Pik K Leung's Profile

已不是第一次去呢間餐廳，鍾意佢近我屋企、服務唔錯、生蠔新鮮價錢合理！有時突然想食生蠔，都會去呢間餐廳。今次食咗四款蠔，最喜歡嘅係韓國嗰款，夠飽滿又有蠔味，正！燒春雞同薯條都好味，赤貝刺身就一般啦。以後都會繼續幫襯！近來有七折優惠，要把握時機食多幾次😁好味指數 😋😋😋😋回頭指數 🤩🤩🤩🤩🤩…Read More

呢間日本餐廳我近日算係經常來，因為近公司+價錢合理。話說有一日好掛住東京嘅凍蕎麥麵，突然諗起公司附近有一間好抵食嘅日本餐廳，跟住就一個人去咗食，結果收唔到科，而家我每個月最少都會嚟一兩次。貪佢價錢合理又坐得耐，因為我經常都係喺啲非繁忙時間去食嘅。唔講咁多，介紹吓佢啲嘢食，真心覺得魚生唔會及得上一啲比較價錢高尚嘅日本餐廳，但佢魚生嘅新鮮程度對得住個價錢。重點推介佢炸雞軟骨，係我食過無論樣貌同味道都最好嘅一間，好過好多高級日本餐廳，所以我差唔多每次都點，不過好鬼大兜，我次次食完都有啲牙骹軟嘅感覺😆我多數都係嚟食蕎麥麵加雞軟骨，有胃口就加多幾件壽司，我覺得呢間餐廳好適合帶小朋友或者唔太食生嘢又鍾意日本菜嘅朋友嚟，因為好多熟食可以揀，而且地點方便，職員積極服務ok ， overall唔錯㗎！美味指數：😋😋😋😋回頭指數：🤩🤩🤩🤩🤩…Read More

好少去新城市廣場食嘢，冇乜idea，朋友喺附近返工，提議去咗呢間泰國菜，因為佢話食過幾好。一去到門口，覺得裝修好吸引，地方好大，唔似香港一般嘅泰國餐廳。後來先知原來佢係泰國過江龍。叫咗兩個set lunch，海南雞燒雞雙拼飯+牛柳炒闊河粉。本來想叫金邊粉，但原來金邊粉唔可以走辣，所以唔食得辣嘅朋友就唯有叫呢個闊河粉。飲品揀咗龍眼冰同蜂蜜檸檬。我覺得兩款雞都比較乾，味道一般。闊河粉似闊咗嘅水晶粉，唔係好啱我口味，但朋友就好鍾意。龍眼冰好多龍眼但味道偏淡，冇乜龍眼味。佢哋用嚟裝嘢食嘅碟都幾靚但好嘥位，同埋個碗仔係椰殼嚟嘅，幾特別，但唔知點解覺得污糟咗都好難睇得出，用得有啲不安🤣不過其實整體佢地方整潔，服務亦不錯。如果我諗唔到食乜，都會再回頭嘅，因為想試埋其他嘢，同埋地方真心幾好坐。美味指數😋😋😋回頭指數🤩🤩🤩🤩…Read More

前幾日放工想搵個地方chill吓，諗起公司附近有間想試好耐嘅西餐就去試吓啦，我同個同事兩個為食鬼叫咗三樣嘢，估唔到會咁飽🤣我哋叫咗香辣炸雞，諗住係小食，點知原來份量一啲都唔少，炸雞做得好香脆，而且一啲都唔鞋，俾我哋點雞食嘅醬亦好特別，之前我未食過嘅，辣辣地好開胃好好味，如果唔係幾廿歲食唔落咁多嘢，我簡直想encore多一碟😆比我想像中好食好多😋另外叫咗Aloha pizza同茄汁燴牛面肉扁意粉。其實個Pizza即係夏威夷pizza，見個名覺得幾過癮同埋周圍都好多人叫咗，所以我哋就叫吓，菠蘿係用新鮮菠蘿嘅，Pizza個皮做得唔錯，唔係好Hea嗰啲麵包feel嘅Pizza，我覺得都幾啱口味。最後想講吓個意粉，真係估唔到佢嚿牛係咁大舊，覺得真係好抵食，而且牛面肉做得好腍好入味，意粉做到掛汁同埋口感幾彈牙，非常滿意。今次無心插柳試新嘢，估唔到係咁正嘅，我推介喺附近返工嘅朋友仔要去試吓，一定唔會後悔。仲有佢哋嘅Waitress同Waiter都好有禮貌，充滿笑容，值得一讚👍🏻美味指數：😋😋😋😋回頭指數：🤩🤩🤩🤩…Read More

上星期終於去咗上環呢間好多廣告嘅Oppa燒肉店🤭地點：有少少辟食物：燒豬肉冇乜味、餃子好味、其他配菜正常環境：抽氣差，有煙霧瀰漫feel、清潔度ok服務：唔錯，至少係真oppa 唔係‘’opsuk‘’，有禮貌，亦會同客人一齊影相總結：貪得意可以去試吓，想食好嘢就…後記：間舖未有酒牌，飲酒自己買入去。另外，食物種類唔多，大家通常都係點個套餐。意外收穫係隔離枱兩位妹妹靚女夾好玩，交換咗contact😆美味指數：😋😋😋回頭指數：🤩🤩…Read More

人大咗，即使係食肉獸嘅我，間中都會想食吓素，一直搵唔到環境好價錢合理嘅餐廳！早排跟朋友去呢間素食餐廳食下午茶set，覺得食物高質、環境好、服務佳，於是早兩日有朋友話想食素，我就推薦嚟試吓dinner buffet！結果好滿意，完全冇失望😋其中最鍾意麻辣蓮藕等涼伴菜，炸物亦好出色不油膩，加上有湯、糖水、羅漢果茶，真係乜都齊晒好味又抵食😊呢度地方好大，見到有好多房可以包嚟同一大班朋友或家庭聚會👍🏻食完有心有力仲可以捐錢買免費飯盒布施俾有需要嘅人🥰好味指數：😋😋😋😋清潔指數：👍🏻👍🏻👍🏻👍🏻禮貌指數：❤️❤️❤️❤️回頭指數：🤩🤩🤩🤩…Read More

上星期去咗食黎巴嫩菜！濃味嘢一直係大部份肥人至愛，我當然唔會例外😆最重要係連我唔肥嘅偏食老公都讚好味，尤其是個羊肉串，有羊味但唔會太羶，加埋墊喺底嗰塊餅皮同配料一齊食，真係好令人回味！我一定會返去encore🤤另外仲點咗地中海慢燉牛肋骨+乳酪雞飯。睇相以為份量好少，點知食完呢三樣嘢，已經叫唔到甜品😅因為實在太飽，連啲飯都食唔晒！人老咗，即使再肥，食量都冇以前咁大🥲牛肋骨好林好入味，個飯就唔係人人啱口味，我覺得幾好幾特別，我老公就唔鍾意有乳酪，見佢平日都有食乳酪，點知原來加落啲飯度，佢唔鍾意食嘅，總之叫第二款雞飯啦🥹呢間舖頭唔單止嘢好食，裝修亦好啱打卡，成個天花板都係花花裝飾，燈、杯碟連座位都好有地中海特色！餐廳職員亦都有禮貌，服務唔錯！下次要同多啲朋友再返去試多啲唔同嘅菜式🤭好味指數 😋😋😋😋回頭指數 🤩🤩🤩🤩…Read More

好期待今晚同同事們好好食一餐，期待了幾天牛扒、豬扒任食，點知....我哋第一round食到一半已好失望。牛扒質素本身唔係最大問題，最大問題係廚師。雖則係任食，但都唔好咁hea吖，冇味又嚡口，最終只有男同事叫多一塊再試，食咗兩啖已想放棄，但基於對隻牛嘅尊重，所以食咗大半。豬扒，3個人叫咗兩塊試吓，夠林嘅，但又係淡而無味，冇再點。龍蝦細隻，都總算有少少龍蝦味但煮到好有香口膠feel同黐牙，我食完要即刻撩牙😅最後加多咗一次薯條就冇再叫。連店員都問我哋「夠嗱?唔叫嗱?」我諗我哋係全場翻單最少嗰枱😅最恐怖係最後贈送嗰幾粒甜品，我同事差啲吐返出嚟😅😅😅不過口味人人唔同，我見附近一枱學生哥哥，由頭帶到落尾，非常欣賞。唯一可以讚嘅係店員不停加水，禮貌算唔錯。但加茄汁俾大家用嘅時候，竟然加喺我哋其中一個人食過嘅茄汁碟上，衛生意識差咗啲。總評，除咗貪佢黃之外，冇啦，完🙏…Read More

平日好鍾意去荔枝角Aeon裡的大戶屋，鍾意佢食物好，服務都唔錯，尤其有個高大肥哥哥同瘦瘦長髮女生。其他員工就一般，但重點係佢哋嘢食唔錯又唔迫人，所以我長期去，儲晒積分。不過，今日極度不滿要寫上嚟分享吓。今日照例叫五花腩定食，我落單後見隔離枱唔知叫乜嘢食但等咗好耐咁，因為有員工嚟同個叔叔講要再等耐啲同埋俾咗啲湯佢飲住先，我已覺得今日個廚房可能有問題，煮衰咗啲嘢食要再煮。我個定食大約落單後10分鐘到，仲快過隔離位。嘩，賣相極差，我諗住趕時間算啦照食，食咗一粒，全肥膏! 我忍唔住攞返之前影嘅相嚟睇(之前影低想寫嚟讚嘅)，一對比真係更嬲，今日全肥仲要又少又燶，我想話個餐唔係set lunch, 係百幾蚊嘅叫嚟當lunch, 現今社會唔算好貴但都絕唔係平。咁都敢上枱過骨，令我覺得今日廚房堅出咗事。我搵個waitress 嚟講，佢仲要態度好似覺得我好奇咁話今日返貨係咁，我叫佢睇吓之前啲相對比吓，佢話係返貨問題冇計，要食五花腩就係得呢啲，我問佢點解唔remind食客今次返貨有問題可以叫其他，佢話返貨係點佢事前唔知，我話佢應該同廚房溝通好先開始serve客。好心佢啦，死雞撐飯蓋，衰咗咪講聲唔好意思囉，仲衰過樓下茶記阿叔。佢問我轉唔轉食物，我話轉，之後佢用大我嘅語氣講話要轉預咗要多等起碼15分鐘。我真係趕時間的，結果我起身走咗，佢真係當我傻㗎! 其實嘢食有問題，佢客氣啲我趕時間都會照點其他，佢老闆請著佢真係唔該晒，自求多福啦！個waitress係一個疑似高級少少嘅中年女人(因佢著白裇衫，其他人黑色制服)，我唔明點解佢會高啲。劣質服務令人反感，仲要話知我係熟客，發神經:(…Read More

早幾日寫呢間拉麵嘅食評時，寫得太興奮，寫完即刻去食多次。今次試真.叉燒拉麵，要辛味湯底，焗住只配背脂湯底。上次食完普通叉燒，今次食真嗰款。感覺滑啲，似Parma ham，可惜我點咗辛味湯底。咦～杰過杰他他老伯。。。最大鑊係辛味唔夠辛。個日本侍應都自動配一小瓶辣椒粉一齊上麵，咁即係佢哋擺明唔會辣得去邊。雖然杰過乜，但本身都好味嘅，只可講句唔啱我個人口味啫。下次嚟我會點返清湯+真叉燒，唔再俾啲背脂膠我個咀！今次覺得服務比上次更好，不斷加水又笑又剩咁，唯獨那個後生啲講地道廣東話嘅侍應阿妹，我隔離個客問真叉燒同普通叉燒有乜分別，佢竟然答咗半日都答唔出，我忍唔住代答了。唉～我去過兩次都識，佢喺度返工唔識。老細應該罸佢自費一次過食晒兩款叉燒，等佢以後記住有咩分別😎…Read More

(長文慎入)見有唔少劣評，但我同事又好似好鍾意，我決定自己試一次，睇吓係咩料。一入到去，覺得好特別，同香港大部份拉麵店唔同，裝修raw得嚟幾日本。坐喺啲煮麵師傅前嘅"bar枱"位等拉麵，見佢有個細磅用嚟磅麵嘅份量好認真。第一次來，我決定揀兩倍野菜，唔要背脂，正常大蒜嘅玉子拉麵。原來啲麵係由煮麵師傅直接俾我嘅，有個銀色"梯"碟托底，都幾搞笑喎，但我好鍾意佢親手遞俾客人嗰吓。講返碗麵，嘩，好大碗呀！兩倍野菜已勁大兜，野菜係略為炒過嘅芽菜同椰菜，正是本人最鍾意嘅其中兩種菜。心諗今次發達啦咁多實飽，因為我當時好肚餓。首先飲啖湯，冇背脂一啲唔肥又唔會濃夾杰，幾啱我口味。我揀中太麵都夠粗夠咬口，食吓隻蛋，竟然好好味，係我近日食3間深水埗拉麵最好味嘅，佢應該加咗啲自家製味落去，唔知點講，總之有驚喜。只可講句，呢間拉麵一定唔係人人都鍾意，因為我覺得佢賣點係芽菜，唔加嘅話，會嫌佢兩塊叉燒太細。對於芽菜控同粗麵控，呢度一定係天堂，我食咗幾啖，已覺得好開心好抵一定要翻炒呢間店。簡直想一面食一面寫食評🤣仲有，好鍾意佢放好多樽水俾人自己serve自己，成間嘢嘅感覺係輕鬆古怪，好特別真係有啲混亂，係一間特色但唔係迎合到所有大眾嘅拉麵店。最重要係食到好飽嘅罪惡感，其實只嚟自芽菜，I love it♥️…Read More

連續兩日食拉麵，呢間都係第一次試，因為又係唔少人讚嘅深水埗區拉麵，一定要試吓。我選擇平日嘅lunch time嚟，睇吓會唔會迫死，結果係要搭枱但冇迫死，因為兩枱之間空間唔錯。點咗個豚骨清湯底嘅極上拉麵，即係好多肉嗰碗大嘢。真樣冇睇相咁震撼，因為啲叉燒好薄。個人好鍾意個湯，可能清湯底感覺唔會好濃厚黏咀，覺得幾好唔肥膩。我鍾意佢有少少筍，感覺就好似食飯有菜有肉冇咁寡。至於叉燒，係我食過咁多間拉麵最薄嘅，但佢薄得嚟好有質感，亦唔會好似某啲拉麵店叉燒咁鞋或者厚到煲湯瘦肉咁，總之好味啦！半熟蛋就冇乜特別，正常。個人比較大食，食極上拉麵應該有6-8塊叉燒，因為叉燒薄，覺得啱啱好，夠晒飽但又未至於爆肚嗰隻，覺得係男人正常份量 (其實本人係女人😅😂)。我係專登唔食早餐，忍到1點去食當brunch㗎，所以覺得份量啱啱好！呢間拉麵絕對會回頭幫襯，而家寫寫吓好想再去食添，今晚一於試埋佢嘅真.叉燒拉麵，係慢煮叉燒，食完再評過😎…Read More

近來每逢一個人就好想食拉麵，見深水埗有幾間多人讚，咁啱住喺附近，於是開始得閒就試吓之旅，呢間黑岩係第一間！由於我11點幾就到，係全店第一個客人，所以環境一定唔會差，起碼冇人迫迫吓。呢間店裝修係一般嘅拉麵open kitchen, 冇乜特別。點咗最basic嘅原味湯底加蛋。首先麵未到，我抹筷子時發覺對筷子好污糟，真係有點意外，我去大排檔都未見過咁污糟，我懷疑係咪甩色😅麵來了，有點細碗，但味道唔錯，不過未至於其他食評讚得咁勁，下次要返嚟試埋蝦子拉麵再評分。總括嚟講，麵同叉燒及蛋都合格有餘，只係唔啱我本人喜好，因為我較喜歡醬油味嘅拉麵湯底，佢係較濃嘅豬骨底。最後一提係啲店員個個都有禮貌，估唔到後生仔都咁好禮貌，唔係間間舖頭都可以遇到。…Read More

老公生日，今年唔想再食西餐，佢平日都幾鍾意食泰國嘢，所以我揀咗好耐，見零負評，咁就試吓呢間。真係希望越大，失望越大，但都未絕望嘅，起碼服務、環境係幾ok嘅。我哋點咗鮮蝦米紙卷、椒鹽軟殼蟹、鹽燒盲鰽、青咖喱羊架、芒果糯米飯、啤酒、椰青沙冰。我覺得只有盲鰽、芒果糯米飯同啲飲品ok, 其他三樣可以話係差。要讚的只有環境同啲waitress個個都笑容滿面又attentive。因生日點甜品會插蠟燭，泰國餐廳較少有。食物都係去返啲泰國小店冇咁嬲。…Read More

朋友好鍾意食burger, 為了同佢慶生日，特地選了這家有burger嘅餐廳。點了Deluxe Burger, the bikini sandwich, crab cake, 最後兩個cake結尾，飽到上心口。每款食物都好好味，超級推介crab cake，應該係我食過最好味嘅，比某些酒店出品的更重蟹味更香口，我同朋友都讚不絕口。食物、環境、服務都很好，一定要約更多朋友回來，試更多款食物😊真係一間令人食得好愉快嘅餐廳！…Read More