鐘意食車仔麵10幾廿年,經常專登搭車出去就係為左一碗車仔麵,今次經朋友介紹食呢間,完全因為我比面朋友+自己住附近,之前上網睇,見到唔少負評講份量少及對客無禮貌,但我今日堂食,坐左大半個鐘,1男(相信係老闆,同店內明星相合照果位)+2位女姐姐都好有禮貌喎,就萛佢地員工之間溝通都前後唔該,想幫下小店平反。
講番碗麵,叫左油麵、牛筋腩、豬紅(4粒)、魚肉條(4條)、韮菜餃(2粒)+小辣汁/凍奶茶。牛筋腩好淋入味,豬紅都好正,男老闆話魚肉條純用魚肉做,無溝粉,唔知係咪咁,所以得4條(係咪叫貴精不貴多)我平時一般食3餸麵,今日第一次試新店,揀左4餸,老實講,雖然比起我平時食其他舖,呢間份量唔萛勁大碗果隻,但其實覺得唔夠飽咪叫多1-2個餸,食品質素好味都好重要既,衣家租金、薪金、食材樣樣都貴,希望老闆睇到呢段評語都可以考慮下加多少許份量吸客啦,附近咁多工廠寫字樓,希望小店繼續用心經營,d野食真係好味,因為沙田/火炭區真係好耐無一間車仔麵檔,要好食既更加無,我會繼續幫襯你啊
…查看更多
以上食評乃用戶個人意見 , 並不代表OpenRice之觀點。
讚好
推介美食
牛筋腩、豬紅、魚肉條、辣汁
用餐日期
2025-04-14
等候時間
10 分鐘 (Dine In)
人均消費
$59 (Tea)

