尖沙咀凱悅酒店咖啡廳

Cafe5月3日同老婆去Hyatt的Cafe食自助餐慶祝結婚週年。食物種類不多，連飲料都欠奉，不額外加錢就淨飲水，最後先嚟一杯檸檬茶或咖啡。魚生好孤寒，每款比兩件。和牛粒煎得太熟，嘥晒。推介嘅即烚龍蝦，肉質都係麻麻地。另外，侍應生人數太少。星期六晚唔算忙，坐唔滿，但係好似唔夠人做嘢，好耐都冇人收碟。原價每位$888，好在19:30後入座有7折。兩個人埋單連加一$1420。抵唔抵真係見人見智，不過我就唔會再去。