SueC_85's Profile

今日同朋友喺銅鑼灣渣甸坊附近行街，見到lee間裝修簡潔得嚟又充滿日式風味嘅拉麵店🍜，於是就決定入去開餐😊！真係稱得上係隱世嘅拉麵店👍，日式手搓麵底嘅淡麗醬油拉麵，麵條咬落有彈性，口感佳。腩肉叉燒肥瘦均勻，入口軟滑而不膩。個湯底先至係精髓，色澤清，非常鮮味；加埋京蔥，菠菜，筍等配菜一齊食，感覺好正😚。至於濃郁味噌拉麵就湯底如其名，每啖都係超濃嘅味噌味道，配合爽滑嘅拉麵，又另有一番風味，真係兩隻湯底都超班！小食方面，炸可樂餅外皮酥脆，裏面係牛肉餡，配合獨特醬汁，I like😌。而炸雞皮餃子，係日式店舖裏面第一次嘗試，包住雞肉嘅金黃色雞皮呈餃子状，外脆內餡豐富。呢度真係每樣都好好食🤤令人至身於日本拉麵小店當中，非常滿足！！…Read More

今日同friend去黃大仙，經過呢間cafe，窗明幾淨，亮堂舒適，就入去食lunch同埋嘆返杯咖啡！泰式炒豬肉配酸種多士：豬肉碎帶好輕微辣又唔會搶喉，散發住洋蔥，芫茜，同蔥香，配合沙律菜同埋皮脆內軟嘅酸種多士，呢種咁新鮮嘅泰式配搭，好特別，味道出奇地配合，Good!無激素雞胸肉配煙三文魚沙律：有黑椒點綴嘅雞胸肉，入口軟滑，煙三文魚色澤好靚，質感厚實，點綴嘅小紅茄非常青甜，沙律菜嘅醬汁味道配搭得好好，Fresh又健康！Mini窯燒瑪格麗Pizza：餅底薄脆，羅勒葉，番茄醬同芝士融合滑順，滋味非常。窩夫配雪糕： 餅塊鬆脆，雪糕軟滑，配搭窩夫係完美嘅甜品。凍Mocha x2：超香濃！朱古力甜中和咗咖啡嘅苦澀，入口順滑，舒心。每款食物同咖啡都好出色，又enjoy咗美味嘅一餐！！…Read More

上星期約咗friend去荷裡活廣場，經過呢間餐廳，望入去燈光柔和，又有綠植元素，感覺舒服，仲有啲萬性節嘅裝飾添，就一於入去食lunch。意式海鮮薄餅：有蝦，魷魚，八爪魚等，小紅茄係一個好靚嘅點綴，又可以中和芝士同埋海鮮嘅豐富感，薄餅底部酥脆，熱辣辣入口拉絲，充滿意式風情。澳洲和牛面肉燴意大利貓耳朵：和牛面肉豐腴，入口非常軟滑，貓耳朵軟韌度適中，配上香濃嘅番茄醬汁，非常醒胃！菠蘿椰奶特飮：椰奶嘅綿密同菠蘿嘅酸甜交溶，啖囉椰香，清爽可口。焦糖爆谷Latte：香氣濃郁，焦糖的甜味平衡咗咖啡嘅苦澀，入口絲絲順滑。喺個咁舒服嘅環境享用午餐，同朋友傾下偈，一樂也！…Read More

今日同朋友去咗啟德AIRSIDE嘅“自己人”到食晏，店舖地方光猛開揚，侍應服務非常細心週到！小小梨子：擺盤好別緻，餡料係黑椒牛肉，咬落軟淋淋，味道調配恰到好處。鮮荔枝球菌：荔枝形狀做得維肖維妙，裏面有芝士同蝦粒，外皮脆口，餡料嘅配搭口感非常好。蟹粉芙蓉餃: 非常精緻嘅一款點心，外皮晶瑩通透，每口都滲透住蟹粉嘅鹹香。蟹粉拌麵：蟹粉同蔥油伴麵係分開上枱，放蟹粉嘅蟹型器皿造型可愛，蟹粉嘅鹹香同麵嘅蔥香直達味蕾，味道同配搭都係Perfect Match！百葉結栗子紅燒肉：濃濃嘅醬汁，栗子嘅甜，紅燒肉咬落軟滑，非常入味，又係一個好好嘅味道配搭。燉湯：黃皮燉鮑魚湯用黃皮嘅微酸帶出鮑魚仔嘅滋味，感覺特別。蟲草花紅棗燉烏雞湯，蟲草花香，加上紅棗嘅甜，配搭烏雞，女士飲用真係好滋補；擺放喺保暖器上面飲用，keep住暖笠笠。飲品：手打黃皮檸檬綠茶，飲品杯蓋上冒住煙嘅小茶壺真係吸引咗我眼球，黃檸檬皮嘅甘澀，入口清新。海鹽焦糖脆脆牛奶咖啡，香甜順滑。每款食物同飲品不論係賣相同味道都非常好，享受咗一頓美味嘅午餐，會再Encore！！…Read More

今日去九龍城，朋友就帶咗我嚟呢間泰國餐廳食晏，店舖地方簡潔，泰國侍應親切有禮。我哋試咗個$388嘅套餐：冬陰功：有芫茜香葉，蕃茄，大蝦，菇等，完全唔覺得辣，嗰種酸度恰到好處，好醒胃。小拼盤：有春卷，魚餅，炸蝦餅，香芋卷，香葉包雞。每款配甜酸醬都好食，而當中嘅香芋卷都幾有特色，外脆芋香，係拼盤款式之中比較少見；另外香葉包雞塊，咬落嫩滑，仲散發出梛香，I like！泰式串燒：配搭特色醬汁，趁熱食真係非常風味。菠蘿焗飯：飯帶有菠蘿香，腰果，肉碎，菠蘿，蝦肉，每啖都口感豐富，味道好好！芒果糯米飯：芒果甜，糯米飯煙韌，加埋味道完美，又唔'漏'，真心要讚！仲有紅豆冰同龍眼冰為lee餐飯增添完滿。…Read More

今日去friend屋企食晚飯， 行過見到“洪記糖水”呢間糖水舖，就買啲糖水去做手信。呢度除咗買糖水，仲有粢飯同埋韭菜餃等嘅小食。我本身好鍾意食有芋圓嘅甜品，所以就叫咗四款芋圓系列。芋泥紅豆仙草芋圓，係唔會失望嘅配搭，紅豆青甜，仙草爽滑，芋圓咬口煙韌。芒果西米桃膠芋圓同埋芋泥西米桃膠芋圓，呢兩款加咗桃膠，入口Q彈，感覺滋潤加倍，芒果甜，芋泥夠味，有埋西米同芋圓，口感美妙清爽。綜合芋圓芒果仙草，多種材料，顏色豐富，視覺同味覺嘅享受。鍾意lee幾款甜品唔係太甜，食完正餐再食都唔會好滯，係好好嘅飯後甜品！…Read More

今日同朋友嚟咗銅鑼灣嘅張公館食晏，位於29樓嘅食肆，海景開揚，坐落零舍舒服！川式麻辣燒賣：微微嘅麻辣風味喺口中散發，嗰種香辣嘅層次，就算我本身唔食辣嘅都接受到。百花釀竹笙：清脆可口，口感清爽，適合鍾意清淡口味嘅食客。脆脆笑哈哈：腸粉皮包住酥脆嘅蝦肉，有落口感香脆，肉質鮮味。酥皮菠蘿叉燒包：酥皮鬆化，叉燒可口，甜味同鹹香層次感非常分明。魚翅灌湯餃：上枱嘅時候係keep住保溫嘅狀態，湯汁鮮，味，濃，入口難忘。魚翅濃郁，餃子皮薄餡靚，令人回味無窮！鐵板西班牙叉燒（半份）：用鐵板襯托叉燒好特別，外焦內嫩，配搭醬汁非常好食。生磨蛋白杏仁茶：淡淡香滑，順滑暖心。桂花五色糕：顏色靚，味道清香。鍾意呢度嘅環境，服務，食物精緻美味，茶壺亦都係keep住保暖，會encore！…Read More

今日約咗朋友喺沙田行街，就先嚟咗國穂軒飲茶。酒樓有兩層，枱同枱之間有足夠空間，地方相當闊落，侍應服務殷勤週到。食物方面：蟹子鮮蝦燒賣皇，野菌鮮蝦菜苗餃，上當足料，裏面嘅蝦大大隻，相當彈牙，係高級水準！香煎蝦米腸，配甜醬同花生醬食非常香口。一口脆皮豆腐，外脆內軟滑，令人一口接一口。一份和風長春卷，裏面有沙律醬半住，又食到少少芥末嘅味道，味道特別得嚟又好食！XO醬炒蘿蔔糕，醬汁嘅比例恰到好處，配合煎香咗嘅蘿蔔糕非常惹味！菠蘿脆皮咕嚕肉，咬落肉感好好，掛汁食好開胃。同朋友飲下茶，傾下偈，呢度係個舒適嘅地方。…Read More

今日嚟咗澳門呢間有西班牙菜同葡國菜嘅“唐吉柯德” 用餐，餐廳環境雅緻，服務一流。煮蜆：係經典嘅西班牙小食，每粒蜆肉都吸收咗白酒嘅風味，同白酒嘅香氣完美結合，鮮美多汁又帶洒香。烤羊架：色澤金黃，外焦內嫩，肉質口感豐富，調味料嘅運用非常好，羊肉嘅腥味被完全除去，香料嘅薰香令人垂涎，配菜有生菜青瓜同紅茄仔，清新嘅口感，中和羊肉嘅膩感。咖哩蟹： 一上枱已經香氣撲鼻，咖哩醬汁嘅濃郁，蟹肉嘅鮮嫩，係非常有異國風情嘅菜式，配合蒜蓉麵包嘅點綴，一試難忘。整體食物嘅質素好好，值得Encore！…Read More

嚟到澳門，朋友介紹呢間“葡景軒”，話啲嘢食好正，就嚟咗幫襯。葡色烤乳豬：烤乳豬肉質鮮嫩，外皮鬆脆，每一啖都充滿風味，配埋薯條食，口感滿足。蕃茄濃湯配手工酥皮卷：茄味香濃，酸甜度恰到好處，同手工酥皮卷嘅配搭對比完美。酥皮蘑菇忌廉湯：奶香同蘑菇嘅鲜味完美融合，湯面上鋪上嘅酥皮加咗一層香脆嘅口感，Perfect。頂級肉眼扒配香烤大蒜及手工地瓜取條：上枱已經聞到大蒜嘅香氣，令人食指大動，肉眼扒Order咗Medium Well， 肉質多汁，每一啖都係享受。手工地瓜脆條嘅天然甜味，係菜式完美嘅配搭。芝士意大利麵：濃郁嘅絲滑芝士，同彈牙嘅意大利粉，配上鮮甜嘅蜆肉，冇得彈。呢餐葡國餐展試咗廚師嘅滿滿用心，真係好好嘅用餐體驗。😋…Read More

澳門多咗好多唔同嘅葡撻店，呢間波爾圖葡撻店，係葡國主廚手工製作，門口又排長龍，就吸引咗我去幫襯。招牌波爾圖鳳凰蛋葡撻：用咗日本可生食级夢王蛋製造，成本高好多，係特色之一。法國頂級牛油製成嘅脆脆酥皮同滑捋捋嘅蛋餡交集，入口香滑濃郁，蛋味超香，正！小山園抹茶蛋撻：濃濃抹茶味，又唔會太苦澀，燉蛋餡超級match，食落口感非常好。可可千層蛋撻：面頭有好多朱古力脆粒，味道超滑香濃得嚟又唔會甜得過份，朱古力控必食。芋泥麻薯蛋撻：顏色好靚，咬落煙韌，芋泥同麻薯嘅比例恰到好處。😋…Read More

快閃去澳門，喺大三巴附近買完手信，就去咗葡頌苑食嘢。蔬菜沙律：幾種蔬菜配紅茄仔，非常新鮮，入口“烚烚”聲，好清新！小食拼盤：有咖哩角，馬介休等，食落香口脆口又夠入味。頂級肉眼扒配香烤大蒜及手工地瓜脆條：擺盤好靚，肉眼扒Order咗Medium Well，質感極佳，外表微焦，每一啖都保持原汁原味同香氣。香烤大蒜嘅微微甜味，同西蘭花配菜，配搭得非常好。地瓜脆條外脆內軟，天然甜味同牛扒有一個好好嘅平衡。西式海鮮炆飯：份量非常豐富，有蝦仁，魷魚，青口，扇貝等，味道鮮甜，米飯充滿住海鮮嘅鮮味同濃濃嘅醬汁，勁快KO！菜心：非常翠綠，軟硬度啱啱好。Lee餐真係大滿足， 一定再Encore！…Read More

今日晏晝去旺角買完嘢, 諗住搵間餐廳食嘢, 見到通菜街呢間店, 門口已經有人排隊, 再望下入面好有特色, 係泰國嘅街頭特色風情, 好熱鬧嘅感覺, 鍾意食泰國嘢嘅我於是就試下.沙嗲雞串燒：有3串, 仲要大大舊雞塊, 雞串嘅肉質鬆軟, 高質, 點沙嗲汁食真係一流.泰式燒豬頸肉：入口有軟滑感, 加埋醬汁, 提升味道層次, 好快成碟ko.招牌蟹肉炒飯：色澤擇配合得好好呢個炒飯, 粒粒分明嘅飯粒, 混合蛋, 蟹肉, 香蔥, 洋蔥. 入口感受到蔥香, 你到調配恰到好處, 口感豐富. 青瓜伴碟, 更添清新.加埋椰青, 清涼解喝, 今餐非常滿意！…Read More

今日約咗朋友喺尖東搵食, 行下行下就嚟咗呢間“呷呷念念”, 見個名幾得意, 就入去試下食tea. 店鋪地方簡潔乾淨, 午餐同下午茶都有好多選擇, 掃code落單方便.鹽酥雞拌麵+士林花枝串：鹽酥雞香脆得嚟又唔會好鹹, 有比較健康嘅感覺. 花枝丸彈牙, 味帶微甜, 拌麵帶蔥香, 麵條煙韌度適中, 味道亦調配得合到好處.宜蘭紅燒牛筋牛展麵：牛筋非常腍身, 牛展入味, 麵條掛湯, 入口順滑, 味帶好少嘅微辣, 將成碗麵食嘅味道昇華.雞翼：雞翼上面放蔥, 碟邊亦有調味, 感受到小食擺盤嘅心思.咬落外脆內有肉汁, 味道亦都唔會太濃.外婆家皮蛋豆腐：呢碟冷盤除咗豆腐同埋皮蛋, 仲伴有肉絲碎, 撈埋一齊食除咗涼浸浸之外, 口感特別.飲品係冬瓜鮮奶茶, 黑糖珍珠鮮奶, 正宗嘅台灣風味tea, 作lee餐總結.…Read More

今日下晝去深水埗睇電器用品, 行過見到呢間食上海嘢嘅小店, 諗住好耐冇食過小籠包, 就入咗去食晏. 入座嘅時候跟住都陸續有人入嚟, 好快成間店坐滿曬人. 午餐價錢大眾化, 好多選擇, 真係每樣種類都想食.小籠包：點醋食一定係最佳配搭, 煙韌嘅小籠包皮,熱辣辣啜入面嘅肉汁係最爽, 餡料又大舊, 肉質鬆軟滋味.豬扒粗炒：豬扒腍身入味, 椰菜脆口, 粗炒麵底軟硬度適中, 味道調味恰到好處, 又唔會好油淋淋.砂鍋雲吞雞：叫咗1/4隻雞份量, 雞湯底非常濃味, 雞塊足料, 雲吞都有4粒, 彈牙味佳, 每啖菜都浸滿雞湯嘅味道.再有兩杯凍豆漿嘅加持, 非常滿足.…Read More