美食的肥奴's Profile

之前睇網上報導呢間Party房同一般PARTY房好唔同，成個裝修好似PRG GAME咁工作壓力大而生日主角又將棄2奔3，所以計劃俾返少少童真佢，決定逃離現實世界，到係呢個異世界開個30歲Party！早一個星期去BOOK，有得揀淨BOOK場定係連到會既套餐，唔想煩所以就叫套餐多口問句有冇得叫刺身同蠔，點知佢又介紹左間刺身外賣公司黎～決定一口氣叫埋當日早左少少到，場主一早已經SET好哂等我地上黎一出𨋢，以為自己去左打RPG GAME，我係勇者將要鬥惡龍個門口真係不得了，結果係門口我地影左一陣先入去成個場好大，6個人包起成個場好似大左少少，不過打羽毛球就剛剛好（冇錯係有得打羽毛球）有得唱K有好多BOARDGAME有得打牌有得玩波有個大投影機睇戲，多野玩到都唔知玩咩好個場裝飾好特別好型！真心以為自己去左GAME世界之中，只係戴吓面具影相都玩左好多時間玩左一陣到會就黎哇多野食到～好擔心食唔哂，結果真係食唔哂。。。意粉好食，個薯餅好香口，D腸睇上去好唔吸引不過辣辣地幾好食只係沙津就麻麻地。。。雞肉多過菜，我想要菜多D刺身方面真係冇得輸，北寄貝掌心咁大隻，三文魚好肥好甘香係出面食一定唔會係呢個價！真係冇介紹錯～蠔好鮮甜，不過要自己開，只不過神奇係場內竟然有蠔刀同蠔醬提供！場食有個雪櫃，帶左個蛋糕去食冇切餅費，十分好成班玩到10點散水～下次再玩過…Read More

在港大放工，做野做到攰當然不會虧待自己的胃！深知西區美食多，由港大出發步行15分鐘尋獲萍姐泰國菜雖然上OPENRICE見不少飯友評說服務態度奇差，但仍阻不到我們要一試之心。一連去了兩晚，態度比想像中好（我大約知道態度差的源頭是誰人⋯:(），當中有日可能少客人關係所以態度不錯。兩晚食了很多，但令我們回味的有兩道，是我們的泰國菜史上的第一位1) 沙津系呢間泰菜的汁都十分美味！沙津系的汁正宗，辣但好好食，令人又愛又恨⋯最後頂唔順叫左飲品識食之人不要錯過！2) 燒側魚真心不得了，好好食！見飯友講汁好食，但我地就話就算唔要汁都好好食！牽開燒至脆身的魚皮，露出雪白魚肉，不沾任何汁料下食，驚為天人！看似是沒有味道，但入口是香濃的香料味！每一口都似是將魚肉連香料一同食用⋯明明只是把魚肉放入口！最最後把魚肉吃光，以為是尾聲，但原來還有後繼！就是把魚骨翻開，內在有棵吸收了精華的生菜放入口⋯不得之了！！！這生菜充滿了魚的鮮＆香料的香！！！好啦～以上形容好像有點誇張不過是真的最後一句：食物及服務質素要同樣地好少算一流，希望萍姐泰國菜可以成為一流食店…Read More

WELL，西貢出名多異國美食基本上咩國家的菜都可以找到，價錢有平有貴在近小巴站的小巷屬較平民價，眼見有位印度阿生野野有勁地做薄餅，所以被他吸引而坐在位上二人叫了個咖哩雞飯，芝士薄餅跟脆餅除了個芝士薄餅印象深刻點，其實都一般過一般芝士薄餅是食到有香濃芝士味，不過份量⋯以這個價錢實在有點少咖哩雞飯就是一個普通的咖哩飯，雞是骨比較多，肉很少⋯而且飯也很少⋯不夠飽丫脆餅好油好油好油好油好油好油好油好油好油好油…Read More

首先我們要道歉，我們不應該以這樣配搭來享用此餐因為⋯實在⋯太heavy！！！完全不覺得在食泰國菜啊啊啊！！！！！兩個人叫了4道菜，前菜沙津＋湯＋菜＋主食，不算過份吧？但過份位是4道中有3道都涉及奶⋯那就是敗北之處⋯平時食泰國菜，飲的都是冬陰公今次試新野！椰奶酸辣雞湯！（名字如不中亦不遠已）好飲！好特別！！！一入口酸味首先跑出，隨之而來是奶味跟泰國香料味奶味沒有想像中重，不過飲多幾口時就發現口腔是有奶味的唯一一道沒有奶的柚子沙津味道是不錯，除了柚子還有很多配料應該是有花生醬？所以也是飽肚來源可惜上菜時的溫度有點尷尬，不冷也不熱，調整不到合適心態來食用椰奶椰菜花好一般，不叫也罷每枱必叫的一道，軟殻蟹咖哩包如果沒有3人以上，千萬不要叫，一定食唔哂！除非只是叫這一道⋯汁是好食，而且十分香濃，但⋯真的好HEAVY⋯⋯⋯可能是最後一道上的菜，胃已經滿了70%軟殻蟹有2隻，食左1/4隻也沒有已經投降，好浪費好浪費啊⋯⋯⋯好想打包咖哩汁回家！！！如果軟殻蟹是新鮮炸而香口食，應該會更好食！此餐泰國菜， 一點辣意也沒有有的，只是無限滯意⋯…Read More

(奴)專登為了它的木瓜奶昔而來！之前數次到訪西貢就是為了木瓜奶昔⋯但因為不知道搬了新店而撲個空上網一SEARCH得知新店地址後，立即擇日到訪！！！新店跟碼頭有點距離，是西貢區的入口左近都是不同國家的餐廳，雖然吸引不過都忍住，堅持本意直到Cafe Bonbon De Paris食物餐牌跟之前是一樣，但⋯但⋯但飲料就是沒有了木瓜奶昔！！！！ :(但位已坐⋯沒可能就這樣離開吧，所以叫了食物朋友叫了個芝士火腿奄列加熱朱古力，我則叫了蕃茄乾菠菜意粉加忌廉湯忌廉湯超CREAM，好香，是自家製作的，其他地方的罐頭質素完全比不上只是有點油⋯飲完已經飽左70%不知何解⋯味道跟上次食的不太一樣 看上去的味道跟入口的不一樣！味道淡我有點過火⋯上次那個好味得令我回味多天的意粉去了那？？！意粉的口感仍保持水準，煙煙韌韌的～超大的一份！朋友說食到濃濃的芝士，但我真的不太食到⋯應該是我味覺有問題～普通到一個點的朱古力，然而要$45一杯其他飲品也不吸引而且價錢貴，不值一飲 （把木瓜奶昔還給我！！！有機會再試試吧，希望下次可以再給我驚喜…Read More

(奴)朋友生日，主角話想食片皮鴨，上OPENRICE見滬江飯店食評不錯，所以一早打電話BOOK位。尖咀港鐵站一出行5分鐘就到，地理位置十分方便！茶全是高級茶，坐下立即叫我最愛的人參烏龍！香中有回甜⋯正！就算食得幾油，飲返兩杯立即舒服哂～6個老少女各有不同意見，最後作出一個民主的決定：叫套餐＋片皮鴨出得黎食，預左大出血，食豪少少又何妨？ 小吃，花生一般另一道應該是酸菜，味道不錯～先上個前菜一般般，沒有驚喜蝦是爽身，味道清淡但沾過旁邊的汁食，實在不錯，一口一隻吃過不停很特別的一道菜包包是盤，中間陷入，放入碎粒料食，不錯不錯即席在你面前處理的片皮鴨味道是不錯，不過片可以再脆一點好像是招牌菜？不過我麻麻⋯有點咸，似是火華火腿湯創意是有，而且十分健康，汁是南瓜汁來只是不夠熱很好，飯夠乾身，是一粒粒的飯有湯汁的小龍包一般吧全餐最好食的酒嚷丸子！！！有酒的香味，因為煮過所以酒精已蒸發濃濃的桂花味，每一口都像把花放入口般丸子一口數粒，口感十足清潤而不太甜，多食幾碗也不是問題！…Read More

團購的一餐見就算加一也不過$60, 就算是伏也不會損失太多，而且見OPEN RICE也有不少有讚，所以二話不說就買下去的是尖咀分店，是間很小的店，如果門口兩張枱也坐了人根本進不了去與其說是日本中級餐廳，感覺比較似是屋村的日本餐廳～先上兩杯跟餐飲品～味道還算不錯，開頭飲甜左D，不過等冰溶左就剛剛好等左好一陣的吉列豬扒餐！看上去是不錯嘛～但⋯⋯⋯第一時間食一塊豬扒⋯暖既？！？ 而且一D都唔脆，似係一早炸好放左好耐⋯而且乾爭爭一滴肉汁都冇要一邊食一邊飲野只係知道自己係度食緊肉，憑口感知道係豬肉，但唔好叫的憑味道估係咩肉⋯因為佢只有醬汁咸味飯不是日本米⋯再扣分可能快餐店仲好食過佢都唔出奇⋯至少人地係熱辣辣先枱面有一樽醬汁，因為豬扒實在太乾所以都加左D汁送飯同菜絲但加了我就後悔了⋯無敵地咸！！！一滴可以送到一碗飯的咸！唉⋯快快口為左飽肚食左佢就算公平地評論，有唔好都有好螺肉真係好大粒好好食見成間舖好似得一個人，樓面又係佢廚房好似都係佢所以忙到都冇服務可言，水都冇杯團購是想更多人認識，但做得不好時就有反效果啦⋯…Read More

掙扎了一整天才決定購買的團購，因為就算是價錢價都唔係平⋯不過辛苦搵黎志在食，所以都把心一橫買黎試吓環境裝修都有歐陸風味，室內室外都設有座位，夏日炎炎當然揀室內啦室內雖然有冷氣但都有D熱，而且天花板滴水⋯:(食物雖然比想像中少，只有二十樣左右，不過每項都叫時就一定會飽到頂肺而且十分建議大家要有次序地食唔好好似我(奴)咁⋯一開始食「焗Brie芝士＋蒜子」就GAME OVER左⋯整體來說每樣都有驚喜，至少係出面未食過呢個味先「焗Brie芝士＋蒜子」一定要叫！蒜子係半整個焗，加上芝士食又香又純！「炭燒西班牙乾腸」真係好乾，雖然好味不過太入味所以好咸，夾沙津食就剛剛好～「芝士焗羊肉丸」汁是蕃茄香料中東汁，雖然羊肉丸本身都有味不過完全被汁的味道搶左，食一粒已經覺得飽⋯「欖油蒜片辣椒系列」看上去冇色水，好似白烚⋯不過食落去又有辣味，只係叫一碟就夠數「炸魚塊」有汁！！！唔會炸到乾爭爭⋯咬落去真係有魚汁流出黎！！！「白汁系列－燴青蠔＆精選意粉」值得一讚！白汁好香濃好奶好cream～食哂意粉都會拎匙羹飲汁！去到一定要食！服務生只係得一個，所以都唔太高要求要高服務叫咩有咩冇漏單，算唔錯啦…Read More

見朋友在FB洗板話香港有傳說中的水信玄餅之前見到日本新出時已經想試，依家唔洗坐飛機都有得食，當然要去！有朋友中午時去冇得叫，晚餐完抱住「去睇吓也無妨心態」去問，竟然有！可能只係晚市限定都唔出奇，因為之前中午經過見到佢有分子雪糕一心想試但又冇貨⋯:(坐左好耐⋯明明聽住佢飛左我地個NUMBER，聽到佢叫左十幾個NUMBER覺得唔對路一問，就話叫左幾次冇人應，已經飛左40幾個NUMBER⋯好彩佢話立即安排位，如果唔係真係會唔食即走未坐定定連價錢都未知就立即要一個傳說中的「水信玄餅」之後加多一個「午後陽光」之前都食過幾次(大眾朋友要求)，呢間店⋯賣點其實係賣相好，影左相放上FB等朋友酸吓味道是一般中的一般，甚至有朋友話個個甜品都冇味⋯只係某D配搭睇相的確好吸引，味道就見人見智啦～傳說中的「水信玄餅」，基本上見到每枱都會叫一個就係我地影緊相時，聽見隔離枱話：魚膠粉仲要冇味既！咁驚？！立即放低手機試吓係咪真係咁差！質感有點似布甸，不過再結實少少⋯一放入口是有股清涼的感覺⋯似是飲了一口凍水一樣本身是沒有味道（可能有不過我味覺遲鈍掛？）全靠紅豆／黃豆粉／醬先有味果然，傳說就讓它只成為「傳說」就夠了⋯只怪乳酪味太重，完全食唔到其他食材有味:(說好的蘭姆酒呢？除左第一口食到有淡到好似冇既酒味，之後點食都食唔到有酒味⋯有D失望⋯基本上晚市去都一定要排隊，純粹想食個甜品又唔想等太耐，大可以試吓其他舖～…Read More

(奴)上午潛完水，拖住疲倦身體係西貢覓食。西貢係美食之城，有不少臥虎藏龍的西餐廳，而且是由外國人打理。路過Le Bonbon de Paris，見到貼係門口的相片十分吸引，雖然係室外有D熱不過都決定就佢啦！！！一打開餐牌，唔係太多野食不過樣樣睇相都好吸引！！！見餐牌第一頁賣點係新鮮自製意粉最後叫了芝士汁雞肉蕃茄乾意粉餐＆法式芝士蛋火腿奄列＋多士餐跟餐飲品是鮮木瓜昔同薄荷雪碧直到依家⋯佢既意粉同木瓜昔仍令我回味！！！芝士汁雞肉蕃茄乾意粉餐超級好食！！！意粉十分有彈性有口感，每一條意粉都沾滿汁但唔會拈埋一堆汁香而濃，但絕對唔係白汁果種飽既濃⋯而係味道鮮濃的濃！芝士汁配蕃茄乾估唔到係咁夾！法式芝士蛋火腿奄列都好食，不過冇意粉令我咁回味中間係軟呼呼半生熟蛋，夾住半溶的芝士，用刀一切用叉一拮，提起時拉起一絲芝士，而且滴下蛋汁，好食！鮮木瓜昔初時以為係奶昔所以好擔心⋯但因為好少有木瓜飲品所以決定一試！黎到見到原來係木瓜沙冰～萬歲！一飲，不得了⋯成口都係木瓜香，如果話木瓜：奶：冰的比例係10:3:2, 我絕對會信！好似食緊新鮮木瓜蓉一樣薄荷雪碧好重薄荷味，重到你唔會相信自己飲緊雪碧，重到雪碧既甜味都唔失左，重到有D似飲緊牙膏⋯坐係度一邊食一邊睇狗（西貢好多人帶狗散步），一樂也～…Read More

(奴)上一次食已經係大半年前，之前印象不錯，呢個價位可以食到呢個質素算唔話得～但今次⋯有2款食物令我失望到谷底⋯⋯⋯由於係星期六又近父親節，超多人，因為WAKE－IN入所以坐門口位置，雖然時時有人行黎行去又冷氣滴水⋯不過勝在去拎BBQ夠方便(阿Q精神)折左都算抵食，食物比起另一間沙田酒店自助餐好得多，但⋯⋯⋯日本豬肉煲:(⋯最好食唔係主角豬肉而係蛋，菇係苦⋯我以為自己食緊中草藥期待的燒牛肉，由細食到大間間都好好食⋯但今次真係令我美夢破碎⋯第一次食到咁冇水準既燒牛肉！乾到一個點，又冇牛肉味，放入口完全唔知食緊咩⋯食左一塊已經冇動力去食第二塊(之前係至少食3塊)鵝肝，即叫即煎，本身食材好食所以點都唔會難食得去邊～不過覺得有D咸反而底下塊多士有驚喜！本身以前係放左好耐乾爭爭，不過一咬就知係另一回事！係新鮮既脆身而唔係放得耐既硬身，吸左鵝肝油十分甘香美味！！！關東煮，冇特別沙津款式不算太多，不過味道不錯食自助餐另一個重點就係食甜品！有自製窩夫，加個雪糕球不知幾好食！食哂咁多件CAKE，更好食都係朱古力蛋糕～所以即叫即整的都係戶外，見到廚師們大汗滴細汗煮都覺得佢地辛苦…Read More

(奴)今次已經係第二次專登過黎食，距離上一次食其實只相隔左10日左右因為佢個小龍包真係好食到一個點！！！街坊價錢，街坊環境(有張卡位有小強路過，不過都預左所以冇咩)，五星級水準食物！:)見到有人專登入黎就只係一人一籠小龍包必叫小龍包！！！佢皮薄但唔易穿，我在運送途中唔小心將佢由高空跌返去籠度⋯都冇穿！！！證明皮係幾咁韌你睇相⋯每個小龍包都有掌心大⋯是因為湯汁多到令包擴展，亦都證明皮係幾咁薄！如果係厚皮一定冇呢個效果！肉是散身，同湯混合一起，而不似其他地方皮肉湯各自分離，我係鍾意呢款多過肉丸啦～除左小龍包，佢既手拉麵都好食，口感係煙韌而唔係一PAT上次叫左羊肉搶湯拉麵，唔會太膻但有淡淡羊獨有的香味今次叫左酸辣麵，因為我真係好愛酸辣湯！麵質一樣好食，酸辣湯尚算足料，不過味道可以再重D就好～已經計劃緊下次幾時再去食～…Read More

(奴)因為有同事話好想試呢間新派韓國食店所以決定專登一齊去試～不過我想講一句：不論你食物幾好食，名氣有幾大，如果服務唔好都好快BYE-BYE，而且你仲係呢個價位⋯先由等位說起⋯一去到見到好多人都知冇20分鐘都唔洗止意入去。不過都怕要飛位(好似飛過3個就要重等)所以都乖乖企係門口等等～寂寞到夜深，因為職員只係默默地按數字而唔會叫出口，所以只可以死盯住個上面數字下面餐牌既電子板⋯眼見板上顯示數字的越來越接近，下一個就到我地時⋯個板完全冇顯示過我們個數字就跳左去下一個！！！之後直飛幾個數字！！！2個人2對眼咁都MISS左？！走去問職員，佢竟然話已經叫過幾次亦都有顯示過⋯如果你係心裡大叫我地係唔會聽到囉好冇！而且我動態視力都自問唔錯，我連條毛都見唔到⋯爭辯左一陣話安排下張，都等左10分鐘先坐得低。對事唔對人，環境的確唔錯，叫了3道比較出名的菜《卡邦尼滋廚師》、《燒牛肉卷》同《紳士先生》《卡邦尼滋廚師》好似好出名好多人食，黎到真係令我驚喜⋯好鬼大個碟不過十三條年糕都唔知有冇汁的確幾香濃年糕都煮得入味，而且呢款圓柱型年糕好難口感煮得好，佢都煮得唔錯～不過如果當正餐食真係會唔夠飽，明明見其他分店都冇咁少⋯《紳士先生》真。驚喜之作，如果有機會去到可以一試蛋皮同芝士卷住飯，中間夾住午餐肉，味道是走清淡派但有層次！《燒牛肉卷》等到連職員都走左過黎問左好幾次"食物到齊未"之作可能等得耐有期待，但一食就覺得好普通食唔出有牛肉味，整個味道都被塊薄可葉（定檸檬葉？我都已經唔記得左）搶哂有位同事食左2件就已經停左手⋯:(可能係尖咀食開抵食又好食既韓菜⋯所以覺得呢個價位應該可以食到更好既美食啦⋯⋯⋯…Read More

本來專登去到新蒲崗諗住食蟲⋯點知冇開！好彩新蒲崗係美食之城，由平到貴都有～路過Mikiki，見到一間充滿色彩的店舖，外面貼滿了十分吸引的Oki繽介紹，最為之吸引我們其實係舖前養了一大缸的海葡萄！！！雖然剛食完正餐90分鐘都冇⋯不過決定飽到項肺都要試！兩個人SHARE一個餐～一試⋯完全冇令我們失望！事先聲明，我們是沒有去過沖繩，所以唔知道當地味道係點，不過只可以話呢間野好恰我地口味而且價錢係寸金尺土既香港黎講一D都唔貴！餐牌就只有3頁，Oki繽連特飲都只係＄38！最後決定叫左個沖繩"一心"特製套餐，因為套餐基本上已經包哂店內所有食物。熱愛咖啡既奴當然加錢轉特飲黑糖牛奶咖啡！！！面上一層的CREAM好"傑"！感覺似雪糕，應該係黑糖打出黎既CREAM，好好食！人生第一次食海葡萄⋯可能睇得漫畫多所以期望太大⋯口感係特別好似食緊大大粒魚子，不過味道除了咸還是咸⋯反而中間的水雲酸酸地幾開胃～苦瓜煎餅中間有芝士！！！加十分！！！可能我們本身都會食苦瓜，所以唔太覺得苦，甘甘地加上美乃滋幾好食！:)重點紫薯年糕炸包！本來以為係中間一舊完整年糕⋯不過我們太天真了！佢係熱到連年糕都溶哂，一咬時年糕同紫薯完全混埋一齊！唔太甜有薯香亦有年糕的口感，真係不得了！！！手延麵⋯冇特別可以拉得起既豆腐～其實第一口感覺似食香口膠好重花生味！之後買左一包3款味但都係原味最好食！記得自加好多好多黑糖！辣油真係好辣不過好香，試少少都唔敢沾太多舖內旅遊雜誌，佢仲好窩心地係旁邊貼左張紙話俾人知香港分店地址⋯呃⋯咪即係呢度囉分成堂食區同外賣區唔知分別係邊⋯可能外賣區唔收加一不過只可以食Oki繽掛？收銀處旁有小食外賣櫃，俾完錢可以去睇跅吓有咩正野食可以買返屋企扮做沖繩手信～下次一定係再黎～到時一人一個餐…Read More

由於我（奴）係住住附近居民，所以外出食完晚飯都一定黎呢度食龍眼冰作為一日完美句號！佢既龍眼冰係好食到我少有地放工都會外賣返屋企嘆既LV！係其他地方食過類似甜品，根本就係凍椰奶加幾粒罐頭龍眼就算⋯失敗！呢度既龍眼冰堅過石堅之處就係佢真係冰黎！就算外賣拎到返屋企都係十分完整而唔會變成半水狀況！！！ （當時天氣是4月，回家路程15分鐘）賣相方面，我同朋友都稱為「白飯」～因為成碗白雪雪真係好似白飯⋯其貌不揚令佢作為甜品可能少了一份姿色，不過做人要講求內在味道！一入口，佢係啖啖龍眼＋椰王水的香！而且有一粒粒的龍眼肉粒，感覺是在食冰凍的新鮮龍眼！ 就算在晚飯飽肚的情況下食都唔會覺得滯！就算係冬天，都見到有好多人叫（我係其中之一）呢間野有另一個好處就係收好夜，突然凌晨12點心癮起都可以落去外賣碗食～服務方面⋯嘛多人時一定會又迫又嘈又趕人架啦，你去邊間唔係咁架？！想搵地方吹水去24小時M記啦，你吹到瞓埋係度都冇人趕你。…Read More