yan1215's Profile

呢間米線嘅下午茶都幾抵，會另外送兩隻雞翼同埋一杯豆漿。佢有一餸同兩餸米線揀，亦有大大碗嘅過橋米線 🍜好味指數：😋😋😋😋（5分為滿分）抵食指數：💰💰💰💰（5分為好抵食）🍜過橋套餐（大大碗）（HK$68）餐牌上見到呢個大大碗嘅過橋米線無話送嘢嘅，但係唔知點解都有雞翼同豆漿送。呢個大大碗同平時食嘅過橋米線一樣勁多餸，有牛肉、豬肉、腩肉、雞肉、豬膶、魚蛋、黑木耳、枝竹、火腿、豆卜、酸菜、炸醬。而麵底亦可以轉米粉、油麵、河粉，湯底可揀酸辣或者佢地秘製麻辣，辣度有勁、大、中、小、5小辣可以揀，而我揀咗小辣嘅酸辣湯底，如果平時食得辣嘅朋友，我覺得要叫中辣或以上。佢地送嘅雞翼有香草同麻辣兩款，我揀咗麻辣，食落都唔錯，雞翼出面有孜然粉，入面啲肉都食到有麻辣味。…Read More

Pizza box長期做緊「星期五六日，用$20買第二個大批」，我今次訂咗兩個批，同屋企人一齊食，分別揀咗《多寶》同《千島吞拿魚》，2個都係傳統手拍大批。 💵價錢：平均大約$100一個批好味指數：😋😋😋（5分為滿分）抵食指數：💰💰💰💰（5分為好抵食）Pizza材料上都唔算係少，應該視乎師傅心情喇😂平時食嘅pizza係會比較脆身，但係呢間嘅批底同批邊都係比較軟熟。如果weekend想平平地食pizza，Pizza box都係一個唔錯嘅選擇。…Read More

Ruby Tuesday嘅set lunch，款式都幾多，有飯有意粉有扒有漢堡選擇，價錢由HK$78-$168，有平有貴，每個set都送餐湯同大大杯汽水，仲有餐前包送。◆*．◆*．◆*．◆*．◆*．◆*．◆好味指數：😋😋😋（5分為滿分）抵食指數：💰💰💰（5分為好抵食）◆*．◆*．◆*．◆*．◆*．◆*．◆1️⃣南瓜雞肉意大利飯（HK$88）南瓜味都幾濃，而且個汁仲有巴馬臣芝士忌廉醬，食落好creamy好濕潤，南瓜同芝士味都食到，入面亦有好多雞肉粒，都幾足料👍🏻2️⃣蜜汁燒雞（HK$78）外脆內軟，雞皮脆卜卜，雞肉仲係好滑，味道有啲似芝麻雞翼，而呢個set係搭配薯菜。3️⃣意式茴香腸寬條麵（HK$78）食落好濃香草味，而且蕃茄醬汁都幾多下，腸仔嘅份量都適中，不過個麵量唔算多。4️⃣芝士條（HK$78）意外地叫錯咗呢個小食，原本係想食煙肉芝士薯條，普普通通，有少少拉絲，俾我揀會俾多少少錢，食煙肉芝士薯條多啲😂…Read More

行開紅磡，近近地揀咗呢個餐廳食晚飯，呢間餐廳表面望落去好似茶餐廳咁，不過其實係泰國菜。1️⃣無骨海南雞飯（HK$60）呢度嘅海南雞係無骨，都算幾滑，跟餐可揀油飯或者白飯，仲有中湯送，都叫正常價錢。◆*．◆*．◆*．◆*．◆*．◆*．◆好味指數：😋😋😋😋（5分為滿分）抵食指數：💰💰💰💰 （5分為好抵食）◆*．◆*．◆*．◆*．◆*．◆*．◆2️⃣冬蔭公香茅豬扒湯金邊粉（HK$52）因為我嗜辣嘅，所以揀咗冬蔭公湯粉，味道同平時冬蔭公一樣，不過就偏酸，而麵底除咗金邊粉，可以轉檬粉/米粉/米線/河粉，豬扒幾大塊，都夠林，幾重香茅味，個粉入面仲有好多菇，麵量都好多，正常食量嘅都夠飽。◆*．◆*．◆*．◆*．◆*．◆*．◆好味指數：😋😋😋（5分為滿分）抵食指數：💰💰💰 （5分為好抵食）◆*．◆*．◆*．◆*．◆*．◆*．◆不過呢2個唔屬於套餐，所以係無包餐飲，感覺唔太抵喇。…Read More

去咗moko行街，見有啲肚餓，就去咗食代館搵食，食過食代館都知，佢係高檔food court，入面啲嘢都唔算平😅呢間麻辣燙，display樣樣都好大個碗，而價錢都係60-80蚊左右，喺呢個food court嚟講算普通價錢，現場見都幾多人食呢間啲嘢，所以最後都決定揀呢間😁招牌麻辣燙（HK$68，包一碗麵或飯）同display一樣咁大碗，有大中小辣可以揀，我就揀咗小辣，試一試個辣度先🔥小辣食落唔太辣，有麻辣味，但唔太濃，不過唔食得辣嘅朋友可能會覺得有啲辣，而餸都幾多下，有丸有蝦有肉片仲有好多瓜菜，啲菜吸咗汁，辣辣地都幾好送飯。下次食應該會揀大辣試下如果覺得唔夠餸，係可以另外加餸或者加麵飯，價錢10蚊左右。 …Read More

今朝食咗個靚靚早餐😊份早餐勁大份🍳我揀嘅早餐係有鮮奶麥片，雙併三文治連餐飲鮮奶麥片都幾大碗，食完之後，都已經飽飽地，而味道上有啲似平時連鎖快餐店早餐嘅牛奶麥片，有淡淡嘅煉奶味，而且唔係太糊狀。雙併三文治都係平常茶餐廳可以揀嘅材料啦，我就揀咗蛋牛治，因為喺屋企好少整到，咸牛肉嘅份量都幾多，而呢度嘅蛋都做得唔錯，做到有蛋汁流出嚟，食嘅時候，搞到成手都係蛋汁😂呢個價錢平過去快餐店，而且啲嘢唔差👍🏻雖然嘢食係普通嘢，不過平民小店，值得再去😊…Read More

每年新年都會出招財福堡，分別分咗有薯餅同無薯餅嘅version，今年佢同角落生物crossover，好可愛，由於太鍾意食薯餅，所以都揀咗黃金脆薯雞堡同招財牛堡一打開個包，啲黑椒汁流哂出嚟，多汁到連塊薯餅都睇唔到😂唯有食到一半再影多次食落感覺似黑椒漢堡嘅汁，不過多咗塊薯餅👍🏻只要揀新年限定呢幾款包餐，就會送角落生物嘅利是封一套。新年期間限定，想食又要等出年嚕…Read More

早排媽咪生日，阿爸路過呢間餅舖，見到啲蛋糕望落唔錯，而且價錢相宜，起碼平過連鎖餅店，咁就揀咗個大大個一磅重嘅栗子蛋糕 🎂個蛋糕賣相唔錯，蛋糕入面都係滿滿嘅栗子，而上面嘅唧花睇嘅時候以為係忌廉，但實質無論係淺色或深色嘅唧花，全部都係結實嘅栗子蓉，成個蛋糕最滿意係呢啲栗子蓉好少蛋糕會連唧花都係咁濃嘅栗子 連我平時唔太鍾意食栗子蓉嘅，都覺得唔錯。本來諗住呢間餅舖麻麻地，唔係抱有咩大期望，但係估唔到食落都幾有驚喜…Read More

咁啱去開K11，見到呢間蛋糕店，櫥櫃啲蛋糕好吸引呀，個個都好精緻。揀咗好耐，最後揀咗2個蛋糕，分別係意式香草奶凍同埋日本白桃兩個口味，戚風蛋糕入口好濕潤，好軟熟，好有空氣感，忌廉亦有淡淡甜味。🍰意式香草奶凍蛋糕（HK$54）之前食過Panna Cotta，未試過蛋糕組合，食落奶凍都幾有奶味，配合蛋糕一齊食，兩者都幾夾，淡淡香草忌廉味。🍰日本白桃蛋糕（$60）至於日本白桃，佢有大約半個香桃喺面，食落味道就比較淡，唔係死甜，係有清甜嘅桃味而蛋糕係粉粉色架，切開嗰陣都幾靚。…Read More

呢間係我最愛茶飲店之一，初初以為佢係另外一間差唔多一樣名嘅茶飲店嘅分店，每次幫襯我都揀芭樂烏龍茶，有茶味得嚟又有清香芭樂味，而且唔會太甜，坊間宜家好少咁有茶味嘅茶飲連鎖店，就算走甜都唔會無咗茶味 🍵而呢間係即點即泡，製作員後面就係一筒筒嘅茶葉，整個製作過程都好似好專業咁😂有部機喺前面沖茶另外喺你等緊嘅時候，旁邊有個每日精選嘅試飲，如果飲過好飲，佢亦有茶葉俾你買返屋企👍🏻佢宜家都開到港九新界都有分店，想試嘅朋友，唔好去錯另外一間差唔多名嘅茶飲店…Read More

是日清明節，屋企要做節🙇🏻‍♀️🙇🏻提早2日喺稻香酒樓買咗package，乳豬，貴妃雞連馬拉糕，仲另外送咗一斤米同較剪。乳豬好大隻，有成隻手臂咁長，啲皮都好脆，肉都幾多下，而貴妃雞比想像中大隻，啲肉都好滑，係平時喺酒樓食嘅質素，買嘅時候，好驚好似以前一蚊雞嘅size😂勁滿足嘅一餐☺️…Read More

將軍漢堡事隔咁耐又返嚟喇。呢隻可算係期待已久嘅其中一個包，佢不嬲都係期間限定包款，好耐之前有一期佢係日常包款，之後又變返限定包款。今次佢返嚟，出咗隻新款，玉子雙層將軍漢堡。我就緊係試新嘢啦。同以前一樣，一打開個包，醬汁勁澎湃，食嘅時候要好小心，如果唔係，真係會搞到一身都係。如圖所見，玉子雙層將軍漢堡係有兩塊豬柳加蛋，再加上日式照燒汁，而玉子系列，會再配上檸檬蛋黃醬，由於有兩塊豬柳，口感上好似啖啖都係肉，而唔食牛嘅朋友今次都可以食到呢個包，食哂成個包都幾飽下，不過新嘢就緊係試下啦。希望將軍成日返嚟就好啦…Read More

行過唐記見到有個新包，玫瑰野莓朱古力流心包，成個包係pink pink，好少女心呀❤️所以我都乖乖擺低錢，買咗返屋企試下，返到屋企後，見個包凍咗，我再蒸熱咗個包，中間嘅朱古力好流心，唔係太甜，不過因為加咗玫瑰同野莓，朱古力夾雜酸味同埋花味，感覺怪怪地，如果鍾意玫瑰味嘅朋友，應該會鍾意呢個包，我就麻麻地😅下次應該食其他包…Read More

約咗德國朋友去咗尖沙咀行街街，原來佢未試過疏乎厘班戟，咁就帶佢去Gram度試下喇香港分店同日本當地一樣限時限量推出，推出時間分三段（11:00/ 15:00/ 18:00），每個時段推出20份，每日推出一共60份。今次好好彩，時間啱啱好，叫到Premium pancake🥞1️⃣Premium pancake 🥞 (HK$138）之前喺日本食過，第一次喺香港度食，Pancake終於上枱，望落去外面好多窿窿，唔係太靚，，而食落去都唔係太軟熟，無疏乎厘班戟應有嘅入口即溶感覺而whipped cream有好香濃嘅奶味，另外仲附有個糖漿杯仔，我覺得幾似係蜜糖，有少少清甜，混合埋cream，個pancake好味好多，不過要我揀，除非班戟癮發作，應該會等去日本先再食喇😅2️⃣芒果汁（HK$28）因為太口渴，所以隨便揀咗一杯飲品，飲落都唔差嘅，唔係好假嘅芒果味，感覺似維他嗰隻芒果汁，現場見到有啲人order沙冰，下次有機會要試下沙冰先得😊 …Read More

屋企人去咗麵包舖買咗我嘅摯愛～熱辣辣曲奇皮蛋撻😃呢度啲蛋撻$20有8隻，如果遇啱新鮮出爐，啲餡軟心，勁正呢間麵包舖雖然門面比較破舊，係舊式餅鋪，但係勝在抵👍🏻一個包幾蚊就有交易，我平時都會幫襯佢啲包，種類都幾多，除咗有蛋撻，仲有椰撻等等。當連鎖餅店賣緊10幾蚊一個空氣包，不如俾幾蚊支持一下小店。…Read More