lukchinshun's Profile

疫情下無得去旅行，唯有去食下泰國菜，自己去左轉泰國🇹🇭。泰嘟嘟嘅tuk-tuk設計令成件事更有泰國feel添！🛺餐牌上嘅選擇令人眼花撩亂，兩個人揀下揀下，揀左成5個餸。好快已經上齊曬菜，唔洗兩隻餓鬼等咁耐。頭盤叫左泰式酸辣鳳爪沙律，酸酸甜甜好開胃，不過食食下就有少少辣，怕辣嘅朋友就要留意下喇。主菜就有招牌焗黃咖喱麵包軟殼蟹同埋泰式菠蘿海鮮炒飯。賣相吸引，味道又好😋食泰國菜當然唔少得馬拉盞炒通菜同冬蔭功海鮮湯啦！炒通菜非常惹味，夠曬鍋氣。冬蔭功湯有個爐熱住，唔洗驚凍曬，而且啲料好足，又有菇又有蝦，味道足，又唔算咁辣，老少咸宜。環境衛生，價錢適中，服務態度好，又有打卡位，推薦👍🏻👍🏻！…Read More

一諗起泰式野就想食新泰東南亞個裝修好似番左去泰國咁，好relax嘅感覺。同埋相比好多好狹窄嘅餐廳，呢度空間大，檯與檯之間有足夠距離，疫情下都食得安心。餐廳員工姨姨服務態度好好，即刻帶我地埋位同比餐牌我地我地首先嗌左個冬蔭公甜甜酸酸咁 應該為左迎合香港人口味 仲特登減左辣 入面啲料都好足至於豬頸肉沙律，十分出色。豬頸肉鬆軟juicy 夾埋生菜食好fresh 沙律嘅調味都啱啱好 唔太辣又唔太鹹另外仲叫左個花蛤 好嫩口！啲配料都好夾 同埋個量都好充足軟殼蟹芒果牛油果紙米卷係必叫 3款主菜夾得好好 個軟殼蟹又夠惹味印度薄餅就係我地今餐嘅主食 外面鬆脆 入面軟糯 又好香 真係整得好好食野飲方面十分推薦椰青沙冰 份量多 又有椰果肉 椰青冰又唔會太甜會再黎食！…Read More

一班朋友難得開心gathering,放題任食嘅餐廳自然係一個唔錯嘅選擇。Running燒是一間韓式燒肉店，雖然餐廳空間不算大，但勝在環境衛生，乾淨企埋。食燒肉最煎熬嘅時候，相信一定係等緊d肉熟而又肚餓嘅時刻，好彩呢間燒肉店有好多種類嘅熟食提供，包括炸物，冷麵，湯等等。個人推介三款唔同口味嘅炸雞同埋炸魷魚鬚，上碟嘅時候仲係熱辣辣好新鮮，口感鬆脆。係食物方面，店鋪提供唔同種類嘅海鮮，肉類同蔬菜，海鮮有蠔，帶子，大蝦，多春魚等等。蝦同多春魚都好新鮮，蝦嘅肉質結實有彈性而多春魚亦都好鮮甜。燒肉店嘅肉類當然係最受人矚目同關心，店鋪提供了唔同種類同唔同部分嘅肉。最令我難忘嘅牛肉係西冷同肥牛，西冷牛肉味濃郁而肥牛肥瘦均衡，不過要就記得唔同燒到過熟，如果唔係肉質會容易變韌。除左牛之外，值得推介嘅仲有雞脾肉，肉質嫩滑多汁。食完燒肉最怕就係個種臭味，而店主就好細心咁考慮到客人嘅需要，將支除臭噴霧放置係門口，提供比有需要嘅客人使用。…Read More

荃灣餐廳好多啦，但可以提供一個舒適嘅環境嘅餐廳真係唔係咁多，成日都要排好耐隊，等好耐位，食完就要好快走，無辦法啦，始終香港地鋪租真係好貴。知道喺荃灣西站附近嘅工廠區有一間裝修好文青嘅咖啡店，係朋友食過覺得幾好hea嘅一個地方，今日同朋友就去咗嗰度試吓，傾左好耐計，驚喜嘅係佢嘅食物質素真係幾優質。裝修係好文青好多裝飾既地方，擺咗好多桌遊同棋，我哋玩左好多鋪波子棋。叫咗兩個假日午餐，香煎帶子沙律，帶子煎得好香，好新鮮，啲菜唔係好似有一啲咖啡店咁樣只係得羅馬生菜，佢有好多火箭菜同沙律菠菜，好清新，最緊要係佢用咗日式嘅胡麻醬，成件事就好開胃。朋友叫果個套餐慢煮西班牙黑豚肉，侍應同我地解釋八成熟係最好食，上菜嘅時候都好驚訝，因為份量真係好足，我哋叫咗配意粉，有樣嘢好值得讚，就係呢間咖啡店唔會煮到啲嘢好濃味，夾硬迫啲顧客叫嘢飲，個意粉用橄欖油同香草炒香，跟埋慢煮黑豚肉同佢配嘅蘋果蓉及芥末。真係好好味。最後我哋玩左幾鋪波子棋hea咗成兩個鐘先走。下次叫成班朋友嚟先。…Read More

今日女朋友放工，接咗佢去食烤魚，之前喺雲南四川都食過，近幾年香港都好流行，所以就嚟呢度試吓啦。平日嘅六點鐘，店入邊都有成四圍枱，不過我就見佢哋食啲鍋物而唔係食烤魚，可能下午茶食烤魚太滯掛。店員姐姐係講普通話嘅，比我感覺好似好地道咁哈哈。菜單有一張大一張細，細嗰張就係俾你揀要邊一種魚要咩湯底。我哋揀咗最平嘅魭魚，要咗酸菜湯，仲叫咗幾個配菜。店員姐姐之後送咗兩杯水，係檸檬水， 感覺好清新，覺得佢個目的應該係俾人解辣既，都幾細心。條魚送到，三磅重都幾大㗎，兩個人一定要夠飽，個湯底幾入味，酸菜都好香， 最緊要係條魚好新鮮。唔會好似我哋喺四川嘅時候食過有啲草青味。我覺得師傅應該係調味嗰度有着手，因為類似嘅魚真係會好容易有草青味。配菜不過不失，我哋叫咗蘿蔔同生菜同木耳，不過大家都淨係掛住食條魚哈哈，下次真係想試吓佢另一條叫做江團魚。諗住遲啲帶屋企人成家過嚟食，就可以試埋佢啲鍋物。另外值得一讚嘅就係佢嘅冷氣好足夠，食呢啲烤魚好容易食到全身汗。…Read More

川味港嘅位置黎講有啲難揾14樓要搭電梯係13樓出然後再行一層樓梯就到到架啦一入到去餐廳 個格局有啲似酒樓 裝修好骨致 仲有個魚缸仔 好有生氣隔離枱有班人打緊邊爐已經勁香油脂味開始期待今餐晚餐!餐廳老闆好細心咁問我地食咩程度嘅辣同埋見我地想食飯又主動煲飯比我地食服務十萬個讚!好有番屋企嘅感覺第一味餸係麻辣炒豬肝色香味俱全豬潤好入味 香嘅青椒令佢嘅味道更上一層樓第二味係重慶野菌雞煲入面仲有豆豉同茶樹菇茶樹菇同雞都好嫩口 又係勁香!跟住就去到今晚最期待嘅辣酒煮花螺本身以為會好辣 但最後夾左啲肉出黎食又唔會好辣中意田螺嘅一定要嗌四川回鍋肉炒個個醬好濃郁 同回鍋肉嘅質感好夾滿滿回鍋肉嘅油脂味~好似真係去左一次四川咁…Read More

新泰東南亞餐廳位於灣仔W-Square二樓，由灣仔地鐵站步行至餐廳約10分鐘步程，位置便利。步入餐廳大門，映入眼簾的是以木材為主題的裝潢，貫徹傳統的泰式風格，展現環境自然、舒適的氣氛。店家亦十分貼心，於餐廳大門設置沙發座椅，照顧到顧客排隊輪候時的需要。餐廳內的環境非常寬敞，設置卡座與圓枱，卡座座位舒適且寬闊，有足夠空間放置一定數量的菜式，方便顧客用膳。椰青是泰式傳統飲品，清甜的椰青水配上嫩滑的椰肉，予以人一股沁涼的感受，用來佐送一些較辣的菜式便最適合不過。所點選的頭盤為冬蔭功湯，湯底食材眾多，包括香茅、青蔥、草菇、鮮蝦等，酸辣度適中，非常開胃，味道香濃卻略為偏鹹，但食材十分新鮮，蝦肉紮實彈滑，鮮味十足。我們點選了蜜糖燒肋骨為主菜，這道菜式亦十分出色，外觀氣澤漂亮吸引，肋骨烤至金黃色，香氣撲鼻，口感鬆脆，肉質鬆軟，以蜜香配搭烤肉的鮮味，非常惹味，個人認為，若能於烹調過程中保留更多肉汁，味道會更佳。另外，此菜式亦配有特色醬汁，醬汁味道甜而帶點微辣，若以醬汁配搭燒肋骨，又是另一番風味，甜甜辣辣的味道大大降低了肉類的油膩感。整體而言，餐廳菜式種類繁多，味道不錯，環境優美舒適，價錢相宜，值得推薦。…Read More

同女朋友拍拖仔，揀咗呢間裝潢唔錯舒適，又有好多讓我選擇困難癥發作嘅餐廳，因為佢有幾張menu，我地睇到三心兩意。嗌咗2道主菜，沙律，甜品等等。就咁嗌主菜，都會送湯、餐前麵包同埋野飲，如果要龍蝦湯就要另外加錢。餐前麵包係條型麵包。我地冇轉龍蝦湯，就咁蘑菇湯，蘑菇湯好濃郁嘅蘑菇忌廉味，但又唔會傑tar tar，作為餐前湯，唔錯唔錯！食完d員工嘅上菜同埋收碟嘅速度都好快。 主菜係黑毛豬同埋三文魚扒。黑毛豬好軟熟，幾好咬口，冇騷味之餘，d筋位都唔會好油膩。同埋主菜有煎香咗嘅新薯，細細粒，好香口，又冇渣，好重鼠災味，本身食咗好多澱粉質都忍唔住係咁食！跟住就到甜品啦！我地嗌咗雪糕心太軟、曲奇芝士忌廉pancake！嗌完之後有d後悔，因為驚食唔晒，好彩係薄薄pancake！適合飯後甜品，加埋雪糕，上面又有層cream cheese，好味。。。。呢d餐廳最啱帶港女女朋友黎，成堆menu佢揀等佢揀到好開心，下次有機會都會再黎。…Read More

環境乾淨闊落，抽氣系統做得幾好，唔會煙霧彌漫咁樣。凳既設計又可以比我地將袋放入去，非常方便。至於食物方面，食材選擇多而且非常新鮮。肉類唔會有雪臭味，海鮮亦唔會覺得腥。仲有好多熟食可以揀，特別推薦炒粉絲同埋水冷麵。所有食材調味適中，唔會過鹹或著過甜。點菜紙分類明確，好容易就搵到自己想搵既野食，非常方便。點既食物全部到齊，唔會比少。同埋飲品嘅類型都算選擇多，特別推薦荔枝烏龍茶，係其他韓國餐廳唔會成日見到，但係烏龍茶配淡淡既荔枝味，又唔會太甜，值得一試！最重要嘅係啲員工友善有禮，會主動提醒我地拎野飲同調味料既位置，放低食物既時候會講燒食物既時間，教我地點樣自己用佢比既蘿蔔清理燒烤板，又會主動幫我地換燒烤板，留意我地既需要。…Read More

其實我真係好鍾意食壽司，基本上每星期都會食，見返工附近開咗新嘅日本餐廳幾就腳所以就黎試下。新餐廳有一樣嘢好嘅就係環境好整潔乾淨，員工服務都幾好，問佢食咩好，佢嘅答案又有幽默感。最重要嘅係因為我唔食得蝦，勁唔好意思咁要求佢地可唔可以轉走d甜蝦（其實我好鍾意食甜蝦😢），員工好好咁幫我轉咗，加分。試咗一個叫《竹》嘅魚生餐同埋壽司拼盤。魚生幾好味d魚片都幾脆口，鱆紅魚好肥美，色澤好通透，赤身都好新鮮可口，八爪魚很爽口，食落去十十聲。朋友覺得我食到好誇張笑咗。壽司拼盤又好多選擇，有鰻魚啦，花之戀啦，同埋好多種魚，不過d飯嘅質素可以改善下，如果唔係會再好味d。總括而已都幾好味，同埋係新餐廳，下次都會同其他朋友黎試下，順便試埋佢其他優惠！…Read More

因為學校係附近所以都成日黎食。侍應好有禮貌同埋效率～排隊都唔洗等好耐。我鍾意飲呢度嘅珍珠奶茶，雖然甜但有香味，同埋泡菜豚肉飯都係我嘅首選，如果夜晚黎仲有85折優惠，好抵呀！…Read More

十幾年前喺葵芳讀書，呢一間班cake店已經存在。當然細個嘅價錢就無而家咁貴啦。但其實對於學生哥或者年青人來講，都幾抵食。我最鍾意食佢啲甜食，香蕉朱古力好好味架。但係今日未食午餐 ，所以就叫咗個鹹味嘅，肉鬆紫菜粟米，芝士要加$4 ，我就唔加。$26 ，新鮮整俾你，真係我嘅童年回憶。…Read More

之前女朋友生日，為咗比佢個surprise，就book咗呢度同佢慶祝生日。環境好靚，好多外國人，嘢食就普通啦，主要都係食佢嘅環境同服務。叫咗兩個魚，因為我哋都唔食得牛肉，味道都還可以。生日嘅人會收到一張有佢名嘅Menu，仲有一覆合照，真係好適合情侶嚟呢度食飯慶生。…Read More

文盲人士表示到依家都唔知呢緊鋪頭第二個字點讀，希望下次有機會去嘅時候，搞笑侍應姐姐可以教下我🤤🤤言歸正傳，黎過呢間鋪頭2次，每一次我地都會提早預約，因為想做bar檯。呢間鋪頭係位處一條巷內，並非大街，裝潢樸實，外門是一道木門，給人一種安穩的神秘感。邊品味廚師特別選取嘅食材，邊看廚師用心準備，令到所食嘅每一道菜更添滋味。而食物本身也相當之不錯，很新鮮的魚身，被按摩後的魷魚完全不韌～還有味道清新嘅甜品…Read More

其實好想知點解呢間鋪頭叫野將～呢間鋪頭俾人一種好乾淨嘅感覺，加上木色嘅綠色嘅設計，店鋪又大，一入去感覺已經幾好。食物方面，德國豬手味道濃郁，而且薄餅好脆～嘢飲即叫即整好好味！好想下次再同一大班朋友黎。…Read More