選擇利舞臺嘅樂天皇朝，貪佢位置方便，座位仲好舒適闊落❤️
我哋食咗呢啲嘢：
特式皇朝小籠包：
有八款味道，順序食： - 原色~招牌原味、綠色~糟溜絲瓜、淺啡色~鵝肝、黑色～黑松露、黃色~芝士、橙色~蟹粉、灰色~蒜香、紅色~川味。
隻隻皮薄、多汁，記得趁熱食啊！
香辣水煮魚：
份量大！魚片嫩滑，配料豐富，有大豆芽、豆皮、木耳、細粉，細粉索晒個湯底，好濃郁。
可選辣度！我哋揀咗少辣，辣味剛剛好。
芝麻醬油麥菜：
呢個菜係生食，油麥菜用青瓜皮包住再蘸芝麻醬食。食落好爽脆，解膩。
蘿蔔絲酥餅：即整熱辣辣，好鬆脆，咬落去索索聲，蘿蔔絲切得夠幼細。
竹炭流沙包：滿滿嘅流心奶黃餡，一咬就流心，記得要用匙羹食！
最後食返個甜品，
宮廷驢打滾：
煙煙韌韌，紅豆餡甜度適中
