Iceshadow's Profile

近年觀塘區開左好多位於工廠大廈的樓上食店、私房菜。今次同屋企人試左「囍菜」，幫爸爸慶祝生日。因為唔係特別節日，所以早一個禮拜訂枱都有位；當日所見，入坐率大概7、8成。因為係私房菜既關係，菜式要一早寫定。訂枱之後，店員就whatsapp左個餐牌俾我地揀餸，最後叫左⋯－ 醉豬手，$64/8件－ 麻辣鴨舌，$68－ 杏汁炖白肺，$198－ 椒鹽雙拼，$98－ 鍋貼小棠菜，$138－ 蝦籽竹笙豆苗卷，$148－ 蒜蓉蒸開邊蝦，$158－ 金牌牛助骨，$188－ 炸乳鴿x1，$58－ 豉油皇乳鴿x1，$58－ 蒜香蟹油炒麵，$68－ 艇皇浸時蔬，$68－ 壽桃x8，$8/個－ 杏仁茶x4，$18/碗－ 川貝炖雪梨x2，$38/碗－ 杏汁炖木瓜x2，$38/個唔計甜品都嗌左10餸1湯果然係為食家族。本身仲諗住每款乳鴿各2，店員建議各1就夠食。最後都食得哂，因為我地真係好大食醉豬手係招牌菜，整得好腍好入味呀！而且酒香撲鼻！必食推介。麻辣鴨舌同蒜蓉開邊蝦都唔錯；蒸蝦夠味又夠鮮，份量都好足，雖然蝦係細細隻既，但係都食得好滿足。同媽媽出街食中菜，湯一定要揀款多功夫、平時佢少整既，唔係實會哦足成晚。白肺湯真係功夫菜，要將個鮮紅色既豬肺啤水啤到變成全白色，實在係好多功夫。除左豬肺，湯渣仲有菜乾、雞腳、南北杏，好足料、成個湯都好香；我地人多，分得一碗有D唔夠喉⋯鍋貼小棠菜就整得麻麻地，冇嘜味咁，又唔夠脆身。牛助骨太乾、肉有D韌甜品都有少少失望。我食杏仁茶，食得出係粉開既(因為入口有少少未溶哂既粉、一舊舊咁)，而且太甜。炖木瓜同雪梨就好似幾好壽桃個碟可以要求寫字，中菜比較少見，幾有心思食物不錯、價錢都係相當合理(我地8個人嗌左咁多餸都係$1900，真係幾抵)；不過環境真係唔係講舖頭入面既環境；店面好乾淨、佈置亦都算有心思。但係地下電梯大堂真係好差呀！！唔係要求一個好靚、好別緻，始終都係工廠大廈。但係依個大堂真係太噁心喇⋯環境昏暗、一個角落頭有裝修廢料、一個角落頭有幾袋垃圾、有一陣垃圾房既臭味。經過個大堂，已經冇哂胃口⋯強烈建議大家唔好行去電梯大堂果邊，由觀塘道入口行入去、直接上樓梯啦！…Read More

兩個假期中間既工作日，基本上係全日holiday mood，所謂既開工等收工。今晚冇節目，收工就搵埋個同事係公司附近(西營盤)食個飯啦~一心諗住係石塘咀食西餐、或者日本菜，點知行行下都係食左韓國野之前經過舊舖已經想試，今次終於有得食OPPA 喇！舖面燈光太黑喇，加上食客唔多(以前舊舖好似要排隊)，遠望差D以為冇開門。餐牌選擇都算多，有唔同味既炸雞、小食、飯麵、湯等等。我地得兩個女仔，其實一份炸雞已經太多，但係都貪心嗌多左份芝士蛋落左單就可以食住前菜先，有椰菜沙律同醃蘿蔔；沙律唔錯，蘿蔔就有少少澀，可能醃得唔夠耐檸檬梳打係藍色架！好靚！奇異果冰就太甜太假，應該係糖漿落得太重手唔鍾意食芝士既同事竟然要食芝士蛋卷，好彩(!?)佢芝士味唔太濃。但係個蛋就好香好滑，食到停唔到口燈燈燈櫈!主角炸雞終於出場喇!(咁我個oppa呢...)炸雞有家鄉雞(即係原味)、蔥雞、蜜糖雞、同辛辣雞。蔥雞好似最惹味，就揀你啦。其實佢仲可以50/50，但係一家要揀原味+另外一款，但係我地唔想食原味⋯果然係好大盤同好多蔥呀。對蔥怪嚟講，咁多蔥真係好正！份量好足，有12大件，兩個人食唔哂要打包。雞炸得好脆，但又好嫩好juicy。其實辛辣雞都好吸引，要再嚟試下。lunch set既menu都好吸引，大概$50~$80，搵日嚟試下先。…Read More

近年流行韓風，韓國餐廳、燒烤店、cafe開到成行成市，好多都相當有質素，雖然未必正宗，但都各有可取之處。今次好友由外地回港，指明要食韓國菜，考慮地點、又參考左食評之後，揀左依間; 可惜，偏偏揀錯左。評左枱，所以好快就可以入坐。餐牌選擇不算多，好快就揀好左4樣菜。- 芝士蛋漿八爪魚丸有得食有得玩既一道菜，亦係成餐飯唯一一道ok既菜。八爪魚丸係自己燒既，材料有八爪魚丸炒飯（點解唔係齋八爪魚既...)、芝士粒、牛奶蛋漿，當然仲有燒小丸子既爐同模。講真，味道其實都係一般般，勝在自己落手燒、幾好玩咁- 紫菜飯卷點解可以咁難食！明明就係韓國菜最基本既野，都整到咁... d 飯好硬，直情係有d生米；d餡冇味㗎。份量唔係好多，但係都食唔哂- 三色煎餅食完都唔知食左d咩。太多粉、太少餡；除左䓤果款有d味，另外兩款都似一舊淨粉。又係食唔哂...- 辣味mix原味炸雞炸雞都算係招牌菜，但係都做得唔好。舊雞好似冇餣過咁，食落好淡、仲有少少雪味；用雪藏雞其實預左，但係可唔可以餣下佢呢？韓式炸雞係咁既咩？又厚粉... 辣味有d醬係面，都仲好d;原味真係orz:(金巴利街咁多間韓國餐廳，點解偏偏會揀左依間....…Read More

2012 年的最後一天，還是要乖乖的上班去、仲不停俾D客追殺…除夕夜很多公司都早放，包括男友(竟然放半天)、但不包括我…:( 捱到六點，即刻9秒9速逃，趁電話未響、老闆未call 急急腳走，難得男友接放工嘛時間尚早，先到附近逛逛，就跳上叮叮往電氣道覓食。大時大節，無謂同人迫兼大灑金錢，兩個人找個小店，一起吃這年的最後晚餐:) 為2012作個温馨的完結。本來男朋友還在想要吃那一家，我立即提意「大熱」 想試很久了~~到達時差不多八點，店內客人卻不多，三四桌吧；可能除夕夜大家都跑去吃大餐。也好，原本寬敞的店坐得更舒服自在。看了看餐牌(其實之前已參考了openrice的食評)，立刻選定了黑高湯配葛粉，男友就要白高湯米線，也不多想要什麼點心了，要個九大簋套餐，兩個麵外配上十個點心、及兩杯飲品($19X) 就成了我們的除夕大餐很快點心和湯麵都陸續送上，一下子堆滿了桌面。先嘗一口我的黑高湯據說是用足料牛骨熬成。雖然味道比想像中淡一點，但清清的跟點心才配。男友的魚湯米線也不錯，只是米線吃太多了，這個不算特別，還是我的葛粉好雖然套餐叫「九」大簋，實際上卻有足足十樣點心，兩個人吃其實也有點over…下次還是散點湯麵+兩三個點心的餐好了點心是挺有心思的，跟平日在酒樓吃的不太一樣。最喜歡梅汁蝦丸了，酸甜的梅汁加上彈牙的蝦丸及脆脆的外皮，好味!!豬頸肉跟牛腩也不錯，一個惹味香口、一個軟腍入味。炸腐皮角就不太討好，既乾也油膩，我也不喜歡吃鯪魚肉…九大簋對兩個人來說真的多了點，吃完是捧著肚子離開的。這個「大熱」在寒冷的除夕著實不錯，價錢也合理；下次再試她的大高湯吧﹗…Read More

在尖沙咀逛了一整天，穿越人山人海的海港城、廣東道真的太累人了…早一點吃晚餐，好讓雙腿也休息一下。沿著金馬倫道往尖東方向直走，也沒有什麼特別想吃的；經過石板燒的門外，年輕的侍應遞上一份傳單。有烏冬、鐵板燒、碗飯等等，價錢合理的、都是$70~80左右；進裡面看，裝修也有點心思，沙發也坐得挺舒服。雖然時間還有點早，約七點，但也想不到店內只有三兩桌客，所以侍應都頗悠閒…坐下才發現原來門外派的傳單就是餐牌了，以這個店面規模，實在令我有點驚訝。還好，我們只有兩個人，所以少點選擇也不要緊，也少花點神去挑。我點了一個辣湯底的蜜汁豬脾烏冬，友人點了一份XX扒 (點什麼已經忘記了，也不是重點)，加錢配湯及飲品。湯很快就好了；是蕃茄菜湯，酸酸甜甜的挺開胃。喝了湯，我的烏冬就端來，當時心想「這餐廳效率不錯喔」。烏冬以石鍋盛著，熱騰黱的、還沸著，微辣的味道很開胃，也跟烏冬很配；麵就普通一點，跟超市賣的急凍貨差不多。蜜汁豬脾是分開上的，分量不少，滿滿的一小碟；沒有太多的肥膏，肉嫩皮也滑，配上蜜汁十分討好。因為友人的扒還未到，所以就分著吃，一半的分量也夠我配麵了。湯跟烏冬都很不錯，我倆對那扒餐就更期待；不過等了又等，落了單已大半個小時:(，眼見我的烏冬都吃得七七八八，扒餐還未到…喚來侍應，剛巧是經理「幫你地跟跟」；奇怪是她沒有走到廚房或落單電腦前查看，卻是在一旁和侍應不知談什麼。又過了十五分鐘，烏冬終於吃完了，侍應開始清走桌上的碗碟；我再請她查看一下那個XX扒好了沒有。見她有點錯愕的在電腦上查單，已心感不妙…果然五分鐘(對，我們又等了五分鐘)後，經理過來說XX扒還要再等二十分鐘。這也太離譜吧﹗分明是漏單了，但第一次追單時竟然沒有跟進？﹗當時店內除了我們，就只有三桌客，都是在用餐/吃完的；侍應加上經理倒是有至少四、五個人，廚房也不見得有多忙(半間店的客量，應該應付有餘吧？﹗)，為什麼一個菜要追兩次還要等再等二十分鐘？已經等了四十五分鐘有多的我們已經沒耐性再等，唯有取消XX扒就結帳離開。經理收了錢，我們走到門口了。她竟然還問我們要不要那杯跟餐但未點的飲品…這店的食物(有到的)味道是不錯的，價錢也合理得很；但服務質責實在太太太太太強差人意了…侍應以至經理空閒得可以嬉笑，但卻沒有跟進客人的要求。雖然，這個價錢不能要求什麼優質服務，但也不至這樣吧？﹗在店裡逗留差不多一個小時，待應不是在聊天就是討論誰往門外派傳單；鄰桌的兩名外國女仕點了一瓶酒，侍應拿著開瓶器在客人的桌邊”舞”了好一會兒還是不成功，竟然大聲的”呼喚”在店面對角的同事來幫忙…這種態度真的不敢恭維…:(…Read More

返左大陸幾日，日日都OT到半夜。終於星期五，收工抖一抖，約男朋友食下飯先。Mega Box近近地，人又唔多，唔駛等位心情都好d。時近helloween，餐廳入面掛滿大大小小既蜘蛛、南瓜。唔少客人都一家大細提早慶祝XD食豐富既一餐，當獎勵自己。嗌左...- 泰式沙律上個月去完泰國，好掛住泰國既美食。依個沙律酸酸甜甜好開胃，有一粒粒既脆米口感好好。加左少少胡椒更加醒胃。上次嗌既地中海沙律就唔係咁啱口味..- 黑椒醃牛肉pizza連續兩次黎都係叫依款pizza,牛傜鹹香惹味，熱辣辣又唔太膩。忍唔到口食左半個>< 諗起都流口水- 蒜香雞肉+大蝦意粉相比之下，意粉就比較普通。可能食pizza飽左，只係食左幾咬意粉。大蝦爽口彈牙，蒜香就唔係太夠萬聖節限定，我點左一杯魔鬼賓治。驚嚇不足，不過味道唔錯。青檸既酸味好清新。男朋友既cocktail 都唔錯忙碌既工作之後，能夠同你食一餐relax 既晚餐，滿足了:)…Read More

在域多利監獄的detour藝術展逛了大半天，下午食的幾件點心早就消化得一乾二淨，趕急覓食去。懶得去想要食什麼，於是到這條食街碰碰運氣，但這天運氣似乎不太好…:( 經過糊仔，門口貼滿了食物的照片，賣相不錯；價錢也合理，一碗米線$26左右，就別走來走去了。阿糊主要賣米線及大碗飯兩種主食，另外亦有口水雞等川味小食。米線約有十款選擇，不是譚仔那些丸類、腩肉的選擇，有羊腩、紋肉、還有五寶等等的配拾。男友挑選了紅燒燜肉米線(酸辣小辣)；未聽過雲南有什麼五寶，於是好奇的點了雲南五寶米線(酸辣小辣)，各$26 加$6要凍檸茶。淨食米線好像有點寡，另叫了半隻口水雞，$58不算便宜但可一解我對川菜單思之苦(事後悔不當初，應先試試米線的水準才再點小菜:( 上了一課)等食期間左顧右盼，時值周六八點的晚飯時間，但餐廳只有兩、三枱客，與對面街的茶餐廳的等位人數差唔多；差不多二百呎的店面，只有十來張四人枱，所以坐位很寛敞；近廚房的一道牆掛有大電視，可以一邊食一邊睇福祿壽，環境是這間餐廳唯一可取之處(可悲…)十分鐘後米線上枱望著眼前的五寶米線，我呆了…雲南是盛產紫菜、涵水蛋跟水餃的嗎?另外的腩肉和腐竹還算是合理，但份量也真是太少。腩肉竟然只得一塊，水餃、腐竹也是只有一件，作為一碗$26米線的配料，這也太少了吧?!賣相也很奇怪，一堆的紫菜與酸菜舖滿湯面，食慾大減。食麵總喜先嚐一口湯，既不酸也不辣的湯，淡而無味，活像用水開稀了的例湯；喝了一口就再也不想碰了。配料也是除了量少，質素更不堪。腐皮是一大塊，沒有剪開，入口有霉味；餃子是冰凍貨，而且是超市裡最便宜的那一款，皮厚而沒咬勁，肉餡碎身無味。食了幾口已毫無食慾，但又不好浪費，只好勉強的慢慢吃…男友的那碗好像好一點，雖然湯亦是淡如開水，但燜肉的份量跟味道也好多。米線如此「驁喜」，唯有期待口水雞，好讓我伴麵；想不到「驚喜」還真是一浪接一浪。等了廿分鐘，福祿壽也睇了一節後，大大碟的口水雞上枱了。賣相不錯喔! 半隻雞堆滿碟，雞皮泛黃、肉質光澤鮮嫩，配上紅彤彤的辣椒油，終於令我那被五寶米線打擊得一厥不振的食慾稍稍的恢復了。搶先夾了一塊雞腿肉，切得大大件很厚肉，雞皮鋪滿辣油；入口郤完全不覺辣，只覺勁鹹，之後幾件都不得不用米線的湯洗一洗一再吃。新鮮雞價高，食肆選用冰鮮、急凍雞亦十分普遍，對雞味也不敢太大期望，卻意料不同到雞件竟可以如此無味。雞皮無味、雞肉也無味，不只雞的鮮味，連醃雞的鹹味也沒有；雞不新鮮，醃得鹹香算是最基本要求，也不過份… 平時很少浪費，即使有時碰到的食物不太對口味，只要肚子還有空間還是會把它吃完；但這一道口水雞真的太差了吧，加上分量真的很多，兩個人勉為其難的吃了半碟再也吃不下…對不起，肥雞，你死得好慘…這條街盡食肆，這樣的質素還可以立足，真令人費解……Read More

平時好少一家人出街食晚飯，是日適逢父親大人的生日，就到附近的酒樓食餐飯、簡簡單單慶祝一下。這區飲茶、食飯，明星一向是首選(長輩比較傳統，只愛吃粵茶)，質素、價錢都有保證。不過今個月明星裝修，唯有轉移目標，到同一集團的雍雅。幾年前亦有光顧過雍雅的晚市，印象實屬一般，只記得價錢不便宜、份量亦少。今次再試，不敢抱太大期望，想不到有驚喜 早上先訂位免等位之苦，但八點去到入坐率只有五、六成。有別於其他大酒樓，晚市沒什麼酒席可選，反而有不少精選套餐，數十元有兩個菜似乎不錯，發板要了$89 - 豉汁蒸(魚倉)魚 加咕嚕雞肉；煩惱還要點什麼的時候，瞄到鄰桌的一味片皮鴨，賣相相當不錯:)前臂般長的的鴨，紅潤有光澤完隻送上，即席片皮鴨。要知現在多數酒樓都已經沒有這個「片皮」表演，實在令人失望，小時候最期侍上酒樓吃片皮鴨，為的就是觀賞倘大的一隻肥鴨被「凌遲」(好變態) 印象中，在明星吃片皮鴨差不多上百完，這裡竟然只賣$58，加$20還可選擇以蔥或茄子炆鴨肉，實在超值:)這樣下來就已四個菜，再加個什菌上湯菜苗應該足夠五個人吃。先來咕嚕雞肉很普通的一個家常菜，酸甜味道剛好。最怕有吃到的咕嚕汁酸得毑喉，失去了那酸酸甜甜的開胃感覺。幸好這裡的味道做得不錯，作位第一道非常適合。邊吃咕嚕雞，一邊在左顧右盼，期待片皮鴨的大駕光臨。終於給盼到喇!!:) 果然好肥美大隻，鮮紅的外皮看來油潤；待應手起刀落，三兩下手勢就把肥鴨脫光脫淨。包鴨的麵皮以大蒸籠上枱，開蓋還有煙、熱辣辣的；不知由何時開始，片皮鴨的麵皮都變成薄薄的那一種，雖然是這種的份量是比較輕巧，但還是比較懷念小時候的厚皮版，咬下去綿綿的…因為鴨皮切得很厚，伴上醬汁、青瓜及蔥段之後，要用麵皮完全的包起來有點困難，吃起來都有點狼狽。鴨肉充滿油香，皮層與肉之間有一層薄的肥膏，但鴨香稍遜；；香口的食物果然是小吃多滋味，多吃幾件之後就有點膩…每人分到差不多四件，食畢已半飽。幸好吃過油膩的鴨後，什菌上湯菜苗剛好送上，正好平衡一下。開初以為菜苗是豆苗，送上枱才知道是嫩菠菜，還好配上什菌味道不錯。鴨肉選了茄子炆，因為茄子份量好像比較多、比較化算 通常這些一鴨兩食，份量都不會太多，早預料鴨件會給「切頭切尾」，上桌時每人有三兩件已不錯。意想不到這道菜份量還不少，半飽的大家吃了一兩件就停手，炆鴨可以打包，要留肚吃沒有拍照的蒸魚。鴨件肉厚，炆得不算軟身；茄子較出色，吸收了鴨的油香很惹味。未有上鏡的豉汁蒸(魚倉)魚頗為大條，刴成蓉的豆椒鋪滿魚身，但香味不算濃郁，可能豆淑不夠靚；魚蒸得剛好，可惜魚身較霉未夠新鮮。埋單三百五左右，以食物份量、質素來算是相當算是合理價錢。鄰枱的火鍋看來也不錯，下次要來試下，再食片皮鴨…Read More

好少去筲箕灣，所以亦好少search依頭有咩好野食。係隔離甜品老媽食完個下午茶，意猶未盡。經過安利見到門口貼住好多雜誌介紹就入去試下。兩個人share左一碗魚片魚蛋米粉。份量唔自係太多，但係咁既價錢都合理既。最好味係個魚片，彈牙鮮味。食完有少少口渴，應該係味精作祟……Read More

好少去筲箕灣，所以亦好少search依頭有咩好野食。係隔離甜品老媽食完個下午茶，意猶未盡。經過安利見到門口貼住好多雜誌介紹就入去試下。兩個人share左一碗魚片魚蛋米粉。份量唔自係太多，但係咁既價錢都合理既。最好味係個魚片，彈牙鮮味。食完有少少口渴，應該係味精作祟……Read More

星期六下晝放工遊下電車河，搭搭下就去左筲箕灣。夜晚要去睇戲，無咁快有飯食，要搵d野頂下肚先上開飯見到甜品老媽既食評唔錯，又近電車站，就去試下。差唔多六點，除左甜品餐牌外，仲有晚餐；不過今日既目標係甜品，主食下次再試。研究左陣，叫左兩個share:芒果腸粉依度既其中一個賣點就係甜品唔會太甜、比較健康。試過芒果腸粉就明哂，果然比其他舖既淡好多，但又唔係無味喎；棷汁做既腸粉皮幾香，做得妤滑好彈牙。可惜依家唔係芒果既季節...凍既焦糖燉蛋好鍾意依個燉蛋呀 個焦糖好脆又唔係太甜；底下既燉蛋好香好滑，入口好似食緊蛋味既雪糕咁。雖然三十幾蚊好似有d貴，但份量唔小，唔係平時食既細細杯，係用一個焗意粉既盤裝，兩個人食都夠哂。…Read More

以前住HALL既時候間唔中都有去意蠔屋，區內少有既平價西餐廳。雖然環境比較迫，但係價錢同質素都唔錯。不過畢左業之後，已經好少返黎似區，更加好少係度食飯，差唔多有年幾冇幫襯過。今日出site又去返紅磡，於是叫埋男友過黎食飯。佢揀左意蠔屋。每日都有四款set din. 價錢其實同散叫既意粉主菜約唔多，但係就多左湯同飲品。見隔離枱既set賣相都唔錯，就嗌左兩份再加一隻焗蠔﹕ 三文魚天使麵 $56 蕃茄蜆肉螺絲粉 $48 煙肉焗蠔 $45本來仲想嗌生蠔拼盤，不過驚食唔哂，唯有留返下次。湯得一種唔駛揀，係忌廉菜湯，湯奶味濃郁，亦幾香滑。天使麵先上，堆得滿滿的三文魚相當吸引，試吃了一小塊，味道有點太咸，但配合淡味既汁同意粉就剛好。望住對面果個食得咁滋味，我都好期待我個螺絲粉。等左五分鐘左右，蕃茄蜆肉螺絲粉終於登場。雖然賣相無三文魚咁好，但係個汁就好味D，蕃茄味香濃，蜆肉都幾彈牙。食完意粉已經好飽，所以無試到個煙肉焗蠔。望落都幾大隻飽滿，應該OK既~成餐飯唯一少少既挑剔係飲品上得太慢，差唔食完凍檸茶先上。…Read More

係mcl睇完戲，落淘大覓食。幾個月前同屋企人食過me.u.n，價錢唔貴亦幾好食，再幫襯。上次見到其他食客既冷麵套餐好似好正咁，一心諗住嗌餐點知冇哂…唯有轉投主打既墨魚汁豆頭鍋海鮮飯，$44包一杯指定飯品，要左熱咖啡。男友就嗌左個人參火鍋，$54 有一個鍋、肥牛、同烏冬，仲有指定飯品(要左桂圓瓜茶，好古怪既味道…)點餐係好似快餐店咁要出counter 點既，但係就唔駛自己攞。點完餐有個號碼stand，擺係枱面就有食物送上。同上次一樣，雖然唔係好多客但係都要後十幾分鐘先有得食。火鍋先上，個鍋比較細加上入面既蔬菜料頂住左個蓋，煲左好耐都唔滾，中途仲熄左一次火，要換過個爐…係男友仲未有得食既時候，我既石頭鍋已經送到，仲要即刻有得食，yeah!豆頭鍋熱辣辣，墨魚汁唔係好有味，但係飯面既芝士南瓜汁就唔錯，幾惹味。配料亦算多，有魚、魷魚、蝦，都係彈牙鮮味既係我差唔食到見底既時候，個煲終於滾喇 不斷咁偷食d菜。個湯唔係好有味，似一煲加左鹽既水…不過肥牛同烏冬都幾好。豆頭鍋唔錯，可以再食；火鍋就麻麻，應該冇下次。今次見到隔離枱食既酥皮湯意粉set賣相好靚，份量仲好多tim，下次要試!…Read More

星期日下晝睇五點場，可憐既男友朝早要part-time仲未食飯，於是入場前食個tea先la~下午茶既選擇唔多，見佢個雞翼薯條連熱餓都係$18就嗌左，加$6要埋個麵。本來係想食火腿通，但係攞既時候又話冇火腿通，於是轉左雪菜肉絲米。食得最多係個薯條，雖然唔係熱辣辣，但係都暖暖地同香脆，唔錯。而且counter有鹽、胡椒、茄汁同辣醬任攞，唔似M記咁要問先有咁小家。米粉同雞翼都係食左一咬only，味道就普普通通la，同其他快餐店差唔多。…Read More

每日放工係宜安街落車之後都會經過潮豐，開滿一街既枱櫈、烘烘聲既煲仔飯爐、各方食客品嘗緊既蠔仔粥同滷水鵝令我心郁郁想試下。星期五晚同男友睇完「清明上河圖」返到觀塘已經十點，啱哂時間去試下依間打冷。潮豐有兩間舖位，室內位唔多，不過就係街邊開多左十零張枱；同門口既大叔嗌左兩次都冇理，於是算已搵張吉枱坐。呵，兩個霸左張大枱。餐牌其實睇唔睇都罷，去打冷都係食果D…兩個人叫左三樣加啤酒一支﹕ 日月煲仔飯 $4X 蠔餅 $48 滷水拼盤 $55等左差唔多十五分鐘，先上滷水拼盤，份量OK，不過唔係咁入味，大腸都仲好D，但係墨魚同豆腐就唔係咁夠味…加上男友唔食大腸，搞到一個人食哂，膩左。食到一半就上蠔餅，可能真係見識少…我未見過蠔餅係咁既樣 份量係就係好多，但係深啡色一大塊，賣相唔討好；篤隻筷子落去會聽到「咯咯」咁既聲，感覺上好似係成塊蠔餅攞左去炸，仲要係炸到過哂籠、乾哂…咬落亦係得個油字，完全果種鬆鬆軟軟既質感…好失望、都係廟街既好食d:(本住唔好浪費既原則，終於清左個蠔餅；好彩之後既煲仔飯冇令我失望。依個日月煲仔飯可算係大包圍，基本既配料到有齊﹕臘味、排骨、雞件、咸蛋都有，上枱非常香，而且份量十足，每人分到一大碗有多。配料都好新鮮，排骨雞件肉味香濃，臘味亦夠油香。可能個蠔餅太油膩，個飯差d食唔哂…好飽…價錢唔算貴，不過除左煲仔飯以外，其他似乎都麻麻。下次去淨係食一樣夠喇。…Read More