3^07's Profile

之前已經食過但無寫食評，今晚同個朋友喺旺角攪完公事，記得石鍋堂就喺隔離街，時間仲早應該晤洗等位，就直接行去食。叫咗個“照燒雞扒石燒手打烏冬(黑松露香菇湯)" + "鮮活蜆石燒手打烏冬(山地獄辛辣湯)"，雞扒燒完好 juicy 配埋個甜甜地嘅照燒汁👍🏻黑松露個香味，嗅到已經 暈咗真係太鍾意黑松露個香氣，湯底係好濃郁嘅豬骨味。烏冬好冧好滑，係冧但晤係爛，成個石鍋“滾”咁耐都仲係好完整晤爛。辛辣湯係大眾化嘅辣，晤會話好辣！另加咗小食"黑胡椒煮活花甲" ，依個小食我朋友半分鐘就食曬，湯都飲埋 👍🏻花甲好鮮好甜，湯底加咗胡椒同花甲嘅鮮味，一下子就飲曬！之後問個伙記，原來係每朝新鮮到貨！！🤤🤤 岩鹽燒牛舌+黑松露帆立貝，正常表現。最愛牛舌係厚身好有咬口！！好滿足嘅一餐，服務有禮貌、品質有保證、環境因為而家係疫情，所以好多板，希望快啲晤洗咁啦！💪🏻💪🏻…Read More

見佢有成700幾個👍🏻諗住晤會太差，但真係好後悔/好失望！！☹️ 原本訂咗3位食，但其中一個突然有事黎晤到，最後得兩位。同個女伙記講話而家得兩位嘅時候，佢面色一沉跟住收走個位，最初枱面佢係放咗兩細兜幾條嘅什菜條，收走位嘅時候無收到，但埋單嘅時候就收咗“鮮菜沙律”X2--$72？！🤷‍♀️ 如果係兩個人一兜，咁另外一兜係咪應該收走 / 同我地講係會收費？去過好多居酒屋其實依啲菜條都晤會收費，同埋你放得落枱如果係要收費，係咪應該知會客人一聲？原本諗住叫串燒係一串串叫，咁可以試多啲款，但佢話串燒一定要order 兩串起，聖子皇$128 叫咗一條，自問一向都有去開街市，如果咁嘅size都叫“皇”？？😂😂 去過好多居酒屋食，佢串白鱔堅係過份，得細嚿半？！😕 佢全部串燒都係短竹籤，所以其實size係好細。個伙記推介黑板上面嘅“推介菜”，話份量係大啲嘅。我地揀咗“西班牙 安格斯肉眼柳” 送到黎其實碟牛係晤熱亦晤係溫，我會用凍咗黎形容！🤨 同埋燒到好熟有8成熟，又乾又韌！真係好失望！明太子墨魚棒包得好薄身，食晤到個墨魚嘅彈牙！😔 其他串燒算係 so far so good la 😒 我地叫咗黑啤同high ball，其實張枱都算有位，但個伙記就同我講一定要放個膠牌旁邊位？而我個fd好介意係而家疫情關係，衛生都注意啲，但個伙記攞住杯啤酒，手指位係杯口位，即係客人飲嘅位置？！🥴 全程我地應該坐咗一個鐘都無，張單$1553 我地兩個都話“都晤知食咗乜？”，因為其實佢啲串燒size真係好細，CWB 好多串燒居酒屋，依間真係算係我去過最晤會再去/推介嘅一間！😩😣😠 …Read More

之前見網紅“肉Dee”介紹好似好正，同埋每日有不同嘅任食Item，但而家無夜市只有午餐，但咁啱見Openrice 有優惠，餐牌半價😱 即刻就book 枱黎試試！餐廳個門口晤難揾，但因為晤似係門口，好易會pass咗 餐廳係 11:45先開門。入到入面……嘩！……真係會嘩一聲，好似去咗歐洲咁😍 但礙於而家係疫情，有好多板阻隔望落就無咁靚！全部侍應都係外籍人仕，全部都好nice服務亦好好。因為自己都係做飲食，所以有時睇嘢都會有啲職業病上身😅 如果做依行嘅人就會知，依條餐巾平時係用黎做乜🙄，所以好晤明點解咁靚嘅餐廳，會比條咁嘅餐巾比客用🤷🏻‍♀️？？我零願你比張長形白紙巾好過！！枱面有個汁醬架，好齊全下👍🏻食西餐差晤多要用嘅Sauce佢都有齊！頭盤要咗我嘅最愛 Steak Tartare， 餐牌寫個meat 係from New Zealand 嘅 Tenderloin 肉質好冧，調味亦好適中，陪襯有 Lettuce Leaf 牛油生菜，4片 Sourdough。頭盤再加個招牌青口，有6款汁可以揀，1/2KG $245 1KG $395，今次揀咗1/2KG， 汁係Mariniere 有白酒、西芹、蒜、香草、洋蔥，配薯條同 Mayonnaise sauce 隻隻都好肥美，薯條👍🏻👍🏻堅好食，真嘅！平時薯條我麻麻，但依度啲薯條真係好食，可能你會話因為啱啱炸起，都可以話係，但就係有啲晤同，真係要試過先明！主菜原本想試“肉Dee”介紹個個乳豬仔，見個餐牌無，咁揾反張相問個侍應，佢話原來係要之前預訂先有得食😩 好失望！！！咁改咗要個 Steak & Frites 餐牌寫係美國扒 14oz Black Angus Rib-eye 跟 Truffle Butter Sauce 松露我地要咗4成熟，成數做得晤錯無過熟，牛味都夠，1855 Black Angus 都晤係差嘅本身。牛扒上面有兩片黑松露牛油，配扒真係一流 😋😋 其實我地分別要咗一枝氣酒同一枝紅酒，服務好好佢真係有 keep on eye 你杯wine，因為枝酒晤係放枱附近，所以一定要佢睇實黎幫你 refill (其實我會想枝酒喺枱附近多啲囉) 😅😅 到甜品，要咗個好多人推薦嘅 Waffle Bomb Alaska ，食即整嘅 Waffle 真係好正！面頭有 Meringue 蛋白糖霜，內裏係朱古力雪糕再配埋朱古力醬喺底成個午餐都食得好舒服，環境、服務、食品、氣氛，全部加埋。一定一定一定會再黎！！因為相片只可以12張，所以無得再放埋餐牌嘅相 🙇‍♀️🙇‍♀️…Read More

日日都屈喺屋企，真係人都癲😩😫！！要出出街行吓！！之前見過啲食評都諗住黎試，今日咁啱行過就入去順便 hea 個下午☕🥞！佢個 Lunch Set 係做到3點，叫個主菜加 $15 就有 Daily Soup + 一杯$40內嘅 Drink. 要咗個 Homemade Pancetta Carbonara, Daily Soup 係 椰菜花薯蓉湯 ，加個 Hazelnut Latte. 礙於係限時進食 (疫情期間，一個小時) 如正常期間係有個半鐘！3點後係有 Tea Set ， 一個甜品價包埋 Drink. 個湯好“綿”，薯蓉口感好滑、淡淡椰菜花味、忌廉感剛剛好，食得出係真材實料 (所以係有限，賣曬就無架啦) 一向都鍾意食 Carbonara 但要好食同用好料，就晤係咁易揾！ Pancetta Ham 係餐廳自己煙，係一條條粗條，並晤係普通 Ham or Bacon / 一片片薄片，個汁係濃同杰嘅，晤係似其他餐廳好似水咁，意粉軟硬適中 (Al dente), Chef 建議趁熱食。食 Souffle Pancake 都係我黎嘅其中一個原因，叫咗個 Berry Berry Souffle Pancake ，賣相好靚，有兩個醬 on side (raspberry + blueberry) ，兩個醬係 Homemade 會食到有果肉，晤會有個啲假果醬嘅(假甜味)。Lucky Me 🥰 Chef 請我試食咗少少朱古力雪糕，佢話係 New Zealand 貨 👍🏻 濃濃嘅朱古力味仲有啲粒粒嘅朱古力喺入面 😋😋 On Top 仲有啲脆卜卜嘅脆脆同一片 Oreo 餅乾！唉……就黎6點啦，又要反去個小小嘅空間啦！！！！…Read More

見報導過好似幾得，個日反工前有時間就去試試，下午3點左右去，所以晤係好多人。多數係“架位，個一人位都有，但如果多過5-6個人就可能要分枱坐。”order 紙上晤算好多選擇，但就更加睇出小店想專注做好一件事嘅表現。每個套餐都已經包咗頭盤“一件冷胡麻豆腐”、“細新鮮沙律”、一碗白飯，但個白飯好得意，晤係熱亦晤係凍，但粒粒分明晤會話因為凍已硬掘掘，面頭仲加咗啲“飯素” （多數係海苔、鰹魚、芝麻)，食起黎好惹味。但無飲品包。 叫咗個西冷3成熟，成數做到係3成嘅，牛味都可以但晤會話係好重個種食完都好飽吓。服務都細心。如果係“有限時間”又想 causal 啲咁食牛扒，係一個好好嘅選擇地方。…Read More

4月去大阪梅田，阪急嘅三番街Food hall 食過，念念不忘。一知香港都有開就好想食反，5點去到，佢話6點先開始咁坐喺foodhall等一個鐘，佢有西冷、牛柳、肉眼，主要係可以order 300g and 400g, 可加錢轉餐有埋飯、湯，沙律/汽水。我要咗300g 西冷，$160價錢上係抵嘅，我無轉餐。點解我會話失望？！佢係一個個盆排曬係度，（即係好似大家樂個啲咁），排曬喺度晤係問題，但佢連個鐵板都喺埋個盆上面就係問題。一塊牛扒由生煎到3成都要啲時間架，但塊熱鐵板就喺個盆度，由熱都等到凍啦？（現塲啲冷氣都好勁吓）日本係塊牛扒連鐵板由煎牛扒個面成個攞出黎，客人攞嘅時候，個鐵板仲係好熱“滋滋聲”，加埋啲蒜油香到“不得了”🤤🤤🤤。我已經係坐最近攞餐嘅第一張枱，但當我放喺枱面，塊鐵板已經touch到係凍 😥 ，切開食……又晤可以話係凍，但可以話係室温囉，因為佢切比你睇，磅嘅時候塊牛扒係室溫嘅，所以就好似只係略為煎一煎就出，如果佢塊鐵塊keep住熱的話，咁做法都可以嘅，因為佢係會用兩個洋蔥圈隔塊牛扒，可以有餘温熱住個扒，但而家完全係兩回事！我好似食緊一塊放咗喺枱一段時間嘅牛扒。…Read More

今日去旺角買嘢，路經女人街。記得之前朋友介紹過嘅一間小店。記得佢話係豉油街，路口大家樂，轉入內街行十步左右就揾到。推開門就已經有位好親切嘅叔叔，笑住咁問你幾位？地方細細好企理，完全feel到係家庭式嘅小餐廳，之後傾開發現真係全部都係“自己人”，所以好有家嘅warm feeling 😍 因為係下午茶時間，所以有下午茶餐同散叫。烏冬可以揀湯/撈，亦有飯同小食。揀咗個"七味唐揚炸雞配地獄辛辣湯烏冬"，炸雞係即炸但入面好 juicy🤤，啲粉厚薄適中，烏冬彈牙👍🏻，辛辣湯晤會超辣，但都有少少冒汗😅。另外加多咗個小食“水牛城雞翼”，即叫即做所以👌🏻好有水準。每隻雞翼都full of sauce🤤，晤會但辣。之後同個fd講反，佢話鰻魚飯係最 👍🏻👍🏻，一定要食！！好，咁下次再去你請啦，朋友😄…Read More

一向去開另一間依啲美式餐廳食，個朋友有佢地嘅會員咭，話可以借比我用，試吓話啲嘢食都ok。我問佢係咪借得黎用，佢話借過幾次比人都無問題。咁見今晚有朋友生日，就借咗黎用，試吓係咪真係好食。訂咗位，去到門口個女仔有問有無會員咭，我答佢有，之後就入座。三個人order咗一枝白酒，兩個頭盤，一個超大size burger $400，西冷扒$400，再加個 mini burger $200幾。服務晤算特别係好，我見佢答另一枱order，啲語氣都好負氣吓。埋單時比張會員咭佢，佢問要check 名，我答佢未試過要check個喎，佢答check晤到晤可以用。跟住佢講你張單都二千幾，加多兩百幾入會，我做半價比你，入會費$1200。其實嘢食晤算真係好好，加埋佢咁嘅態度😤 。其中一個fd話算啦，入會囉都有半價。寫form嘅時候佢要求我朋友一定要寫全英文名，話要黎對名用。我問反佢咁如果我有咭係有全名對啱，咁係咪“代表”用得？佢答我“咁如果你晤介意，借埋你張信用咭比朋友嘅，對到咪得囉！”，我真係想知係咪公司“要求”係要對信用咭囉！！！香港地要食buger 嘅地方好多，競爭好多。我都係諗住黎試咗，係好食先入會。而家咁入法感覺真係好差。…Read More

搭車經過好多次，依間舖亦開咗好耐，但一直都無行開依面，所以無試過。個日咁啱有事行經過，就入去試吓，要咗個重慶酸辣粉(勁辣)，另加豬皮同大腸，加碟口水雞同凍檸茶。碗粉黎到見到都口水流！雖然睇落面頭係成層油，但食起黎晤會成口油，辣度夠勁！豬皮、大腸都算多同大塊、麵嘅份量亦好足夠大碗👍🏻。口水雞嘅份量差晤多有成成隻雞嘅4份一，晤算超辣但好惹味。食完真係會上癮，過幾日又心思思想再去，小食都有咁多款！價錢晤貴，款又多！之前去景隆街間“渝”，見有人排隊又多雜誌報導，但試完晤覺得係“講”嘅咁好囉！…Read More

約朋友銅鑼灣食飯，好耐無去 the grill room 所以用openrice訂枱，仲可以儲埋 asia miles 積分，而且有二人/四人套餐優惠。三人準時6:45到，待應介紹個四人套餐比我地，$1488再折 ——香草白酒煮青口、特色主題沙律配車厘茄巴馬火腿、1.5kg 炭燒美國頂級安格斯斧頭扒配雜菌/雜菜/忌廉薯蓉、黑松露雜菌扁意粉，另外可以用套餐優惠價，$88 order兩杯飲品，或以$198 order 一枝推介紅酒。香草白酒煮青口——青口好新鮮，白酒蒜香，但個汁略嫌過咸。主題沙律——新鮮雜菜沙律配巴馬火腿，如果係for 四人，份量晤係好足夠。斧頭扒——侍應會完整成個比客人影咗相，之後再交比厨房切片。個人推介牛扒成熟5成係最好，因為size大5成剛剛好外層焗得金香，內層晤會太生。三款配菜都好好，汁醬有燒汁同青醬( pesto ) 。雜菌扁意粉——係雜菌忌廉汁，意粉有咬口亦掛汁 👍🏻。成個套餐都晤錯，但如果可以有埋甜品就會完美啲，其實我地三個人食就剛剛好，但如果四個人食，應該要加多個頭盤/主菜先得！同埋幾個菜都比較偏咸少少，厨師或者可以輕手少少。…Read More

喺銅鑼灣反工，見有新店就想試！仲要話係自1970年於越南胡志明市開業，最高紀錄於一天賣出越過3000碗！！門口有個牌教你食牛肉粉嘅正確方法！但食好嘢都要睇時間，下午4:30-5:30係close架！我4:25pm 行入去，待應同我講而家要last order，有無問題？梗係無問題！多謝！當然要試嘅係招牌嘢，“錦麗綜合粉”——有生牛肉、熟牛肉、牛丸，先飲啖湯，濃濃嘅牛味但清湯，九層塔、鴨舌草、芽菜、辣椒無限量供應。雖然啲生牛肉係淥熟咗，但晤會“鞋”而係好滑，啲牛丸超濃牛味 👍🏻，熟牛肉其實係牛坑腩，並晤係只得肉而係帶啲筋，仲好好好冧！河粉係幼身個種，超滑真係好正，果然係招牌菜！食越南菜點可以錯過小食？！炸手作蝦餅同法式牛油雞翼掙扎好耐，最後要咗雞翼，4隻每隻雞翼上面都放咗蒜蓉，好香蒜蓉但牛油味就晤多覺，係即叫即炸，但或者可以喺碟上面/炸完後，吸一吸啲油先再上碟，一夾起隻雞翼就見到好多油喺碟，感覺麻麻。同埋炸得晤算好香口同乾身脆口，但都算係juicy嘅炸雞翼。下次再試埋其他小食！其實個餐牌晤算真係好多選擇，但就更加特出佢講嘅，“專注製作，用心烹調每一碗牛肉粉”！！香港需要咁嘅餐廳！👍🏻👍🏻…Read More

行開時代但又過咗午餐時間，見佢仲有lunch set 又晤係好多人，靜靜地就入咗去。價錢$78-98 都晤算過份，但如果主菜要轉反做原個pizza / 整份意粉就要加$38， 另外可以加$18有幾款小食揀。頭盤一係沙律一係就麵包，要咗兩款麵包，頭盤方面真心有啲失望😲，主菜要咗 Margherita pizza （加咗$38轉做原個）朋友要 Spaghetti Carbonara （無加錢轉 )，個pizza晤算厚皮好足料，但我見如果晤加錢好似係得兩片😱，意粉無加錢所以真係得兩-三啖😒，眼見真係晤飽😫所以，另外加咗香烤雞翼同焗蘑菇🤗。原本想要埋甜品 Tiramisu 但佢話無曬 😭，餐飲我地兩個都係要咗檸檬薑茶，茶包跟一杯熱水，飲曬就要揾人加熱水😧，我地去嘅時段都算無乜客，但如果 lunch period 應該就好難揾人同你加水，點解晤比一壺水呢🤔？…Read More

同朋友喺世贸食完飯，仲未想散。見對面街有甜品舖，睇落都ok就入咗去，位同位之間好迫，晤係好坐！價錢亦晤係平！。要咗4個甜品，朱古力沙冰～個朋友食完話好似食“風”咁，好似乜都無咁？！味道還可以！紅豆沙&黑芝麻配湯圓～糖水係晤熱只可以話係室温囉！原味梳乎厘班戟～依個先最過份 😤😤😤 等咗成半個鐘，黎咗碟“垃圾”😠😡😠😡 黎到時睇個樣 😍 係得嘅，又襯埋金叉金匙羹咁。一叉開……即散……仲要入面係好似一pat pat 蛋漿咁嘔心！😵😵 另外個兩嚿都只係得50％係熟？！同埋個味好奇怪囉，梳乎厘班戟晤係未食過，但差到咁？？真係第一次！！我只係食咗球雪糕！😔 睇佢張相真係呃得吓人 😖 …Read More

年初一去完濟公廟上香，行過幾步就見到依間落地玻璃寧靜嘅餐廳。lunch set 百幾蚊，有頭盤、主菜、甜品、咖啡/茶。餐廳係open kitchen 同 open bar 可以睇到厨師整 pizza皮，調酒師整 cocktail 。落地玻璃讓自然光伴住你，感覺好舒服，亦可以令你嘅相片更加靚！😉 頭盤要咗“煙三文魚沙律”～沙律菜好新鮮配油醋汁，三片煙三文魚。幾特别沙律入面係加咗士多啤梨😍好香甜！另外加咗個“小食拼盤”～入面有兩粒香煎帯子、4-5件炸雞，炸得香脆晤朝身、6-8件炸魷魚、4件煎大蝦、 一片大Parma ham 墊底、沙律菜放面。👍🏻 主菜要咗“扒肉眼”～比較薄身，but it's set lunch, right ! 肉味重亦好冧晤韌，伴菜有炸蕃薯同雜菜、“雜菜意大利麵”～意大利麵同雜菜都軟硬適中👍🏻，另外仲有炸魚薯條、pizza嘅選擇。甜品係“白朱古力 mousse” ～晤會太甜，伴士多啤梨😍，跟住最後要埋杯 cappuccino 完美的一餐！…Read More

因為喺公司附近又話“米芝蓮”，所以咪試吓囉！！下午去無乜人，佢啲坐位就好似啲壽司舖咁，排排坐只有1-2張係有張枱可以對坐。想試“沾麵”嘅但天氣好凍，所以叫咗碗拉麵（有湯）。燒黑豚拉麵（濃湯）湯底可以揀“濃湯/淡湯”，一向（重口味）要咗濃湯，另加咗個小食“炸雞”。濃湯真係比較重油同酱油，幾咸吓😓下次淡湯好啦！黑豚佢係會一塊一塊咁燒香先落碗，所以好脆口 😍，麵條有咬口，半熟雞蛋晤係熱/暖。炸雞～以為係（小食），但原來好大份，差晤多成隻雞髀嘅份量😲！有人share會好啲，但炸得好脆同 juicy！枱面會有茶供應，但係凍嘅（室温）！下次去試個沾麵同銅鑼灣先有嘅特選拉麵，下次再報告！ 😘😉…Read More