Phil.Chan's Profile

今日嚟到中環威靈頓街15至25號蔡瀾越南粉食下午茶， 叫咗碗自訂越南牛肉粉入面有生牛肉同牛腩。 當然仲有少食啦包括有 越南炸春卷，黃金蝦扒，同埋蝦醬炒通心菜。湯好清，夠味，但係唔知點解食完之後我要飲三杯清水。。。好頸渴。 好似食咗重味精食品一樣的反應。 牛肉算中等牛腩也是爽口的。越式炸春捲沒有特別，不值一提。黃金蝦扒 唔可以話唔好食但係亦都是一般貨色，沒有太大的驚喜我只可以話如果要食快餐，這裏也可以填飽肚的地方。但是如果以蔡瀾名義開鋪頭，我就真係有點失望了。。。…Read More

今日我行到銅鑼灣一間開了不久的日本烏冬店食午餐, 環境裝修簡單比較舒服，但是不要被他的外貌騙到，因為這是一間我本人不會再來食的餐廳。 據了解這間餐廳有三間分店。為何我會這樣激進地評？我對食物是有要求的，尤其是產品說明條例必須要精準。 點知這間餐廳就是犯了商品說明條例 誤導客人。在餐牌的右下角有一項說明，如果我點了以上午餐就可以加28蚊換購龍蝦沙律Lobster Salad. 我見到有龍蝦沙律這是我最愛的，我就點了。 誰估到當食物放在我的前面，卻是一堆垃圾，一點龍蝦肉也沒有。 他們用的是在正常情況下，自然環境中，食垃圾 食屍體大的 小龍蝦Crayfish， 小龍蝦和龍蝦根本是兩種不同的生物， 就算學科和英文名也不一樣。當我問這間餐廳的職員時，她竟然同我講 當然有龍蝦肉啦仲要是日本進口全部撈埋曬 切到好細粒。 我聽了之後真是無名火上升。 請不要當我是傻瓜吧。。。 當然要找經理或負責人 談一談但是所有人都說沒有經理，無負責人在。我也不知怎辦只好做了一個決定，就是同大家分享我的經歷， 相信大家都是精明的。。。至於這道菜的食評: 雖然他們用了兩種的生菜也是新鮮的，但是這道菜的主角 無味只得一般冰蝦的口感。我也點了一碗極上牛肉湯烏冬，我以為應該會好好味， 因為講到明是極上並且要一百蚊以上。 出乎意料之外比一碗五十元的 越南生牛肉河粉還差! 極上牛肉湯的湯底沒有牛肉味，食完非常口渴。 牛肉也是一般貨色。至於飲品原本是小杯免費，點知原來凍飲要收錢，並且如要飲凍飲就要自動加大需要十蚊。 我點的是凍冰糖雪梨蜜，又強調說是自家製，點知飲落去 除咗大半杯是冰，還有好甜嘅糖水味之外一點潤喉嘅感覺都沒有。我很久沒有這樣說過，但是這一間餐廳真是最不知所謂的一間了。。。 我好心痛，因為這是香港飲食界的污點。。。食物 3/10環境 6/10服務 4/10價錢 100+…Read More

又開始我嘅美食之旅啦，今日去咗銅鑼灣謝斐道440號的焱丸水產食晚飯。 招牌燒蟹蓋真係好好食。 香噴噴嘅蟹膏，入口濃滑，味道鮮甜，口感一流。但係好明顯膽固醇一定好高， 除了有蟹膏之外亦都有鵪鶉蛋。 但真係好好味，好想叫多份。薯仔沙律就有一點失色因為薯仔好硬完全唔係薯蓉。左口魚和海螺嘅刺身好新鮮。 清甜可口。我叫了清酒煮蜆， 這個一般，因為個清酒底真係清到淡而無味，個蜆煮得太熟。但係有個侍應介紹我食燒蜆， 果然真係好好味! 又鮮甜並且肉質又肥美。真係一流嘅享受。 一定要食。水葡萄好新鮮，當菜食好好味。炸雞雖然味道欠缺一啲咸味但係雞肉也非常之Juicy。我要讚一讚這裏的服務，雖然有新人做侍應，有時不知所措，但是舊人非常有禮貌又健談。感覺非常好。原來最好去嘅時間係星期日至四晚上，今天是星期五幸好我攞到一個位，但係在餐廳外排的龍實在太長啦。總結我一定會再來這間餐廳， 自己嚟食飲下啤酒食下燒烤或者同朋友來也是一個好地方。 佢哋開到凌晨兩點鐘，可以飲酒食燒烤，真係好地方。…Read More

今日嚟試嘅餐廳就係喺中環蘭桂坊德己立街30-32號加州大廈23樓的Townhouse.入到呢個氣氛就已經好好，仲有人做dj播放輕快的音樂好舒服。食品又唔錯，有驚喜。 淨係啲飲品亦都令到我好滿足， 不單止有新鮮感，味道又好好，例如Hibiscus Dance 洛神花紫蘇葉冰茶， 非常清新，非常好飲。因為佢哋嘅前菜菜式好多，同埋樣樣都係細碟細碟上，所以我就以前菜為今天的主角介紹畀大家。第一碟係雞翼配青檸檬香茅秘製森巴醬。 雞翼只是普通的炸雞翼但係配咗佢嘅森巴醬有驚喜。 青檸味嘅森巴醬令到油炸嘅雞翼不再油膩。蒜香香芹焗蜆值得一試， 蜆肉肥美加上濃香嘅蒜香，真係好野味。灸烤蘑菇配韓式泡菜芝士。 烤蘑菇我就常常試啦，但係韓式泡菜芝士醬又真係幾新鮮。 微辣嘅泡菜味加濃香嘅芝士味原來係非常之夾嘅。 有驚喜。灸烤可樂牛肉串，雖然物品同相片有好大分別，但係肉質鮮嫩有口感，醬汁微甜好好味。灸烤新鮮生蠔配備秘製辣油，坦白講就一般，並且太鹹，可以不食因為鹹味已將新鮮嘅鮮味完全籠蓋。 太浪費了!佢哋呢到另外一個招牌菜就係秘製燒烤醬煙燻鴨肉青蔥薄餅， 塊薄餅真係好薄好脆但係鴨胸不足， 醬汁都唔足夠，食落去有點乾身。 以為係好好食嘅招牌菜，但係有點失望。相反佢哋嘅甜品就非常有驚喜。 法式香蕉焦糖燉蛋是一道一定要食嘅甜品。 不單止佢上枱時有火焰的一幕，佢更有一杯少㗎啡畀你淋上去個焦糖燉蛋一齊食，味道香滑濃郁又唔會太甜，好味的甜品。除此之外更有一個椰皇雪芭， 這個雪葩清新可口完全可以將一頓完美嘅晚餐劃上句號。我覺得呢間餐廳可以再嚟，食晚餐一流，價錢都合理，尤其是係喺蘭桂坊呢啲貴嘅地方內開餐廳。…Read More

這是一間位於銅鑼灣蘭芳道23號的一間泰國餐廳叫曼谷食堂。 呢間餐廳我覺得食快餐是非常好，因為上菜尤其是湯粉類速度快，價錢唔貴，是食午餐或快餐一流的選擇。我食的是無骨海南雞金邊湯粉， 湯清而金邊粉有口。 海南雞也算嫩滑，我最鍾意嘅就係佢嗰嚿白蘿蔔好入味好好味。至於黃咖哩牛筋腩飯， 牛腩鬆軟黃咖哩入味，但是咖哩汁就比較少。 送飯唔係好夠。青咖哩豆腐素菜飯，比正常的青咖哩辣左少少，但係蔬菜及豆腐都好新鮮。我叫咗杯泰式青檸茶， 坦白講我真的唔覺得有咩特別， 只是紅茶加青檸， 難道紅茶及青檸是從泰國運過嚟所以叫做泰式青檸紅茶嗎？我只會來這間餐廳食午餐或快餐。…Read More

喺灣仔禮頓道嘅麥奀雲吞麵世家， 啱啱裝修完，除咗裝修比較清新之外食物亦都唔錯， 保持到水準。我食嘅雲吞麵麵質爽，雲吞鮮蝦脆口，湯底好鮮。 但係分量真係好奀。叫咗碟蠔皇花菇，花菇是厚身的，煮得入味好食。再用生菜墊底是一碟幾好的菜，只是隻碟太大，4件花菇有點奀。唔怪得這店叫做麥奀，樣樣嘢真係好奀。 好彩嘅係佢哋嘅品質唔錯。佢嘅飲品唔貴，豆漿同五花茶都係五蚊一杯，值得飲。 我鍾意嘅係佢哋兩樣都唔係好甜。這間餐廳食快餐係好好嘅，我會再來。…Read More

呢間係一間隱世嘅法國餐廳，點解？你上到來你就知，至少門口冇公司名。 但係一踏入這道大門口你就會發覺佢係一間非常有心嘅法國餐廳。 呢間餐廳喺銅鑼灣怡和街叫做Le Marron。首先我哋叫咗一打法國生蠔Fine de Claire and Normandy。 海水味濃而肉質鮮滑好有質感。我哋真正嘅頭盤就係無花果煎鵝肝。 鵝肝皮脆內嫩加埋佢哋嘅黑醋汁沙律， 好味。其後就係佢哋嘅法式洋蔥湯， 本人就覺得有小許過甜。但係見到佢哋用料十足， 依碗洋蔥湯又真係好用心去做。食完兩味餸之後， 就係佢哋嘅雪葩。 味道好淡而個樣好似一個乒乓波，但係擺落口裏面真係可以將所有食物味道溶化， 準備下一道菜。羊架是今晚嘅重頭戲。肉質鮮嫩多汁， 加上喺羊架上嘅鬆脆麵包糠， 口感好複雜， 又滑又有口 。好好味!我的甜品是芒果拿破崙。 皮脆芒果甜。 當擺入口嘅感覺，真係好百感交集，好有深度。呢間餐廳我一定會再嚟。價格中下但係品質中上，超值嘅餐廳。。。…Read More

我帶咗個朋友去一間我都比較鍾意嘅日本餐廳洗塵，呢間係喺銅鑼灣 軒尼詩道525號 嘅磯野水產。我鍾意嘅係呢度啲水產非常新鮮， 我叫咗個二人套餐再加隻活生生嘅龍蝦和一些小食。一開始佢哋將成盤水產連埋隻龍蝦拿上嚟畀我哋睇。 賣相好靚，最搞笑嘅就係當我地影影下相時，隻食龍蝦突然間飛奔向前， 跳咗出嚟令到我哋嚇咗一嚇，也抱腹大笑。。。赤蝦刺身非常鮮甜，彈口。 個蝦頭攞咗去炸，非常脆口。蝦膏超多好甘香。鮑魚好鮮甜，不用汁也好好味。佢有兩種食法，一種係磯煮， 不太鹹並帶點甜味。第二種係濱燒， 口感有點乾但係鮮甜度並不減弱。味噌蟹甲羅燒， 即係燒蟹蓋。超好味! 佢哋將蟹膏用火燒熟， 並且以青瓜配襯一齊食。又香又甜又惹味，食完一份真係好想再食第二份!活帆立貝濱燒，加埋啲牛油醬汁，又彈牙又可口。 牛油和帆立貝真係絕配!最值得一提就係個活龍蝦刺身同埋甲羅燒龍蝦頭。 刺身鮮甜唔使講。最有賣點就係佢哋嘅甲羅燒龍蝦頭。 醬汁，龍蝦膏再加少少龍蝦肉一齊真係絕配! 好好味啊!最後佢哋嘅番薯雪糕非常香甜，令我諗番起以前喺北海道食嘅日本燴番薯。呢間餐廳真係非常值得再來。雖然價錢有點貴，但係物有所值，我會再來。…Read More

今日特登嚟到大坑試下這間隱蔽嘅法國餐廳Warren, 佢嘅門口唔係好易搵到，因為佢嘅入口喺巷仔裏面。 來到之後發覺佢嘅門口坐得好舒服所以就坐門口食午餐。佢嘅香煎法式班戟鴨胸配橙汁蛋黃醬， 雖然鴨胸under season， 但係當自己加返少少鹽落去呢度菜好清新好好味。尤其是鴨胸好嫩滑， 個薄餅好新鮮。至於香煎慢煮牛柳，佢哋嘅蘑菇肉醬汁非常濃烈，加上有一片黑松露配搭得好好，好香。 因為係用慢煮嘅方法去煮，所以牛柳非常嫩滑。龍蝦海膽意大利麵有少少驚喜。 除咗外觀非常之靚之外，佢用龍蝦汁和海膽打嘅泡沫醬， 好清新好味。龍蝦係啱啱熟所以好彈口。 再加埋魚子撈埋一齊食，呢個是一個新穎脫俗，回味嘅配搭。而個甜品就有少少失望，焦糖芝士蛋糕的芝士非常厚，食完有點滯並且口乾。加上佢嘅焦糖皮好厚，配搭就一般。總體來講，這一間係一間好用心去經營嘅小餐廳。佢用嘅料非常新鮮，我一定會再嚟支持。…Read More

機場快線裏面嘅正斗雲吞麵店，雲吞麵真係好正斗。 麵身幼細有口感， 雲吞用料新鮮， 蝦肉彈牙。 個湯清甜。至於個薑汁炒芥蘭不會太老，而且薑味非常濃烈，正! 坦白講食芥蘭必須要爽口而脆身，唔係要過熟， 又淋又冇味。 呢度整得真係薑味同菜味啱啱好。蜆蚧鯪魚球的蜆蚧肉又大又肥美。 鯪魚球又彈牙同好味。 我見到啲蜆介就諗起以前細個時見過的蜆肉又腥 又臭，但係依度啲蜆蚧好鮮甜好好味。個鮮蝦腸粉皮薄餡靚， 可惜的是豉油喺調製時可能過了火，帶一點苦味。大致上嚟講這一間真係可以重覆再嚟。…Read More

一早去到怡東酒店的Expresso, 幾經辛苦終於買到幾個葡撻食。這裏每日只提供60至100隻澳門安德魯餅店的葡撻。 這種葡撻係由1989年澳門開始盛行的。聽就聽得多，食就今日第一次， 但係今次的體驗亦都非常之好。首先這裏的葡撻比正常葡撻細，加上佢嘅酥皮的表皮比較硬。 但係當我咬落去的第一下， 香脆的表面酥皮同埋超級濃味和滑溜的蛋在口裏融合一起，感覺非常滿足。呢杯凍朱古力又係好好飲， 不是太甜，剛剛好又好濃郁。這是一個非常之好嘅早餐。…Read More

今日同朋友行到中環 突然間想食燒鵝所以入到中環最出名嘅鏞記食燒鵝瀨粉。咁多年以來，鏞記嘅品質服務都係非常之好。當燒鵝上枱的時候， 侍應將熱熱的醬汁倒到碟上燒鵝的側邊，其非常濃郁的香味實在喚醒了我為食的思維。 皮脆肉嫩仲多汁嘅燒鵝實在係好吸引。我唔知道原來依度仲有點心食， 可能每次我都係嚟食晚餐，點小菜。山竹牛肉加燒賣，品質都唔錯。迷你蛋撻雖然凍咗，但係佢的蛋香仍然非常濃郁芬香。這處真係我其中一個最愛嘅餐廳，所以好快我會再嚟。…Read More

今日去到數碼港食晚餐， 呢到一間喺Meridan酒店入面嘅 南坊中餐廳。 裝修都可以，有品味。但係食物就持續一般。除咗我上次講過飲水當茶位計最低消費20元外， 呢度啲鮮榨果汁真係好有酒店價格，每杯60。上次畀咗劣評，點解我仲返嚟？因為畀佢多一個機會。今晚食物之中茉莉花安格斯牛柳條，其實都可以選做好食。 我指嘅係肉質真係好味，但係佢下面有好多唔同類型嘅蘑菇味道有點怪，加上完全冇茉莉花的花香味都唔知點解要放入去。豉油皇煎班球，點菜嗰陣時已經問過係咪有骨， 侍應話冇骨，但係基於結果認證係有骨嘅! 比較上好食嘅係有蟹肉扒豆苗，但係蟹肉裏面有殼。 一不小心就直落喉嚨。。。我哋都叫咗一點紅燒豆腐，正正常常冇乜特別。 但都算中上。至於嗰個粟茸焗西米布甸，我只可以講一句我唔會再食。 布甸冇味，粟茸不香。坦白講畀咗兩次機會，食品品質都係中下，我真係唔提意大家過嚟食。 難怪呢度有好多張枱都係冇人坐。…Read More