Bowiepoyi's Profile

同職員落單 "雞走胸+肥牛" ，然後黎淨胸，同職員反映。佢答唔關我事，我落走胸，我淨係負責落單，佢唔係負責煮。其實呢間樓面職員態度惡劣都唔係第一次，兩星期前，佢落錯嘢飲就話係客人問題，成張落單紙掉喺枱面叫我地自己落。仲有佢呢間餐廳係唔會換白色膠枱布，但仲有上手d辣椒豉油。😂香港餐廳點解無生意，全賴有您。想一肚氣就黎挑戰下🙄🙃…Read More

食物如餐廳名，都係傷心。近排有廣告話 $58，10餸放題，慕名去試下。 店員話要先付款，我明了，因為食完會唔想俾錢。今日只得九個餸，無蝦仁炒蛋，無豆漿，但付款時店員無提。唔緊要，但連refill食物都無，限時60分鐘，都無乜refill，當時只係晚上8時已經唔補食物。見到隔離枱個男人齋食糯米飯😂 再有位女士不停講無餸。但廚房淨只顧做非放題嘅客。大家放心，白飯又真係可以任食嘅。不過要有心理準備，連熱茶都無。平心而論，咸蛋黃雞翼係唔錯，脆。…Read More

唔好信社交媒體網站！其實餐廳食物質素低下不重要，但連職員態度惡劣就不了不了！豬油撈飯，職員對豬油vs豉油比例不清不楚，只是講落多啲豬油，少啲豉油。肥滔大榮華嘅豬油撈飯好食100倍，新漢記搞不掂，有油益味，無油香，飯又偏硬。胡椒豬肚湯，我以為係水溝胡椒， 佢個煮法似係 水煲滾咗之後落胡椒，顏色似洗腳水，完！我個枱4個人，每人只飲了一口。同職員反映，回覆落單已講明係滾湯，我地餐廳係咁煮。話係我全枱唔識食。再望望隔離枱已走嘅食客，又係飲剩超多呢個胡椒水湯。唔通係全部食客都唔識食？然後到咸蛋炒良瓜，水汪汪嘅！呢碟係食到落口嘅，但係顛覆咗我對"炒" 嘅概念，佢呢個叫水煮， 極其量叫濕炒。職員再話我地係咁炒野架喇！好野！好野！乳鴿好似每隻$88, 一致認為衰過普通酒樓 $48嗰d, 個味好很古怪，有種怪酒嘅味，感覺係一聞就想放低嘅感覺。賣單嗰陣問收銀香小姐，經理知唔知我地嘅意見，佢話我哋無經理，得老闆。而啲菜嘅煮法全部都係老闆教。仲歡迎我哋去openrice寫食評。咁唔怪得知香港搞唔起夜繽紛，香港食肆站不住腳，你都要檢討下。香港人唔係畀唔起錢食嘢，只係唔會付出時間食一啲難食嘅嘢。建議職員不妨多啲去餐廳食下人哋啲餸。井底之蛙好可怕！難得一讚係職員對餐廳嘅忠誠度.. …Read More

今日經過西環，朋友就提起想介紹我食又便又靚嘅腐竹雞蛋湯水。咁排天氣又濕又焗，我都想食番碗滋潤下。但... 無.. 開.. 門.. 隔離店話佢今年都唔開門..希望店主無咩事，正如鋪名咁幸福🙏…Read More

同朋友聚餐，叫咗個套餐，有兩盅湯。湯有好多一條條野，飲2啖又見1條，而每條都有個黑色頭，我懷疑係蟲。仲要兩盅湯都係咁。於是叫個女侍應睇，她答: 啲菇好難洗，所以會多蟲...她一啲抱歉嘅成份都無..仲有，明知多蟲仲拎俾客人？ 於是我叫佢拎住裝住蟲嘅碗俾部長睇，之後Wong部長答我: 嗰d係八珍菇孢子。靈芝孢子就聽得多，我見過係粉狀，但無見過係蟲蟲狀，仲要每條有個黑色頭。我隨即上網查，並未發現'八珍菇孢子' 嘅相關資訊。而裝住蟲嗰碗就當然無俾番我，我都忘了影相。唯有喺碗湯到搵仲有無蟲蟲未盛起，搵到1條細細嘅。其他盛起左嘅蟲蟲大條幾倍。個女侍應都話係蟲，個部長話唔係。信不信由你！想體驗下飲'蟲蟲湯' ？唔怕嘅就去喇…Read More

#Farewell同事#海鮮九層塔 + 火煱早一星期前已致電預訂要間房for 12人, 小肥牛表示最低消費係$3000。到咗食飯當天(星期五晚)，間房算幾大，有一個獨立廁所。食物質素叫左2個海鮮九層塔，再加配料打邊爐。九層搭($998)，每款海鮮整體黎講普普通通，蜆殼類有部分多沙，魚有泥味。反而另外叫嘅配料大部分做得唔錯，鵝肝丸，芝士牛肉丸好味，菜類新鮮，粟米超甜，叫完又叫!服務質素服務員態度好好!做野爽手! 不過結帳嗰陣好彩有check單，計多左$1100 (漏左計open rice訂有7折)，所以記住望望張單。…Read More