mingkira's Profile

嚟到石門要搵食，梗係睇OpenRice啦，呢間雞煲店啲評價好似唔錯，於是就去試一試。佢個位置有少少難搵，因為佢匿埋咗喺轉角位。因為有朋友唔食辣，所以我哋就叫咗椰子雞煲佢有得揀半隻雞或者一隻雞，我哋揀咗一隻，佢拎住兩碟雞埋嚟嗰陣時我哋同佢講我哋係要咗一隻，佢話原來一碟只有半隻雞，估唔到呢度嘅雞咁大隻，喺色水隻雞都幾靚。飲完雞湯食完雞就嚟到打邊爐時間，因為隻雞真係好大隻，所以都有啲飽，於是火鍋配料就只係嗌咗潮州魚蛋同埋鮮蝦雲吞，兩樣都好新鮮，尤其是係個雲吞入邊嘅蝦。幾欣賞佢啲醬料全部有蓋冚住，幾衛生。…Read More

呢間西灣河太安樓餐廳個名叫做Cafe，不過入面一啲都唔Cafe，就好似今日我哋食咗一個日式丼飯，再加啲西式小食同埋fusion小食，味道唔錯，而且可能喺太安樓入面呢一間係坐得最舒服嘅一間餐廳。呢個係和風牛肉丼，佢啲飯真係用日本珍珠米，牛肉切薄片而且一啲都唔肥，加埋就溫泉蛋，喺食之前拮穿佢兼撈勻佢超正。佢有個小食跟埋，應該係話梅蕃茄仔，酸酸地幾開胃幾好食。佢哋嘅丼飯係跟埋嘢飲嘅，雪櫃入面任揀。佢啲小食都幾正，所以叫咗三款，分別係吉列炸蠔、麻辣薯條同埋火炙明太子薯條，三樣都好食，最邪惡一定就係火炙明太子薯條啦，但係佢個明太子同啲薯條嘅味道真係好夾，成完先再減肥啦。…Read More

朋友介紹呢一間旺角嘅小炒終於試咗，都算抵食，不過質素只屬一般。燒鵝不過不失，勝在價錢平，總好過又貴又唔好食。冬瓜盅就叫做人有我有，以特價嚟講都幾抵嘅，不過就覺得好似求其擠晒啲材料入去冇乜誠意咁樣。呢個雜菌豆腐清清地可能已經係咁多樣嘢食之中相對OK嘅一款。個咕嚕肉都係冇乜特別，唯一好處係唔會炸得好犀利，不過個價錢都少少貴。可能樣樣都麻麻所以顯得呢個揚州炒飯特別好食，炒得夠乾身，而且唔算多油。臨尾有個桂花糕免費送嘅，可惜冇乜貴花味。最後建議大家行樓梯上去，因為架lift好恐怖，好似會搵lift咁樣。…Read More

呢間任食火鍋店價錢比一般嘅高，不過食物質素都算唔錯，整體都OK。我哋揀咗最平嗰個餐，限食兩個鐘，啲牛肉同埋海鮮都OK，最重要係出餐出得快，唔會話啲貴價嘅配料就出得好慢，啲平價嘅火鍋配料就係咁出俾你。啲牛肉嘅質素都OK，啲脆鯇同埋鱔片都幾新鮮。…Read More

第一道餸係花甲，都幾大隻，望落去就知道好新鮮。呢度有專人幫我哋用蒸氣火鍋焗同埋計時，唔夠時間侍應哥哥就會嚟幫我哋停咗個腦仲會幫我哋分配埋啲海鮮，唔使驚主導啲海鮮老晒。等一陣就食得，啲花甲真係好肥美，仲食到有少少海水鮮味。啲蝦真係好新鮮，放入個蒸氣鍋入面仲扎扎跳，蝦肌肉結實彈牙。鮑魚就預先切開一半等佢容易啲熟，有專人幫我哋handle嘅好處就係唔會焗到Over晒，如果鮑魚Over咗就會太韌，依家啱啱熟啱啱好。呢度嘅墨魚滑味道唔錯，入面仲有墨魚肉粒。個扇貝超正，尤其是底下嘅粉絲吸晒扇貝嘅鮮味，食落特別好味。因為同行朋友唔食牛，所以老闆好好幫我哋將其中一份牛轉咗做豬肉。食到尾聲蒸一個雞，而且有好多配料。最後就梗係鍋底嘅粥底啦，煮咗咁多海鮮再加埋隻蒸雞，吸收晒食材嘅精華，啖粥特別鮮味。…Read More

估唔到星期日嘅工廠區都可以有一間爆場嘅餐廳，我哋好好彩坐到最後一張枱。雪菜肉絲上海麵竟然係用新鮮嘅酸去做，所以雪菜味特別香，食到一陣雪菜清新嘅口味。淡淡面要做小辣，佢嘅麻醬花生醬同埋湯嘅比例幾好，唔會太稀唔會太澀，雖然佢可以揀配米粉米線嗰啲，不過我都係覺得配上海麵係唔錯嘅。試咗個粟米漿，粟米嘅味道好濃郁，而且食到粟米嘅甜味，估計應該係將粟米放入攪拌機擺到爛晒，味道唔錯。豆漿大王杯豆漿係掂嘅，有豆味，而且唔會太甜。…Read More

今日lunch吃咖喱，咖喱的醬汁似乎用上了很多特色的印度香料，加上此餐廳由廚師到侍應都是以印度人主理，所以吃的時候感覺特別正宗。我點的是印度馬薩拉羊膝，淨係賣相已經值回票價，羊膝的肉質很鮮嫩，味道很好。特意配上印度薄餅Naan Bread，全程落手食味道特別好，Naan Bread點咖喱汁吃得很滋味，這個馬薩拉基本上是不辣的，熱唔熱熱的夏天吃這個特別開胃。 set lunch連餐湯和飲品，餐湯是薯仔蛋花湯，上面加了一點蔥花。餐飲點了凍的印度奶茶，味道也不錯。…Read More

這家烤肉的價錢貴就係貴咗啲，不過物有所值。點了未來牛牛肋骨及牛舌的set，開頭以為未來牛係嗰啲素肉，後來睇介紹先知未來原來係日本嘅一個地方。個set睇落唔多野，不過食落都飽，未來牛嘅味道都唔錯，牛味都香濃，個厚切牛舌真係幾好食。…Read More

呢一間嘅小炒真係食過返尋味，今晚人唔多幫襯，所以只叫得三樣嘢食。招牌雞果然係招牌雞，雞味都濃，皮薄而且冇乜脂肪，雞肉嫩滑，好新鮮，配埋雞雞腸雞腎呢啲雞雜，另外碟雞茸係有新鮮薑，難得。蒜蓉粉絲蒸蟶子王超好食，蟶子本身就非常新鮮，而且大廚嘅廚藝都非常高，個聖子蒸得啱啱熟，所以食得出鮮嫩嘅味道，蒜蓉粉絲就吸晒蟶子嘅鮮味，所以要嚟撈飯就好掂。加碼叫咗個豉油王炒麵，因為見隔籬枱嗰碟熱辣辣香噴噴好似好正，所以忍唔住嗌咗，佢個炒麵炒得好好，好乾身，蔥段芽菜芝麻等等都非常之香。啤酒就試咗呢隻德國啤，又真係幾好味，好易入口。…Read More

呢度嘅名菜之一：南乳炸豬手。味道還可以，不過南乳味就唔係好夠，炸得幾好，煙煙韌韌幾好食。另一道名菜：豉油王墨魚咀。個豉油王幾香，令到墨魚咀食嘅時候好香口，啲墨魚嘴都幾大粒。聽講呢一味豉汁蒸白鱔都係出名嘅，白鱔新鮮，肉質彈牙，份量比想像之中多。薑蔥美國桶蠔都幾正，冚住蓋上枱，一揭開就聞到薑蔥嘅香味，啲美國桶蠔真係好大隻同埋好肥美。魚湯竹笙雜菌時蔬清清地，時蔬就揀咗生菜，個魚湯嘅味道就勉強少少。總結就係呢間小菜館味道係OK嘅，不過有冇外面講到佢咁好食，都係嗰種可以食吓，但係又唔係好值得排隊囉。…Read More

呢間酒樓嘅lunch time點心還可以，價錢略高，不過啲點心係做得唔錯嘅。蝦餃入面隻蝦新鮮大隻，不過無啦啦整啲金色野喺面，為的就是收貴啲，唔通真係為咗個樣靚啲咩。叉燒包味道ok，入面食得出真係有叉燒肉。煎釀茄子唔算多油，因為通常呢啲都係話煎其實係落油鑊炸，所以成日油淋淋。煎腸粉煎得唔錯，夠乾身。鳳爪都ok，有肉地，都幾肥美。蝦腸都正，隻蝦都幾大隻，彈牙新鮮。燒賣都幾好，大大粒，上面有啲蟹子。牛孖筋好少地方有得食，所以叫黎試吓，唔錯，無梳打粉味。最後叫咗碟切雞飯，隻雞嘅質素都唔錯。…Read More

呢間Cafe嘅食物真係新奇有趣，次次嚟親都有新意思，就好似今次就試咗佢哋用白鱔做嘅炸魚薯條。件白鱔都幾厚身，用兩支竹籤穿住令佢炸嘅時候唔會捲埋一舊，可以做到成塊白鱔扒咁樣。白鱔都新鮮Juicy，面頭嗰幾片係蒜片，炸過之後好似食薯片咁樣。個汁一定要點，係用豆豉自家製嘅，老闆話要還原返豉汁蒸白鱔。薯條同埋半碟嘅沙律菜都好新鮮，薯條都係新鮮炸出嚟。上次嚟試過魚湯烏冬覺得個魚湯好正，今次就可以獨立嗌一碗魚湯，入面有少少海帶， $25好抵飲。…Read More

呢間意大利菜味道正宗，而且食材非常新鮮，我哋今晚四個人叫咗一個前菜一個Pizza同埋一碟意粉再加兩個甜品share，食到非常滿足，每人都唔使$200 ，簡直係超值。前菜揀咗意大利風乾火腿黑醋火箭菜沙律卷，火箭菜好新鮮，用風乾火腿包住配合得好好，佢個呷醋汁調返個鮮味出嚟。 pizza就揀咗留心水喉芝士火箭菜Pizza，唔小心又叫咗火箭菜添，pizza個餅底做得好好食，火箭菜同埋水牛芝士都正，個Pizza幾好，唔會好滯，食得出好新鮮嘅味道。 pasta就揀咗意大利雲吞配黑松露雜菌汁，佢個汁做得好好，好Creamy，個意大利雲吞都好好食，雲吞皮有彈性，另外邊嘅芝士粉好香。仲有佢免費送嘅小麵包味道都好好，點黑醋加橄欖油超正。…Read More

牛筋粗麵的牛筋又淋又入味，個柱候汁又唔會太鹹，個粗麵無梘水味，麵質偏煙韌。鮮蝦雲吞嘅蝦又真係幾新鮮嘅，入面粒蝦雖然唔係原隻，但係真係多蝦肉而且算係幾大粒嘅。雲吞皮都幾滑，湯底都香大地魚味。油菜唔算好大碟，正常size，都新鮮。…Read More

今晚幫襯呢一間雞煲專門店原本真係諗住食麻辣雞煲，點知坐低見隔離枱個烤魚好似好正咁，所以我就轉軑食烤魚。呢度嘅烤魚有兩種魚可以選擇，分別係海鱸魚同埋清江魚，我就點了海鱸魚，$288一條，都幾大條。當個湯底一滾起就好香，主要係D湯底配料嘅香味，條海鱸魚都幾有鮮味，而且D肉都幾滑，同埋都比想像之中入味。條魚食到七七八八就叫其他野打邊爐，因為兩個人食晒成條魚都真係幾飽，所以我地都係叫多咗少少野。先來個韭菜餃，餃入面D韭菜都幾香，呢個餃味道唔錯。因為唔想食公仔麵，所以我地就叫咗一份紅薯粉，其實紅薯粉同烤魚煲都幾夾，D紅薯粉索晒D味好正。最後仲要多份菜。…Read More