LA FAMILLE

咁啱去開K11，見到呢間蛋糕店，
櫥櫃啲蛋糕好吸引呀，個個都好精緻。

揀咗好耐，最後揀咗2個蛋糕，
分別係意式香草奶凍同埋日本白桃兩個口味，
戚風蛋糕入口好濕潤，好軟熟，
好有空氣感，忌廉亦有淡淡甜味。

🍰意式香草奶凍蛋糕（HK$54）
之前食過Panna Cotta，未試過蛋糕組合，
食落奶凍都幾有奶味，配合蛋糕一齊食，
兩者都幾夾，淡淡香草忌廉味。

意式香草奶凍蛋糕

$54

🍰日本白桃蛋糕（$60）
至於日本白桃，佢有大約半個香桃喺面，
食落味道就比較淡，唔係死甜，係有清甜嘅桃味
而蛋糕係粉粉色架，切開嗰陣都幾靚。