薙切繪理奈's Profile

一直以來覺得酒吧專係賣酒或者係sell氣氛，畀啲人同朋友傾下偈或者玩下有個地方咁。但今次過嚟呢度食飯就覺得有驚喜，原來食物一樣咁掂！餐前小食無論你係食飯又好飲酒又好，坐低必有呢啲餐前小食，就係脆脆片。香脆好味，可以refill，仲有醬點添。Charm Around $68因為第二朝要返工，所以同朋友都係決定叫啲無酒精飲品算啦。我就叫咗一杯charm around mocktail，有蘋果汁，芒果，糖漿等等配製而成。芒果味都幾突出，酸酸甜甜相信唔少人都會鍾意。Orange Juice $48朋友就普普通通叫咗杯橙汁。忌廉芝士煙三文魚波 $68呢個三文魚波係我一見到個menu就決定一定要叫嘅，賣相相當精緻，從menu上嘅相係一模一樣。圓球形嘅內涵全部都係忌廉芝士，係滿滿嘅忌廉芝士，而外面就由一片片煙三文魚包裹著形成一個波。上面在淋上沙律醬及香料作點醉啜，食得又睇得。Channel 3 招牌炸雞翼(4隻) $58招牌炸雞翼，改得招牌呢個名，心想定必有出色嘅地方。果然皮脆肉嫩，外皮炸得乾身而香脆，但內裏仍能保留住肉汁，係滴出嚟咁濟唔係誇張。味道就尚算可以，都係炸雞翼嘅味道冇咩特別，喜歡食雞翼嘅要試下。香辣茄汁長通粉 $88呢個長通粉係我最喜歡嘅一道菜，可能我本身都鍾意食茄汁長通粉，再加上微微嘅辣味，好惹味好香口，呢個價錢嚟講我覺得係超值。 長通粉煮得軟硬適中，雖然配菜沒有太多，都係一啲火腿肉絲。但其實簡簡單單已經叫人吃不停口。餐牌參考…Read More

星期五晚，度度食飯都多人，位於海港城LCX內既The Joomak同樣冇例外，幸好唔係等太耐，10-15分鐘就被店員召喚我同友人入去喇。巔峰狀態 - 羽衣甘藍飲品 2.0 $63先點了一杯巔峰狀態，即羽衣甘藍飲品。羽衣甘藍係近期熱門食材，被譽為超級食物，對減肥排毒好有效，絕對係女士們恩物。飲品以羽衣甘藍、新鮮菠蘿、薄荷葉、意大利PANNA礦泉水等打成，並以杞子及韓薑作點綴。有分 1.0 至 3.0 三種濃度，首次飲用都係決定取個中庸之道試下2.0先。由於沒添加糖，因此沒什麼甜味，太菜青味不是太濃，容易入口，帶有淡淡的菠蘿清新，此健康飲品值得一試。健營藜麥沙律 $128好有份量既藜麥沙律，材料有藜麥、火箭菜、菠菜苗、牛油果、芒果、豆腐等等。藜麥量多，充滿咬口和口感，芒果酸酸甜甜，豆腐非常嫩滑，配上特製醬汁，豐富了整個味道，既開胃又健康。芝香．雞 $138食韓國菜又點可以唔食炸雞？這道炸雞以小山丘形態展現，上面淋滿醬汁，當然芝士醬係主角啦。芝士味濃郁，雞件外脆內嫩，即使面頭舖有醬汁，都無損其脆卜卜的外皮。但比較容易滯膩，食兩件就夠，建議這菜式多人分享哦。炸紫薯芝士脆片 $68必試必試必試！雖然其貌不揚(我仲要影到好似muffin咁lol)，但味道真係100分！外面脆脆既皮裡面包有紫薯及芝士，芝士仲要係流心既，係處於完全溶解既狀態。同紫薯味道非常夾，呢種甜絲絲既味道非常特別。部份餐牌參考…Read More

很久無聚一聚，朋友話新南苑好食，乾脆試下，一直以為係火鍋，原來新南苑也有蒸氣鍋作招來，同類海鮮鍋食店有很多，如潮福等等，見價格尚算商誼，朋友提議不妨試試比較一下好，說回主題，頭盤雞煲，無拍照接著都係大路的海鮮併盤，有龍蝦，元貝，鮑魚，生蠔，聖子等等，相當吸晴👀蒸既時間都好講究⏰，有專人招待，確保不會過火，另有蒜蓉醬油等作調味，所有海鮮之中，本人確得生蠔最正斗，又大又甜👅另外自選左梅菜蒸豆腐，普通家常菜但又幾好食喎，值得推介😜最後以套餐既南瓜粥底作結一直覺得，同類海鮮蒸氣鍋食肆，只有價錢同新鮮既分別，只要食材新鮮，清蒸海鮮其實不同店鋪唔會有太大差別，總括而言，友人話會想再encore，我是同意的P.S 1)雪櫃有枝錫蘭檸茶幾好飲，特登走左去拍照😂2) 同店員吹水得知，蒸氣鍋只得旺角店有，灣仔分店無的！…Read More

打邊爐，我最鍾意揀任食嘅，雖然質素可能冇單點火鍋店咁好，但係我覺得任食嘅邊爐先係最開心，可以麻甩地豪食一番。呢間位於創興嘅火鍋店有三個套餐可供客人選擇，我哋就揀咗中間價位嘅鮑魚海鮮火鍋餐。 可以食刺身之餘，又有多啲配料可以點到，仲有一次性嘅新鮮海鮮送，最重要嘅係，加埋一300蚊有找，所以今次想過嚟試一試質素先，如果真係好食嘅話下次就叫個象拔蚌海鮮火鍋餐！湯底嘅選擇唔算特別多，不過貴精不貴多，我哋就揀咗鮮茄蜆鍋，番茄味嘅湯打邊爐不嬲都好正，再加埋蜆肉，應該會倍添鮮甜。由於頭先講過中間價位嘅套餐係比起最平嘅套餐多啲配料揀，所以將點餐紙都係有少少唔同㗎， 例如肉眼筋，豬天梯，鵝腸，白鱔片，牛骨髓等等就要中間價位套餐先有得食喇。任食刺身一共有六款可以選擇，雖然選擇唔算多，不過主角係火鍋，食刺身都係過口癮姐。刺身落完單之後刺身先到，我哋揀咗三文魚同埋北寄貝，估唔到啲刺身又幾新鮮喎，冇雪味冇腥味，厚薄啱啱好。混醬區鮮茄蜆鍋等咗一陣個湯底就嚟到喇，係鮮紅色嘅番茄湯呀，唔係暗紅色。試咗一啖蕃茄味濃郁，入面仲有好多蜆，足料。 一次性海鮮跟住嚟嘅就係送嘅一次性海鮮， 二人份量好大盤，有海班，鮑魚仔，蠔，珊瑚蚌，桂花蚌。每樣海鮮都好新鮮，尤其係海斑，極力推介，啖啖肉超級滑溜。手切肥牛呢個手切肥牛，望到第一眼嘅時候我呆咗一下，好似同一般火鍋店嘅肥牛唔係太一樣喎，平時都係一片片排開，但佢就係一堆上枱，證明解凍解得好好，係完全冇雪先畀客人享用。雖然肥嘅位唔算太多，但勝在牛味好濃，一食就知唔係平價cheap cheap牛。響鈴打邊爐有兩樣嘢對於我嚟講係必要有嘅，就係肥牛同響鈴卷。雖然唔係太食得出響鈴卷係咪即叫即炸，但係佢嘅響鈴有好多層係真嘅，咬落去好有口感。花膠花膠，女生最愛，梗係要放埋落個湯底度慢慢煲，補充一下骨膠原啦。牛骨髓牛骨髓雖然唔係咩罕見嘅食材，但確實唔係間間火鍋店都有，所以一見到就一定要點嚟食啦，好鍾意呢種滑捋捋嘅感覺，當然牛骨髓本身係冇咩味，一定要個湯底好味牛骨髓先會變得好味。水餃水餃皮薄多餡，咬落去啖啖肉。丸類由於男朋友唔太鐘意食丸類，所以唔敢點太多。就點鐘我最鍾意嘅蟹子丸，同埋試一試呢個新嘢，叫芝士雙響丸，外型好得意，係一個黃色嘅嘴唇。芝士雙響丸不得了，呢個芝士雙響丸真係會一試愛上，雖然說係芝士，但係食落去有一陣好濃嘅粟米湯味，好特別，係一定一定一定要試。海蝦海蝦都係任點嘅，都幾出色。食得出唔係死蝦，肉質飽滿彈牙，同蕃茄湯好夾。見到成枱都係火鍋配料真係特別開心，所以話打邊爐一定要揀飲食嘅，唔洗就住就住點，當然我係唔會浪費食物，全部食曬㗎。菜心苗 根據傳統，打邊爐最後係一定要食菜，因為湯底吸收曬之前配料嘅味道，煮出嚟嘅菜都特別入味。芝士雙響丸食完菜之後有忍唔住返卓多次芝士雙響丸，唔食多啲我怕我好快會掛住佢。爭啲唔記得講，除咗火鍋配料之外，呢度仲有韓國飲品同埋啤酒任飲，雖然都係一啲常見嘅飲品，但款式都好足夠。杯裝雪糕任食仲有軟雪糕同埋toppings可以加，小朋友就最鍾意。我就揀咗充滿童年回憶嘅牛奶樂。我相信我好快就會再返嚟，因為真係講唔出呢間任食火鍋店有咩唔好嘅地方，食物確實幾出色。…Read More

一係就打邊爐一係就食西餐，怕我男人次次都咁樣食會好快悶，今次就搵番間西餐廳同佢浪浪漫漫撐下枱腳啦！ 呢間位於旺角嘅酒吧西餐廳，燈光頗為昏暗，氣氛都幾有格調，我哋被安排坐喺高檯，望佢隔離就可以見到bartender調酒，邊食邊睇在一邊同男人傾計都唔錯㗎。凱撒沙律 $138先來一個前菜，平時返寫字樓工都比較少機會食菜，所以叫番個沙律懶係健康先啲沙律菜好清新，一啲苦澀味都冇。就算有啲菜沾唔到醬汁，擺入口都覺得好清新好好味。餐前麵包同所有西餐廳一樣，都會有餐包，餐包微暖，識食一定係半個夾牛油食，另外嗰半個就梗係點湯食啦。燒蕃茄大茴香雞絲濃湯 $85揀咗兩個餐湯，番茄雞絲湯味道濃郁，雖然唔係千其紅色，但係蕃茄味一啲都唔少，而雞絲都好足料， 每一啖不出嚟都會不到雞絲，雞絲嫩滑唔鞋口。黑松露野菌忌廉湯 $85呢個黑松露忌廉湯不得了，係咁以聞一聞已經勁香黑松露味，雖然唔知頭先嗰雞湯入面咁多材料，但係個湯好傑身，忌廉味好好重，好味到好快就畀我清曬了！香煎牛肋眼排 $328男朋友叫咗牛扒，七成熟， 牛扒煎得好林冇筋，熟度係啱啱好，切開仲有少少粉紅色，但又未至於會有血水滲出嚟，啱曬怕食太生但係又唔想肉質太熟會UN既人。不得不提，伴碟嘅薯蓉非常好味。燒慢煮麵豉三文魚 $186想食肉， 但又唔想太heavy嘅我，就試咗店員推介嘅慢煮三文魚，嘩呢個三文魚真係超超超超超推介，大家去到一定要試下。三文魚面有用火槍燒過所以有微微焦香，入面嘅肉都係全熟，但係超級juicy超級嫩滑，醬汁係有少少微甜嘅麵豉汁，同三文魚肉好夾， 就連三文魚墊底嘅洋蔥我都通通食曬。香濃朱古力軟糕 $85最後嚟到甜品啦， 呢個朱古力蛋糕有少少偏甜，所以每食一啖， 就要食番啖冇咁甜嘅雪糕去中和一下，不過我哋都好滿意， 為我哋嘅晚餐畫上一個完美嘅句號。餐牌參考…Read More

泰國菜同日本菜都係我覺得百吃不厭嘅菜式，今日同媽咪來到the one撐枱腳，經過見到呢間泰國菜，款式選擇都算幾多，而且價錢非常合理，最重要係佢餐牌上面嘅相好似好吸引咁喎，所以我哋就決定坐低試下啦。雖然係星期二嘅夜晚，但係呢間餐廳都幾多人，排隊攞籌大概等咗15至20分鐘左右啦，聽完就安排我哋坐喺店外嗰幾張枱嘅位置，都幾開揚，好似俾其他人望住曬自己食嘢咁，但都唔緊要啦，出面光猛啲，影啲相出嚟應該係會靚啲嘅，所以都ok。三色冰 $28食泰國嘢喎梗係要飲啲乜乜冰物物冰啦，叫咗一杯三色冰，入面就有啲類似啫喱粒粒嘅物體，杯嘢飲夠曬冰凍，椰汁味同奶味嘅比例調配得啱啱好，亦係我鍾意嘅甜度。去骨海南雞飯 $68媽咪就揀咗海南雞飯，海南雞飯好似係有兩至三款，我呢啲怕蝕骨嘅梗係揀去骨海南雞飯啦，啖啖肉先夠爽㗎嘛。海南雞飯會配埋湯畀我哋，亦可以選擇白飯或者油飯。雞肉都幾嫩滑，而且夠熟，唔會話望埋去一達達血紅色，點埋醬就更加好味。海南雞飯當然係配油飯先係perfect match，但係呢度嘅油飯我就覺得稍稍唔夠香，如果個油香味出啲會更加好。湯都唔係求求其其㗎，大大舊紅蘿蔔係入面，潤下喉真係唔錯。泰式青咖喱軟殼蟹鍋(配法包) $85呢個軟殼蟹喎應該係餐廳頗為招牌嘅菜式，見到佢係咩料係自己佔一頁㗎，所以就決定要嚟試下。青咖哩係連埋個爐一齊上，可以keep住個溫度，唔會食食下就變咗凍咖哩。配菜都幾多，好足料。軟殼蟹嘅份量好多呀，滿滿的盛載喺隻碟上面，炸得啱啱好外脆內軟，點一點青咖哩就即刻擺入口，仲可以保持著脆卜卜，果然值得喺餐牌想獨自佔一整頁。配埋法包顯得餐廳嘅細心，因為咖哩都幾多，但係有冇理由當湯咁飲㗎嘛，攞嚟點下麵包就啱曬。印式薄餅 $25但係貪心嘅我，又點會畀法包完全滿足到我呢？梗係要點返個我最鍾意嘅印式薄餅啦，呢啲薄餅點咖哩真係一流，同埋呢度嘅薄餅都整得唔錯，因為我食得好慢，通常其他薄餅凍咗之後都會硬曬，但係呢度嘅薄餅都凍咗都唔會話太硬，保持到柔軟度。串燒雞牛豬(半打) $85其實叫完呢半打串燒之後，有少少後悔lol好似叫得太多嘢食唔係好食得曬㖭，所以如果係細食嘅，可以考慮叫三串嗰隻。三款串燒入面我覺得雞肉最出色，外面燒得香之餘，裏面都仲保持到嫩滑唔會乾爭爭，好有泰國味道。但如果一次過食太多就會好似覺得有少少鹹了，不過都想可接受的，不錯不錯。餐牌參考…Read More

之前同朋友係深圳食過椰子雞煲上癮，最近得悉大角咀新開椰子雞火鍋店，即刻約埋一班friend黎食下。呢道除左有火鍋，仲有小菜可以叫，今次目的只為椰子雞，唔係火鍋🤣所以點左椰子雞鍋後就點小菜食。調味料有沙薑粒、柑橘、辣椒，味道會酸酸甜甜更加開胃。椰子雞煲椰子雞煲份量都幾多，湯滾後落雞，店用計時器計時，夠鐘，先飲個椰子雞湯先再食雞，一打開勁香椰子味，椰子味完全滲入晒落d雞同竹笙到，雞肉嫩滑唔鞋口，椰子湯入面仲加入左大量椰皇肉來，湯底入口突別鮮甜，椰子味很香。薑蔥大鱔煲薑蔥大鱔煲， 每一件魚都好有鑊氣 ,而且份量都有好多最緊要即叫即做又熱辣辣送到，薑蔥味道香噴噴，調味得宜，鱔魚鮮甜，肉質幼滑，配料蔥同豆卜都非常入味好吃。避風塘炒蟹避風塘炒蟹，蟹大隻，肉厚雪白，蟹夠新鲜又有膏，辣味適中。炸蒜炸得惹味乾身唔油膩，而且份量夠多，送飯一流。海南椰子凍海南椰子凍，椰子凍係用椰皇載住，椰香味濃，口感香滑，下層係晶瑩剔透既 jelly ，夠哂yummy 😋…Read More

星期日晚上嚟到酒吧街， 唔係飲酒，係嚟食飯呀。呢間餐廳除咗有得飲酒玩骰盅之外，仲可以食飯，喺門口睇到menu見到啲嘢食都算抵食，咁所以就嚟試下啦。時間尚早，個天都未黑齊，所以飲酒嘅人都係得一兩枱，唔會話太嘈。估唔到喺酒吧食嘢，食物種類都算幾多喎，唔會淨係得薯條呀雞翼呀嗰啲小食。而且有幾多款我都係有興趣添。一坐低店員就已經俾咗兜脆脆我哋，咁鬼肚餓仲要對住啲香口嘢真係忍唔住瘋狂食。呢啲脆脆可以無限refill添！同男朋友先叫咗一個set dinner，佢話想試下個烤豬手。一齊睇下set dinner啲咩食？Set Dinner  $1981. 梳打特飲 (+$18)首先餐飲加18蚊可以轉做梳打特飲， 唔記得咗男朋友叫咩味道，不過見佢都飲得好津津樂道，可能出面天氣真係太熱喇。2. Appetizer - 蕃茄醬芝士焗肉丸餐前小食我哋揀咗呢個番茄醬芝士焗肉丸，呢個肉丸感覺有啲似Ikea食到嗰種，當然呢度既肉質係再實淨啲，番茄醬亦都好充足，所以成個丸係好juicy，一啲都唔乾身。3. Main - 香辣燒豬手伴酸菜沙律主角燒豬手，一上枱心裏面就哇咗一聲，呢隻豬手唔少嘢喎。其實我本身都幾怕食豬手， 因為切又好似好麻煩，用手食又好似好麻煩。男朋友喺度咁就梗係由佢效勞啦，我呢個港女就坐喺度等食肉同埋影相lol豬手雖然外皮烤得夠乾，但係裏面啲肉仲係好嫩，唔會鞋颯颯， 味道剛剛好又不會偏鹹，所以我都幾鍾意。但係旁邊嘅酸菜沙律我就麻麻地啦，可能我本身唔太鍾意食酸菜喇。4. Dessert - Apple Pie甜品蘋果批，好靚，甜中帶少少酸，旁邊仲有少少生果作點綴。 以198蚊呢個價位嚟講，可以食到咁多嘢其實真係超抵食。當然，我哋有兩個人， 又點會食一個set dinner咁少呢，所以就嗌多兩個散叫嘅食物。時令煎法國鵝肝 $128鵝肝呀，係我最鍾意嘅鵝肝呀，雖然知道膽固醇真係好高，但係間唔中都會想食一下。呢個時令煎法國鵝肝，我開頭以為淨係得一件鵝肝，原來仲有沙律同埋麵包粒。由於鵝肝係會有太容易食滯人，所以有埋沙律同埋麵包粒顯得餐廳好貼心。鵝肝非常厚身，沒有筋，煎得外脆內軟，呢個入口即溶嘅感覺實在太幸福了。而鵝肝上面嗰一粒係無花果啫喱，煙煙韌韌又幾好味喎！炸魷魚圈 $58好高嘅炸魷魚圈呀，份量好多。即叫即炸所以上枱嘅時候仲係熱辣辣，仲有兩隻醬汁可以點添。非常脆口口，但係就一定要點醬，如果唔係會覺得入面見由於偏淡而無味。Strong Bow Apple Cider $48呢杯我諗都唔需要特別多講，Strong Bow嘅apple cider我一向都幾鍾意，甜甜地易入口啱曬女士們！…Read More

終於同男朋友食咗呢間一直都好想食嘅餐廳，入到去感覺好似去咗日本咁嘅，係一種老店嘅感覺。刺身三盛我哋首先叫咗刺身三盛，三文魚好新鮮食落口好肥而且都大片，油金魚亦都一樣，而帶子亦都好大片，食落去一種淡淡清甜嘅感覺同喺日本食嗰啲一樣。蟹味噌甲羅燒到招牌蟹味噌甲羅燒，蟹膏加上鵪𪂹蛋、蟹肉、蟹子撈匀再燒，店員會幫你燒而且亦都會好細心提醒你幾時去食嘅最好時機。食落口感官完全係驚喜，個種濃郁嘅感覺好豐富，令人回味無窮。帆立殼燒之後我哋叫咗兩個帆立殼燒，分別係醬油木魚同三文魚子，醬油木魚佢有青紅椒蕃茄做配料感覺上就比較中式，都好好味。而三文魚子就比較偏甜，兩個帆立貝亦都好大粒，店員會幫你燒得剛剛好唔會太熟以免影響口感。海老天婦羅而海老天婦羅佢炸到好脆而且唔油，表層都只係用薄薄既粉，入面既蝦肉亦都新鮮彈牙，實在不錯。日式甜醬牛肉鍋而我哋最後加左一個日式甜醬牛肉鍋，牛肉都幾厚切，各種配料冬菇、菜都好好食，再加埋佢個烏冬就夠晒飽，非常滿足今餐。巨峰啤酒而飲品方便我就叫咗一杯巨峰啤酒，即係提子味嘅啤酒，都幾好飲。…Read More

炎炎夏日，開始想念泰國曼谷的美食，所以找到了這一間餐廳，和友人一起前來，食物品質可以媲美泰國當地的餐廳，裝潢似足傳統泰菜餐廳，非常地道，價錢亦可以接受，是一個不錯的泰國菜選擇。食物種類非常多，令人目不遐及。有很多泰式傳統食物，明爐魚，菠蘿炒飯⋯⋯也去是太久沒吃泰菜的緣故，太多款我都想點，無奈和友人只有二人吃不了太多，唯有點指兵兵數款出來吧椰汁西米冰 $22透心涼的飲品，西米量多而且粒粒分明，沒有「痴埋一舊舊」西米融合了和椰汁的香味，吃起來又冰涼又甜而不膩，加入西米味道特別好哦。椰汁冰 $20友人不好西米，就只點了杯椰汁冰。雖然沒有西米，但味道也非常正宗啊，價錢亦很實惠。泰式蝦多士 $78這道菜是整晚我最喜歡的一道菜，讓人吃不停口，才幾分鐘就被我們二人通通消清光了。蝦多士外層酥脆，裡面的蝦肉爽口彈牙，整體味道不錯。配上泰式醬味道更佳！鐵板蠔仔蛋 $88鐵板上，上桌時熱辣辣還發出「滋滋聲」，要小心不要碰到鐵板哦！蠔飽滿大粒，蛋香蠔鮮，是曼谷的地道美食！底下還有芽菜墊著，和蠔及蛋一次過放入口中，口感層次相當豐富。泰式芥蘭豬手煲 $88不是什麼上等價錢，卻配有上等的質素。豬手份量很充足，而且炆得很淋，很有骨膠原，湯汁亦非想濃郁，配芥蘭能夠解膩，十分不錯。醃豬肉碎生菜包 $78吃泰菜必點生菜包吧？肉碎炒很惹味，配上生菜的清爽，整體不俗。但略嫌有點一點點點咸，若淡一點點更是完美！本想試試這裡的芒果糯米飯，但太飽吃不下了，因為每道菜都被我們清光XD下次來再試試甜品吧！…Read More

星期五放工，想食番餐好啲，但又已經好鬼攰，好想快啲番屋企，咁可以點算？答案就係買外賣lol當然，話明想食好啲，就緊係唔係茶記外賣啦！上網望一望，見到原來Goobne Chicken仲有仲緊外賣9折優惠，只要叫一客烤雞再加一客小食外賣就有九折。之前一直都想試不過又未有機會，咁就襯住今次試下啦！揀左三樣食物，係兩款烤雞加一款小食，即其中一份烤雞就要比番正價。因為我地總共有三個人食，如果淨係一雞一小食又好似少左啲啲，兩雞兩小食又好似太多了lol所以唔緊要啦，決定叫三樣！但發現原來每樣都超大份呀，一個小女子就要抽住手袋+電腦+兩大袋外賣去搭車哈哈。幸好車程好近，十分鐘就回到家，所以啲食物仲係暖粒粒，完全唔洗翻熱。韓式炒粉絲雞蛋卷 $148先講小食，蛋卷有兩款，另一款唔記得叫咩名，但見呢款入面有炒粉絲我都幾有興趣，所以就揀左呢個。多層既蛋卷好實淨，而且好足料，蛋非常嫩滑，咬落口係軟綿綿架！而且入面仲包有半溶既芝士，上面再淋想茄醬同芥末醬，口感同味道確實冇得彈。蜜糖咖哩烤雞 $168兩款烤雞入面我比較喜歡呢個蜜糖咖哩烤雞，開頭仲諗甜既蜜糖同辣既咖哩會唔會唔夾呢？結果發現，擔心是多餘的，兩者的味道非常搭配，誰都沒有搶著做主角，而係互相提味。甜甜辣辣的實在好惹味，雞皮烤得香脆，雞肉又juicy又嫩滑，一啲都唔乾，感覺還冇炸雞咁熱氣添！深層芝士烤雞 $188雖然相比起蜜糖咖哩烤雞，呢款係冇咁得我歡心，但同樣烤得很出色。雞面完完全全地佈滿芝士粉，帶著咸咸甜甜的味道，同樣烤得外脆內軟，每一啖都充滿住芝士味！無論烤雞定炸雞都好，火候同溫度都要拿捏得恰到好處，這間店確實做到了！酸蘿蔔隨雞附上酸蘿蔔，我本身不太喜歡這類食物，但很快被家人吃光光，證明味道都應該唔錯。…Read More

上星期同男朋友去拍拖仔你左呢個新地方，係朋友介紹，話環境唔差而且好多野玩、啲食物又好抵食。其實近年來我都好少去樓上Cafe，可能係已經過咗果個年齡層啦lol不過次次拍拖都係行街睇戲食飯其實都好快會悶，所以今次極力推薦男朋友過嚟！開頭佢都唔係好想彩我，話薯仔屋個名好似唔多吸引，當然我就唔會理佢啦，霸王硬上弓夾佢過來XD一上到去由於暫時未有座位，服務員就介紹我哋可以打住機先。PS 服務員勁nice，有可能係老闆都未定。呢個雙打Joystick連接住電視，有六百幾款懷舊街機，童年回憶頓時返晒來，仲有我細個最鍾意玩嘅炸彈人添！跟住呢幾張相大家望吓周圍嘅環境先，地方唔算大，但周圍佈置都係充滿心思。門口貼有好多相片，大概都係以前D明星藝人到訪嘅時候拍攝嘅。仲有幾個好大嘅Figure櫃，好多都係懷舊嘅玩具，例如聖鬥士星矢、超人等等，相信都會給人一眾男士嘅目光。仲有大量嘅漫畫、Board Game等等。可以話係麻雀雖小五臟俱全！好啦，打完機參觀完地方，就梗係要來到今晚嘅重頭戲，叫嘢食啦！厚厚的menu超多選擇，好彩比我發現有個二人至尊份量套餐，如果唔係真係有排揀。2人至尊份量套餐 (配特飲每人1杯) $188/per head呢個套餐分三個價錢，最平嘅就係我叫呢個係可以每人揀一杯特飲。中間價格嘅就係可以有無限餐飲，而最貴嘅就係可以每人都叫無限特飲。其實無限特飲都只係$228一位，不過預計今晚其實都唔會留太耐，所以我哋揀一杯特飲嘅都OK。睇吓個套餐有啲咩嘢食先：芝士蒜蓉包吞拿魚長通粉沙律新鮮係有前菜：蒜蓉包以及沙律。其實開頭對呢度既野食冇太大期望，因為這裏主力係做玩嘅，估計食物未必特別出色，但以下落嚟介紹嘅每一樣食物都令我好有驚喜！蒜蓉包烤得外脆內軟，雖然上面嘅芝士唔多，但味道配合得非常恰當，蒜蓉味道在口裏徘徊，可惜每人得壹件，如果有多一件俾我食就好了。長通粉沙律，非常好味，沙律醬超足夠，每一啖都可以沾滿沙律醬，但又唔會多到好似浸湯咁。長通粉彈牙、吞拿魚唔腥，仲有粟米粒。淨係兩度前菜已經叫我對之後既食物更加期待。西班牙茄汁磨菇煙肉意粉茄汁意粉，好大碟好有睇頭，夠晒兩個人食。入面有煙肉粒火腿粒紅椒青椒等等。味道酸酸甜甜好開胃，讓人禁不住一啖接一啖咁樣食落口。薯仔屋蜜汁雞翼來到小食雞翼了，雞皮微脆好香口，黏黏的因為外皮沾滿蜜糖，所以睇相都見到係立立令嘅。食雞翼最怕雞肉會乾爭爭，將佢嘅雞肉仲係好Juicy，食嘅時候要小心有汁滴落啊！醬燒豬仔全骨配肉醬薯仔屋鋪天薯條主角主角主角！點餐時服務員都有介紹呢個豬肋骨係得獎菜式，一直以來我都好喜歡食豬肋骨，雖然切嘅時候係有少少麻煩，但既然男朋友係度就梗係由佢代勞啦lol再配埋肉醬薯條，呢個配搭簡直係無得輸。豬肋骨外面睇落雖然燒到好乾身，但裏面啲肉一啲都唔乾，非常嫩滑。味道亦恰到好處，不會太過濃也不會太過淡，有時如果食出面嘅豬肋骨，太濃味嘅話，開頭一兩舊都仲係好食，但係食到後面就會太濟唔想再食落去。呢度嘅豬肋骨完全冇呢個問題，好快已經俾我哋兩個KO晒。飲品選擇非常多，足足佔十幾頁嘅Menu，所以揀無限特飲既朋友其實都幾着數架，可以試到好多唔同嘅款式。榛子可可味道都可以，飲到有榛子味道，唔會淡茂茂又唔會甜到好似飲糖水落肚咁。粉嫩小桃呢杯特飲係士多啤梨加蜜桃加蜜糖，可能因為有蜜糖既關係，稍甜了一點點。但味道非常清新，即刻覺得自己健康左。是日甜品 - 泡芙見到個甜品再一次令我睇薯仔屋加分，就連一個普通嘅泡芙，都好用心去裝飾，係靚嘅。而且裏面係堅有料，唔係空心，而係滿滿嘅雪糕，超滿足。食飽飽之後就玩下呢度嘅Board Game，其實簡簡單單既遊戲，已經可以玩得好開心，我仲笑到肚痛添！所以，有時放低你嘅智能手機，好好同身邊嘅人用最直接嘅方法去交流啦，唔好再成日攬實部電話＝）又多嘢玩又多野食，我一直會再帶朋友過來。…Read More

今日放工來到旺角同朋友行街，行到累累地就上網睇下旺角有咩好食。發現呢間Lab 66都好似幾多好評，但價錢又唔算好平，而且位置都唔係坐落於旺角既中心，咁點解都會咁多人去食呢？我決定要親身去探究一下。原來改名叫Lab 66係有原因，因為餐廳既裝修真係好似模仿緊一個實驗室咁樣，工業味濃。牆身上有類似水喉水管嘅裝飾，都幾特別。原來呢間餐廳既面積都幾大，係有兩層架，我六點幾過到黎，都未到最繁忙既晚飯時間，就已經坐到半滿了，睇來呢間店真係有佢既吸引力。食物唔算好多款，但都好清晰咁樣印晒係呢個紙板上面。食物有好多得意既配搭，例如芒果軟殼蟹卷、鴨肉饅頭等等，有好多我都幾有興趣架。不過兩個人試唔到咁多，今次試住兩樣先啦。Dark Choco $68首先叫咗一杯特飲，朱古力怪飲朱古力係理所當然既事lol上網睇既時候見到好多人叫呢杯嘢，我都已經立志一定要是黎試呢杯超級朱古力。果然真係滿到瀉，所以店員係杯下面都會連埋隻碟一齊俾你。滿滿既朱古力加埋上面厚厚既忌廉、朱古力醬、碎朱古力等等，好吸睛。飲落口有超濃既朱古力味，唔係好似出面啲朱古力加冰畀你，越飲越淡，最後變左水咁既味。濃濃既朱古力背後散發住淡淡既香蕉味，成件事好匹配。鑊仔廣島蠔餅 $78跟住我揀咗呢個蠔餅，係成個鑊咁樣上架。上台時仲係熱辣辣，聽到啲油聲彈下彈下，完全係即叫即整好新鮮。其實叫呢個蠔餅都有原因既，因為我本身真係好鍾意食蠔餅XD。但係除左去廟街或者一啲打冷既舖頭，平時基本上都好少機會食到，所以一見到當然要叫啦。呢個蠔餅比起打冷食到既蠔餅一啲都唔輸蝕，蠔量好多，又唔會太厚咬落去成口粉。味道適中，唔會過咸，而且啲蠔仔仲有淡淡海鮮甜味添！芒果軟殼蟹卷 $88第二樣係叫咗呢個芒果軟殼蟹卷，都係一個幾特別既配搭。外面包住個層餅皮，同KFC食嗰個炸雞卷既餅皮一樣，呢個稍為厚啲啲，入面包住既餡料就冇咁容易跌出黎。卷物入面有芒果、沙律菜、軟殼蟹等等。味道好清新，因為餅皮本身無味，咁就唔會搶左餡料既味道。芒果一啲都唔酸，不過沙律菜偏多，軟殼蟹又偏細隻，所以有少少變左得芒果一個主角咁樣。…Read More

都住左係荃灣十幾年啦，當然成日都會周圍搵野食啦。其實荃灣都算幾多野食，平又好貴又好正有好劣又好都好容易搵到。呢間拉麵店到好似都開左唔短既時間，不過成日經過都見到排長龍所以反而一次都未試過。適逢今日放假中午同媽咪經過見到，啱啱開門都係得兩三個人係門外排隊，咁就緊係要即刻來試一試啦。同好多拉麵店一樣，呢度點餐係畫紙仔，有提供一啲個人化既選擇，例如麵要多定少、要唔要走蔥等等。舖頭寫住沾麵係每日限量30碗，既然係晏晝過黎，咁就一於試個沾麵啦！因為第一次食，唔知呢間店既口味如何，所以大部份嘅選擇都揀咗適中，當然要加碼叉燒啦，我係食肉獸嚟架嘛。鋪頭唔算大，可能都係容納十幾二十個人左右，大家都係平排咁坐係吧檯位置望住師傅整麵，座位除左點餐紙之外，仲有一啲插話介紹大家點樣去品嚐佢哋嘅拉麵同沾麵，啲插畫畫得好得意呀，又會教人食麵既正確方法，咁就唔會浪費左碗麵啦。等緊碗麵黎既期間，店員都好細心比左兩個掛鈎我同媽咪，因為係坐吧台嗎其實都無位可以放袋本身都係放係自己大脾上面，有呢個掛鈎就方便得多啦，等我可以專心影相。另外長頭髮既女仔，店員會遞啲橡筋俾你扎頭髮，不過我本身有帶橡筋所以就無要到。沾麵 $83等左大概唔知五至十分鐘沾麵就到啦，嘩碗沾汁熱辣辣，聞到都勁香。碗麵真係超大份量，就算揀左適中分量都唔係咁容易食得晒，賣相都唔差架望落都好開胃。有叉燒啦、糖心蛋啊，菜絲啦，紫菜，青檸等等。面係屬於粗嘅面質，掛湯能力一流，只需浸一浸，已經完全享受到沾汁既鮮味。最後都真係食唔晒剩番少少麵，就叫店員加啲湯比我飲埋就已經飽到笑呵呵喇。增量叉燒 (170g) $25呢個叉燒真係要專登再講一講，超級大塊，其實諗諗下根本唔洗加。女孩子們可以參考一下，除非你係超級大食啦，否則真係揀適中或者小既份量都已經夠喇。不過呢度既叉燒屬於偏瘦，同埋唔似其他鋪頭咁樣會用火燒一燒啲叉燒等啲叉燒香口啲。所以叉燒就略嫌普通，不過普通都有普通既好既。雖然坐得唔係太舒服，不過呢到比我既感覺同日本既拉麵店真係好相似，所以下次有機會都會再黎架！…Read More

雖然話就話女仔好怕食熱氣野，不過對於炸雞就真係好難忍得口。無論係KFC炸雞定係韓式炸雞我都勁鍾意食。今日，又搵到間韓國炸雞去食啦！ 對於話炸雞好冇食，我最Care既就係炸得隻雞夠唔夠Juicy，同埋個醬汁好冇食！半半炸雞 $168貪心D，一次過叫左兩款炸雞，分別係辣醬同埋蒜味！真心覺得兩個醬都好好食，特別係辣醬，要左少少辣，勁惹味，而且辣得黎好香，味道係大愛！而蒜味都好好食，值得Encore。韓式雞蛋卷 $128 除左炸雞之外，玉子燒都係我既最愛之一，估唔到係韓國餐廳都食到明太子玉子燒，重以為只有日本餐廳有賣添。玉子煎得幾香幾滑，唔會太老。而入面夾住勁多明太子！係我最愛既明太子呀！咸咸地又有少少辣既香味，超正！ 辣拌海螺拌麵 $128為左一個澱粉質控，點都要食D飯或者麵先夠飽既。我就叫左個辣螺肉拌麵~辣辣地~幾惹味！加上麵同螺肉都幾爽身，食落口好清爽，唔錯呀！草莓雪冰 $68食完之後就飽飽地la~ 作為一個女仔，又點少得甜品呢。呢個雪花冰，堅好食！練奶既份量岩岩好，令到個雪花冰唔會太甜，味道適中。加上唔太酸既士多啤梨~好味道呀~~~~~…Read More