caracara's Profile

這個飯用芫茜代替葱蒜等大味食材，即使本人不喜愛芫茜，不過這生芫茜還是可以的，沒有很大的味道。雖然不油膩，但是豆瓣味醬汁超級鹹！！ 原本想吃豆腐的，可是眼見的都是碎點點，入口完全感覺不到，非常失望，如果加入正常份量和大少的豆腐，味道就應該會平衡返。汁上嘅茄子似是蒸好再擺上面，雖然淡口但汁真的還是太鹹，而白飯裡面有少量飯焦，影響口感。友人點了白汁意粉，但我沒試味道，意粉份量足夠，還有以紅蘿蔔模仿三文魚，意念新穎。最後，看其他顧客都是選吃漢堡或日式餐點，結論是可能是我揀錯了餐，但如果中式素食不會煮，我建議餐廳應把它剔除，以免顧客中伏。…Read More

雖然用餐已久, 但仍不得不寫, 因為想起還有點氣。年初二本想到隔鄰的雪糕店吃雪糕, 可是還沒有開, 一場走到這裡來唯有試一試這間人氣窩夫店。首先餐牌像其他人所說的很難看得明, 終於到點餐時才知道有分雀巢雪糕和另一款貴價Glacio雪糕。由於想和朋友分享, 所以點了分量大點，有三個Glacio雪糕球的窩夫三重奏 ($98, 比選雀巢雪糕貴$30)。窩夫一上枱就有點失望, 原先看餐牌好像有三款口味的雪糕:朱古力，雲呢嗱和香橙。我一心以為三重奏便是每款口味各一球雪糕，怎知出來的是雲呢嗱兩球和朱古力一球！既然有重覆口味，為甚麼不先問我較喜歡那一口味？算了，還是試雪糕，我喜歡朱古力，第一啖就先試這個，怎知一試甚麼心情也沒有了，這真是Glacio雪糕嘛？怎麼和雀巢沒兩樣，只有好假的朱古力味．．．．．我到現在還在懷疑他們是不是弄錯了給了我平價雪糕，總之感覺就像被騙了。至於雲呢嗱雪糕香香甜甜的，味道還可以，但絶對無驚喜。主角窩夫，鬆軟好吃是沒錯，可是有一邊不知是不是發粉不均，有點苦澀味...唉．．．所以如果真有下次，我會建議大家叫最簡單的淨窩夫吃，真的想吃雪糕，留待過鄰店吃。…Read More

有同事請食這餐廳的cupcake, 心情非常興奮, 我選了一款應該是紅莓cream, cupcake 面的cream是硬身的, 三分二是cream, 蛋糕只佔三分一. 初嚐時cream口感很滑又不太甜, 有點油膩感但仍可接受, 可是快吃了一半時我已經吃不下去, 其他同事亦有同感. 這裡的cupcake最好兩個人分享, 否則到最後勉強吃下去就不好受了.…Read More

抵食好味: 四十幾蚊一個晚餐, 有餐湯同餐茶試了豬扒喇沙 - $45有:豬扒 - 經油炸處理, 厚身, 肥美, 必食米粉 - 軟身好味獅菴 - 雖已沒有鮮味, 但以這個價錢很難得豆卜及雞蛋半隻喇沙唔會辣, 但好香好大碗, 一個女仔未必食得晒…Read More

三百至四百蚊就有五個course, 都算抵食.環境唔錯, 好啱慢慢食吓野傾吓偈先上餐飽, 沒有牛油伴碟, 反而是黑松鵝肝醬, menu裡面沒有提及, 所以真的很驚喜, 對兩個人而言, 這瓶醬有多無少, 厚厚的搽滿四塊洋葱多士也吃不完!跟著就是個個讚好的煎鵝肝, 真的外脆內軟, 無得頂, 必食！南瓜帶子湯是不錯的配搭, 湯口感和南瓜味都豐富, 淡淡的很好下口, 令本身淡口的帶子來得更自然 (就算去酒店比你食嘅帶子都係好淡口的)這個OK, 蠔味夠, 再大隻啲就更好燒乳豬一定要試, 肉好嫰口, 入口唔肥膩！比起鴨脾更耐吃其實鴨脾都不錯, 鴨本身肉是比較'鞋', 兼份量好大, 一個女仔一定食唔到兩隻鴨脾！最後是餐茶和ginger soufflé, 小餐廳水準, 略為稀, 雖然跟酒店的有一點距離, 但也算很不錯.整體來說很好, 我覺得是很有誠意的一間餐廳, 值得支持！…Read More

二人吃晚餐, 由於第一次去, 不會點菜, 又懶諗, 點了兩客set dinner ($788 +10%) 便算.一開始有麵包條, 每人兩條, 暖笠笠, 又好香, 仲有三款醬料(tomato, olive (?) & rosemary garlic oil ), 好有意大利風味由於我太肚餓的關係, 一開始餐未上就已經吃完了, 吃完可以再添, 但我怕吃不下主餐, 唯有放棄.一開始有芝士和ham, 我本身怕芝士的, 所以並不太享受, 但還可以和ham大啖的吃下肚去, 奇怪的是伴著芝士吃的ham一點也不會咸.跟著有龍蝦寛條麵, 味濃, 蝦爽甜, 好正, 必食 主菜有紅酒燜牛和cod fish, 起初我以為cod fish一定會'鞋'的, 所以我沒叫, 還幸我老公點了這個試.結果是cod fish 跑出, 魚肉超滑, 好香, 總之超好味, 必食! 其實牛也不錯的, 可是和cod fish比較, cod fish清一點, 你會想一吃再吃.最後是雲呢拿味cream狀甜品, 極重奶味, 都好滑, 但假如strawberry jam更多更好.最後有幾塊朱古力做小吃. 這個一般. 不過無所謂, 反正是送的.總結: 下次我會為了龍蝦寛條麵再回去.環境: 雖然好暗, 但頗嘈, 想傾計可以, 想好靜好靜坐下就差一點服務: 屬casual的酒店餐廳, 要叫先有人埋嚟, 好處係自然啲, 唔會有個人成日走過嚟望你食野…Read More

今日出左糧, 所以諗住食晏食好啲. 見附近新開左間日本'私房菜館', 聽落好似好高級咁, 見門口寫住$48就有個午餐, 於是膽粗粗同朋友一齊入去試下.入到去, 感覺都好warm, 仲好好彩可以入房坐, 靜靜地同朋友傾下偈都得. 房入面有電視, 不過我地去o個陣無開到, 可能遲d黎食晚飯兼睇波都得!見到個menu, 平既午餐都有唔少選擇, 但係原來食個魚生飯定食都只係$68...咁就緊係食好少少啦!!! 點菜時侍應又推介話牛肉薄燒好味, 好, 我一向都信推介的, 於是叫左個四季便當 (乜都可以試少少) 同牛肉薄燒, 哈哈!定食真係豐富好多, 有好滑既燉蛋, 湯 同主菜.個牛肉薄燒賣相靚, 估唔到仲超級好食!!! 牛肉火候o岩o岩好, 雖然話薄片, 但好有口感, 入面仲包住o的葱同炸蒜頭, 點埋芝麻醬, 好夾味!!!!再來個雜錦便當, 有燒雞肉, 天婦羅, 三文魚同帶子刺身, 仲有燒三文魚.刺身新鮮都好唔錯!本來我唔太好燒物的, 因為怕熱氣, 但試完燒牛肉薄片同雞肉, 兩樣都好嫩口, 都因此改觀!兩個餐兩個女仔share每樣試啲, 啱啱好, 清晒!埋單知道用信用卡仲有折, 嗯, 感覺抵咗! 哈哈! 下次想舒服d食下午, 一定會再來, 再食牛肉薄燒...…Read More

有朋友係外國番黎, 想試有特式的食物, 於是花了好些時間才搜尋到這間餅店, 鐘意佢夠特式, 係出面未見過, 於是專誠帶朋友去試下午茶, 嘆 high tea ! 朋友幾鐘意店入面既裝潢, 牆上掛著國畫, 雖然係用西式傢俬, 但感覺上都 match 最開心見到個蛋糕櫃, 一個個梅花/桃花形既蛋糕上面畫左好靚既畫, 好似一幅幅國畫咁, 我朋友見到, 話好想買個送比朋友做手信, 不過帶唔到上飛機, 唯有自己食, 哈哈!! 一個set 都係八十蚊左右, 兩個人埋單百幾蚊碌信用卡都得. 如果同酒店既 tea set 比較, 價錢都唔算貴: 有杯咖啡, 一個蛋糕, 仲有會係隻碟上面畫花! 係師傅逐個逐個畫既!!! 淨係計視覺效果都抵! 食物夠特別, 簡宜係藝術同食物既結合, 唔係好捨得食入肚. 靜靜地坐左一個下晝, 傾吓食吓好舒服 蛋糕試左 chocolate, passion fruit 同 strawberry. 個人最鐘意 chocolate , 夠滑夠濃味, 鐘意酸既一定要試 passion fruit, 感覺都幾清新... 有酒店甜品級數. 總括黎講, 中西合壁, 效果很討好, 好適合介紹比外國番黎既朋友, 因為佢地未必鐘意食中式餅食 (好似我朋友唔鐘意吃蛋撻). 如果間舖開係中環, 生意一定好好... 聽講大蛋糕最好預早一至兩日訂, 咁就可以 order 自己鐘意既味同畫! …Read More

:) 店舖裝修尚算明亮舒適, 但除此可取之外, 其餘都...:( 烏冬質素好一般! 不會比超市買的平價烏冬好很多:( 份量極之少, 一個普通烏冬平均四十元至五十元, 餸少, 烏冬份量更少, 加十元要加大的烏冬, 可是加了的份量還是偏少!! 我要的是咖喱烏冬, 來的時候只有半碗! (抱歉忘了影相, 因為見到碗烏冬心情真是很差...) 我還道是他們忘了我要的是加大, 怎知侍應說加大都只是加多半份烏冬, 可想而知原本的份量... 此店的牛肉烏冬的牛肉和吉x家的味道一樣, 但用一半的價錢, 去吉X家, 會吃得飽兼會開心好多!總之這個價錢, 這個份量和質素, 很不值.…Read More

放假入數碼港睇戲, 睇完戲有點餓, 諗住上商場既三樓food court食d野, 但實在太靜, 人影都無隻, 食檔又得番一兩間開, 於是落番二樓 tricolor試, 諗住山長水遠入到黎, 食餐好少少都不為過, 而且三點後這裡有 tea set, 價錢三至四十蚊, 尚可接受, 於是一試.:) 環境優靜, 餐廳設計簡單, 用色有法國感覺 食物比想像中好, 而且好味, 叫了鴨胸長通粉和特式三文治, 三文治其實是公司三文法, 好大份! 食物用料足, 價錢比快餐廳貴少少, 但質素好多了! 而且那裡環境舒適, 用餐心情超好:) 侍應的服務也不錯整個商場雖然好靚, 餐廳和四周環境也不錯... 望住個海有去左赤柱既感覺. 唯數碼港完全無人流... 有點可惜…Read More

:( 晚飯叫左個菠蘿焗海鮮飯... 見到既大部份係蟹柳, 都有隻青口同一塊魚柳既... 用好多芝士焗, 頗膩... 同埋我唔鐘意食用卡夫芝士焗既飯 (個餐牌明明只係寫菠蘿焗海鮮飯, 點解會有芝士???!)個羅宋湯...似用粉開的, 同埋個顏色同之前的食評一樣寫既, 好怪....朋友叫左個鐵板豬扒, 還可以, 但個汁好咸...在西環以這樣的環境, 食物質素來說....算貴…Read More

水餃面, 水餃個皮好軟熟, 勁好味 拉面是新鮮即場手打, 粗幼不一, 夠特別, 麵身軟熟, 浸一陣就夠淋好好味:( 四川担担麵個醬唔夠香, 而且好膩:) 紅油抄手ok, 少少甜:) 小籠包都好好味最後因為飽, 所以試唔到甜品....下次一定會再去!店小小, 雖然店面無特別裝潢, 但食物質素有大舖水準! …Read More

:)上菜好快:)食物質素, 以此價錢論, ok:( 環境: 好逼, 我地分配左係走廊邊既位, 條走廊好窄, D侍應成日係身邊走黎走去...好似係快餐店咁:( 自助餐時段不好 (對我來說), 七點係中環放工, 食早段又只係得番個半鐘, 如果食第二個時段又要餓住等到成九點...結果都係揀左食早段, 諗住有個半鐘, 食到8:30pm都應該夠食, 點知8pm就last order!!! 成晚都食得好急促...:( 雖然汽水任飲, 但我唔飲汽水既, 佢比既茶只係暖暖地...同d味有d怪嗯...其實唔介意環境麻麻地又就o岩時間都ok既, 不過我情願比多幾十蚊去浦X食耐d同坐得舒服好多...…Read More