FIorflorwing's Profile

呢間店～我嗌咗三樣嘢試，真心有驚喜！💥 半之助沙律🥗 一上枱就見到色彩繽紛！菜新鮮爽脆，加咗啲酸酸地嘅沙律醬，開胃得嚟又唔會膩，重點係佢哋嘅材料係非常豐富，有大大隻嘅炸蝦同埋海葡萄。虎蝦壽司卷🍤 必點！虎蝦大大隻，炸得外脆內彈牙，壽司飯醋味啱啱好，面頭仲有啲魚籽咬落卜卜聲，配埋沙律醬真係邪惡到爆炸～ 豪華牡蠣天丼（迷你丼+烏冬）🍚🦪 主角登場！牡蠣真係巨無霸size，咬開超juicy又冇腥味，炸粉薄脆脆哋，天婦羅醬油甜鹹度平衡，撈飯一流！迷你丼份量啱啱好，烏冬湯底清甜，滑溜嘅烏冬夾埋天婦羅碎食，滿足感爆燈！ 《古早秘傳醬汁》 天丼嘅天婦羅唔係脆口？ 傳統做法係將新鮮炸起嘅食材舖喺飯面，再均勻淋上天丼醬汁，目的就係要每件天婦羅都沾到醬汁。所以天丼嘅天婦羅同一般天婦羅唔同，唔係追求脆口，而係要每件都恰到好處咁掛上醬汁。 至於金子半之助，用咗古早秘傳醬汁，更加能夠重現江戶時代嘅風味。日本特製高胡麻油佢哋係用咗日本高級胡麻油, 用胡麻油炸既天婦羅顏色係會比較深色同埋比較脆口，都係我嘅大愛啊。…Read More

放假一個人食飯都可以係一個奢華享受！今次嚟到上環一間日本料理餐廳食Omakase，佢哋主要用北海道、九州、沖繩嘅時令食材，新鮮又抵食，仲有自選壽司八貫。由精緻擺盤、帶微酸嘅開胃小食開始～．前菜：蓮藕、半片（明太子餡）、北海道蟹肉（加咗魚子）．魴鮄魚：第一道清新味蕾．岩手縣產石桓貝：鮮甜爽口．真蠔：沖繩海葡萄拌住食，更加鮮味．榮螺壺燒：配蘿蔔同螺粒，清甜惹味．秋刀魚：加咗薑蔥同紫菜一齊食，同魚香好夾．北海道毛蟹：蟹肉同蟹膏完美融合．鹿兒島A4和牛薄燒：配蔥一齊食，牛肉特別香．北海道牡丹蝦：撒上北海道黃海膽同竹岸鹽，超鮮甜．吞拿魚三款：赤身、中拖羅、大拖羅，夾住紫蘇葉，一啖大滿足．北海道鹽燒喜知次：配檸檬汁同蘿蔔，魚鮮之中帶酸甜．北海道鮑魚釜飯：滋味釜飯作為完美結尾．甜品：自家製抹茶奶凍…Read More

今日終於同朋友一齊去到帝都酒店嘅柏麗廳 THE PALATE朝聖啦。聽聞佢哋嘅食物款式真係超級多，所以都預留咗肚仔去食嘢。佢哋嘅最出名嘅呢就係可以食到和牛啦。和牛嘅菜式都有好多款，和牛漢堡係我最鍾意嘅，因為佢好厚之餘面頭仲鋪滿咗芝士。和牛燒牛肉同埋鐵板燒都係絕對唔可以錯過，加咗香蔥同埋蒜，非常惹味。當然亦都有超多嘅海鮮，一直refill嘅生蠔同埋龍蝦，仲有最鮮甜嘅蟹腳。熟食區亦都係超多款式嘅嘢食，超過10幾款熟食任你選擇。有啲時段會有迷你酒吧呢個都係非常之得意嘅，可以調配自己鍾意嘅酒，唔鍾意飲酒嘅亦都可以揀芒果奶昔等等，仲會有熱飲同埋養生嘅飲品添。甜品嚟講佢哋真係非常之多，成個角落起碼超過有20樣以上嘅甜品，我最鍾意嘅當然係心太軟因為可以畫公仔同埋寫上祝福，帶朋友仔過嚟慶祝真係一流。…Read More

【蒜香牛油雞中翼（4件）】呢個雞翼真係無得頂！一上枱已經聞到超香蒜蓉牛油味，咬落去皮脆肉嫩，仲要有肉汁爆出嚟💦！蒜味唔會太搶，同牛油香夾到絕，食完一隻忍唔住即刻食第二隻！如果多兩隻就更加完美啦～😂【馬拉盞通菜】鑊氣十足！通菜炒得啱啱好，爽脆唔會老，馬拉盞鹹香帶少少辣，仲落咗啲蝦米仔增添口感。雖然係蔬菜但超級送飯，唯一挑剔係略嫌油咗少少，但風味真係好地道👍！【牛油果軟殼蟹米紙卷（2條）】驚喜之作！米紙卷皮薄得嚟煙韌，裡面軟殼蟹炸到酥脆，夾住creamy嘅牛油果同清新青瓜絲，點埋個酸辣汁食真係開胃到停唔到口！唯一係一條唔夠喉，要encore多份先得😋！【火車頭招牌湯河】湯底一飲就知落足心機熬！牛骨味濃得嚟清甜，仲有淡淡香料味。配料勁豐富：生牛肉，肥牛，牛丸講牛柏葉樣樣齊，河粉滑溜索盡湯汁！自己加多啲芽菜同金不換，味道即刻提升～係香港難得食到嘅正宗風味✨！…Read More

打邊爐係香港人嘅最愛，今次想同屋企人一齊去食咗打邊爐放題，佢除咗有雞煲食之外，仲會有魚煲，牛尾煲，豬骨煲，烤魚同埋酸菜魚等，超誇張真係任君選擇。食完之後仲可以揀選火鍋配料然後再慢慢打邊爐。雞煲除醬香惹味雞煲, 比之前新增了以下口味：重慶麻辣雞煲辣酒東風螺雞煲泰式冬陰雞煲雙乳雞煲（咸牛乳，腐乳）火焰牛尾煲黑椒豬手煲烤魚（合共6款口味）另外仲新增左冬蔭功口味，番茄口味酸菜魚<<<新增嘅煲類秘制牛雜煲<<<新增嘅煲類免費升級鴛鴦湯底/台式藥燉排骨湯係咪淨係見到咁多嘅選擇都已經花多眼亂呢？除此之外佢哋仲有勁多嘅火鍋配放滿晒兩個雪櫃，真係食到超級飽捧住個肚咁樣返屋企。當然唔少得仲有任飲嘅汽水同埋雪糕啦。呢間餐廳真係性價比超高，大家千祈唔好錯過。…Read More

唔知道大家有冇食宵夜嘅習慣呢？如果夜麻麻同朋友一齊去食宵夜嘅話我就會選擇去食串燒嘅，最近就試咗一間喺旺角嘅串燒店，宵夜時段營業到凌晨3點，真係好多人食，因為佢哋嘅串燒真係好出色。香煎鵝肝配紅酒汁鵝肝非常厚身真係超大件，呢個價錢真係大件及抵食仲要係兩嚿，面頭脆卜卜外脆內軟，配上咗紅酒汁同埋多士，食落口感一流。燒茄子佢哋嘅茄子真係好大條，而且肉超厚，一絲絲咁樣拆落嚟食，真係大滿足。芝士煙肉大啡菇大啡菇係絕對唔可以錯過嘅，佢面頭燒咗一層芝士，入面嘅材料非常之豐富，而且仲要好Juicy，有洋蔥煙肉等，加埋啲大啡菇嘅汁真係好正。蒜香燒蠔隻蠔真係成個手掌咁大，而且肉質非常鮮味，呢款都係必食嘅煙肉蘆筍串佢哋用BB蘆筍，食落真係好嫩口，加埋燒完嘅煙肉，食落非常有層次燒鱔啲鱔食落脆卜卜，香脆可口嘅表皮，入面竟然充滿著魚香嘅味道，食落肉質好彈牙。牛油金菇牛油落咗非常之多所以好香，食落金菇非常之爽口。安格斯牛肉肉質香濃，鍾意食牛嘅朋友必定要試…Read More

晏晝唔知食咩好？今次我就帶大家去到大角咀嘅利安坊去食日本菜。今次試咗個「和風二人餐」，抵食夾大件，正到痺呀！首先前菜係肉鬆沙律 ，啲沙律菜夠晒凍同爽脆，啲肉鬆多到瀉，食落去非常有口感！個沙律酸酸地，好醒胃，食完即刻想encore！刺身壽司拼盤 - 「新鮮彈牙」！個拼盤擺到靚一靚，三文魚厚切，肥美到漏油！甜蝦又糯又甜，仲有帶子，醋味啱啱好。鹽燒鯖魚 - 「皮脆肉嫩多汁」條鯖魚燒到金黃色，魚皮脆過薯片，一啖咬落去『咔嚓』聲！肉質超嫩滑，啖啖肉仲要juicy到滴油㗎！鹽燒得夠香口又唔會太鹹，滴兩滴青檸汁，鮮味即刻飆升食到lam lam脷～壽喜燒 - 「暖笠笠大滿足」！ 個壽喜燒一煲上，甜醬油香噴到隔離枱都望過嚟！牛肉肉味非常香濃，淥兩淥就食得，索晒湯汁又入口即化！配料勁多：冬菇索湯超正、入味、仲有吸湯精華嘅烏冬！最邪惡係撈埋蛋黃落飯，滑溜到呢食完成個人暖晒！🅿️ 【利奧坊壹隅私家停車場】泊車免錢攻略** ✅ 消費滿 $500→ 送 1 個鐘免費泊車 ✅ 消費滿 $1000→ 送 2 個鐘免費泊車 📍 點樣用？超簡單！ 1. 自己用八達通拍卡入閘（記住拎入場票！） 2. 食完埋單時同店員講聲，佢哋會直接喺賬單扣返錢…Read More

今日去咗一間太子嘅西餐廳，門口細細但係就非常有情調，裝修非常有特色，絕對係拍拖嘅勝地。🦀 啖啖蟹膏蟹餅前菜嚟講超邪惡！真係「啖啖」蟹膏蟹肉，鮮味爆燈！🍖 黑毛豬鞍架配火腿脆片超正呀正呀！黑毛豬，啖啖肉香！火腿脆片 脆卜卜，加啲鹹香好過癮。個醬係精髓，佢用咗紅酒伯爵茶蘋果煮成，酸酸甜甜帶茶香，勁解膩同豬肉超夾，豬鞍煎到七成熟左右最 juicy，真係超正。🥩 安格斯 Prime 西冷 (8oz) 配烤大蒜Prime 級安格斯牛，油花靚，牛味濃。 原粒大蒜烤到軟腍腍，夾牛肉食，中和油膩感，正！ 裏面粉紅色，超嫩超多肉汁！🐑 香草羊架 (3支骨) 配脆薄荷葉羊架用香草醃過，辟咗羶味。脆薄荷葉係點睛之筆，唔係傳統醬，而係脆片，薄荷清香得嚟 唔漏，個樣仲好靚仔！ 🍰 甜品時間提拉米蘇經典意式甜品，食落酒味濃郁，蛋味超香必選 。百利甜黑糖奶創意之選！百利甜酒嘅奶油香，撞埋黑糖嘅好得意，入面baileys飲落好似食緊雪糕，真係好味到醉咗都唔知。…Read More

呢份菜單充滿西班牙風味，從經典到創新都有，每道菜都讓人驚喜。🌟西班牙火腿拼盤：西班牙火腿充滿着鹹香嘅味道，係一個前菜的開始。🌟水晶番茄麵包：清爽特別！番茄凍口感冰涼酸甜，麵包酥脆，很開胃。🌟帶子檸醃魚生 + 牛油果慕斯 + 香茅油醋汁創意前菜。帶子鮮甜，牛油果慕斯綿密，香茅油醋汁很提味，帶點東南亞風情。🌟蒜辣蝦：西班牙小酒館必點！蝦子彈牙，蒜香濃郁，辣得過癮，麵包沾醬汁超好吃。🌟香煎蛋配辣肉腸薯條：簡單滿足！流心蛋配微辣肉腸和脆薯條，混合蛋液吃很過癮。🌟松露乳酪三明治：松露控最愛！松露香氣濃，乳酪融化拉絲，熱量高但很滿足。🌟魚「羅伯斯比爾」+ 白酒牛油汁：主菜水準高。魚肉烹調得宜，白酒牛油汁濃郁帶果酸，配菜番茄、水瓜柳解膩。🌟招牌烤乳豬：絕對招牌！豬皮脆到會響，肉質超嫩不油膩。南瓜蓉甜、迷迭香薯仔香，配肉汁完美。🌟巴斯克焦香芝士蛋糕 + 覆盆子果醬**：濃郁流心，焦香外皮，配酸甜果醬剛好解膩。🌟加泰隆尼亞焦糖布丁：經典收尾。焦糖脆、布丁滑、蛋奶香濃。一頓很棒的西班牙大餐！食材好、味道正，烤乳豬皮脆肉嫩、帶子前菜有創意、兩款甜點都出色。整體節奏順暢，吃得滿足，適合愛吃西班牙菜的人！除此之外呢天台仲有一個露台，嗰度食飯或者飲杯嘢都好chill，鍾意睇風景嘅朋友仔不妨可以選擇露台。…Read More

新年同屋企人食啲乜嘢好？今日就同屋企人去咗位於帝都酒店嘅柏麗廳 THE PALATE 。今次佢哋嘅主題就係可以品嚐到三大和牛盛宴包括神户、松阪與山形和牛輪可以輪住咁任食啊。咁我梗係要講返入正題先啦，和牛嘅菜式分別有五款，我最鍾意嘅就係日本火焰特長和牛壽司，火焰燒完之後牛嘅油脂出晒嚟入口即溶超香。和牛漢堡亦都係非常出色，超厚切鋪滿咗芝士。另一方面和牛燒牛肉同埋鐵板燒都係絕對唔可以錯過，加咗香蔥同埋蒜，非常惹味。最後仲有日本和牛風琴牛扒，款式真係多到食都食唔完，淨係食和牛都已經夠晒正。唔好以為剩係得牛肉出色佢哋仲有北海道白華豚壽喜燒，好嫩口嘅豬肉，味道濃郁。除此之外佢哋嘅冷盤都唔輸蝕，生蠔龍蝦蟹腳不停refill，堆到成座海鮮山咁高，真係令人大滿足。最得意呢就係佢哋會有一個迷你酒吧仔，會調一啲果味嘅酒出嚟，除咗有凍飲之外仲會有熱飲，養生嘅我當然要飲番杯桂圓紅棗茶啦。甜品嚟講佢地款式好多成個corner都係，而最令難忘嘅當然佢哋會畫碟嘅心太軟，師傅真係好勁咩公仔都畫到出嚟，仲可以寫上祝福語句大家睇到都非常開心可以用嚟打卡。…Read More

超鍾意食嘢既我真係好鍾意食放題㗎，特別係同成班朋友仔，又多嘢食又多選擇。今期仲出咗燒乳豬㖭啊，呢道菜真係必點啊，啲皮燒到脆卜卜，肉質又好嫩滑，好味到停唔到口。刺身方面嘅種類真係好多，最鍾意嘅當然係雪場蟹腳，真係好鮮甜。三文魚厚切，甘蝦赤蝦爽口彈牙。燒榴槤大家當然唔可以錯過啦，原本榴槤就已經好正燒完之後就更加甜，入口即溶嘅感覺真係好正。除此之外我覺得最特別嘅就係原隻鮑魚飯，睇落真係好精緻，除此之外仲有花雕醉鮑魚，鍾意食鮑魚嘅你又點可以錯過呢。我個人就比較鍾意食小龍蝦，佢呢度呢就有任食嘅麻辣小龍蝦，有麻辣嘅香味而且小龍蝦肉質都仲好彈牙。飲品方便又無限多，鍾意飲甜嘅嘢或者唔甜嘅嘢都好多選擇，而且仲有酒精類別添。小朋友最鍾意嘅雪糕同埋糖果都係任君選擇㗎。鍾意食嘢嘅朋友仔真係唔好錯過啦。…Read More

中菜大家就食得多啦唔知呢一間被譽為「香港粵菜一級食府 」大家有冇食過呢？佢就係連續14年榮獲米芝蓮一星嘅富豪酒家，咁犀利我當然要過嚟食吓啦。聽聞佢哋嘅鮑魚真係好出名㗎，一於要食吓佢嘅鮑魚套餐。 阿翁鮑魚美食宴 $1680/位 紅燒砂鍋包翅個砂鍋拎到出嚟嘅時候，入面嘅汁仲滾緊，一打開個蓋真係好香，佢哋係採用頂級18吋牙揀翅，每碗足2兩翅，真係好足料啊，配上湯汁芡，真係好味都停唔到口。 28頭特選吉品點為之一隻好嘅鮑魚？大家有冇食過溏心鮑魚，佢嘅口感真係好好彈牙，配上鮑魚汁，口感一流。食完鮑魚，仲有鮮甜嘅生菜用嚟點剩返嘅鮑汁，味道更上一層樓。 瑤柱炸釀蟹蓋唔好睇落個蟹蓋細細隻咁，佢入面真係超足料啖啖肉，全部配料都係由新鮮蟹拆肉製成，外脆內軟，加入咗瑤柱同埋洋蔥，食落好有口感。 富豪海皇炒飯出色嘅炒飯當然係粒粒分明，而且海鮮非常多每一啖都有，炒得乾身，一啲都唔油膩。 原燉杏汁官燕呢一份官燕書飯後甜品真係非常出色，官燕非常多，每一啖都係。而且佢嘅杏汁係非常香濃，加入咗蜜糖，真係好滋潤，冬天飲就一流啦。 精選甜點兩款椰汁馬荳糕 - 椰汁嘅奶香非常重，清甜好味。欖仁核桃酥 -真係超酥脆，鬆脆可口一啖一口。 富豪脆皮炸雞(兩位奉送)佢嘅脆皮雞真係好大隻，米芝蓮嘅餐廳果然名不虛傳送出嚟嘅食物都係非常出色，雞皮超級脆，而且裏面嘅肉係燒鮮嫩多汁，一咬落去雞汁同埋油脂喺個口度徘徊好香。…Read More

唔知道大家有冇食宵夜嘅習慣呢？如果夜麻麻同朋友一齊去食宵夜嘅話我就會選擇去食串燒嘅，最近就試咗一間喺旺角嘅串燒店，真係好多人食，因為佢哋嘅串燒真係好出色。💓香煎鵝肝配紅酒汁佢哋既鵝肝真係好大件，而且好厚身，面頭燒到脆脆，外脆內軟，配上紅酒汁，超正呀，加埋香脆多士，食落冇咁油膩。💓芝士煙肉大啡菇佢嘅大啡菇材料真係好足，啡菇裏面放滿左洋蔥同埋煙肉，厚厚嘅芝士鋪咗喺面頭 ，成個口感好豐富。💓燒日本雞泡魚乾平時飲嘢鍾意食嘅小食，香脆可口，好似食緊零食咁，面頭散滿咗七味粉，香辣口感好過癮。💓鹽燒大眼雞燒魚都係我既大愛，普通鹽燒，成條魚嘅鮮味出晒嚟，而且都係比較大條多肉。💓蒜香燒蠔鮮味十足，熟咗都咁大隻😍💓安格斯牛肉串牛肉味超濃，口感不錯💓西班牙黑毛豬串有少少辣，肉質好嫩，好香口…Read More

大家見到好可愛嘅chikawa公仔炒飯係咪好得意呢？今次就係去咗秋田鐵板燒刺身專門店去食呢一個公仔炒飯，聽聞啲師傅個個都好勁㗎 ，好多特別嘅公仔都整得到，如果嚟慶祝特別嘅日子，除咗畫公仔之外仲可以喺上面寫埋字添呀。咁當然除左師傅嘅手藝好勁之外，食物嘅質素都係相當好，海鮮非常新鮮，絕對有保證。今次就同朋友仔食咗一個套餐等我介紹吓有咩嘢食俾大家啦。秋田二人前套餐 每位 ＄888（二位起）💓季節沙律- 沙律非常新鮮，酸酸甜甜超開胃。💓魚籽鵝肝蒸蛋 - 蒸蛋非常之滑，入面配上左鵝肝，鵝肝嘅香味滲透晒成個蛋，上面仲有魚子點綴。💓鮮活時令龍蝦🦞 佢嘅龍蝦真係好大隻而且相當彈牙，佢用咗龍蝦頭嘅膏煮汁，配上多士食，真係味道一流。💓原隻鮮活南非鮑魚，非常之肥美，雖然咁大隻但係煮熟咗都仲係好嫩口。💓時令扇貝- 普通就咁煎一煎就非常之香口，上面仲有魚籽同埋金鉑，就咁睇都唔捨得食。💓香煎頂級鵝肝 ，外脆內軟入口即溶嘅感覺真係令人大愛，而且佢個鵝肝真係好厚，配上小法包。💓鹿兒島霜降和牛薄燒-隨意煎兩下就可以入口，就算博燒都係超重牛肉味。💓鹿兒島霜降和牛厚燒，入面嘅油脂真係好香，肉質非常軟熟。💓秋田炒飯，炒飯粒粒分明，用咗好多櫻花蝦，成個飯非常香口。💓紅豆包，啲紅豆好香，係我最愛嘅甜品。…Read More

最近揸車經過左一間隱世嘅餐廳，佢係喺大埔嘅太和路，淨係睇門口就已經覺得好靚呀，佢有一個磨砂嘅玻璃門，完全望唔到餐廳入面，真係私隱度極高。佢嘅午餐非常之抵食，包含小食餐湯主食同埋甜品。🔅焦糖法國鵝肝撻(睇落就好似一個蛋撻，識落嘅鵝肝好香口，入口即溶嘅感覺)🔅法式龍蝦湯(超濃郁嘅龍蝦味)🔅美國安格斯肉眼扒(牛扒叫咗五成熟，佢嘅肉質好鮮嫩）🔅是日甜品(係一個奶凍,上面有少少蘋果蓉）另外我哋仲叫咗一啲睇圖就覺得好靚嘅嘢食。💖極品海膽魚子醬多士一上枱就已經覺得極奢華，海膽非常大而且厚肉，入口好鮮甜，上邊鋪滿左魚子醬，雖然有少少鹹，但同海膽一齊食，入口即溶，加埋脆多士，成個口感出晒黎。💖三文魚子泡沫生蠔生蠔都係香港人嘅大愛，上面用咗三文魚子點綴，加咗少少青檸泡沫，鮮味十足，加埋脆卜卜嘅三文魚子，鹹鹹地令到海水味更加出 。💖法式西鰽鱸鱸魚係我比較surprise，因為佢煮得好香滑，配搭埋一啲椰菜花蓉紅腰豆，令人食到返尋味。飲品方面我叫咗Rose，佢係一杯Cocktail，上邊整咗一個大嘅泡沫 ，入邊被煙霧包圍，好有神秘感。…Read More