kuyy's Profile

最近發現一間標榜健康嘅韓式PIZZA店, 我一向喜歡韓式食品, 韓式Pizza自然唔會放過, 只要係好食同健康, 但此Pizza只可以外賣, 沒有堂食, 對於我都冇所謂, 因為返到屋企可以再焗番熱食.此Pizza賣點: 自製麵團是採用黑米及100%天然酵母做成, 有多種營養, 特別有助消化, 芝士及其他食材都是天然成份, 自然有信心食用.因為我住九龍區, 所以難得咁遠去到, 固此買了兩個中型Pizza及一個泡菜炒飯, 兩個人當然一日食唔晒2個中型Pizza, 食剩放雪櫃內, 第二天放入光波鍋焗噃熱, 一樣超級好味, 重要係食完4-5件Pizza都唔須要飲水, 完全唔會口乾, 因為我對味精好敏感, 每逄食完有味精嘅食物都要飲好多水, 但Han's Pizza就冇呢個問題, 個Pizza唔會感覺好肥膩, 食完亦唔會好濟.黃金蝦仁辣雞薄餅 : 味道較豐富, 有少少辣味 (微辣), 每口都食到唔同材料嘅味道有烤雞/煙肉/蝦仁/橵欖/西蘭花, 因為有蔬菜, 所以感覺都健康D, 最重要係Pizza邊, 有蕃薯蓉, 並最鍾意係有烤香咗嘅芝士味.黃金蕃薯薄餅 : 呢個重健康, 因為成個Pizza有大量蕃薯蓉, 及有甜甜地嘅Cream sauce味, 又有小小煙肉, 餅面有少量花生碎, 唔鍾意食肉類嘅人最適合.泡菜炒飯 : 辣味唔太多, D泡菜好味, 唔係超市買到個D, 食得出係自家製泡菜, 有少許煙肉, 飯面有沙律醬, 自然好味.此店由韓國人開設, 所以店主不懂廣東話, 只懂韓文及普通話, 其他店員好似只懂韓文, 因為聽到佢同店員用韓文溝通, 店主亦好好人, 我問那一款比較好食, 叫佢推介, 佢會問我有那種食物唔食, 才作介紹, 我話唔食牛, 所以佢介紹我食烤雞Pizza, 當然亦冇介紹錯, 真係好好食.須然我唔係住西環區, 但一去香港區一定會再幫襯, 此店舖之Pizza食完唔會口乾, 唔須要飲好多水或要飲汽水去解渴, 好食過香港連鎖式店舖嘅Pizza, 其中有一間連鎖PIZZA店(可以堂食個間), 我自己都好多年冇幫襯, 因為勁重味精, 每次食都要飲好多汽水, 食完都要飲好多水. 另一間只做外賣個間, 都會好多時幫襯, 因為係屋企下面有分店, 呢間冇咁重味精, 但Pizza好薄, 食咗好似冇食過咁, 食完都唔飽. 當試完Han's Pizza之後我相信都會好少幫襯其他店舖. 現在好多香港人都開始注重健康, 希望食得健康, 唔想食到太多化學物質或一些黑心食物, 所以此類型標示健康為主之店舖一定會幫襯.…Read More

見到團購有ICE POP ,平好多梗係要買，但對今期D口味好失望，可能因為就嚟萬聖節, D口味麻麻哋.血腥蘋果枇 : 完全唔知係咩味, 面頭太多餅乾碎, 好乾, 又冇蘋果味.開心南瓜: 只有好淡嘅南瓜味, 冇特別.…Read More

大喜屋係我最鍾意的一間日式放題店舖, 因為食品都用料新鮮, 每樣食物都用心制造, 做得好好味, 除非有D我未食過, 因為太多食物選擇, 不可能每樣食物都試晒, 須然可能比起其他放題店舖貴少少, 但值得食, 起碼每樣食物都有水準, 店舖座位唔會太逼, 由其值得一讚, 係每個店員服務態度都好有禮貌, 不時換碟, 加茶, 好留意每枱人客, 唔駛我叫已走過嚟幫遞紙, 真心讚.因為我係食下午放題, 諗住食咗粟米蟹粥暖下胃, 再食刺身, 點知都係嚟咗刺身先, 見到個樣已忍唔住口, 所以都係食咗凍嘢先.蟹粥多粟米粒, 粥身好綿, 但冇乜蟹味, 可能因為唔係用膏蟹, 唔似澳門D蟹粥咁多蟹味, 比較好清淡, 但我鍾意清淡D, 所以OK.炸天婦羅係我至愛, 由其炸蝦, 重有一樣好得意嘅炸物, 係炸紫心香芋丸, 好香芋味, 煙煙韌韌, 好味, 本來想食多一轉天婦羅, 但實在太飽, 依家重好懷念, 好想立即再去食過.小食: 普通, 不過唔會好差, 好難食.牛柳粒: 好香黑椒味, 好淋.鯖魚: 都燒得好香, 唔會好乾, 燒番薯仔: 須然燒到個樣唔係好靚仔, 但超甜, 我鍾意食柚子大蝦沙律及大喜屋沙律, 兩款都係酸酸甜甜好開胃, 食得飽飽哋可幫助消化…Read More

每次到CoCo 都係食奄列飯, 因為鍾意有D滑蛋, 佢哋D咖喱汁份量剛剛好吉列豬扒奄列咖喱飯 : 豬扒好淋，麵包糠炸到好脆, D蛋好滑好香, 咖喱汁夠多酥脆雞咖喱飯: 冇改錯名, D雞同個名一樣好酥脆, 好香口, 又唔乾…Read More

十幾年前食過味千一次，覺得好難食，一直都冇再幫襯，幾年前D朋友想食，又去試，都係覺得唔好食，今次因為見到新店開張，又唔知食乜好，於是諗住去試吓，點知都係冇改變，依然難食。日式炸豆腐: 外層炸到好燶，層粉好乾好硬，豆腐係滑，但冇豆味咖喱豬扒飯：豬扒外層脆，但唔夠香，D豬扒冇味，咖喱又係冇咖喱香味，唔夠辣味骨雷拉麵：為一覺得ok嘅食物，豬骨湯底都算ok，但覺得可以再濃味D，原條豬軟骨好淋，好入味，隻糖心蛋最好味，好有蛋味，但個麵差D，麵質硬…Read More

Cheesecake 一向係我嘅至愛甜品之一，此店之Cheesecake 標榜係正宗芝士餅, 我已經係第二次食, 2次都係食 New York City, 因為其他款式吸引唔到我試, 本來藍莓Cheesecake都鍾意食, 但佢整個款好似我自己整個款, 所以只係食佢哋個款New York City.New York City有好濃郁嘅芝士味, 但覺得蛋糕密度唔夠高, 唔夠滑, 如果個蛋糕再實D就Perfect, 最好有張住個口個種質感, 就最好食, 同埋因為個店員提示, 唔果蛋糕唔食個時要放入冰格冷藏, 食個時要提早半小時放落雪櫃下格解凍, 但我覺得要解凍再耐D, 因為如果只係解凍半小時會好似食冰蛋糕咁, 因為D冰未完全溶解, 變成唔夠芝士味, 個人口味鍾意蛋糕質感滑D, 所以我等佢完全溶解先食, 覺得好食D, 會creamy D, 好似食雪糕咁,  同埋D芝士味出晒嚟,如果鍾意食濃味芝士蛋糕嘅人, 可以一試, 我就只會偶然一次, 因為太貴.…Read More

嘉麟樓嘅月餅每年都好多人吹捧，好難訂購，我同D朋友以往幾年都試過訂唔到，於是今年一到訂購個日又即時上網訂購，試吓今年訂唔訂到, 點知訂到, 重覺得好好彩，都滿懷希望想快D到中秋節, 可以試到多年嚟都訂購唔到嘅月餅, 攞餅個日返屋企即時試食, 但失望到極點, 個月餅好乾, D奶皇完全唔滑, 冇奶皇香味, 直頭似隔咗夜, 係雪櫃攞出嚟咁, 又乾又鞋, 就算唔係即日整, 都唔緊要, 其他公司D月餅都冇可能即日整, 即日比人攞走, 但都唔好乾到好似餅乾咁過份呀, 起碼都要比D溫馨提示人, 返屋企食個時要放入微波爐或焗爐熱吓先好食, 重話係大酒店, 都唔明咁嘅月餅都有人話好食, 重要年年D人搶住買, 又話炒到幾多幾多錢一盒, 我一定唔會再買, 送都唔食.其實我20年前已開始係食奶皇月餅, 冇食舊式月餅, 個時係買XX樓嘅奶皇月餅, 但因為近幾年都覺得佢越做越差, 其次多咗好多食市開始做奶皇月餅, 於是試吓其他, 我今年亦試咗另一間嘅奶皇月餅, 因為當時未攞到嘉麟樓個盒, 所以諗住買盒食住先, 反而有以外驚喜, 依家試完嘉麟樓個盒, 更加知道出年買邊盒嘅奶皇月餅了.`…Read More

caffè HABITŪ 係同事話好食, 因為佢好鍾意食蛋, 知道我同佢差唔多口味, 又係鍾意食蛋, 多數蛋類食物, 及好多整法都鍾意食, 所以同事推介我去試.中環caffè HABITŪ 逢星期六、日供應All you can eat Weekend Brunch, 食物種類唔算多, 但已足夠令你好飽, 每樣食物都可以不停encore, 有些食材更可自由配搭材料及做法, 所以都食得好滿足, 同傳統Buffet 又唔同食法, 可以一試.湯類2款: 白松露野菌湯 - 飲唔出有白松露味, 只有好重什菌味, 飲落重有一粒粒什菌嘅質感, 亦覺得唔夠creamy, 每逢飲什菌湯或忌廉湯之類都覺得creamy D , 感覺會好飲D, 入口滑D.龍蝦濃湯 - 須然冇龍蝦肉, 但依然有好濃郁嘅龍蝦味, 呢個湯我encore 咗幾次, 實在太好飲.麵包有6款, 其中有2款係鬆餅:牛角包 - 好鬆軟, 好香, 但唔敢食太多, 如果唔係食唔落其他嘢, 英式提子鬆餅 - 鬆餅較多麵粉做, 所以好飽肚, 食完呢個餅重飽, 所以下次唔會食, 跟包有玫瑰果醬, 好重玫瑰花香味, 好甜, 我就唔鍾意, 因為一向唔鍾意人做花香味嘅嘢, 天然花香味就OK.沙律3款 : 精選沙律, 凱撒沙律, 青蘋果火箭菜合桃沙律本人鍾意精選沙律多D, 因為有小小黑醋味, 酸酸哋比較開胃Honey就鍾意凱撒沙律, 有幾片薄薄嘅芝士片, 加上好似奶油味嘅沙律汁酸酸甜甜, 所以佢特別喜愛, 都食咗起碼6碟蛋類有6款煮法 : 班尼迪蛋, 水煮蛋, 炒蛋, 煎蛋, 奄列, 蘇格蘭蛋, 配料都有6-7款可以自由選擇.蘇格蘭蛋 - 一定要試, 因為唔係每度都整得好食, 呢度嘅蘇格蘭蛋包住外面個層豬肉炸得好香脆, 又唔會好油淋淋, 蛋黃流心, 半生熟,  好好味, 但又係食一隻夠晒, 因為有豬肉外層, 所以又係好飽肚.炒蛋&奄列: 唔知係唔係用咗北海道3.6牛乳炒, 因為見到個水吧好多3.6牛奶, 所以覺得D蛋有蛋香之餘, 重有小小奶味, 有蛋味, 好嫩滑, 用咗唔同配搭食咗最小5款蛋, 好滿足.意粉:可以自選麵質及配搭醬汁, 個人喜歡Spaghetti 配Carbonara, 個汁好幼滑好香, 第二選擇係天使麵配拿破侖汁, 拿破侖汁酸酸地開胃D甜品: 有3款選擇, 本來想要麵包布甸, 但冇晒, 只好選擇焦糖香蕉布甸, 好彩細細件 (因為已經好飽了), 好似食蛋糕咁, 好甜焦糖味, 都好好食佢地只係包一杯飲品: 檸檬特飲或橙汁, 如果加$20可任飲咖啡或紅茶, 我要咗檸檬特飲, 比較酸, 但配合食成個午餐, 食咁多嘢, 開胃之餘可以去肥膩, 最正確嘅選擇, 下次都一定會飲佢地個檸檬特飲.…Read More

呢間大番茄店, 我上年係網上見到, 已經好想食, 因為對蕃茄食品好有興趣, 每逢蕃茄做嘅食物, 都自然覺得好似好健康咁, 所以好鍾意食蕃茄整嘅食物, 但因為呢間店舖太遠了, 所以一直未有去試食, 今日咁啱要去元朗買嘢, 終於一嘗心願, 好彩都冇令我失望, 遠都值得一試, 可惜只有我同Honey 2 個人, 只可以一人選擇一個飯, 唔可以試太多嘢食, 下次會再試食其他嘢食.鮮茄咖哩牛脷粒焗飯 : 呢個飯係我叫錯咗, 一心想食蕃茄做嘅食物, 但見到係牛脷粒就好想食, 加上淨係見到前面鮮茄2個字, 所以睇唔到咖哩2個字, 所以叫錯咗, 但都好好味, 因為平時個D牛脷, 一塊塊, 有D店舖整得唔好食會一陣羶味, 但呢度係粒, 好有咬口, 好鬆軟, 一D羶味都冇, 咖哩汁好香, 好濃味, 唔太辣, 好正, 值得一試.芝士豬扒焗飯 : 呢個唔駛講一定好味, 因為係招牌飯, 自然No.1, 鮮茄味好濃郁, 豬扒肉質鬆軟, 有D Mozzarella cheese, 但稍微覺得唔夠芝士味, 應該再加多一種有味芝士, 咁就完美, 因為Mozzarella cheese係冇味, 只係有拉絲效果, 但整體都係好味, 下次都一定會食.…Read More

未去韓國前已經好鐘意韓國嘅食物, 去完之後更加係念念不忘, 日日都想食韓國菜, 須然香港好多韓式店舖, 重要係韓國人專誠嚟香港開舖, 但始終同韓國唔一樣, 因為每個國家嘅食材唔同, 所以用枓唔同, 之前食過烤肉店, 包烤肉用嘅菜, 韓國用佢哋用韓國本土蔬菜, 細塊D, 香港冇入口, 只可以用唐生菜代替.呢間炸雞店亦一樣, 同韓國唔同, 炸雞層粉漿冇韓國咁好味, 韓國有一間非常好食嘅炸雞店, 但香港暫時冇一間炸雞店可以做到佢哋個層好好食嘅炸粉, 但掛住炸雞, 都要去食, 搵咗好幾間炸雞店, 覺得呢間口碑都好似唔錯, 所以試吓, 去到覺得店舖好似酒吧格局, 燈光好暗, 店舖細, 座位少, 唔怪得D人話去呢度食要排隊排幾個鐘, 所以我收工早小小去到, 好彩客人唔算好多, 所以唔駛等位, 但坐路口, 坐得唔舒服, 座椅冇椅背, 又冇位放雜物, 所以全程要彎住身, 攞住D手袋同雜物食嘢, 所以環境就麻麻, 座位設計亦錯誤.同韓國炸雞店一樣, 入座即奉上醃蘿蔔及沙律, 但可惜唔凍, 如果雪凍會好食好多, 另外啤酒亦唔夠凍.蔥炸雞 : 但炸雞都算好食, 因為唔只層炸粉香脆, 食得出D雞有醃過, 所以都算好食, 加埋D蔥絲一齊食, 感覺會冇咁熱氣同肥膩, 但蔥絲有小小辛辣味, 食唔到好多, 可能有D人會食唔慣.…Read More

黃大仙呢間和亭, 其實都食過好幾次, 因為方便, 最鐘意都係食呢度嘅滑蛋豬柳飯, D豬柳好鬆軟, 層麵包糠炸得好脆, 完全唔油膩, 滑蛋亦好香, 所以每次到和亭都例牌食呢個飯, 因為覺得和亭選擇唔多, 亦諗唔到第二樣食物可以吸引到我.鮭魚壽司飯: 三文魚唔夠凍, 感覺唔夠新鮮, 得5塊三文魚, 好似小咗D, 個飯亦少咗D汁, 所以覺得好單調, 好似淨食白飯咁, 應該多番D三文魚及醬汁.…Read More

近期太忙了, 以致儲存了好多食評未打.呢間係同事話D芝士麵好好食, 所以相約收工後一同去食, 可能期望過高, 所以好失望.我哋4個人去食, 只係得提議去食個個女仔話好食, 真係個人口味唔同, 我同其餘2個同事都覺得唔好食,可能係有小小明星效應, 所以有D人話好食, 但個人認為完全唔好食, 寧願食麵包都好過食佢哋D無味道嘅麵.先講環境, 好細間店舖, 好座位與座位之間好窄, D餐具又肥淋淋, 比人感覺好唔清潔.價錢 : 貴, 完全唔值食物 :芝士麵: D芝士淡而無味, 完全係無芝士味, 無咸味,  D麵質又唔係出前X丁, 又話係丁麵, 我覺得只係大光麵質地, 真係難食到死.瑞士汁雞翼 : 普通到任何一個識煮飯都識煮嘅瑞士汁雞翼.魷魚鬚: 好硬, D汁過得去, 只係好濃味嘅燒汁…Read More

好多人成日話女人有2個胃，一個食飯，一個食甜品（就算食得好飽都會食得落甜品），一D都冇錯，今日約咗幾個朋友食飯，其中一個朋友已講明食完飯想食甜品，我哋當然贊成啦，大家女仔都鐘意食甜品, 於是選擇咗晚餐附近嘅「甜牙牙」，因為大家都想食Waffle, 去到見到個餐牌, 未食已經好開心, 因為D甜品個樣好靚, 好吸引, 我哋幾經辛苦先選擇到最想食嘅甜品, 相信大部份人面對甜品多少都會有D選擇困難症, 所以我哋都考慮咗十幾分鐘先有決定.Chocolate Waffle : 呢個甜品最好味, Waffle軟硬適中, 好香朱古力味, Waffle暖雪榚凍, 最佳配搭.Pancake : 呢個Pancake視覺享受就足夠啦, 因為我哋食飽飯, 再加呢個Pancake實在飽上加飽, 下次唔會叫呢個甜品, 因為Pancake實在太飽肚, 但味道係好味嘅, Pancake好香, 好鬆軟, D杏仁片同果仁亦好香好脆.冰火Chocolate 木糠布丁 : 木糠布丁用咗OREO 朱古力餅, 所以香味足夠, Cream好滑, 都係可以一試嘅甜品, 只可惜唔夠凍.…Read More

朋友同我慶祝生日, 問我想食咩, 因為之前個餐韓燒實在太難食, 未能解除我對韓餐嘅思念, 所以都係想食韓燒, 今次選擇呢間係好多口碑嘅7080, 因為貪佢係旺角好方便, 所以早一日已訂位, 去到都要等半個鐘先有位. 先講7080個環境, 一出電梯即時覺得環境好有韓國Feel, 但可惜環境好嘈吵，抽風系統好差, 好大煙，好似火燭咁, 令人呼吸困難, 我朋友更煙到咳嗽.服務 : 已經好多侍應, 但佢地好似好忙碌咁，又錯漏百出, 埋單時重要計錯數, 計多咗2百幾蚊, 佢地咁忙, 唔駛講服務態度緊係冇乜啦, 但又未去到好差, 只係個個木冇表情, 欠缺禮貌.燒牛肋肉 : 醃得好入味, 好鬆軟, 燒到有小小焦香味就最好食. 海鮮薄餅 : 韓式煎餅饀枓豐富, 但可惜韓式煎餅嘅特色係較為軟身, 食落好似D粉漿未熟咁, 唔似台灣或香港人食嘅蔥油餅咁, 較為香脆.豬腩肉 : 豬腩肉好厚身, 完全冇醃製, 係全靠燒到D肥油出晒嚟, 夠香脆, 再加佢哋D韓式辣醬及其他配料, 就最好味.…Read More

剛剛去完韓國旅行，好懷念仼何韓式食品，另一半亦好sweet話生日同我食韓燒，我當然開心啦，於是上網揾資料，揾咗幾間，其中一間係「松喜」，又見好似寫得好好咁，於是試吓，因為冇預先訂位，擔心晚餐時段會多人，所以早小小6點去食，去到冇人等位亦冇其他客人, 好快有得食.只見餐牌種類唔太多, 但一心都係想食韓燒, 所以叫咗兩款豬, 因為掛住韓國炸雞, 所以亦叫咗一款烤雞.食完成餐韓燒都要個半鐘, 到走依然一個客都冇, 只係門口有D人坐係門口, 我問個侍應點解佢哋要係門口等位, 佢話嗰D係朋友, 唔係等位, 咁真係冇客啦, 我覺得似係做枚囉.五花豬腩肉 : 好薄一片, 只得4片, 完全冇味, 只有雪味, 重要係未解凍, 一塊塊好硬, 韓式辛辣烤雞: D雞多咗D醬汁整到D雞淋晒, 好難食味汁薄切五花腩肉 : 又係薄到風都吹得起, 不過呢款話晒係(味汁), 總算有D味…Read More