tastylep's Profile

今次同埋Daddy& Mummy嚟澳門，當然要搵d特色既葡國菜試下啦。✨馬介休球Codfish Cake $88馬介休球係葡國菜最地道既前菜，外酥內軟的口感，鹹香非常突出，口感層次豐富。調味恰到好處。✨酥皮磨菇湯 Mushroom Soup $88上桌時已經俾熱騰騰的酥皮吸引，用湯匙輕輕敲開的瞬間，濃郁的蘑菇香氣撲鼻而來，簡直是視覺與嗅覺的雙重享受。湯體口感絲滑醇厚，充滿了蘑菇的鮮甜和奶油的豐腴，每一口都能吃到細碎的蘑菇顆粒，真材實料。✨葡式海鮮飯Wet seafood $228主食當然要叫個海鮮飯，米粒飽吸了由各種鮮魚、蝦、貝類熬煮出的精華湯底，海鮮新鮮量足，讓整體風味更加清爽鮮活，好吃到連最後一滴湯汁都不想放過。…Read More

好耐無黎澳門玩，黎到當然要食下多啲好野先，最想就係食返個葡撻醫下肚。經過見到寫住係葡萄牙主廚手工製作，雖然見好多人排隊，但都想試吓。✨開心果蛋撻 $26近排好hit開心果，絕對係甜品界嘅新寵，甜中帶鹹，完全不會膩口，最後表面灑上烤開心果碎，更增強了整體的風味層次。✨波爾圖夢王蛋葡撻 $15用日本生食級夢王蛋，蛋香濃郁，滑順細膩。✨春蜜蘋果手工千層撻 $22用上新鮮蘋果，食得出有蘋果嘅微酸感同果粒口感，而且千層撻皮，用上法國頂級牛油，令酥皮更酥脆，更香敦。…Read More

重有幾日小朋友就開學，當然趁機會同朋友食多餐飯聚下，選咗間有辣嘢食同有啤酒飲嘅四川菜試吓。✨涼拌萵筍絲$49食落清脆爽口，加左少少辣又唔會太清淡。✨蓮藕尖酸辣牛肉$88第一次食呢隻蓮藕尖，原來係蓮藕最幼嫩嘅部位，好爽口帶微甜，能夠中和辣度，牛肉就厚薄適中，醃製入味後仍保持豐富肉汁。✨酸菜魚（鱸魚） $178本來係想試香辣烤魚，但原來係得星期日至四先有，咁我同朋友就試返四川菜另一道出色嘅菜式 【酸菜魚】，可以有三種魚選擇，分別有大魚/鱸魚/桂花魚，魚肉唔錯，唔會一夾就散，配料有埋我鍾意嘅薯粉添。✨紅糖糍粑$48，桃膠冰粉$282款都唔錯，岩晒夏天食。…Read More

港島區想飲返杯手工啤酒，而且又想食fusion菜，真係冇乜幾間，經過銅鑼灣發現呢間餐廳符合晒我想嘅要求🤣仲發現之前原來係大坑開嘅，而家搬咗嚟呢度方便好多啦。✨大坑薯條 Tai Hang Fries$88飲啤酒當然要配薯條啦，有乾辣椒，高菜，孜然，又脆又香，而且份量夠多，唔點個醬汁都好好食。✨Jade Scorpion (Young Master Brewery HK) - 5.1% alcohol 400ml $50嚟到梗係要試吓本地姜少爺啤啦，呢杯加入咗青胡椒粒，飲落好似有麻椒既味道，愈飲愈刺激，真係會上癮。✨Big Break - 7% alcohol 400ml $113 / 200ml $72除左少爺啤，都有試其他啤酒，呢隻就口感順滑，帶有椰青同熱帶水果風味。✨腐乳卡邦尼 Fuyu Carbonara$158呢個配搭雖然加左腐乳又唔會搶晒成個味道，配料有埋青瓜同火箭菜，令到成個意粉更加Fresh。總括嚟講除咗啤酒之外，小食同主菜都做得十分出色又多選擇，同朋友黎開心chill吓真係唔錯。…Read More

去九龍城多數都係食泰國菜，經過見到門口裝修咁鮮艷嘅餐廳，食pizza意粉真係第一次。✨瑪格特麗 Margarita (9” / 12”) $98 / $128可以望到大廚係即叫即整，上枱熱辣辣，餅底外殼酥脆，一咬呈拉絲狀態，10分滋味，囡囡都食到停唔到口。✨ 余均益雞翼 Yu Kwen Yick Chicken Wings(5pcs / 10pcs) $58 / $98俾個名吸引咗，用余均益醬汁炮製，食落惹味夠辣✨燴牛肉寬麵Beef Ragu Pappardelle $118除咗Pizza之外，呢個菜式都令我有驚喜，牛肉細細粒，幾乎達到入口即溶化嘅狀態，味道層次豐富，擺盤都好吸引，配上寬麵可以大幅度地吸附濃厚肉醬。餐廳好多打卡位，而且啲插畫都好靚，我囡囡一路食一路就指住啲插畫好開心，連佢外賣個Pizza盒都設計得好有心思，餐廳職員態度都好好，見我哋兩大一小，都專登比張大小小嘅枱我哋坐舒服啲，下次再嚟試其他款式嘅Pizza同埋小食先。…Read More

最鍾意食放題，因為實在有好多選擇唔使煩。今次去咗御滿屋日本料理旺角分店，我見最平已經可以自選兩小時任食放題，而且有成77樣食品選擇，刺身，手卷，海鮮，炸物。重點係有。。。🌟免費升級馬來西亞極品榴槤任食🌟用Apps就可以落單十分之方便，除此之外，喺餐廳出面自助區仲有超多類別嘅食物選擇，有海鮮，熟食，飲品同雪糕，驚喜連爆谷機都有，重有生啤，梅酒，清酒，咖啡任飲任食。刺身方面：估唔到有松葉蟹刺身，另外阿根廷刺身都好好食，好新鮮。瑤柱什錦海鮮粥：好多料有蝦青口同埋蜆肉，好鮮甜。番薯，虎蝦天婦羅：做到脆卜卜唔會話太厚粉推介：黃金焗扇貝，鮑汁燴花膠，辣酒翡翠螺雪糕：有Haagen-Dazs 同Movenpick建議早啲去拎，唔係就好快冇晒想食嘅味道。…Read More

尖沙咀The One商場嘅Odelice，好似置身於一間法國風情嘅小餐館，喜歡佢嘅裝修色調以及地板嘅黑白復刻圖案，雖然椅桌擺放得較為親密，但反而係營造法式街邊小館嘅熱鬧氣氛關鍵。晚市食物種類有很多，不過我就選咗二人套餐（$558）：✨ PETITS PLATS: 蟹肉牛油果他他 Crab & Avocado Tartare 前菜一上桌，視覺就已經先聲奪人，每一啖都同時包含蟹肉嘅鮮牛油果嘅果肉同埋醬汁嘅酸，完美咁打開咗客人嘅胃口。✨ MAIN: 香煎三文魚 Salmon with Sorrel Sauce外皮煎得香脆，絕不是煎到全熟嘅乾柴，再包住奶油醬汁，展現咗風味嘅層次。✨MAIN:煎鴨肝油封鴨腿意粉 Seared Foie Gras & Confit Duck Leg Spaghetti 鮮鵝肝喺絕對嘅焦點，入口即溶化，油脂緩緩流出，接住係油封鴨腿，外皮鹹香酥脆，但可能有少少Overcooked，肉質硬咗少少但都有肉汁，反而意粉吸收咗鴨油洋蔥蘑菇嘅精華，風味濃郁敦厚，超級好食。✨DESSERT: 法式蘋果撻 French Apple Tart蘋果經過慢烤入口恰到好處並非過於軟硬嘅果泥狀，配上雲呢拿雪糕簡直係蘋果撻嘅絕配。…Read More

今日同幾個朋友喺土瓜灣聚會，專登揀咗「有間茶記響附近」試吓佢哋嘅新派菜式。茶記保留傳統卡位格局，但燈飾光猛環境乾淨，新舊交融幾有特色！🥪 公司三文治：超厚身嘅三文治足足有4層！材料豐富到瀉出嚟：- 炒蛋效果完美- 午餐肉用咗高級黑毛豬- 新鮮番茄片多汁爽脆- 特別加咗自家製千島醬仲跟埋脆薯角，份量足夠兩個人share！🌶️ 金湯酸菜魚：估唔到茶記都有酸菜魚食！湯底金黃濃郁，酸辣度啱啱好。魚片用咗新鮮鱸魚，嫩滑無骨。配料有：- 自家醃製酸菜夠爽脆- 薯粉索晒湯汁好入味- 加咗少少藤椒提香最驚喜係可以揀辣度，我哋叫咗小辣都好夠味！🍲 雲吞雞煲：傳統菜式做出高水準：• 湯底用老火雞骨熬製，清甜唔口渴• 雞件嫩滑，雲吞大粒足料，養生得嚟好夾味☕ 飲品方面：凍檸茶茶底香濃。朋友叫嘅紅豆冰紅豆煮到起沙，甜度適中。服務方面，後生伙記好有禮貌，會細心介紹菜式。埋單平均每人$120左右，以咁高質素來講絕對超值！茶記做到酒樓水準，難怪平日下晝都坐滿人。下次要試埋佢哋其他fusion菜式！…Read More

一向知道呢間餐廳既疏乎厘班戟好出名，今日難得去咗圍方商場行街，晚飯就揀咗佢地黎試。餐廳嘅裝修以日系木為主，感覺幾舒服，枱與枱之間都唔算擠迫，幾闊落。另外幾鍾意佢哋嘅燈光好光猛，影相影出嚟嘅效果都非常之好。而且除咗圍方之外，佐敦及元朗都有分店。✨極龍蝦汁意粉係我個人鍾意嘅龍蝦汁味道，味道好濃郁，真係好好食，蝦又夠彈牙，都有四五隻，可能唯一要彈就係意粉唔算話煮得好淋，個人唔係太鍾意意粉太過硬身。✨四重芝士pizzaPizza係個薄底批，有8塊咁多，分別有4種芝士，馬蘇里拉芝士，車打芝士，藍紋芝士，巴馬臣芝士，配埋沙律醬中和，好脆好香口。✨香蕉SPECULOOS 曲奇其實都已經好飽啦，不過都一定要嗌個疏乎厘班戟試吓，嚟到見到有三層，囡囡見到已經❤️❤️眼了，而且食落蛋香味十足，入口好似雲朵般咁輕盈，果然冇失望。…Read More

門口裝修咁有懷舊餐廳Feel 既冰室，而家已經開始買少見少，見到餐牌仲要有我想試嘅豬油撈飯系列，當然唔執輸要試下佢。✨椒鹽豬扒煎蛋豬油撈飯 $68椒鹽豬扒食落好腍身，仲有好多粒粒嘅豬油渣，加埋太陽蛋撈埋一齊食更加好味，而且有成支豬油同埋豉油任你加，真係好正。而且餐廳每日都會有一款特別限定$38優惠既豬油撈飯供應**八大豬油撈飯系列包括：**1. 椒鹽豬扒煎蛋豬油撈飯 $682. 叉燒煎蛋豬油撈飯 $683. 香蔥滑蛋叉燒粒豬油撈飯$684. 麻辣手撕雞豬油撈飯 $68 5. 中式牛柳豬油撈飯 $72 6. XO醬牛柳粒豬油撈飯 $72 7. 京都豬扒豬油撈 $688. 蒜蓉醬爆海蝦豬油撈飯 $78 ✨生炸雞髀煎雙蛋飯 $65一上枱隻雞髀大過我隻手掌，雖然係炸髀，但係炸粉唔會過多，食落重脆卜卜好有口感。✨雪糕菠蘿包$40脆皮菠蘿包要夾住雪糕唔令佢溶，溫度要控制得好好，食落個菠蘿包仲係脆，值得推介，打卡一流✨菠蘿冰$26有別於一般嘅菠蘿冰既顏色既，綠色？飲落綠色嘅原來係加入咗少少薄荷嘅成份，又幾特別。…Read More

之前住喺呢頭附近都成日會去西九龍中心，因為除咗有嘢行有嘢買之外，上面仲有個food court好多嘢食又多選擇，今日經過就試咗呢間好抵又經濟實惠嘅炸雞店✨芝士炸雞套餐$52即使芝士覆蓋炸雞，肉質仍然可以保持鮮嫩多汁。✨酥炸魷魚套餐$58炸粉唔會太過厚身，簡單調味已經帶出味道。2個套餐每份都分別跟左2條炸年糕小食，而且可以自選安東雞飯或者卡邦尼飯，唔想食飯都可以加多一件雞，安東雞飯個味道，有啲似台灣嘅魯肉飯，另外包埋飲品。✨原味招牌炸雞（半份）$90個人都係比較喜歡原味招牌炸雞，最緊要係無骨啖啖肉，份量都多有成七件，另外跟埋個蜜糖芥末醬俾你一齊食，幾特別。而且要讚一下員工都做到無停手，但服務態度都親切有禮。…Read More

成日經過呢間餐廳都唔知其實係食咩，見到餐牌原來係有冒菜同主打小炒辣野，即刻試試佢先。今日雖然係平日夜晚，但係一路食嘅時候見到都越嚟越多人入嚟食晚飯，當然價錢實惠啦，食物質素十分之唔錯，而且食物又多選擇，下次經過一定會再嚟食先。✨冒菜B餐 ，6樣餸芋絲豬紅豬大腸牛丸魚皮餃午餐肉米線（BB辣）好彩只係叫咗BB 辣，都已經有一定嘅辣度，不過湯底就麻辣鮮香，而且米線口感啱啱好，唔會煮得過腍，配料除咗豬紅唔係咁入味之外，其他都十分之好，特別豬大腸好肥美，好食。✨蒜泥白肉肥瘦比例好好，辣度溫和適中，同埋多數食嘅蒜泥白肉都係熱食，估唔到凍食都會咁好味既✨大澳蝦醬通菜呢個就冇乜特別，蝦醬味可以多番少少✨糊辣荔枝宮保雞丁嚟到見到有好多紅色嘅辣椒諗緊應該會好辣，但可能加咗荔枝嘅關係，食落反而甜甜地好開胃，食到停唔到口，送飯一流。…Read More

平日經過迷客夏多數只係買佢哋嘅台式茶飲，但今日見到佢地新出左一種配料🌼茉莉桂花凍🌼可以加落甜品度食用，岩晒而家咁熱嘅天氣，所以選咗手工仙草杯可以配四種配料：茉莉桂花凍白肉珍珠手工芋圓蜜餞紅豆今次主角係茉莉桂花凍，入口有種茉莉淡雅香氣，桂花點綴得宜，好喜歡手工芋圓，真材實料好有口感，白玉珍珠就甜度克制，配埋蜜餞紅豆感覺啱啱好，再加埋椰奶一齊食，So Yummy 😋 下次可以再去其他分店再試吓其他飲品先…Read More

夜麻麻喺旺角同老公&潼潼行到攰，本身諗唔到食咩 ，去到T.O.P. 商場3樓既位置，見到有間新開西餐廳望落環境唔錯，而且有個Set Menu 幾抵食一於入去試吓。✨Set Menu $218包前菜，餐湯，主菜，甜品呢個套餐我哋叫咗1️⃣+$35 法式鵝肝多士🍞2️⃣是日餐湯🫕3️⃣意大利辣肉腸薄餅🍕4️⃣朱古力Brownie🍰1️⃣雖然係前菜，但絕不馬虎，鵝肝外層煎到香脆，入口即溶2️⃣少少酸酸地幾好飲3️⃣薄餅餅底很酥脆，配上辣肉腸更有適度嘅香辣感，但如果多少少芝士會更加好4️⃣賣相感覺就麻麻，但係食落甜度適中裏面質地非常綿密✨安格斯肉醬配手工意大利闊蛋麵老公話想試手工麵，呢款無令我地失望，手工麵蛋香同安格斯肉醬既濃郁帶來層次感。…Read More

好耐冇約阿媽一齊食晚飯，記得阿媽鍾意食拉麵，知道尖沙咀有間新開以清湯路線為主嘅拉麵店，香港市面上無咩人做，係石亭同沃川兩間尖沙咀居酒屋的新分店（歷史26年同23年）✨鮮蟹肉忌廉薯餅$38外脆內軟，裡面蟹肉薯蓉味道剛剛好，口感極佳，呢個小食必點✨自家製韭菜豚肉餃子（5隻）$38餃子皮薄有彈性，韭菜鮮香又恰到好處，令人一口接一口✨白松露慢煮叉燒濃清湯拉麵（白龍）$98餐廳主打清湯路線，所以一上枱見到湯底比平時嘅拉麵冇咁油，慢煮過程令到叉燒吸收咗湯汁既精華，配搭埋白松露層次更加豐富✨北海道豚足鹽味濃清湯拉麵（吉龍）$108豚足質感嫩滑，滿滿骨膠原，但如果可以切細舊啲會更加好，而且蛋黃也是剛好糖心，增加咗整體風味另外估唔到兩款拉麵加入左牛蒡，要問職員先知道係咩嚟，仲要係炸過勁好食🤤…Read More