manwaiLeung's Profile

第二次下午茶堂食，估唔到過咗午飯時間都有好嘢食，水準keep住。下午茶餐$50雙拼仲有嘢飲，上次叫叉燒燒鵝瀨粉，瀨粉比較似米線質感。今次叫叉燒燒鵝撈粗，皮薄、皮脆肉汁多，完全唔柴，比某中環米芝蓮好食。鵝油撈粗麵豉油好香，重口味但好好食。單點乳豬叉燒飯，乳豬肉厚嫩滑、脂肪少，叉燒半肥瘦軟熟入口化，但呢個係神秘部位唔方便公布，我驚之後食唔到。一啖叉燒一啖熱辣辣嘅飯，絕對肥仔餐。希望keep住個堅持保住水準啊。…Read More

年初四假期上去太平山Chill下飲咖啡，但係全部都滿座，坐埋出戶外都冇位。我返嚟嗰陣經過呢間冇人、又有戶外位，就入咗去中伏。.行過去櫃位好聲好氣問: 唔該有冇Dirty？想要兩杯。有個白頭丫叔望咗你一眼，態度好硬咁答: 唔該望清楚我哋個Menu，諗清楚要咩再叫我啦！.我心諗: 嘩呢啲咩態度？唔緊要，因為女朋友已經坐低咗，費事起身走啦，但已經唔想飲兩杯，飲完快啲走。.我再問有冇咖啡豆揀？阿叔都係勁唔耐煩咁答，剩係得一隻豆，冇得揀，之後仲叫咗個咩都唔識嘅弟弟過嚟收錢，同我講嘢都要隔住個弟弟，叔叔你冇嘢啊？.咁最後叫咗杯Rose Red latte，根本就係糖漿咖啡有咩特別？仲要特登走埋嚟話人均消費要一杯嘢飲，好彩我只叫一杯，之後外賣杯拎走，一蚊都唔想俾你賺。.我又唔係你啲熟客，點解要熟讀你個Menu？咖啡店咩都話無，原來唔歡迎新客，新年流流倒米。😂…Read More

今日坐户外食水煙，裝飾好靚好chill打卡聖地、佈置一流，中途有飄雪裝置，好驚喜！餐廳仲送即影即有相一張留念。飲品一般，但食物很好味，小食拼盤、薄餅有驚喜👍🏻…Read More

5成熟都難切，無牛肉味，個個同事都問我呢舊係咩來？無人認得出係牛肉⋯⋯我寧願你細一半份量，俾肉質好少少的牛肉好唔好？完全無味又多筋，食到1/3已經食唔落無食，我唔係為飽肚架，俾少少質素啦。…Read More

質素差咗好多.....之前都有嚟過，印象中都唔錯嘅。今個母親節帶媽咪嚟粉嶺呢間算比較靚啲嘅餐廳，價錢係港島市區價，但係質素唔係。叫咗海膽汁墨魚麵，我都唔期望有海膽味，分量超細，而且好大浸白酒味，好似上碟前到咗一杯白酒上去，根本冇炒過令酒揮發，第一啖入口就想嘔返出嚟。牛扒$300大銀，叫五成熟，但係welldone嘅口感，咬都咬唔開，因為塊扒食得出係超平低質牛肉，我自己煎都冇咁難食。慢煮豬肋骨，呢個算係正常啲，但係亦都食唔出有咩特別。仲叫咗杯Summer longIsland cocktail，係我最憎嘅藥水味，可唔可以俾少少誠意唔好落即用糖漿水。…Read More