樣食品都新鮮味美。不得不說的是燒白鱔，的確如侍應介紹無得輸，厚厚的白鱔肉彈牙爽口，魚肉鮮而肥美，魚皮外脆肉嫩，簡直可以encore十串，一串燒白鱔要$58，但果然係極讚，超好味！海鮮還單點了煙肉蠔串、燒大蜆及鯖魚，鮮甜美味，份量適中，配上餐廳自家調製的燒汁及酸醬汁，特別醒胃，特別讚賞燒汁，甜甜地配海鮮或肉類都係Perfect 之選。牛仔骨及豬頸肉每份$38，價錢合理，份量足夠，啱晒無肉不歡人士，送酒一流。雞翼串每串兩隻，夠晒脆口！不得不提提燒魚皮餃，一串四粒，燒到外皮脆脆地，配埋燒汁食非常惹味，推介之選。而丸類一串三粒，燒到金黃色的，好味！最後炸物單點了吉烈忌廉薯餅，好好味，入面既忌廉熱騰騰的流出，好味！…Read More

擺花街林林總總、各式各樣的餐廳林立，今晚嘗試開設在繁華街道上的特色西餐廳，聞說西廚是來自法國藍帶，特意來品嚐美食！餐湯點了熱騰騰的雞湯，味道濃郁，配以每天廚師晨早六點即製既新鮮麵包，油醋都可以慳返！好味！不得不提既沙律，賣相吸引，而且非常清新，新鮮爽脆的沙律菜、味濃芝士粒、juicy到不行的新鮮蕃茄仔，好像幫味蕾漱漱口，來迎接下一道非常期待既主菜。主菜點了Sea bass，侍應把食物端上枱時已十分驚喜，賣相精緻吸引，口水直流，可見廚師是非常花心機去烹調每一道菜色。魚肉卷著中間有橄欖、蕃茄，配以廚師調製既醬汁，簡直絕配，醬汁原來是用魚乾及蕃茄製成，味道上佳，配埋伴菜來吃，話都無咁快就連碟清空，一流水準。最後飲埋杯青瓜lemonade ，又是特別既選擇，清清地，這間紅館值得推薦，正！…Read More

放工想飲杯野，又餓餓地，於是就去左呢間係元朗既酩鬼居酒屋。入到去感覺好舒服，職員都好NICE，細心講解餐牌上嘅食物。前菜已經好好味，我成碟食晒。嚟得居酒屋就梗係要叫杯啤酒飲下啦，價錢仲好抵!爽啊！呢盒SASHIMI好得意，煙燻左口魚，食落有啲似煙三文魚，開蓋嗰下好夢幻。生蠔上面有啲酸酸地嘅啫喱，帶出咗蠔嘅鮮味。海膽好鮮，無腥味，令我對海膽改觀。和牛送啤酒，一流。 明太子海鮮炒飯，香口，飲完幾杯，食啖熱飯落肚，暖番個胃。串燒，即叫即燒，香脆，自家製醬汁，多多都食得晒職員同我地講，為左將居酒屋文化帶嚟香港，有飲任時段，下次想飲野，唔洗諗即刻打個電話過嚟BOOK 位!PS 同行友人發現洗手間好貼心，有好多個人用品，好似屋企咁齊全，抵讚!…Read More

好耐無入過元朗食野，今日趁早放工，就同個FRIEND入去食個飯飲杯野。望入去呢間似BAR但係又有MAIN COURSE食的餐廳，裝修都好有格調，全場坐高櫈，好有特色。我叫左蟹粉半乾車厘茄蟹粉汁天使麵，餐牌寫明係手拆鮮蟹肉，仲要限量發售，好扲貴呀!! 上枱時，老闆仲親手幫我地加D 芝士喺面，多少芝士，任君選擇。個汁好香濃，蟹肉鮮甜，配埋天使麵簡直一流。另外我仲叫左個美國特級安格斯牛柳伴鵝肝配黑松露菌燒汁。原來鵝肝同牛扒可以係咁MATCH!!!入口即溶O既鵝肝加上嫩滑O既牛扒，超正! 佢仲附有2個source，都正O既，不過我覺得乜都唔點都已經好好味。我地仲叫左2杯飲品，redsangria，紅酒味唔會太重，果味又豐富，配紅肉好夾。因為要渣番車出去所以叫左杯Swiss sweet係無酒精成份O既，甜甜地，好似飲緊cocktail咁，好適合年輕女士。…Read More

今日黎到現祟山Olive ERA, 看似格調不錯，餐廳有戶外或室內餐桌，我們不吸煙所以選擇室內，店內外都差不多爆滿，好在我們不用等位，就被安排坐於近門口的二人桌。餐牌食物款式琳瑯滿目，有湯、扒、PASTA、PIZZA、漢堡包、沙律、甜品乜都有，我地湯揀左野菌忌廉湯及龍蝦湯，野菌湯上枱時比較特別，面頭鋪左層氣泡並用咖啡杯上，驟眼看好似泡沫咖啡，味道偏淡味，清清地。而龍蝦湯則味濃，龍蝦鮮味重，好味!頭盤點了四隻焗蠔(分芝士煙肉及白汁菠菜)，每款兩隻，芝士煙肉焗蠔味道非常夾，芝士焗到少少燶，非常惹味。相反，白汁菠菜焗蠔較淡味，清清地，非常開胃，而蠔本身大隻厚身，亦非常新鮮，可以一試。主菜點了蜜糖芥末烤咸豬手及1855肉眼扒，兩款主食都非常大份，烤豬手皮脆肉嫩，大小適中，又不會太硬，烤得剛剛好，配上蜜糖芥末汁，甜甜地好醒胃，成隻豬手都俾我地消滅晒，正!另外肉眼扒有10oz，要了七成熟，不會太熟而令肉質變硬，食落好juicy有肉味，配上洋蔥汁，又係三兩下就清晒，而且價錢不貴，性價比高，值得推介。甜品要了意大利芝士餅同法式焦糖燉蛋，好好味，又不會太甜，啱晒女士口味，其實餐廳有好多蛋糕及甜品款式，下次可以試埋其他，不錯!…Read More

今晚輪到老公要ot:(，咁辛苦！就去食好d 啦，揀左駱克道間組長放題。價錢中間$208再加一，另加$38就可吃到極上美食，都ok ar!每台仲有鍋物送，有韓牛壽喜鍋、芝麻雞鍋同埋海膽花膠鍋可選，另外配料仲可以任叫添。我地揀左壽喜鍋，韓牛肉與脂肪均勻，肉味鮮，湯底濃！不過我地都唔叫配料喇，留肚吃其他鵝肝雖少，但煎得恰到好處，其實是塊面包大姐刺身要來了！首先當然要吃極上長腳蟹啦，我就好鍾意啦，另外珍寶帶子都好好食嫁！好鮮唔腥嫁！我老公最欣賞呢就係個安格斯牛柳，encore再encore!係揀野飲隔離仲有花膠元貝水蟹粥同粟米魚肚羹可以任飲添，我當然就係揀水蟹粥啦！材料咁豐富！都好多元貝嫁！我就最欣賞芝士焗帶子！芝士好rich！仲有燒鰻魚小薯仔同燒菠蘿！最特別有香蒜豬仔脾，食放好少見呢。當然唔少得壽司🍣啦，我就鍾意食火炙，鍾意濃味野😬😬整體黎講都幾好食，會再encore!…Read More