鮮肉小籠包皮薄餡靚，熱辣辣，配埋薑絲醋，肉汁爆滿溢出，原汁原味，味道不錯。
醉雞酒味香濃，份量適中，冷盤啱晒炎熱夏天開胃醒胃，好在食左無醉倒!
三小碟包括: 芥蘭豆干粒、拍青瓜同糖醋排骨，拍青瓜清甜爽脆，十分鮮甜，芥蘭豆干粒味道OK，可以一試。糖醋排骨甜甜酸酸，十分開胃。
津白湯年糕湯底清甜，年糕煙煙韌韌有咬口，津白爽甜，湯年糕比炒年糕無咁油膩，清清地，不錯之選。
酸辣湯刺激味蕾，酸辣度剛剛好，不會太辣。
甜品有高力豆沙同酒釀小丸子，食左咁多咸野，當然要叫番甜點平衡下，高力豆沙一客三粒，脹卜卜，紅豆蓉甜甜的，好滿足，加上酒釀小丸子，滋味十足。
