Hero Man's Profile

地方大，座位多，環境舒適，午飯時間都幾多人。特價午市麵點$78，另額外收$6茶錢、$9前菜及加一小費，感覺係濫收費，食完仲覺得物非所值‼️鹹肉菜炒飯+招牌生煎包+五穀薏米水鹹肉菜炒飯係江南尋常飯食，材料好簡單，只有五花鹹肉和小棠菜，全部切粒。呢度個飯炒得恰到好處，乾身爽口，菜粒夠多，鹹肉又少又太細粒。飯嘅味道過淡，唔夠熱又唔夠香。生煎包同樣唔夠熱，麵包皮吸入過多油份，肉餡份量足夠，味道未見突出。五穀薏米水只係微甜，味道清淡解喝。…Read More

港島南區黃竹坑曾經係工業集中地，近年有少量商業大廈，西式餐廳亦多咗選擇。B&B 樓底好高，面積又大，環境衛生舒適，主打日式西餐。沖繩特式三文魚牛油果🥑塔可飯 $118「塔可飯」其中一個特色係份量大到令人不知如何是好😂，呢到個飯底係用日本珍珠米加入少量糙米，但煮得唔夠香軟，仲有啲過濕。飯上放滿牛油果醬、生菜、三文魚、番茄、青瓜等材料，混埋沙律醬一齊食，係單純卻容易上癮的滋味。跟餐仲有湯或沙律🥗供應，加$10就多杯飲品。港式咖啡味道酸澀，要加入奶先飲到。…Read More

呢個汰弱留強嘅時勢，點解仲有咁差嘅食店能夠生存⁉️集團式經營就係有呢個毛病。午市套餐：豬扒拼雞扒飯 $68賣相睇起嚟無問題，食落口就發現好有問題雞扒同豬扒都炸到乾爭爭，毫無肉汁，感覺係隔夜肉番炸，因為肉邊已經好實好硬。白飯一啲都唔軟熟香口，仲有啲硬嘅口感‼️伴飯嘅汁係甜豉油加水，一啲製作誠意都無。新鮮菜都費事煮，是是但但比啲涼拌酸蘿蔔同青瓜。如果呢個係即磨咖啡，只可以話佢啲咖啡豆好差勁，淡而無味‼️呢間集團式食店做食物好無誠意及心思，所以佢啲員工嘅服務態度同樣毫無誠意，只懂在店內高談闊論私人事件，騷擾客人進食‼️客人落單要叫幾次先聽到‼️…Read More

之前外賣飲過佢嘅岩鹽咖啡☕️，味道不遜於cafe店，今日就同朋友坐低食個午餐。店內坐位唔多，只有10個左右，環境光猛潔淨。獨當一麵套餐$55，包麵、主菜及飲品🥤，收費確係抵！咸香乾伴刀削潤條麵🍜，餸菜有肉燥、台式滷蛋、蔥花、生菜，混埋秘製蔥油醬汁一齊食。醬油鮮香濃郁，咸甜有至，麵條煙韌彈牙。秘汁貢丸，有5粒，略嫌唔夠熱，肉質微彈牙，醬汁甜甜地。餐飲選擇都好多，起碼20款以上，我就揀咗招牌珍珠奶茶（單買要$23）。茶底香濃，唔會太甜，珍珠Q彈煙靭。…Read More

每次經過西樹泡芙都比店舖發出來嘅香味吸引，個頭好自然會轉去望一望。今日發現佢新出咗《冬日旋律》系列，於是買咗黑糖金栗🌰及九州紫薯🍠，再加多一件意大利芝士，作為今晚一家三囗飯後甜品🥰。九州紫薯泡芙，甜薯忌廉香滑而不膩，仲有紫薯粒增加口感，配合鬆軟帶有奶油香嘅泡芙，味道一流。黑糖金栗泡芙，栗子蓉味濃口感順滑，配上原粒甘栗及黑糖水晶，不甜不膩帶有微微嘅黑糖香氣。意大利芝士泡芙，軟熟嘅意大利芝士，口感濃郁又唔會太甜膩，泡芙面頭沾有朱古力粉，再配上意大利手指餅乾，口感更加豐富。…Read More

呢間新晉米芝蓮推介食店，好在之前我已經食咗，如果而家先去一定要大排長龍🤪。聽聞啲麵係由四季酒店法國餐廳前副廚煮☺️。海龍皇湯麵$130，必食之選，麵送上來已經聞到濃烈蝦味，試一啖湯底果然鮮甜美味，仲有蟹肉，又唔太油膩。大大隻海蝦及北海道帶子，新鮮爽口彈牙，真係值回票價。陽春麵就略嫌淋身。好頭好尾$102，頭即係川味炆牛面頰，尾即係紅酒牛尾。湯底牛香撲鼻，牛面頰軟腍，牛尾富油香，骨膠黏口。扁陽春麵則軟淋度適中，爽滑有口感。…Read More

早於六七年前已經開始幫襯牧羊少年咖啡館，當時咖啡文化喺香港都未發展。雖然近年Cafe嘅選擇多咗，但間中都會去返呢間Cafe始早店。Lunch set：白咖喱豬扒飯配炒鬼佬雜菜🥕$88 有餐湯、加$12轉Flat White。👉豬扒沾上薄薄粉漿半煎炸，肉質鬆軟，保留肉汁。👉白咖喱汁無咖喱般辣，卻又不失咖喱香，帶點甜甜嘅椰奶香味，用來淘飯極之一流。可惜白飯唔夠熱，否則更錦上添花。👉蔬菜份量算多，瓜類為主。餐湯係南瓜湯，攪拌機打出嚟嘅湯，濃稠度適中，味道較淡，鍾意濃味嘅人就可以加胡椒粉。咖啡味道香醇平衡，佢嘅拉花每次都唔同款式，應該係咖啡師隨心而行。…Read More

商場food court已經買少見少，今日食飯時間唔多就嚟回味一下！Moko 新世紀廣場食代館裡面有十多個攤位，中日台泰菜都有，行咗一個圈就揀咗食海南雞。午市海南雞飯套餐有油飯、海南雞、油菜、冬瓜湯，加$10有杯嘢飲，合共$60，平快正之選。主角海南雞肉質嫩滑味香，但略嫌瘦咗啲。執底有青瓜，另外又有碟油菜，有肉有菜，比起出面食店較豐富同健康。油飯唔太油，有少少香味。冬瓜湯係standard，可以接受。…Read More

已經係第二次嚟Mamaday，好掛住佢玩味重嘅裝潢同抵食、大份又好味嘅嘢食😋😋。店主好花心思為食客帶來歡樂，每個角落都搵到抵死詞句，令人會心微笑。辣㗎儍豬豬豬頸肉泰式肉碎日本蛋包飯 $118個飯嘅份量大到嚇死人，飯多、蛋多、豬頸肉多、肉碎多🤣，泰式香料加埋微辣感，惹味又醒胃。又係黑松露野菌比薩...好悶呀 $116薄批pizza簡簡單單配上芝士、蕃茄、雜菌同黑松露，芝士味唔會太濃而搶去其他食物嘅味道👍，香脆可口。棉花糖咖啡$56唔好以為會好甜呀！只係咖啡上加一層燒溶咗嘅棉花糖，完全冇影響咖啡嘅味道，飲完咖啡就將棉花糖當甜品食。綠茶Latte $48綠茶🍵香濃甘澀，味道落到喉嚨都依然濃烈。…Read More

西營盤真係好多Cafe☕️，今日同老婆嚟到Tuckshop by social club，樓底高，環境Chill，好多人都帶埋手提電腦，一邊飲咖啡一邊工作或溫習。一張長枱坐滿人，亦有人好freestyle咁坐樓梯，但我認為人流太多了。Smoked Salmon Bagel $70Bowl with Sous Vide Chicken $75cappuccino $40食物砌得好靚，賣相吸引。沙律菜新鮮，雞肉有點柴皮，三文魚肉質有點實。兩份餐嘅份量都足夠，味道就一般，沒有獨特之處。呢度適合同朋友嚟傾吓計，消磨下時間都唔錯！食好物就要另覓地方啦！…Read More

呢間係集餐廳及歐美食材雜貨店於一身嘅店舖，客人可在凍肉櫃挑選心水牛扒，然後遞給大廚免費炮製，醬料、配菜都可以自己楝，幾有創意！今日選咗Grass-Fed Ribeye草飼肉眼(200g)配烤大啡菇及紅椒堅果醬$248。肉質半熟好Juicy，口感軟腍，油脂平衡。紅椒堅果醬只帶微辣，咬到打碎嘅堅果粒。烤大啡菇🍄肉質彈牙又鮮甜。食完件牛扒仲未飽，所以叫多個朱古力Brownie $98。佢特別之處係蛋糕較大件，上面加咗香脆爆谷，仲附有糖醬，蛋糕甜度適中，食埋真係堅飽。星期日係Happy Day，所以店內全部啤酒都有特價優惠，我就飲埋支Gweilo Pilsner（鬼佬）先走。…Read More

台式飲品店成行成市，點樣出奇制勝❓丸作就以自家製珍珠作賣點，不含防腐劑，仲有10款珠珠比你揀，捉緊香港人貪新鮮嘅心理，誠意之店👍。最近仲攪優惠，每日推介一款飲品，並以大特價$20(中杯)及$25(大杯）益大家。今日買咗兩杯一家三口👨‍👩‍👦開心share。黑糖珍珠奶茶$25，選擇常溫、微糖就能特顯紅茶味道濃烈，焦糖丸軟熟Q彈。珍珠宇治抹茶$20，選擇少冰、微糖，抹茶帶有微微苦澀及回甘味，配埋香滑忌廉同白玉丸，確實係清新有嚼口嘅飲品。…Read More

東大街呢間40多年老字號港式小食店一向以上等材料做魚肉燒賣、碗仔翅、粉果等平民美食，好多人都係慕名而來。魚肉燒賣$35有八粒家鄕粉果$30有四粒👍燒賣及粉果嘅size都比出邊大少少，亦係花心思自家製作的。👍魚肉燒賣係用黃門鱔製作，有鮮魚味，肉爽彈牙有口感。👍粉果餡料有粉葛、豬肉及花生，口感爽脆有層次。食品的而且確比其他店舖優質，但卻要付出明星級嘅價錢，勝價比唔高，食得幾次呀！老實說，食街頭小食有時係想回味舊式情懷，品質及味道唔係太難食其實都可以接受。…Read More

譚仔三哥最近出咗新嘢——酸辣魚片米線$39，鮮嫩脆肉鯇魚片 x 酸辣湯底，即刻去試吓先！👍魚片大大塊，沒有一夾即散，數量足夠👍肉質嫩滑爽口，有鮮魚味👍魚片無骨，可以大大啖放心食👍有一小碟酸菜會另上，可以按自己需要而添加👍湯底無得揀辣度，固定辣度大概係5小辣，但可以揀其他湯底，例如：糊辣、重慶酸辣。每次去譚仔食米線都一定要叫個細土匪雞翼。雞翼大大隻，烤到外脆內軟，入面好多肉汁，香味撲鼻，令人食上引。…Read More

一早起身出去荃灣，當然要飲杯咖啡☕️提提神，老婆被呢間cafe嘅大落地玻璃吸引咗，話要坐窗邊吸收天然Vitamin D。由於Weekend關係，全部食品飲品都係單點。1) 香煎虎蝦配蘆筍辣蕃茄汁意粉 $1082) 火雞胸白磨菇洋蔥意大利三文冶$663) Cappuccino Reg $364) 桂花龍井手沖茶$55大大隻虎蝦肉厚鮮甜，爽口彈牙，已經去殻去蝦腸。蕃茄汁濃稠度做得剛好能掛在意粉上，味道香濃帶微酸，開胃好食。三文治份量大及餡料豐富，有沙律菜、火雞肉、火腿、磨菇、蕃茄，如果沙律醬能減少啲就更好。Cappuccino 香濃幼滑，沒有苦澀味👍。桂花龍井茶就無特別，而且只能泡一次，收費略貴。今次顧客服務體驗感覺不是太好。1）店舖用開放式門口，但店員站在櫃枱內與客人缺乏接觸，客人以為係自行度體溫及入坐，原來係要被安排的。2）落地玻璃旁有3⃣️張圓枱，但中間的一張因疫情而停用。其實好多客人都喜歡坐窗邊站，店舖可加隔板，然後繼續供客人使用。3）店舖地方細，枱與枱距離好近，沒有放輕鬆嘅感覺。…Read More