estherlam084的個人專頁

今年生日我揀咗食泰國🇹🇭菜🎉食過MILU THAI幾次，開咗咁多年質素都保持到～火山排骨（甜酸口味）每枱都會叫嘅火山排骨，可以揀辣/唔辣，我哋揀咗甜酸口味，排骨好淋，甜酸醬汁好開胃，可以戴手套撕開食泰式鳳爪沙律（辣）食泰菜必食鳳爪沙律，呢隻啲鳳爪去晒骨，好爽脆，啱晒懶人（我）😆大頭蝦冬蔭公湯冬蔭公湯底好正宗，加咗香料一齊煲，夠足料，唔係一般即食湯包貨色，連啲菇都好入味，叫細煲都分到幾碗泰式明爐烏頭魚叫咗唔辣等小綿羊都食得，佢好鍾意食魚，一路用火慶住慢慢食，熱辣辣唔怕凍咗會腥，仲有啲肉碎椰菜，可以撈飯食椰菜苗揀咗蒜蓉炒，小綿羊都一齊食，炒得好夠鑊氣荔枝梳打，夠氣夠解渴龍眼冰，飲落好清甜，啱晒小朋友🫶🏻…查看更多

最近天氣真係好熱，真係要去嘆吓甜品涼返吓。今次同小綿羊嚟「嘆甜品」一齊嘆吓😍😍首先係影相勁IGable嘅「開心果奶蓋窩夫」窩夫🧇上淋上開心果奶蓋，上面仲有開心果碎，開心果迷必試❤️之後係媽媽我最愛嘅「椰皇榴槤飄香（凍）」🥥原個上嘅椰皇鮮奶蛋白，配馬來西亞D24榴槤肉，椰果同椰汁。榴槤味真係好香～「芒芋之戀」🥭個個都愛香甜嘅芒果，配料仲有煙韌芋圓、西米，好解暑食完甜品又想食咸野😆（你哋一定都係咁諗）食返個「港式懷舊咖喱三寶」，有豬皮魚蛋墨魚丸，個咖喱汁微辣，真係好香～「芒果乳酸」飲番杯酸酸甜甜嘅芒果乳酸，夠晒解渴！…查看更多

牛大人全新推出：炎夏椰樂祭 ，有一系列嘅新食/飲品！鍾意食和牛嘅我揀咗：120分鐘日本A4+黑毛和牛火鍋放題，每碟和牛嘅雪花都好靚！每位仲送澳洲M9和牛牛丸2粒+海鮮拼盤+任食鮑魚。最推介椒鹽鮑魚，好惹味！醬料都有新款：椰汁美奶滋同微辣嘅香椰火餡醬。媽咪鍾意食豬肉，佢就揀咗一碟伊比利黑毛豬梅肉，一樣咁滑咁好味！新湯底揀咗木瓜椰皇嫩雞鍋，木瓜清甜+椰皇奶香。材料：熟木瓜、椰皇水、嫩雞肉、椰子肉、紅棗、枸杞、桂圓、竹笙。湯底味道清甜！木瓜有養顏作用，呢個湯底美肌輕補，啱晒女仔～配合主題仲有任食movenpick嘅椰子雪糕！我食咗兩杯！仲有泰國公仔麵可以揀。新推出3款雞尾酒特調：粉桃椰香、冰檸伴椰、藍調微風。我呢杯係粉桃椰香，甜香嘅新鮮蜜桃，加入椰子酒，再加上雪碧，好易入口。全新小食：酒糟嫩牛舌配highball食最夾！呢個主題真係好啱夏天！玩埋新遊戲「知識就是折扣」如果答中5題下次惠顧吃到飽套餐全單八五折（需登記成為 StoreIet會員）！！而家仲有優惠：DSE畢業季- 學生狂歡時段每位學生憑全日制學生證，於星期日至四21:00後入座可享有優惠：▪ 「美國特級安格斯」套餐：即減$30▪ 「澳洲極上和牛」套餐：即減$60▪「日本黑毛和牛」套餐：即減$903) HIGHBALL推出3款雞尾酒特調：粉桃椰香、冰檸伴椰、藍調微風。・ 晚市「日本黑毛和牛A4+」套餐可免費任飲・ 晚市「澳洲極上和牛」套餐加購酒類任飲價：$68・ 單點：$58/ 杯 (午市/ 晚市）…查看更多

韓國豬手小姐終於開到嚟尖沙咀韓國街！我次次去韓國都會食，所以香港都要試吓！當日喺full booking情況下，照排隊去食😂排咗半個鐘度（要企定定排，無飛攞，好熱，呢樣嘢希望可以改善吓）我覺得都好食，味道有8成似。豬手可以再入味d & 個蒜可以多返啲梨蓉甜返啲就好好！韓國嘅蒜蓉撈埋隻色係偏黃，而香港就白啲，唔知係咪要就返香港人嘅口味唔整到咁甜？如果香港都有埋辣湯麵就100分！！但係喺香港食到已經好開心喇😆…查看更多

好耐冇嚟銅鑼灣行街，媽媽話想食上海菜，選擇利舞臺嘅樂天皇朝，貪佢位置方便，座位仲好舒適闊落❤️我哋食咗呢啲嘢：特式皇朝小籠包：有八款味道，順序食： - 原色~招牌原味、綠色~糟溜絲瓜、淺啡色~鵝肝、黑色～黑松露、黃色~芝士、橙色~蟹粉、灰色~蒜香、紅色~川味。隻隻皮薄、多汁，記得趁熱食啊！香辣水煮魚：份量大！魚片嫩滑，配料豐富，有大豆芽、豆皮、木耳、細粉，細粉索晒個湯底，好濃郁。可選辣度！我哋揀咗少辣，辣味剛剛好。芝麻醬油麥菜：呢個菜係生食，油麥菜用青瓜皮包住再蘸芝麻醬食。食落好爽脆，解膩。蘿蔔絲酥餅：即整熱辣辣，好鬆脆，咬落去索索聲，蘿蔔絲切得夠幼細。竹炭流沙包：滿滿嘅流心奶黃餡，一咬就流心，記得要用匙羹食！最後食返個甜品，宮廷驢打滾：煙煙韌韌，紅豆餡甜度適中…查看更多

牛大人生日快樂🎂原來牛大人已經5歲啦，我都做咗5年會員🫢最近做緊開業5週年慶典🎉新出日本黑毛和牛A4+餐，可以任食A4+日本黑毛和牛！！🎉和牛油脂分布好靚，入口即溶❤️仲有鮮甜鮑魚都係任食😍 （有古法醉鮑魚、炭燒鹽蔥鮑魚、柚子燒汁鮑魚），個人最鍾意古法醉鮑魚，又淋又入味。平時吃到飽嘅配料一樣有得叫～每位仲贈送爆汁Ｍ９和牛牛丸同新鮮海鮮拼盤，包括：生蠔、蟶子、扇貝同鮑魚最令我意想不到，係有3721嘅乳清蛋白荔枝玉露飲，味道清香。食飽飽，再食兩杯雪糕大滿足！今次又食到飽飽咁返屋企…查看更多

米線店開到成巷成市，鍾意食米線嘅我，每星期都會食一次米線架不過，食一般嘅米線舖，一成不變嘅湯底，已經滿足唔到我啦。直到發現呢間小店係尖沙咀返工嘅朋友推介我架，佢哋用手機落單，可以自選湯底嘅酸度、辣度！我成日都嫌出面啲米線唔夠酸架，呢度可以加酸真係啱晒我想再辣啲，可以加餸加辣肉碎，食唔到太辣，我食bb辣岩岩好👍🏻最鍾意：BB酸辣加酸餸就必食豬頸肉，唔肥，好好味👍🏻奶茶都好出名，推介飲熱嘅，最近天氣熱先轉飲凍…查看更多

同同事嚟慶祝生日，我哋係午餐時間嚟嘅，發現佢哋有午市套餐好抵，最終係揀咗午市套餐。一個套餐入邊包肉一碟、九宮格配料拼盤、飲品、糖水，真係好豐富！我哋總共有五位同事，最後叫咗四個套餐，都飽到食唔晒😂😂😂呢度嘅服務真係好好，侍應好有禮貌。至於重頭戲就梗係唱生日歌同跳舞表演啦，幾個職員又跳又唱，氣氛又真係好好㗎！仲要生日嗰位主角原來有禮物送返㗎（入邊係一包湯底同零食）嚟慶祝生日，真係一個好好嘅選擇。…查看更多

搬咗嚟屯門都要一段時間，終於都搵到一間咖啡又好飲，食物又高質嘅咖啡店！試過堂食亦試過外賣，估唔到外賣都咁高質味道同堂食冇分別，已經成為我每個星期必食嘅咖啡店啦！我最鍾意食雞肉意粉同埋北歐式三文治（我加錢要咗隻水波蛋，烹調時間係啱啱好，好滿意）雞肉意粉上邊嘅辣粉，可以減低返忌廉嗰種飽滯嘅感覺。三文治我推介呢個半熟煎帶子拼三文魚子配牛油果醬，食材好新鮮價錢方面，雖然係貴少少，但食物質素真係好好👍🏻…查看更多

BB開始大啦，最近想比啲麵包佢食吓，自己整邊有咁多時間？但出面麵包舖啲麵包好多都有添加劑或高糖，真係唔敢買比BB食！見到呢間主打健康麵包，就買個無蛋無奶嘅原味bagel比BB試吓啦！試咗一啖，真係唔太甜同食落幾軟熟，過咗媽媽我呢關先👍🏻👍🏻到BB食，見到佢都食唔停口，做媽媽見到就最開心，BB大晒結果隔兩日又再嚟買過 😂不過兩次嚟都同佢哋最出名嘅27層拿破崙焦糖千層撻無緣，原來有幾個時間出爐嘅！希望下次買到啦！…查看更多

最近好興即釣即燒，今次去屯門區幾出名嘅燒蝦蝦先～近輕鐵站，地點方便唔難搵！呢度全自助任食，食幾多拎幾多，無其他收費，食物同飲品種類都好多，熱飲又有，凍飲又有，有啤酒，連熱茶都有，夠養生！種類真係多到唔知點揀😂肉類又係雞豬牛羊都有，蔬菜類你講得出嘅都有。主角嘅蝦好新鮮，係大頭蝦嚟嘅，好大力咁跳下跳下，哈哈。蝦肉彈牙，啖啖肉，仲有好多膏添！食飽飽再食返兩條雪條！今日真係又食又玩，勁滿足！！！！！！！…查看更多

啖啖燕窩7週年啦7️⃣🎉🎊除咗出名嘅花膠/燕窩系列，今次試吓啲新嘢先！爆膏大閘蟹紫蘇葉、醋、薑茶、食蟹工具齊晒～蒸15分鐘左右就食得啦❤️好多膏，蟹肉都好鮮甜。特濃胡椒豬肚三黃雞燉花膠湯 700ML 滿滿嘅骨膠原，足料😍驅寒暖胃、營養豐富，秋冬補身推介麻辣極品鴨舌 麻辣系列都好出色，麻辣味香濃，今次有匈牙利頂級鴨舌 ，入口嫩滑淋身肥美。椰香奶凍雪燕 底層係滑滑奶凍，上面係椰香雪燕，三重口感手機落單送上門好方便❤️❤️…查看更多

禁晚市堂食前嘅火鍋～首先飲品叫左手工嘢先洛神花茶竹蔗茅根自家製，唔會太甜湯底：抗疫先鋒，見到呢個名即刻要叫，呢幾款湯底可以補氣、補腎，益精健脾；散寒、滋補、養顏；提升抵抗力分別係：胡椒豬肚花膠黃金雞湯杏汁白肺木瓜雪耳湯蕃茄洋蔥紅蘿街豬𦟌湯四川麻辣湯每次都叫嘅頂級安格斯牛小排（小)入口即融三色鮮制生麵分別係好濃嘅菠菜/甘筍/墨汁，夠彈牙蜂巢豆腐好吸湯黑松露蝦蟹餃（4粒）夠矜貴洋蔥豬肉蝦蛋餃（4粒）蛋味香濃手打墨魚丸（4粒）手打蝦丸（4粒）手打，彈牙多汁蔬菜拼盤好新鮮，樣樣有d，唔會悶什菌拼盤吸湯神器秘制脆炸鮮魚皮好特別嘅新加坡胡椒蝦味，辣辣地好惹味！即炸手工雙層芝士漢堡味響鈴將雙層芝士漢堡融入響鈴，好創新，醬汁可以解膩日本頂級黑毛豬豚腩肉油脂分布平均…查看更多

經過商場見到呢間餐廳排晒長龍，原來係九份飽，之前喺分店食過經濟又好食，真係屯門牛嘅福音！懷舊魯肉飯(小）$32每次食台灣野必食魯肉飯，魯肉超級淋同入味，配埋個汁可以輕鬆食晒成碗飯！紅燒牛腩油麵$49雖然價錢好抵，但無欺場，有幾舊大大嘅牛腩，好香牛味，又彈牙，仲有豐富嘅配菜，麵條係我鐘意嘅煙韌質地，湯底都有濃濃牛味海苔肉鬆起司蛋餅$37蛋餅又係必食，完全100%同我喺台灣食一樣，肉鬆多到滿瀉，蛋味好夠，好掛住台灣呀！大腸拼小腸$35台灣獨有小食，即係將一條大糯米腸破開兩邊，再夾住一條細台灣香腸。糯米煙韌，台灣香腸甜甜地，好夾芋頭奶茶$25（熱）甜度：3分甜度揀3分岩岩好～有茶香同芋頭香黑糖芋頭牛奶$32(冷）甜度：3分牛奶加左黑糖，甜味更加香，入面仲有芋頭肉…查看更多

Green Monday 嚟食素～2dp生酮全日早餐牛油果、沙律菜、番茄仔、士多啤梨藍莓、炒蛋、大啡菇、奇亞籽、天貝。天貝係發酵黃豆製成嘅健康食品，豐富蛋白質同纖維！其他蔬菜會隨季節而更改，所用嘅都係當造蔬菜～新鮮又好味50/50 番茄自家制水牛芝士pizza50%傳統Margarito薄餅+50% 自家制水牛芝士，純素芝士以腰果同白味噌製成，一樣咁芝味滿滿～仲有車厘茄、番茄醬、羅勒，材料簡單，但番茄好甜好好味～薄餅都夠脆…查看更多