VincentTong0501's Profile

Cafe5月3日同老婆去Hyatt的Cafe食自助餐慶祝結婚週年。食物種類不多，連飲料都欠奉，不額外加錢就淨飲水，最後先嚟一杯檸檬茶或咖啡。魚生好孤寒，每款比兩件。和牛粒煎得太熟，嘥晒。推介嘅即烚龍蝦，肉質都係麻麻地。另外，侍應生人數太少。星期六晚唔算忙，坐唔滿，但係好似唔夠人做嘢，好耐都冇人收碟。原價每位$888，好在19:30後入座有7折。兩個人埋單連加一$1420。抵唔抵真係見人見智，不過我就唔會再去。…Read More

3月20日和太太去食下午茶，埋單俾錢時冇注意，落到樓下太太問點解好似條數唔係好啱。上到去問收銀員，點心紙上印住大中小點一律小點計算，點解埋單貴咗。收銀員回覆，下午茶點心紙上面嘅點心有啲係特點。我問點解冇標明大中小特點？佢話我要睇另一張點心紙參考。我覺得自己俾張點心紙誤導咗，原來食個下午茶要睇哂全枱面嘅點心紙參考，我相信自己唔係第一個。令人惋惜嘅係呢個鋪做酒樓近幾年轉左幾手，但有幾個伙記識咗好耐，應該唔會再幫襯。…Read More