MonkeyChan's Profile

長途跋涉，經過一條樹蔭路徑才到達。要不是朋友架車， 路程真是太崎嶇了。我們吃了：紅豆冰-大大粒紅豆， 不太甜okMocha 涼粉冰，還可以豬扒包-包很鬆化，豬扒不太油，肉質偏硬，但味道好，可惜不夠熱煎雞尾包很正，但賣相不討好，因為煎包時壓得扁扁的，熱辣辣，鬆化香！乳鴿冇特別！香辣肉碎炒飯，不油，乾身，夠辣，料不多。不過不失！…Read More

小型拉麵店，也有烏冬及日式串燒提供。款式選擇可算是多。點了較具特色的魚湯拉麵，附粟米、半熟蛋、叉燒、日式魚蛋、大紫菜...還有豬軟骨拉麵，附半熟蛋、3大件豬軟骨、大紫菜...豬軟骨拉麵湯底及豬軟骨都太鹹，吃罷很口渴，而魚湯就較為對味！麵及配的份量都很滿意，不會太細，最開心就是不用另點半熟蛋，讚!! 魚湯拉麵的叉燒是中國式五花腩，好大層脂肪阿 而店主選用曲麵，我個人較愛一風堂及秀拉麵用的幼身麵，軟D吸湯D, 也較少鹼水味。此外，也試了燒日本迷你番薯, 每串$22，只有3粒, 緊記趁熱吃, 待涼就欠了脆皮口感, 我認為可以燒得有焦香一點。最後一提，店內空調不夠，而光顧當晚只有數臺顧客，空氣理應較流通，我見店員都齊齊抹汗呀!!:(…Read More

餐廳雖然坐落於寶勒巷，但有酒家的裝修，很骨子，乾淨舒適。光顧的客人都很斯文。店員很親切，服務尚算殷勤。所有經典的潮洲菜式都在菜牌找到，首次光顧，我選擇的都是著名的潮洲菜，試試師傅的實力。石榴雞- 精緻，但茨汁好似多了滷水鵝肉-很嫩，滷水味不太鹹，脂肪不太多，可以連皮食! 亦愛他是微暖的蠔餅- 蛋跟薯粉的比例很好，做很不乾身，蠔仔肥美，沒有腥味, 讚!! 不像廟街那些劣質「炸」蠔餅，像天婦羅式, 放進口中會「吉」咀的，大家請認清潮洲的蠔餅，並不是這樣的。甜品有各類羔燒，反沙芋，傳統甜湯很多選擇。會推薦給潮洲同鄉"ga gee 冷"呀!…Read More

一次商務午宴，我有幸品嘗米芝蓮一星 - 國金軒的出品。幾款冷盤前菜都十分讚：黑松露菌凍帶子、話梅肘子、陳醋木耳等等，五味紛陳，富層次，令人開胃點心十分精緻：樹葉形的和牛包、蘆薈餃(有爽口的蟲草花)、響鈴腸粉...我見點心款式尚多而新穎...還有這裡的叉燒超讚，又林又軟；又甜又香。我推薦午市飲茶時段到此品嘗出色點心，亦為化算。由於跟上級和客戶共膳，我不能盡情在場拍照，恕未能提交豐富相片。。。…Read More

酒樓的格局、食物款式、氣氛、服務等等都很有懷舊風格。我們二人光顧，跟4家不同的食客同枱用膳，在旁有很多婆婆公公在吃盅頭蒸飯，亦有一大班鄉民一邊用膳一邊高談闊論，好不熱鬧。到大榮華飲茶，無非想回味懷舊氣氛，食物的味道及質素只屬其次，果然點心的味道並不突出。想推介的有燒腩卷，整體感覺並不肥膩，醬汁份量恰好，芋頭是"粉"的。其他如鳯爪排骨盅頭蒸飯、雞扎、燒賣、馬拉糕都是很一般的水準。叫我何其失望的是馬拉糕，並不是深啡色那款馬拉糕，要品嘗，還是要到翠亨邨、蓮香樓等老牌酒樓。雖然如此，我仍會默默支持保存古早風味的食肆。。。讓我享受點點集體回憶。…Read More

一向鍾情於老字號食店，經常光顧懷舊茶餐廳、舊式西餐館及茶樓。而翠亨鄒就是我和家人至愛之一。雖然翠亨邨去年翻新後，煥然一新的設計已再無懷舊感覺，但卻令人坐得更舒適，還有大玻璃窗面向九龍公園景，hea住歎茶一流。食物方面，裝修後多左好多新菜式及點心。但也有保留一些招牌菜，味道依舊正！蜜汁叉燒: 皇牌之選，肥瘦適中，夠蜜汁，不會過甜，肉汁香又有焦香。最討我喜歡是翠亨邨仍舊伴上小蠔油豆，實在別處少見，令人回味。豉油皇炒麵: 由細到大都鍾意豉油味，翠亨邨既豉油皇炒麵豉油味突出，麵條糼，炒得乾身，不油膩。越是簡單的菜色，越是難以做得出眾，這道豉油皇炒麵郤令人嚼得出豉油香、生麵麵粉香、葱及芝麻香等等豐富既味道，最是難得。馬拉糕: 小時候上茶樓必吃。這裏做的正是古法，深棕色那一種。甜味清香，質感柔軟。窩貼牛奶拼均安魚餅: 窩貼牛奶甜甜脆脆的，而魚餅就夠香口煙韌，鯪魚肉剁得仔細，無幼骨。腊腸卷: 要趁熱吃，風味一流。家中長輩均一致好評!!! …Read More

一直好想好想試的高級法國餐廳 The French WIndow, 推出左半自助形式既Sunday Brunch (每位 $590 only), 我立刻行動。Brunch 由中午12時至4時, 可以慢慢呆望悠閒維港景兼飲兼食, 歎足4小時, 好hea。自助食品種類都很豐富, 尤其是頭盤, 有好幾款凍肉批, 廚師介紹有鴨肝醬、有雞肝配無花果jelly, 絶對是法式口味。還有5、6款cold cut, 最愛是Bayonne ham, 由廚師即切, 配上各式各樣脆焗既麵包吃, 正!。此外, 細細杯既開胃特飲非常有趣, 有鹹有甜, 果然飲完好提神。另有牛肉他他, 三文魚counter, roast beef, roast lamb chop counter, 配有五花百門的醬料, 可見法國菜特別注重醬汁。主菜5選1, 記得有魚柳、牛扒、芝士薯茸烤雞等, 份量足。我選的牛扒烹調得有水準, 富肉香。French Cheese Cart 有成十款cheese, 各有特式, 芝士fans一定愛死。Dessert Cart 有8-10款小甜點, 其中有一款baba rum 是即製的, 用rum酒及cream煮成的, 又熱又香, 我再三encore朋友就好享受free flow moet champagne, 其他飲品都係任飲既, 包括有red wine, white wine, french beer, fresh juice. 除了食物優質之外, 環境perfect, ifc 樓底好高, 一大塊落地玻璃向住維港, 享受柔和既陽光, 認真輕鬆。…Read More

聽聞其招牌Pancake已多時,滿載期望去點了一件朱古力pancake, 看似細細件, 但食下食下好滯, 太creamy, 傳統芒果味應該會好些皮很薄, 用心製作, 但需改良朱古力cream, 店舖現時有promotion, 點一件pancake 另加$10可多一件建議下次去要同朋友share一件…Read More

最近天氣一直寒冷，愛上了吃辣。上星期跟家人到雲陽閣吃一頓辣宴，本來打算吃四川麻辣小菜，如夫妻肺片、乾煎雞、水煮魚、擔擔麵等等，去到見到有人吃該店新推出的麻辣火鍋，之前無既，見有d得意的火鍋料，又勁麻辣香，於是改吃火鍋。點左特色料：陳皮牛丸、田雞脾、鍋巴、掛麵、抄手、鐘水餃、黑毛肚(好似牛栢葉既)等，全部同麻辣湯好夾! 個湯底好正宗，越食越香辣! 嗜辣既全部都讚:)，該店用左幾款辣椒做麻辣湯，好夠風味! 一臭一試就知比其他火鍋店正宗! 海鮮選擇不是大多，但勝在夠鮮，夠大件，原來肉蟹，可以同麻辣好夾，蝦亦夠爽彈，廚房已經片好去腸，似蝦球伊麵果d，我最鍾意，因為可以免剝殼!!! 啖啖肉!!! $88@碟，抵啦!我下次會試試個田雞鍋底，好似好有風味咁!解辣推介 – 紫背天葵，我只在大澳飲過，竟然在中餐廳有得飲，酸甜正! 不過可以減甜! 會更Perfect!…Read More

我係麵Fans, 無麵不歡。最近食過雲陽閣既担担麵同青菜煨麵，都好有水準。佢地話麵條係自己打既，先評担担麵。麵條質感有韌度，有嚼勁，幼身既，唔會漿住個咀。而味道略帶麻辣，辣度不會太強，不嗜辣者亦可接受。青菜煨麵既上湯味道香濃，就算無肉都唔覺得寡，麵又唔會過林，Yummy。海蜇頭同水煮魚都一流，但愛辣既我略嫌不夠辣。仲點左個小麥小饅頭，好香軟，伴濃味既辣餸一齊食至正。還有餐廳職員都好好招呼，對Menu很熟悉，介紹詳細。…Read More

一向好鍾意食東南亞菜，睇雜誌介紹呢間越泰菜餐廳有任點任食，一於試下。種類很多，味道非常好。好多想食既菜式都有，可以一次過狂食, hahaha最鍾意d酸酸辣辣既沙律, 芭提雅海鮮沙侓,香辣牛肉沙律都是推介小食都enchor 左2轉, 軟殼蟹米紙卷, 牛油香茅雞翼, 香茅魚餅、泰式炭燒豬頸肉一定必試。泰式海南雞d肉好滑新鮮。泰式咖喱炒蟹同燒羊扒都好有水準。但冬蔭公湯就太濃味太辣。仲有泰式砂鍋紅燒翅同椰汁燕窩燉奶送, 超值! 燉奶好滑好正!…Read More

很喜歡龍門客棧的冷盤，很有風味。鎮江排骨細細件，不太肥，酸甜味剛好，很開胃。還吃了侍應推介的燻蛋，果然好正，好濃煙燻香味，配上鹹鹹地既魚子，味道好夾。仲有我最鍾意既糖心蛋黃，俾幾十蚊食隻出奇好味既蛋，其實都極之值得。 仲點左沙鍋雲吞雞，乾燒大明蝦，雪菜炒年糕，鍋貼等等常見既上海菜式，款款都有水準，夠地道。沙鍋雲吞雞好足料。可惜鍋貼煎得不夠脆，但好在餡料夠多啦! 餐廳環境清靜，裝修富古典味，同爸爸媽媽去最啱! …Read More

搬左舖位之後, 面積細左好多, 坐得好迫, 不太舒適。此外, d食物水準下降。以往我最愛露比啲burger, 可惜今次發覺件漢堡扒出水, 滲到件飽又林又濕, 一pat 野, 又無牛肉香味, 好失敗。Ribs - 太林, 啲肉完全離骨, 都不用刀切, 似阿媽煲湯嚿豬骨。好驚~~…Read More

早前去麗豪酒店的意大利餐廳同朋友慶祝生日, 叫左個set, 配搭夠意大利特色, 有頭盤, 湯, 主菜, 甜品, 飲品, 份量足夠頭盤: 火腿沙律湯: 意大利蕃茄湯, 味道偏鹹。配芝麻麵包, 估佢唔到咁好味, 夠熱, 外層烘到好脆, 可以請Waiter添加任食既,再加上d特製牛油(混入香草既), 正!主菜: 安格斯肉眼扒黑松露菌汁, 吃得出牛扒本身都係好優質的牛肉, 好有牛味! 牛魔王必食!!! 哈哈!!! d黑松露菌汁好香! 可惜牛扒煎得太熟, 哂咗!焗龍脷柳莧菜卷: 賣相好靚, 想吃得清清地既好選擇, 啖啖魚肉同菜好夾, 雖然吃不出係莧菜, 用左南瓜汁伴, 甜甜地好清新甜品: 意大利雲呢拿雪糕, 好滑, 有朱古力醬伴既不過個餐無cake選擇, 結果要再去下場同朋友切cake慶祝生日坐位舒服, 燈光暗暗的, 鍾意佢有戶外茶座, 就算冬天唔會座出去但都增加relaxing feel ma!! waiter 服務都好周到, 價錢合理, 可以推介。 …Read More