WaiChingLau's Profile

逾半世紀歷史的百樂潮州酒樓重開，更以「百樂潮州酒樓（大少店）」之名重返銅鑼灣原址希慎道，喜愛潮州菜嘅我梗係同埋家人一齊嚟品嚐。餐廳裝修雅致，一坐下侍應會捧上功夫茶同一碟小食酸菜。錦繡四拼盤鵝肉～鮮嫩入味，滷水汁又唔會太鹹，滷豆腐也很嫩滑。潮陽炸雙棗~蝦棗香脆彈牙爽口；蟹棗外面香脆，食到蟹肉鮮甜。大少煙鱔～鱔魚肉質爽口煙燻香氣四溢。滷水崩沙腩~每一口都滲着濃郁嘅滷香，但肉質比較乾一些。杏汁豬肺湯~湯汁鮮甜濃郁醇厚，豬肺處理得非常乾淨。生焗胡椒花尾躉～以蒜子、乾蔥頭、薑角、焗香蔥胡椒等香料鋪底，肉質鮮味嫩滑，含豐富骨膠原。四寶片皮雞~將炸好嘅雞先片皮，雞肉切絲再拌上西杏、花生、提子、藍莓乾、腰果、合桃等，吃落雞肉嫩滑皮脆口感豐富。紅炆鵝掌煲~ 鵝掌吸盡冬菇和醬汁的香氣和精華，加上口感爽脆的生菜，十分好下飯。沙嗲炒牛河~沙嗲汁香口惹味，牛肉嫩滑，河粉就比較淋身。反沙芋件～外層被糖霜包裹，食落香脆，内裏芋頭夠粉夠香。…Read More

冬天最好就係打邊爐，位於尖沙咀寶勒巷新開咗一間「九五至尊火鍋九毛」，裝修典雅，座位舒適闊落，QRcode落單方便清晰，除咗火鍋外，重有雞煲，羊腩煲，還有泰色小食同粉麵！湯底揀左個蕃茄薯仔濃湯鍋拼冬陰功湯鍋$148個蕃茄湯超濃，非常好味！而冬陰功酸酸地唔係好辣！安格斯三角肥牛（中）$198份量足夠二人，油脂分布均勻，軟硬適中肉味濃，同時又食到油香味！鱔片（一份）$128非常新鮮，肉質嫩滑，爽口彈牙！手打蝦滑$88爽口彈牙，十分鮮甜！自家鮮蝦雲吞（半份）$48雲吞半份有四隻，大大隻足料鮮蝦，雲吞皮爽滑不易穿破，鮮甜彈牙！燒牛脷串18/串柔嫩帶有脆度，爽口彈牙加上有孜然調味非常惹味！干炒牛河$98好有鑊氣嘅泰式炒牛河，金邊粉煙煙韌韌，牛肉嫩滑，好食！📌每位$28/醬油費…Read More

無論是應酬飯局、又或是家庭朋友聚會，中菜是個好選擇，今次同一班同學仔聚會就嚟到位於銅鑼灣「名㕑」，餐廳全部以獨立VIP房為主，環境舒適，私隱度十足，好適合商務聚餐！沙薑豬手$158起晒骨切割成方型，入口皮脆爽口，帶有香香薑味道，清爽開胃，係一道絕佳凍食前菜！西洋菜豬踭湯$68/位用料足，一上枱就有好香西洋菜味清香撲鼻，清甜可口，解燥潤肺！龍皇藏金衣$（時價）創新做法，師傅將做酸菜魚湯汁和手工河粉、紅薯粉結合一齊，再以南澳龍蝦🦞取代魚，龍蝦鮮甜彈牙，雙粉味帶酸辣，煙靭爽滑！橫行抱玉$（時價）肉餅造型精美，面層原隻膏蟹，下層係豬頸肉肉餅，肉餅用咗紹興酒和醬油調味，再加上蟹嘅鮮味滲進了軟腍肉餅，大大提升風味！家鄉醬爆鮑魚雞煲$688用咗豆豉、花雕醃製過嘅龍崗雞，非常入味，而鮑魚用清酒、味醂以增強風味，鮑魚入口鮮味爽彈，雞肉嫩滑！大澳蝦膏蒸肉筋$198非常珍稀菜式，因為每隻豬只有一條肉筋，師傅將肉筋去肥再用本地蝦醬同炸過嘅鮮竹一齊蒸煮，十分惹味！芥蘭兩味煲$168煲仔上，面層鋪滿肉鬆，同炸到好脆芥蘭葉，下層嘅芥蘭度抄得好香，入口爽脆鮮甜，同肉鬆又幾配搭！香煎粢飯$22/件入面有蝦米、瑤柱同湖南火腿，口感有點像煎糯米雞一樣外脆內糯，並散發海味的鹹香！冬蓉薏米糖水$60/位足料原盅上，有冬瓜蓉同薏米，入口清甜順喉！…Read More

立鮨越來越多分店相當有人氣，口碑都唔錯，今日就去咗黄埔嗰間，餐廳日系裝修，仿似返左日本居酒屋🏮，主打日式料理，除咗一般坐位還設有吧枱！特選三文魚🍣盛合$68盛合有三文魚壽司、三文魚腩壽司、火炙三文魚壽司、三文魚小卷、辣三文魚軍艦;一次過可以品嚐吾同口感嘅三文魚，三文魚新鮮肥美，經過火炙逼出油脂，魚油香更突出，辣味三文魚就好野味！特上北海道魚生飯$168新鮮魚生舖滿飯面，刺身有北海道帶子、甜蝦、海膽、三文魚同飛魚籽，用料豐富又新鮮，帶子甜美，甜蝦肉質細綿，海膽味道鮮甜又creamy,飛魚籽的鮮味都從脆卜卜的魚子中爆發出來，至於飯係用日本珍珠米做成嘅赤醋飲，魚生飯口感豐富真係食極都唔會厭！白鱔串$38白鱔串外皮燒得脆卜卜，鱔肉食落爽口好肥美！牛舌芯$38肉味夠晒濃郁，口感爽脆彈牙！…Read More

係i square 最近開左間新派潮洲菜+廣東菜嘅方式概念「潮藝館」，餐廳裝潢低調奢華，有別於一般傳統潮州菜館，餐廳還設有吧枱位同各類酒品！一入座餐廳會先奉上小食烤麩雲耳$38另茶位每位$28晚市二人套餐988（2位）前菜有三款串茄合桃沙律：食法比較新穎，把混合咗沙律醬嘅合桃釀入蕃茄中，食到蕃茄嘅清甜同時也食到合桃香脆！茅台醉鮑魚：淡淡嘅茅台酒香味，鮑魚爽口煙靭！普寧布包豆腐：豆腐外層炸得夠乾身，內裏嫩滑！胡椒豬肚湯：鹹菜同豬肚都爽口，相對胡椒味比較重飲落有些辛辣日本椒仔炒嫩牛：彩椒仔脆口爽甜，牛肉好嫩滑！碧綠川燒雞：雞肉嫩滑，有淡淡川椒味，再配上炸過嘅紫蘇葉一起食，好惹味！蜆肉鵝肝炒飯：蜆肉切成細粒，鵝肝外皮煎至焦香，飯炒得夠乾身，每口飯充滿蜆嘅鹹鮮同鵝油香味，滿足！燕麥一口薯：紫薯口感軟滑香甜再結合燕麥砂糖一同食，係一個創新又好美味嘅甜品！…Read More

韓國人氣Pizza Maru炸雞pizza店已開到第六間啦。係尖沙咀LCX的分店裝修設計好有特色, 擁有180度無敵海景, 邊食炸雞pizza邊欣賞維港景色, 真係chill到爆! 不過靠窗邊只有三枱座位, 先到先得呢。芝士秘製炸雞 $118 (for 6pcs) 炸雞沾滿芝士粉,賣相相當吸引,芝士粉微甜,炸雞外脆內軟,炸完都仲係咁juicy唔乾身,好食!脆炸章魚仔 $96 賣相好似一舊舊炸物,外層酥脆, 內層軟,每件入面都有2-3隻八爪魚仔,一啖咬落有齊多種享受,大滿足!Bellini $58 係Peach puree cocktail,入口有桃味,微甜,酒精濃度不高,易入口！…Read More

愛打邊爐嘅我今日去位於銅鑼灣（堅拿道西）嘅「九龍城同撈同煲」懷舊火鍋店，餐廳以70,80年代裝飾佈置，伴隨着播放懷舊金曲，真係好有氣氛！餐廳提供多款湯底、火鍋配料同雞煲！醬料及茶芥每位$18火焰醉雞煲$178雞份量有半隻，配搭芫荽、青椒，我哋重加左豆卜（$38/份）同支竹（$38/份），濃郁醬汁配小辣，店員把酒加入雞煲後點火，霎時間熊熊火焰升起，打造充滿視覺同味覺驚喜的味蕾體驗，再轉小火煨煮，產生的酒香及醬香全都濃縮在湯頭裡，雞肉嫩滑，支竹同豆卜吸晒醬汁好惹味！食完雞煲開始加湯打邊爐🍲安格斯牛肉（小）$198 油脂雪花分布均勻，有肉香味！鱔片$108 新鮮冇腥味，但沒有爽脆口感！半份芝士蝦丸$68 半份有四粒，應該係手打，有別於普通蝦丸，這次釀入芝士，爽口彈牙！ 當我哋埋單時原來有免費甜品送😋 啫喱～港色花奶啫喱再加把小紙傘，絕對係香港人童年的回憶！糖不甩～是用糯米糰做成鯉魚形狀，店員會幫手用火鍋湯底整熱，然之後剪開再撈上有糖花生碎，好味又煙韌，真係不一樣Q彈甜糯的經典懷舊小食！…Read More

極上帝王水產作為日式放題餐廳，當然少不了新鮮的壽司和刺身，呢間餐廳仲有正宗既爐端燒和壽喜燒，除此以外，重有各式各樣的天婦羅，熱食的選擇亦花多眼亂，絕對能夠迎合不同人的口味！刺身：有厚切三文魚腩、八爪魚、帶子、北寄貝、希靈魚、甜蝦、赤蝦、榮螺片、松葉蟹柳棒、玉子同長腳蟹腳等等，食材都很新鮮！壽司：黑松露油甘魚壽司、火炙左口魚裙邊壽司，做得相當唔錯，食材新鮮，份量足！鹽燒牛舌：大件厚切，用香草調味，口感軟靭！炸物：可樂餅、香芋丸、熔岩芝士蝦球，即叫即炸，外脆內軟！孜然燒羊肉串：肉嫩加上香氣獨特的孜然，十分惹味！厚切鰻魚串：肉質軟嫩細緻，鮮甜無土味飲品，雪糕，雪條多款選擇，而甜品就有少量糕點！…Read More

瀛豐放題料理專門店位於銅鑼灣一間日式放題店，全場有接近150款食物，選擇超多，有大量肥美刺身、壽司、天婦羅、燒物、飽肚泰國小吃、香酥炸物，自助區有小食前菜，、甜品、雪糕以及多款飲品等，加$138升級還可任食生蠔、海膽帶子及任飲啤酒，現在踏入大閘蟹季節，更推出以$499豪歎兩小時至尊大閘蟹任食，價錢已包埋基本放題，絕對能捧腹而回！大閘蟹隻隻都爆晒膏，蟹味好濃郁，而且係即叫即蒸！刺身:有三文魚、油甘魚、希靈魚、冰山蚌、八爪魚、鮑片、馬刀貝、北海道角螺、赤貝、牡丹蝦、醬油吞拿魚等，全部都新鮮肥美！海膽帶子:帶子夠厚肉，夾著甘甜爽口海膽，一口咬下，啖啖鮮味！生蠔：即叫即開，肉質爽脆，帶淡淡鹹鮮味！松葉蟹杯：蟹杯上面放滿松葉蟹肉、蟹籽和蟹膏，細杯但足料，蟹肉鮮甜，蟹籽爽口，配上蟹膏十分惹味！壽司細細粒質素亦相當高，尤其火炙壽司可以逼岀魚油香味！炸蝦餅、子心香芋丸、芝麻雞翼都相當唔錯，外脆內嫩！泰色魚露燒蝦，蝦肉新鮮彈牙；串燒沙嗲雞肉豬柳，肉質嫩滑夠味！飛天通菜好有鑊氣，爽脆美味！甘葉香蒜炒墨魚鬚，爽口微辣十分惹味！…Read More

今日好姊妹生日，選了一間比較私隱店位於北角馬寶道「Le Bec Fin」日法式料理,餐館格調高雅舒適，雖然座位不多，但讓客人在高雅有格調的用餐環境中品嚐以西班牙國寶級嘉士伯炭爐（Josper Oven） 及日本頂級備長炭製作的菜式！當我哋坐好店員送上開胃又香脆的雜果仁！開始上餐前，先送上暖暖的Croissant &Baguette法式麵包🥖配上牛油香脆好食！Amuse Bouche. ～炸粟米球，脆口食到粟米🌽甜味！Crab with Jelly ～用咗日本嘅毛蟹肉配海膽魚子醬，醬汁係用日本高湯製成，材料非常新鮮，味道獨特鮮味！Beef Tartare~和牛他他，用近江牛西冷部位切成幼條混入醬汁配紫菜一齊食，肉質鮮嫩，重會有油花香！Tuna Cutlet ~吉列呑拿魚，用中拖羅部位，外脆內軟，配埋豉油芥辣食So Good！Soup～法式洋蔥湯，面層鋪左一層金黃芝士，洋蔥切成細絲，洋蔥湯十分香濃可口，超正！Chargrilled Fish ~炭燒喜之次 ，面層有炭燒香味，魚肉超嫩滑，口腔充滿魚油香味！Steak Sandwich ~和牛三文治，選用近江牛A5牛柳部位做，肉質柔軟Juicy,夾在香脆麵包中，既香而又不油膩！Chicken Ramen ～雞白湯拉麵，湯底濃郁，拉麵爽口彈牙，雞肉嫩滑，再配埋糖心蛋，正!Dessert &Tea or Coffee 擺盤好有心思，件朱古力brownie 藏在綠茶🍵杯下！ 芒果大福+咖啡味奶凍 大福皮滑軟糯，內裏有粒粒芒果肉 ;奶凍超滑機有咖啡香味亦有奶香味！ …Read More

上次聽姨甥女話係鰂魚涌地鐵站A岀口對面有間「樓下冰室」啲食物好好味，今次嚟開鰂魚涌比手信朋友，一於同friend 去食至得。餐廳裝修懷舊好有特色！瑞士雞翼（3隻）$42招牌瑞士雞髀$32 瑞士汁極度出色，色澤通透香甜，香氣十足，雞翼皮滑肉嫩；雞髀大大隻，肉質不及雞翼嫩滑，但又不會嚡口！奶醬多士$30 麵包烘得脆口仍能保持軟熟，面頭搽咗粗粒花生醬同埋煉奶，口感唔錯！焗芝士肉醬薯角$40 新鮮焗起熱辣辣，面頭鋪滿肉醬同金黃芝士，薯角炸得剛好，每啖都食都肉醬同芝士，非常滿足口感！焗芝士西蘭花$42 西蘭花爽脆，但芝士味不太濃係正常水平！特色蕃茄濃湯米線配牛乳炒蛋跟吉列豬扒$56 蕃茄濃湯底濃郁酸甜，米線很滑，牛乳炒蛋嫩滑；吉列豬扒大塊炸到香脆，不會油淋淋，肉質有彈性入口還有肉汁！紅豆🫘冰20/杯紅豆夠稔，入口綿密，甜度適中！華田脆脆$14/杯凍華田面頭鋪滿華田脆脆入口有層次！…Read More

堅尼地城一向是多國美食集中地，係網上見到位於吉席街的摩登英國🇬🇧餐廳Shoreditch ，主打現代英國菜，以新手法演繹傳統菜式，最近推出新菜式，今日嚟試吓先得，餐廳樓底高加上落地大玻璃環境開陽舒適！Half Dozen Oysters 半打英國蠔$198 海水味較平衡，蠔身飽滿，爽脆鮮甜，食了生蠔開了胃！Fresh Fish Fingers脆炸魚柳條$98 炸得金黃香脆，粉漿適中，脆口之餘重食到魚肉鮮甜味，再蘸上特製他他醬真係食到停唔到口！Crab Cake香酥蟹肉餅$128 蟹餅炸得酥脆，蟹肉鮮甜，加上底部有紅菜頭粒、青蘋果粒混和芥末醬，十分清新爽口！Beef Chin & Bone Marrow Pie 牛腱肉牛骨髓批$238 大牛骨放在批中間，將牛骨精華滲進餡料之中，令味道更香濃，面層酥皮焗得香脆，用湯匙戳破香脆酥皮，入面傳來熱辣辣嘅牛肉香氣，餡料有牛腱肉、蘑菇同肉汁，牛腱肉非常稔滑香嫩，配搭濃厚之香的牛骨髓大大提升肉批的味道，如覺得鹹可配埋香滑薯蓉一齊食非常好味！Suffolk Lamb Ribs 薩福克羊扒$298 一上枱已經聞到陣陣嘅香草味，面層焗得香脆，來自英國🇬🇧的羊肉質相當軟綿濕潤，用刀輕輕一切已經可以切開，口感鬆化又冇羶味，下層是較少見的珍珠大麥，配搭上相當有心思！ Pan Baked Chicken 香煎雞胸$188 面層煎得香脆，肉質嫩滑，再配上薯蓉和爽脆蘆筍，係keep fit 減肥人士首選！ Strawberry & Cucumber Smash $69 用士多啤梨、青瓜、接骨木花、菠蘿和梳打調製，味道微甜清新好飲！…Read More

同朋友講起好耐冇食過放題，今日相約一齊去旺角兆萬中心8樓嘅「神戶屋」日韓放題，餐廳面積不是十分大，坐位比較密集，侍應服務態度非常友善。餐廳用QR Code 落單，種類非常多選擇，有前菜沙律、刺身、壽司、炸物、燒物、手卷、串燒、和食料理等，今期重有期間限定日本和牛壽喜燒、韓式芝士部隊鍋、四川香辣雞煲，真係好多嘢食！首先第一時間食我最喜愛刺身先刺身擺盤精美，上枱已很吸🤩樣樣都非常新鮮，拼盤包括了生蠔、三文魚、帶子、北寄貝、希靈魚、蟹柳、赤蝦、海膽、鮑片、甜蝦，螺肉、八爪魚等。生蠔🦪肥美爽脆，赤蝦好大隻肉質爽甜，三文魚油脂分布均勻，肉厚肥美，海膽新鮮入口即化又唔腥，刺身厚切，真係食得滿足壽司款色亦十分豐富，有手握壽司、軍艦、火炙，迷你手卷，材料新鮮做得精緻又好食炸物燒物多選擇亦做得好食，雞翼炸得香脆吾會油淋淋，黄金蝦好香咸蛋黃味。串燒牛舌表面燒得焦香，牛舌厚身咬落嫩滑，串燒蝦蝦肉甜美！天婦羅也是炸得酥酥脆脆的，羊架食落好香孜然味肉嫩冇羶味馬拉盞通菜真係炒得好好食有鑊氣，馬拉盞嘅鹹香爽脆通菜帶有少少微辣十分惹味任飲任食兩小時當然有汽水任飲甜品任食亦有多款韓國雪糕雪條選擇！…Read More

今日係銅鑼灣灣sogo shopping 完，同姨甥女去左附近京士頓街嘅「天天海南雞飯」食晚飯，餐廳裝修優雅，坐位舒適，餐廳外重有outdoor 位。原來此餐廳大有來頭，人氣過江龍得到米芝連推介之外，更被新加坡旅遊局評選為3大雞飯之一。餐牌上亦多菜式選擇，店員服務周到。我哋一坐低時，店員就送上餐前小食，係哈蜜瓜加上百香果，食落酸甜爽脆令你即時好開胃，此碟小食是免費的但餐廳會收茶位每位10玩。天天海南雞拼燒雞$289 海南雞皮薄爽滑，雞肉份外軟滑，加埋餐廳秘製醬汁，味道濃郁且已去骨方便食用。 燒雞皮脆焦香，肉質嫩滑夠惹味，隨碟附上三款不同醬汁如薑蓉、甜辣醬、淮鹽等可提升層次。雞油飯（大窩）$59 份量足夠兩個人份量，雞油飯用石鍋上，可以保溫一段時間啲飯唔會咁快凍，飯身粒粒分明，油飯夠香，且不會覺得肥膩。煙燻香茅大蝦$149 一上枱就聞到好香嘅煙熏味，醬汁食落甜甜地帶少少辣，蝦肉鮮甜真係超級非常惹味，食到停唔到口，此蝦令人回味無窮！…Read More

係西環皇后大道西原來最近開咗間「頑石燒肉所」主打A4黑毛和牛石燒餐廳，食材靚而且性價比高。餐廳以日式小店設計，店員服務態度好。餐牌上多款吾同部位和牛石燒，加$48御膳套餐有日式雜菜沙律+蜆湯+日月蛋紫菜飯+汽水。極上薄燒A4黑毛和牛西冷$198黑毛和牛A4西冷油脂雪花分佈均勻，因薄切關係肉身偏薄，只要將兩邊稍為在熱石上燒一下就得，牛肉肉質鮮嫩多汁，每啖都有豐富牛脂同肉香味吉列A4黑毛和牛牛小排$178厚切牛小排，牛脂豐富，分佈平均，沿邊吉列皮鬆脆吾油，放在石燒板上稍為兩邊煎下，入口吉列皮鬆散，肉質有少少筋位，咀嚼時豐富牛脂在口中滲出，配搭沙律/飯一齊食，可平衡口中嘅油膩感。蒜香A4黑毛和牛他他 HK$88和牛質感軟嫩, 加入嘅係自家調製醬汁唔會太鹹太重口味, 將月見蛋黃、炸蒜片同和牛他他平均撈起, 更突出和牛鮮味。鯖魚一夜干$88魚肉紮實，油脂豐富，擠上檸檬汁更顯美味，令人難以忘懷！富士山特飲$36飲品叫左杯好吸睛🤩嘅富士山特飲，升級御膳套餐set特飲重可享半價優惠，味道似波子汽水+雪碧，好好飲…Read More