delideli's Profile

同男朋友去咗中環蘭桂坊嘅 Porterhouse，地點方便，喺加州大廈 24 樓全層，一出 lift 就見到開揚中環景色，餐廳環境闊落舒適。最正嘅地方係佢哋有個戶外露天位！😍 可以一路食嘢，一路欣賞中環嘅璀璨夜景，真係浪漫到暈！🌃 氣氛一流，好適合同朋友 happy hour，或者情侶嚟慶祝特別日子。🥂 餐廳嘅裝修都好有格調，而且啲食物擺盤都好精緻，顏色鮮艷，啱晒打卡！📸 佢哋嘅 cocktail 同佐酒小食都好出色，價錢同份量都好怡人，絕對係 pre-drink 嘅好地方！🍸今次我哋試咗好多嘢，真係大飽口福！😋先嚟啲開胃小食：Oyster Sake Shot ($88)：一口蠔配清酒，鮮甜順滑，大推俾鍾意食生蠔嘅朋友仔！🦪🍶Surf 'n' Turf Tartare (海陸雙拼他他) ($298.0)**：呢個海陸雙拼他他真係不得了！🤩 佢哋用咗和牛、臘腸、三文魚子同黑蒜等材料，超多配料，店員為你慢慢解釋同添加，味道層次豐富，口感一流！🥩🐟XO N.Z. Mussels (紐西蘭青口) (1/2 kg) ($228.0)：紐西蘭青口，用紹興酒同 XO 醬去煮，酒香濃郁，惹味到不得了！🦪🍶🌶️跟住係啲輕嚐：Shellfish Cappuccino (海鮮泡泡湯) ($48.0)：龍蝦湯濃厚，口感豐富，味道鮮甜！🥣Milk of the Tiger (香煎帶子配虎奶醬) (1pc) ($76.0)：香煎帶子配虎奶醬，帶子鮮嫩，醬汁惹味！ See U Tmoz (川味金菇) ($48.0)：呢個川味金菇真係要特別講吓！🍄 佢哋將金菇炸到脆卜卜，再灑上四川麻辣同牛肝菌粉，香、麻、辣集於一身，口感豐富，非常惹味！🌶️😋主菜梗係要食扒啦！Striploin (西冷牛扒) (7oz) ($358.0)：西冷牛扒，肉質鮮嫩，油花分佈均勻，做到真medium rare, 而且有炭燒香氣。最後仲有個：* **Roasted Bone Marrow (烤骨髓) ($128)**：呢個烤骨髓都好正！🤩 佢哋喺骨髓上面加咗粉紅胡椒同油浸蒜，令到成個骨髓嘅香味更加突出，配埋烤到脆卜卜嘅Sour Dough ，真係食到停唔到口！💯總括嚟講，Porterhouse 嘅食物質素真係唔錯，無論係海鮮定係扒類，都做得好出色。👍 最吸引嘅係佢哋嘅戶外露天位，可以飽覽中環夜景，真係值回票價！🌃 餐廳嘅裝修同食物擺盤都好靚，顏色鮮艷，啱晒打卡！📸 佢哋嘅 cocktail 都好出色，絕對係 pre-drink 嘅好地方！🍸 服務都好好，價錢就中等偏貴少少 💸，但係如果想喺蘭桂坊搵間高質素，又有靚景，又啱打卡，又啱 pre-drink 嘅餐廳，Porterhouse 絕對係一個唔錯嘅選擇！💯鍾意食海鮮、扒類，又或者想搵個地方 chill 吓嘅朋友，都好值得嚟試吓！😎…Read More

今次同朋友去咗紅館試佢哋嘅「六道菜晚市二人套餐」！聽個名都覺得好吸引！😍**First Course**1) 香草魚茸薯仔沙律配檸檬醬 🥗：個沙律好清新，魚茸同薯仔嘅配搭幾特別，加上檸檬醬，酸酸甜甜好開胃！😋2) Aus M8 Wanyu Beef Tartare 🥩：牛肉他他嘅質素唔錯，入口即溶，牛味濃郁！正！👍**Second Course**野菌忌廉湯 🍄：個湯好creamy，野菌味好香濃，飲落好暖胃！🥰**Third Course**低溫慢煮雞胸扁意麵配冬陰功醬汁 🍝：雞胸煮得好嫩滑，扁意麵嘅口感啱啱好，冬陰功醬汁酸辣惹味，好有驚喜！🌶️**Fourth Course**1) 紅館姜母鴨 🦆：呢個係紅館嘅招牌菜，姜味好香，鴨肉好入味，配埋福建姜母同埋天然嘅Pan Jus，好滋補！🤤 仲有Orange Apricot Jam做嘅sauce，酸甜解膩！🍊2) 法式香草焗蝸牛配薯蓉 🐌：蝸牛焗得好香，配埋香草，味道唔錯！薯蓉好creamy，口感綿密！😋**Fifth Course**1) 芒果拿破崙 🥭：酥皮好鬆脆，芒果好甜，忌廉唔會太膩，整體嘅味道好好！💯2) 鮮果芝士撻 🍓：芝士撻嘅味道濃郁，配埋新鮮嘅水果，酸酸甜甜，好清新！🥝總括嚟講，紅館嘅呢個「六道菜晚市二人套餐」真係好抵食！每道菜都好有特色，而且味道都唔錯！環境都好舒服，服務都好好！👍 如果想同朋友或者另一半慶祝特別嘅日子，紅館都係一個唔錯嘅選擇！🎉#香港 #中環 #紅館 #六道菜晚市二人套餐 #食評 #美食 #晚餐 #慶祝 #抵食 #好味 #推薦 🇭🇰🏙️🍽️🥂🌟…Read More

位於尖沙咀嘅Milu Thai，環境舒適，裝修時尚，感覺好relax！😌 啱晒同朋友傾計、享受美食！我哋叫咗幾款招牌菜式，每款都令人驚艷！😋 仲要咗一份蒜蓉包，做個perfect ending!* **泰式豬肋骨火山⛰️:** 呢個豬肋骨真係好震撼！份量十足，堆成一座「火山」，賣相一流！📸 豬肋骨肉質軟嫩，醬汁惹味，鹹香帶辣，食落去好過癮！🤤🤤🤤 絕對係打卡必點！* **爆炸炒蟹🦀:** 呢個爆炸炒蟹名副其實！一上枱已經聞到陣陣香氣，蟹肉鮮甜，咖喱香濃，而且唔會太辣，啱晒唔食得辣嘅朋友！🦀 蟹肉份量都好多，好滿足！個名真係好貼切，因為真係好惹味，好滋味！* **冬蔭功湯🍲:** 湯底酸辣適中，蝦肉鮮甜彈牙，香茅、南薑嘅香味好突出，好正宗嘅泰式風味！ 飲落去暖笠笠，好舒服！* **馬拉盞椰菜苗:** 呢個馬拉盞椰菜苗好惹味！椰菜苗炒得爽脆，馬拉盞嘅香味好濃郁，鹹香帶點微辣，好開胃！🌶️ 同泰式菜式好夾！* **蒜蓉包🍞:** 外脆內軟，蒜蓉味香濃，烘烤得剛剛好，熱辣辣，口感一流！🤤 係一個perfect嘅配搭，可以點埋冬蔭功湯一齊食！每道菜嘅擺盤都非常精美，賣相吸引，絕對係味覺同視覺嘅雙重享受！💯 服務態度亦都好好，侍應好有禮貌，上菜速度都適中！總括嚟講，Milu Thai嘅食物質素高，環境舒適，服務一流，性價比都唔錯！👍 尤其係個泰式豬肋骨火山同爆炸炒蟹，真係必食推介！連蒜蓉包都咁好味！下次我一定會再encore！🥳 仲想試埋佢哋其他菜式！…Read More

今次我哋去咗銅鑼灣嘅蒲東蒲西試佢哋嘅午市二人餐，環境真係一流！一入到去就感受到濃濃嘅上海風情，裝修典雅又帶點復古味，感覺舒適又高級😌。午市二人餐嘅性價比超高，CP值爆表！🤩 絕對係抵食之選！我哋叫咗嘅菜式包括：* **醉豬手 (冷盤):** 豬手炆得非常入味，酒香撲鼻，肉質軟糯，入口即溶，肥而不膩，一上枱已經好吸引！🤤 絕對係個好開胃嘅開始！* **賽螃蟹 (小菜):** 賣相精緻，味道鮮美，蟹肉鮮甜，口感細膩，令人回味無窮！🦀 完全唔覺係用蛋白整㗎！師傅功力一流！* **干煸四季豆 (小菜):** 四季豆爽脆鮮嫩，干煸嘅做法令四季豆更添一份香氣，蒜蓉嘅香味恰到好處，簡單卻美味！💚 完全唔會油膩！* **經典上海生煎 (點心，2隻):** 底脆肉 juicy，湯汁鮮美，咬落去湯汁在口中爆開，真係人間美味！🤤🤤🤤 雖然得兩隻，但係每隻都咁大個，好滿足！* **嫩雞燴面 (主食):** 雞肉嫩滑，湯底鮮甜，麵條爽彈，份量十足，好飽肚！🐔🍜 暖胃又舒服！* **海參酸辣湯 (湯):** 酸辣適中，湯底鮮美，料足味濃，海參爽口彈牙，暖胃又開胃！暖笠笠嘅感覺，正呀！♨️ 飲完成個人都暖晒！服務方面，侍應態度親切有禮，上菜速度適中，整體服務令人滿意😊！總括而言，蒲東蒲西嘅午市二人餐性價比超高，環境優雅，食物質素高，絕對係一個物超所值嘅選擇！强烈推薦俾大家去試吓！👍 下次我哋仲想試埋佢哋嘅其他菜式！🥳…Read More

過開尖東想搵日本嘢食，唔打唔撞就入咗嚟呢一間雖然門面細細但裏面樣樣齊全，菜品豐富嘅日式料理小店，一入去，店員就好熱情介紹新菜式同招牌菜式，十分親切。我哋先點咗買一送一嘅黑白啤配酒盗芝士先熱身。酒盗芝士味道（$78）十分正宗。我哋點咗六款刺身，餐廳非常細心咁將每款刺身由淡口到濃口順序排好，指導我哋慢慢細味。先由白身魚刺身食起，再到鮟鱇魚肝、生蠔刺身、刺身帶子夾海膽，最後先到炙燒吞拿魚赤身。串燒時間，價錢一d都唔貴，可以好任性咁點，我哋點咗柚子鹽 白鱔（1串）、雞腳筋串（1串）、雞肝串（1串）、雞胸軟骨串（1串）、牛舌串、月見免治雞肉棒，全部都燒得剛剛好，裡面仍然十分鮮嫩多汁。田樂豆腐係炸嫩豆腐嘅表面塗上甜甜嘅味噌醬。呢個係餐廳新推出嘅菜式，而我亦都未見過有餐廳賣呢一個部位，十分少見，原來非常過癮，而且爆炒後味道非常惹味。最後一個菜式以熱辣辣嘅炒飯作結， 十分滿足。…Read More

Weekend 個個返大陸，我就選擇留係香港刺激經濟。今次揀咗九龍東，去完一轉九龍灣，想搵好嘢食，朋友提議附近嘅海濱匯，又易泊車，仲有超抵泊車優惠，食夠200就可以免費泊3粒鐘。一去到就俾Mano吸引咗，為咗個手工pizza而去。叫咗個四重芝士pizza，超香，餅底外脆內軟，芝士仲好拉絲嫁。食意大利野，burrata cheese唔少得啦，salad sauce都好驚豔。4個人點咗兩個main course，三文魚煎得脆身，但魚肉依然juicy，上面仲鋪咗大大粒三文魚籽，增加口感之餘，亦令味道更有層次。另一個係燒脆皮乳豬，開埋黃薑飯成件事配搭得非常出色，乳豬外皮燒得非常脆身但不油膩。最後一道係蟹肉手工長通粉，每一啖都係滿滿嘅蟹肉，醬汁調配得非常Creamy。成餐都食得非常滿足！…Read More

Outback執咗，究竟尖東夜晚仲有咩吸引你去食，竟然俾我誤打誤撞搵到呢間好味韓國餐餐。主打韓燒，但入到去一D煙味都無，佢吸煙系統真係好好，無預備都可以去食。一坐低竟然俾醬油蟹吸引咗，點左二人份試下。二人前包左醬油蟹一隻、醬油蝦同鮑魚各兩隻，仲配埋紫菜生雞蛋撈飯，真係性價比超高，味道濃淡適中，食到海鮮嘅鮮甜亦食到醬油膏嘅咸香。記得加埋蟹膏蟹黃撈飯，味道大滿足。烤肉吾少得啦，佢有專人幫你燒同分，岩哂懶人，配嘅生菜都好新鮮爽脆，叫燒肉會送多個韓式焗蛋俾你清清味蕾。叫咗個純豆腐湯，味道好好，唔係一般韓國餐廳嘅韓式辣醬味，好足料。前菜5小碟，推薦出面少有嘅鵪鶉蛋同魚板。…Read More

地點超方便，一出地鐵站，步行3-4分鐘道到。主打日本和牛同各類串燒，價錢唔貴但份量十足，種類好多，無限時，慢慢坐，啱哂三五知己黎gathering。食品種類超多，主打A5和牛燒肉，仲有唔少海鮮選擇，主食望落又好吸引，花多眼亂，而且價錢一D都唔貴，忍唔住兩個人都叫咁唔少嘢。職員會問你要幾成熟既牛肉，即席炙燒，打卡又好味。厚切牛舌好厚好爽。個飯好足料，食落好滿足，價錢仲非常抵食。特飲都好多選擇，我哋點咗菠蘿冰同荔枝冰嘅特飲，水果冰真係透心涼嫁。臨走先見到佢有8:30後做特價，早啲我哋遲啲嚟啦，唯有下次再嚟過。好難揀，最後揀咗扇貝，大大隻，好鮮甜。個烏冬都好好食，價錢又係超抵呀，我哋又點多個澱粉質嚟過口隱。…Read More

去尖沙咀，想食韓國嘢，其實真係好多選擇，最後揀咗離地鐵站行唔使好遠嘅美麗華商場，因為夏天，真係唔想行太多。入到餐廳，環境闊落，安靜又乾淨，坐得很舒適。前菜五小碟每一個都很地道，有辣白菜、醃蘿蔔、重廣油味嘅爽甜芽菜同蜜香黑豆。前菜我哋就點咗韓牛他他，生雞蛋撈埋芝麻油青瓜同埋韓國水梨，口感非常豐富。醬油生蝦，食得出鮮濃鹹香嘅醬油，裏面嘅蝦肉質亦非常鮮甜彈牙。人蔘雞湯，湯頭非常鮮甜，伴隨淡淡既人參味，雞肉亦十分嫩滑。最令我覺得驚艷的是韓式伊麵，十分爽滑，八爪魚是經典的甜辣口味，十分開胃。…Read More

過海想搵間靜靜地嘅餐廳撐枱腳，望望下，就搵到呢間中菜餐廳，一於試下佢個望落好豐富嘅tasting menu。一上嚟就係一碗暖笠笠嘅湖區海鮮羹，好足料而且鮮味，唔會做到太濃稠。跟住就係3道菜組成嘅前菜拼盤，蝦多士、陳醋蜜汁排骨、脆皮素春卷，每樣都恰到好處，小小嘅前菜咸點，令你食慾大增，迎接之後源源不絕嘅驚喜中菜。第一個驚喜係棒棒吉列蝦掛包，其實係台灣掛包嘅變奏版，夾嘅唔係肉，而係吉列蝦，貫切上半部嘅海鮮主題，食落香口鮮味。第二個係蒜蓉粉絲蒸扇貝，聽落好普遍嘅菜式，但係食得出好鮮味大大隻嘅扇貝上面淋上甜甜嘅豉油，十分出色。主菜部分最驚喜嘅係你無諗過嘅炒飯，口感層次豐富，炒飯粒粒分明。另一道驚喜嘅係甜品，兩個人兩種味，有檸檬mousse tart同芒果布甸tart，口感十分豐富。…Read More

其實之前都有幫襯過呢間嘅dinner，環境舒服，食物質素高，價錢合理。今個weekend出開銅鑼灣就揀咗佢既semi buffet lunch 試下，每位98就有任食salad bar,包咗湯，main course同餐飲，就算加錢既majn course，價錢都好合理，最後我哋都忍吾住加錢試佢既steak 同脆皮豬腩。餐湯一D都唔馬虎，係好好味嘅忌廉南瓜湯，好香甜幼滑。Salad bar都好吸引，有唔同嘅沙律、甜品同炸物。最合我心意嘅係佢既Cesar salad，每樣材料都好新鮮，旁邊放左大木碗俾你自己加同攪拌，抵讚。講返main course，我哋點咗medium既steak，睇顏色已經好有食慾，伴南瓜蓉同bb 西蘭花，口感好豐富，牛肉煎得焦香，無筋位。烤五花腩亦做到外脫內嫩，肉質新鮮。Weekend就咁食飽飽開始行程啦。…Read More

Weeday 放工都想去chill下，揀咗呢間位於尖沙咀嘅天枱吧慢慢食慢慢chill。去到reception, request 要戶外位，就穿過後樓梯上左天台，一出去，都已經全full咁滯，望到270度維港景色，加上海島渡假風裝潢，吹住海風傾計食飯，好舒服呀。打開menu，原來係食泰式fushion菜，當然仲有餐廳嘅自家signature cocktail同各式酒類等。我哋兩個人先點咗兩杯cocktail, 佢哋嘅cocktail名都好有特色，Jealousy is killing me 同Enough is enough，聽個點想像呢，但黎到就好驚艷啦，因為真係好ig-able之餘又好味。當然唔少得加點咗個小食併盤黎配酒啦，足夠3-4人share 既泰式小食，性價比極高。呢杯係熱帶風情既cocktail，上面配咗焦糖香蕉，非常特別。呢杯就以西瓜為主題，十分清新。再點咗兩個main course:分別係curry duck confit 同 crispy fried fresh red grouper with tom kha kai 。兩個都出乎預期好食，個鴨腿處理得恰到好處，外皮香脆，肉質新鮮入味，算濃味，但配上偏甜微辣嘅泰式咖喱汁同焦糖菠蘿，令味蕾好balance。另一個係石班魚，都係外皮炸得香脆，肉質爽滑，配上南薑椰汁雞濃湯，椰味濃郁，成道菜濃甜而不膩。有機會要試埋其他main course。話明慢慢chill，食飽飽就梗係繼續慢慢飲慢慢吹水啦。…Read More

印度嘢俾人嘅感覺就係重香料、咖哩、奶酪同各式烤肉等。但其實印度嘅素食文化係源遠流長，有不少印度人因為宗教原因成為素食主義者，當中不少係收入同消費較高人士。以素食嚟講，最普遍以大米、麵餅、蔬菜、豆類、奶酪為主。今次我哋揀咗去試嘅印度素食餐廳都吾例外。我哋由前菜試到主食，每一樣都好有驚喜。▪️PUNJABI SAMOSAFried potato filled pastry served with chick peas sauce, garnished with chopped onion and coriander大大舊嘅炸油陸皮包住結實薯仔蓉嘅咖喱角，一切開，好香薯仔味，沾上惹味嘅bbq sauce同鷹嘴豆蓉，好滿足。▫️CHEESE BUTTER MASALACubes of cheese cooked in a rich and creamy tomato gravy with Cubes of cheese butter and cashew paste粒粒嘅奶酪磚同幼滑香濃嘅牛油腰果咖喱融為一體，口感順滑，香氣撲鼻，蕃茄嘅微酸酸，令道咖哩濃而不膩。▪️Garlic Naan又係一道要encore嘅菜式，見吾到蒜蓉，但蒜味撲鼻，味道咸香煙韌。▫️POT NOODLESWok tossed rice topped with exotic vegetables in soya garlic sauce印度版福建炒面，個sauce係重口味嘅黑椒同bbq sauce，係令人一食再食嘅味道，配上毫不吝嗇份量嘅雜菜，口感味道都好有層次。▪️CHOLE BHATURAPea churry served with bhatura which is a soft and fluffy fried bread餐廳招牌菜式，吾係度度都有，現炸嘅饢餅一上黎就濃卜卜，一下子就回縮，回縮後變成煎堆狀，就可以包住附上既鷹嘴豆蓉、辣椒、生洋蔥等，一齊食用，佢比起naan更煙韌香口。我哋仲點左兩杯特飲，Chilli Guava 同開心果奶昔，兩杯都好好味，奶昔仲有一球開心果雪糕添。…Read More

Fusion菜真係唔係隨便配搭就成功，將創意融入傳統菜式嘅配搭同煮法嚟講，呢間餐廳唔算成功。餐廳走緊黑色型格酒吧，有室內同露天位。我哋隨意點咗3樣黎試下：▪️香煎比目魚扒配沙白蜆蛋花羹作一個底汁，配比目魚扒、沙白、京蔥、雜菇等，整個味道係想像到嘅偏淡，各種食材好分離，性價比亦不高。▫️Signature dish, 和風原隻璣煮鮑魚配野菌意大利飯，呢個意大利飯處理得十分出色，軟硬適中，有野菌嘅香氣融係每粒飯粒，味道咸中帶甜，有層次感，鮑魚亦十分入味，內裡保持糖心。▪️意式野菌千層脆面十分失敗嘅一道fusion菜，每一塊脆面與中間嘅餡料完全分離，食起來不吾方便之餘，野菌也處理得唔算好，味道單一而且偏乾，只係炒過嘅雜菌夾心。…Read More

️平日放工，想搵一間遠離下人群又吾使行好遠嘅地方，食嘢吾使等位嘅地方，友人就推薦咗海濱匯食西餐。第一次食Mano，意大利餐廳，主打手工意粉同即叫即製嘅手工pizza。兩個人眼闊肚窄之下揀咗4樣嘢先試一波。▪️COLD CUTS BOARD 風乾火腿芝士拼盤gammon ham, parma ham, salami, parmasan, olives pizza bread三款火腿配pamasan cheese,同自家製pizza bread，佐以酸瓜同橄欖，性價比非常高，small size ($88)適合3-4人share。▫️CARBONARA 卡邦尼薄餅pancetta, quail egg, ricotta, cream parmesan, mozzarella真係一個好得意嘅配搭，即焗嘅pizza餅底鬆軟煙韌，餅皮也烤得焦脆，配上嘅係傳統carbonara 嘅材料，每塊都有一粒熟度剛剛好的流心蛋黃，蛋汁慢慢流在每一口pizza中，配上3種芝士同煙肉嘅咸香，值得encore。▪️SEAFOOD RISOTTO 白酒海鮮配墨汁意大利飯onion, garlic, squid ink, parmesan cheese飯粒粒粒分明，煮得剛好，al dente，墨汁十分掛汁有光澤，配上青口，帆立貝同三文魚子虎蝦，十分吸睛打卡。但味道嚟講，意大利飯係餐餐超越幾款海鮮。▫️Tiramisu 提拉米蘇意大利嘢點少得試埋傳統甜品，tiramisu，甜度適中，手指餅毫不吝嗇地沾滿滿滿的咖啡酒。…Read More