joba's Profile

前後去左幾次次次都好多人食唔到, 今日有時間特登早D去, 6:30去到個場已經半滿,即刻坐低正! 叫左椒鹽中蝦同臘味雞飯。椒鹽蝦上先。味道正常, 幾香口。等飯上時食蝦頂住肚先。要留意煲仔飯即叫即煮, 起碼要等半個中。建議叫個小食一邊食一邊等會冇咁悶。飯終於上啦! 未開蓋已經聞到香味, 倒埋是油, 滋滋聲響, 香味即刻出晒黎。臘味香雞件滑, 飯焦香脆唔會太硬,好味見到隔離台食鱔好似都好好食, 下次要食鱔!…Read More

Lunch time同同事去開幢大廈食晏，喜見Royal Feast 係中環開左，因為上年黎過，印象最深刻係煎西瓜，決定試試佢整既lunch。一開門見到宣傳單張，原來岩岩開張，做緊每款減廿蚊。裝修幾靚，牆身以白色為主，感覺寬敞，唔趕時間食晏既可以靜靜坐低休息一下。Menu 有8款，3 courses lunch set其實有4樣野，分別有沙律、湯、主菜、飲品 。Waiter推介食腐乳煙鴨胸意粉，我覺得okay可以試試。沙律菜份量都幾多，有西瓜，味道水準keep到，好味 黑松露野菌湯，份量不多，用杯上，好大陣菌味，真材實料 腐乳煙鴨胸意粉，睇落個汁係普通白汁，但食落口就會食到陣腐乳味，好有趣，想不到腐乳配白汁都幾好味，煙鴨胸都有少少腐乳同芝士，好味 P.S. 上年黎食晚飯 每道菜都有介紹 估唔到lunch繁忙時間都會走過黎簡單介紹services好好 下次再試下其他。…Read More

朋友介紹, 話食過幾好, 今日就黎試下雖然係平日, 但都等左成個鐘, 建議黎食既朋友book左會比較好入黎時見到d餸比較精緻, 我地又好多野想試, 最後2個人叫左9樣野 一品醉蚶: 螄蚶面鋪滿蒜蓉, 入口辣, 食落甜冰浸苦瓜: 點蜜糖食, 味道清新, 唔錯椒鹽炸豬: 好香口, 皮脆內軟九轉小腸: 口感爽, 豬腸夠入味 原味燜黃瓜魚: 味道鮮甜自製豆腐: 幾好, 同一般豆腐不同竹筒蝦: 一筒有兩隻蝦,蝦肉爽, 湯有濃濃藥材味, 飲落甘甜興化米粉: 比一般米粉幼滑, 點埋佢地既辣椒醬紫薯泥: 唔會太甜又香紫薯味下次再試其他餸P.S. Service好好…Read More

平日都唔多打食評 一黎食完冇乜特別 二黎就算好食就算 但呢間真係忍唔住要寫篇食評讚下  上星期有朋友生日  要請食飯 係table map見到呢間餐廳幾靚 又有8折 所以就book左呢間  餐廳係sogo附近 都唔算難搵 (其實一早做定功課 ) 餐廳內擺設簡約 設計都幾特別 牆身上係森林設計 有一種處身於大自然的感覺   環境都尚算舒服 燈光稍為微暗 檯上放左燭光 成場環境氣氛都幾浪漫 所以在場有8成都係情侶  坐低無耐 有位侍應向我地介紹今晚既餐單 (侍應幾靚仔)  我地簡左Royal Supreme menu  一共8道菜  入正題 煎西瓜拼煙燻蠔多士  靚仔侍應介紹菜式時特意詳細講解呢道頭盤既食法 心諗有咩食法咁巴閉   侍應建議先食西瓜 再食多士 梅花間竹咁食就會食出西瓜會變化出三種唔同既層次  講多無謂 食最實際！試試先！  西瓜就食得多 暖既西瓜真係第一次食 ！ 口感幾新奇 洋蔥令西瓜變得更爽更香口 未試過食西瓜食到有呢種感覺  黑醋令西瓜變得甜甜地 又爽又甜 果然有驚喜！多士外型都幾迷你 上面係煙燻蠔 同樣地係第一次多士配蠔食 感覺又幾滋味  香煎鵝肝沙律  鵝肝煎得外脆內軟 入口即溶 好味！值得稱讚既係入口時冇油淋淋個種feel  而沙律既醋汁令其膩的感覺消失 沙律都好好味 冇得彈！ 白松露醬帶子剌身  重心推介！  白松露味非常香濃 諗唔到用黎配帶子係會咁夾  超好味！一入口已經感覺到一大陣白松露香味在我口內徘徊  帶子鮮味十足 肉質嫩滑  天呀！ 我真係唔捨得食餘下既帶子！黑松露野菌湯  靚仔侍應講話係招牌菜之一 介紹時講用超過二十種茹菌煮 係真唔係呀   一開蓋已經聞到陣香味  一入口感覺更係超讚  味道濃郁 淡淡茹肉有咬口 一兩秒之後味道更慢慢係舌頭兩邊滲出來 唔知係咪加左奶 個湯好滑 好似有股力量推動我快d再試   味道神級 呢個湯非常出色 果然係招牌菜  法式魚子蒸蛋  花心思之作 賣相吸睛！  蛋質可以再嫩滑一點 可能蒸耐左小小 味道都可以 加左魚子醬令其味道變得更突出 都okay :)  不過嫌佢份量太少 意猶未盡！雪葩  雪葩係柚子味 超讚！味道方面柚子味好濃 不過就冇雪糕咁滑 聽侍應講係清下個味蕾 令口腔個温度降低為食主菜作好準備喎 餐單設計上都幾細心  香粉燒雞  賣相不錯 係一隻雞脾   燒雞脾外皮香脆 咬落脆扑扑 雞既肉質頗實但又幾嫩滑 切開時見到雞油流緊出黎 時間控制得岩岩好 正！水準之作！   配菜方面份量相對較少 如果多d蔬菜或薯蓉就更加完美  心太軟  呢個心太軟外皮脆 最意想不到係入面有酒心 令成個心太軟變得特別左  味道方面就唔太甜 建議朱古力味可再加強一點點 因為我超愛食朱古力！ 總括黎講 高水準既晚餐 由頭盤去到主菜都好出色  不過就略嫌主菜份量少了一點 建議可加多少少配菜   服務方面都算okay 侍應靚仔之餘都幾有禮貌    會再來！ …Read More

第一次去只有咁少菜色既日本餐廳個餐牌俾我地睇黎睇去都諗唔到食咩基本上只得拉麵同燒炸既野最後叫左個炸雞拉麵，燒三文魚骨，同芝士薯皮炸雞拉麵炸雞配沙律醬ok 拉麵一般燒三文魚骨 冇魚味 好油芝士薯皮好油 太多沙律醬總結: 除左拉麵其他野食都炸過，大部分都太油沙律醬雖然好味, 但每樣野都落/配沙律醬就太過啦另外餐廳播放既日本歌太嘈，感覺唔舒服…Read More

一早已經想試下，見到有團購就買左張本身鍾意食北京填鴨，所以一心係諗住試烤鴨煎餅但食落發覺同想像有出入一去到前面已經有兩個人，要排隊等等等既時候發現店內好熱，冷氣好弱，一路排隊一路出汗店內有兩張高台俾人堂食，但冇人清潔，台上埋滿垃圾，俾人感覺衛生情況唔理想即叫即整，剛到手時熱騰騰煎餅內有甜醬，烤鴨肉同青瓜第一啖覺得幾好，但食落發覺甜醬太多搶晒味另外材料放得唔均勻，好多時一啖只係食到其中一種材料仲有啲餸包得唔太實，食到一半開始跌出黎，好麻煩。想食北京填鴨建議去返餐廳食。…Read More

經過見到D生煎包好似幾好味就入左去食, 叫左生煎包: 一般, 係好足料, 但太多肉, 又唔JUICY, 要食生煎包有其他更好既選擇雞絲粉皮: 冇特別紅油抄手: 一夾D肉同皮就分開, 第一次食到D咁既抄手土匪雞亦飯: 雞亦幾好, 但用黎送飯好DRY整體OK, 但應該唔會再去 …Read More

又係團購時間! 團購左個二人餐,放左好耐,上個星期望下張卷,又就到期!即刻啦啦聲去食去之前幾日特登上openrice睇下comment. o...一睇就中招了,喊多過笑,不過都買左,頂硬上啦9點幾去啦.好多人啊呀唔通咁好食!? 睇真d..nonono...個個拎住張卷...原本都係d團購餐既朋友等左3-4個字就入得啦.即刻入正題炒雜菜: ok,唔難食.不過好少,唔係小菜而係配菜既分量: 薄餅: 話明係二人餐但得一塊咖哩雞and尤魚: 唔香唔辣又稀, 茶餐廳貨色飲品係汽水最後唔夠飽,要再叫個飯我得閒個陣睇下佢個餐牌,正價一個餐$50-60.團購價二人餐再加個飯都100. 同原價一樣冇分別.冇平到(好多團購餐既人都叫多個飯or薄餅,因為本身真係唔夠食)而且我留意到用正價食既咖哩多d料一句講晒:同價有好多好食過佢既咖哩舖. 應該唔會再去…Read More

本身唔諗住寫食評,不過依間真係唔錯,決定開個acc讚下佢之前買左團購卷,好抵,$50買$100現金卷一去到即刻叫左牛肉汁焗芝士薯條同雞翼牛肉汁焗芝士薯條: 好食不過細碟左d,芝士汁唔夠雞翼: 一般之後又叫左幾樣野豬仔骨: 好食!又香又嫩!牛油果雞: 幾好,幾fresh,可以一試周打蜆肉濃湯薄餅: ok,但我覺得其他pizza可能會更好食凱撒沙律: not bad總括而言係幾好既,環境舒服,口岩一幫fds傾計食反扣左團購卷補多$14x有機會會再去,even冇團購優惠…Read More