Shanghai Man Ka Chuen Restaurant

今日下晝去深水埗睇電器用品, 行過見到呢間食上海嘢嘅小店, 諗住好耐冇食過小籠包, 就入咗去食晏. 入座嘅時候跟住都陸續有人入嚟, 好快成間店坐滿曬人. 午餐價錢大眾化, 好多選擇, 真係每樣種類都想食.
小籠包：點醋食一定係最佳配搭, 煙韌嘅小籠包皮,熱辣辣啜入面嘅肉汁係最爽, 餡料又大舊, 肉質鬆軟滋味.
豬扒粗炒：豬扒腍身入味, 椰菜脆口, 粗炒麵底軟硬度適中, 味道調味恰到好處, 又唔會好油淋淋.
砂鍋雲吞雞：叫咗1/4隻雞份量, 雞湯底非常濃味, 雞塊足料, 雲吞都有4粒, 彈牙味佳, 每啖菜都浸滿雞湯嘅味道.
再有兩杯凍豆漿嘅加持, 非常滿足.

1

1

2