香煎鵝肝配紅酒汁
鵝肝非常厚身真係超大件，呢個價錢真係大件及抵食仲要係兩嚿，面頭脆卜卜外脆內軟，配上咗紅酒汁同埋多士，食落口感一流。
燒茄子
佢哋嘅茄子真係好大條，而且肉超厚，一絲絲咁樣拆落嚟食，真係大滿足。
芝士煙肉大啡菇
大啡菇係絕對唔可以錯過嘅，佢面頭燒咗一層芝士，入面嘅材料非常之豐富，而且仲要好Juicy，有洋蔥煙肉等，加埋啲大啡菇嘅汁真係好正。
蒜香燒蠔
隻蠔真係成個手掌咁大，而且肉質非常鮮味，呢款都係必食嘅
煙肉蘆筍串
佢哋用BB蘆筍，食落真係好嫩口，加埋燒完嘅煙肉，食落非常有層次
燒鱔
啲鱔食落脆卜卜，香脆可口嘅表皮，入面竟然充滿著魚香嘅味道，食落肉質好彈牙。
牛油金菇
牛油落咗非常之多所以好香，食落金菇非常之爽口。
安格斯牛肉
肉質香濃，鍾意食牛嘅朋友必定要試
