b612andreaaa's Profile

位於尖沙咀諾士佛臺嘅 ShowTime Sports Bar，係一間環境超chill嘅樓上酒吧，冷氣夠、氣氛好，仲有唔少熟客女仔再次幫襯。今次同朋友叫咗幾款飲品，S.Crazy.Hoegaarden ($28) 清新啤酒香好啱女士，另一款 Crazy Summer Collection ($88) 仲做緊買一送一，酸甜果香勁fresh！食物方面推介兩樣必食：芝士肉醬薯條🍟 熱辣辣上枱，芝士拉絲＋肉醬鹹香，好有層次感；另一樣 日式燒牛肉 配上蛋液拌勻後入口，牛肉嫩滑無比。仲有串燒組合必試！雞肉組合($138) 裏面有雞皮、雞腎、雞軟骨等全部燒得香脆；牛肉組合($178) 有牛舌、牛肋串、安格斯牛等，肉味香濃。最後再加一份 避風塘魷魚鬚($88)，炸得香脆微辣配蒜片，配酒食一流～下次一定再嚟！🔥…Read More

位於尖沙咀山林道的 李家韓國菜，一向以地道口味見稱，播放一首接一首的Kpop，親切有家鄉感。今次點咗幾款招牌菜，燒烤雞配韓國年糕（$208）絕對必試，雞肉外皮香口入味，配搭煙韌嘅年糕，口感豐富，食到停唔到口。海鮮韭菜煎餅（$168）一如既往地水準高，煎到金黃香脆，餡料足，仲有staff幫忙即場剪開，熱辣辣上枱更香口！另外試咗 年糕餃子湯（$98），湯底加入大量紫菜，有濃濃海味，餃子厚實飽滿，年糕煙韌，暖笠笠好滿足。韓國staff仲貼心送多碟泡菜，配住食更惹味。整體水準穩定，價錢合理，推薦想食正宗韓國菜嘅朋友嚟試！…Read More

之前喺荃灣食過【至尊雲吞麵雞煲】，感覺超好，今次特登帶台灣朋友嚟元朗分店，想俾佢哋試吓地道嘅香港雞煲放題。我哋揀咗 藥膳雞湯煲，湯底夠晒足料：淮山、杞子、蟲草花、紅棗同黨參，藥香清甜，雞肉滑而唔柴。台灣朋友邊飲邊話「香港雞煲真係好滋補！」 暖胃話咁易。火鍋料任點，我哋最中意佢嘅 牛柏葉，台灣朋友最中意香港的雲吞，大粒又鮮味十足。飲品亦係任飲：奶茶、豆漿、羅漢果杞子菊花茶、咖啡、汽水都有。午市或晚市雞煲放題 $178/位（不包收費小食及啤酒）免加一，台灣朋友都話抵食！5點前離座更每人減20！…Read More

呢間主打雞煲放題，今晚落雨☔️嚟食佢哋嘅 $178 晚市雞煲放題（不包收費小食及啤酒），性價比真係超高！揀咗藥膳雞湯煲，湯底好足料，有淮山、杞子、蟲草花、紅棗同黨參，藥香濃郁但唔苦，雞件滑嫩唔會鞋口，落雨飲一碗夠晒暖胃🥹火鍋料任點，我哋兩位女生都只叫咗少少試味，最中意係 牛柏葉乾淨又爽脆，雲吞鮮香，連粉腸都處理得好乾淨，好少見！飲品選擇超多：豆漿、奶茶、咖啡、檸檬茶、汽水、羅漢果杞子菊花茶等任飲，仲要 免加一，CP值爆燈！👏…Read More

位於中環雲咸街的 Shahrazad Lebanese Dining Lounge & Bar 絕對是一間充滿異國情調的中東餐廳。室內裝潢富有阿拉伯風情，燈光柔和、氣氛浪漫。坐近窗邊更可望到大館景色，視野開揚。服務方面值得一讚，staff非常細心，主動更換骨碟，還未叫飲品已經送上自家製的 fruit punch，清新解渴，夠貼心！推介菜式包括酸奶燉羊肉，羊肉軟腍入味；慢煮扁豆盲曹魚也很驚喜，魚肉滑嫩；甜品方面，Rice Pudding 甜度適中，質感滑溜有層次；而 Falafel 外脆內香，配芝麻醬一流。整體體驗極具特色，適合喜歡嘗試中東菜的朋友。…Read More

位於荃灣廣場的 燒肉801 主打高質日式燒肉，今次食咗二人份的 志盛套餐，包含汁燒同鹽燒兩款，配搭豐富、份量剛好。肉類選擇有 鹽味牛舌、黑毛和牛腹牛小排、和牛上肩、極上厚切牛胸腹柳等，油花分布靚，入口嫩滑多汁，火候控制得好真係食到牛嘅原味～另外 黑毛豚無骨小排 同 蔥鹽雞腿肉 亦值得一試，蔥鹽醬另上非常貼心，雞肉嫩滑唔鞋口！店員會細心提醒要等爐預熱3–5分鐘先好燒，而且爐面預先有掃油，夠乾淨、唔黐網；抽煙系統都好強，食完冇燒烤味留喺身上👍加 $38 配一份冷麵套餐包埋泡菜，冰爽開胃，啱晒食完燒肉清一清味蕾～ 整體體驗舒適又高質，值得回訪！…Read More

最近去咗石門 豐鍋 食佢哋嘅 滋潤椰子雞煲，真係好有驚喜！見住店員即場將成個椰青倒落鍋，再挖椰肉落湯底，椰香清甜，飲完都覺得如其名，夠曬滋補～肉類推薦佢哋嘅 頂級雪花肥牛，大片油花勻稱，涮一涮啱啱好，入口嫩滑。仲有自家創作嘅 爆芝醬鈴，芝士包住醬料，一啖爆汁超邪惡🧀！手工即炸魚皮都係必食，原塊上枱，脆卜卜！就咁食定落湯都一樣咁好味～鍋料方面試咗佢哋嘅 餃餃陣，4款餃子入面最鍾意係 麻辣鮮蝦雲吞，蝦爽辣勁，超開胃！性價比高、新意十足，打邊爐又多一個好選擇～🔥…Read More

每次來尖沙咀都會想返去呢間韓國餐廳——李家，真心好食又有家庭感！老闆係一位笑咪咪嘅韓國大叔，親自招呼每位客人，好有親切感，完全係返到韓國食飯嘅感覺。食物方面必試燒五花腩肉（$208），厚切燒得剛剛好，配埋泡菜同長絲蔥，啖啖肉汁超滿足！辛拉麵（$58）辣辣地好開胃，份量足夠兩人分。海鮮韭菜煎餅（$168）係店內姨母新推介，煎到外脆內嫩，海鮮料多又香口！飲品推薦西柚梳打同檸檬梳打（各$38），酸酸甜甜啱晒解膩～…Read More

位於觀塘工廈的 Four O Five Coffee & Eatery 雖隱世，但週末仍人潮不斷。環境走粗獷工業風,座位寬敞，格外舒適。必試 特濃開心果忌廉麻糬梳乎厘（$158）：梳乎厘鬆軟空氣感爆棚，開心果醬香濃不膩，面層麻糬增加驚喜。鹹食推 韓式泡菜卡邦尼意粉配溫泉蛋（$144），泡菜微辣解膩，忌廉醬掛麵力強，拌破溫泉蛋更香滑。想簡單飽肚可選 全日早餐（$191），煎蛋滑嫩、煙肉香脆，配烤蘑菇薯餅十分豐富。飲品方面，山政小山園一番焙茶鮮奶（熱，少甜 $26） 焙茶味厚而回甘；Oreo 忌廉沙冰（$23） 甜而不膩，做飯後甜品剛好。整體食物質素對得住價錢，加上隱世氛圍，值得專程到訪。…Read More

這間餐廳裝修超有心思，走波希米亞風格，牆上掛滿捕夢網，氣氛溫馨又夢幻，非常適合打卡拍照！最驚喜的是店內有一隻超可愛的松鼠狗，超乖巧，完全加分！食物方面也有驚喜：香濃開心果巴斯克芝士蛋糕（$72）濃郁幼滑，開心果味好突出；炸薯條配松露蛋黃醬（$78）香脆惹味，沾醬令人回味；輕煎北海道刺身帶子蟹黃意粉（$158）鮮甜帶子配上濃郁蟹黃醬汁，超滿足；香煎慢煮澳洲安格斯牛小排（$248）外焦內嫩，肉味濃郁，值得一試！整體而言，氣氛與味道並重，係我多次再訪的靚店！…Read More

喺尖沙咀韓國街教堂附近，呢間Marouf Coffee，環境好chill，鬧市中都可以搵到一個寧靜角落，下班嚟hea一hea一流！最緊要係食物好味，人流又唔多，坐得舒服！Marouf Crispy Chicken炸雞外脆內嫩，夾住酸瓜、蕃茄、生菜，加埋芝士，口感好清新又有層次！麵包都好香好好味！Egg Salad Croissant牛角包同蛋沙律超夾，香脆鬆軟，一咬爆餡，好滿足Iced Matcha Latte / Iced Pistachio Latte兩杯冰拿鐵份量十足！開心果拿鐵特別香，唔會過甜，飲得出真材實料嘅開心果味，成杯飲到停唔到口～…Read More

尖沙咀天文台圍呢間海鮮真係蒸海鮮既天花板😋最緊要職員會幫你set時間睇緊火候，包保每一啖食入口的海鮮都係最滋味最鮮味的，真係食過返尋味！聽職員講佢哋佢哋老闆做海鮮生意超過40年，入貨的海鮮新鮮又有保障。一開波就俾咗炮製得好入味嘅冬菇同埋鮑魚。食住店家秘製原隻南非鮑魚，開始蒸海鮮嘅戲肉。喺等待食蒸海鮮嘅時候都有美食落口。加拿大野生海虎蝦，紐西蘭刀貝蚌，都係鮮甜滋味到不用點任何醬油！我最鍾意食蟹皇大元貝，濃郁嘅蟹黃加上鮮甜嘅元貝真係淡淡滋味！菲律賓蟹肉都係好鮮甜，唔需要任何醬料，最後蒸海鮮煮成嘅粥底吸收晒所有精華，店員加上菜譜同蔥花，即使係食得好飽，亦都忍唔住要添多碗嚟食，最後甜品仲有椰汁燉雪燕，真係又滿足又好味嘅海鮮盛宴！…Read More

以前細個住元朗俊賢坊個頭，舊地重遊先知有開劉興記生煎包😋一定要食啦！蔥油雞扒拌麵＋生煎包（1隻）配（凍）豆漿，多醬 $64生煎包係必食，但仲有套餐加10蚊就有既蔥油拌麵唔可以錯過，有嚼勁既麵掛滿醬汁再有蔥油蔥花的香味，十分滋味，我中意叫多醬同加少許辣椒醬，更添美味😋鮮雞湯小雲吞（12粒）+生煎包（2隻）配豆漿 $54小雲吞粒粒飽滿又多肉餡，配上清湯，同蛋絲，突顯左小雲吞既肉鮮味！原味上海小籠包（4隻） $40再食多籠皮薄餡靚既小籠包就好過癮，仲要讚店員主動幫我哋添熱豆漿，唔似街外買的豆漿一味甜又水狀好稀，呢度豆漿豆味香濃。…Read More

流心芝土醬薯仔沙律薯仔泥配上濃郁芝士醬，表面撒滿蟹籽，濃香中帶著微鹹，清脆的玉米片與青瓜片增添了豐富口感，令人一試難忘。請勿打擾*熊之壽喜鍋 (A5宮崎和牛100g+爽脆豚肉片150g)接著是熊之壽喜鍋，A5宮崎和牛與爽脆豚肉片在壽喜湯底中涮，肉質鮮嫩多汁，湯底香甜濃郁，吃完身心暖意滿滿。廚師發辨壽司（8貫）廚師發辨壽司更是不能錯過，八貫壽司以新鮮魚生與柔韌米飯巧妙結合，每一件都事先調好了醬汁，只需加上芥末，無需再點醬油便可即食。紫幻檸檬青瓜梳打紅火龍佛手柑熊茶紫幻檸檬青瓜梳打氣泡清爽，微酸回甘，非常解膩；而紅火龍佛手柑熊茶以濃郁果香與淡雅茶韻完美平衡～…Read More

近年經常聽到大家北上消費，本地飲食習慣被改變，商家都想辦法留住客人，而我就不嬲中意留港消費，因為食材有保障，與友人的聖誕餐提早係香港慶祝。經理好好，用心介紹菜式仲令到節日氣氛濃厚左，我哋最後選擇2人龍蝦套餐，$388抵食又好味😋龍蝦海鮮湯，有海鮮料的湯且湯汁濃巴馬火腿凱撒沙律飲完濃湯，食下沙律清清味蕾。波士頓龍蝦薄餅 9吋脆邊皮薄薄餅，啖啖有龍蝦肉🤭龍蝦汁海鮮長通粉冬天食熱辣辣既長通料，暖心亦暖胃！最後點少得甜點：自家製蛋糕🍰（芝士）和柚子海鹽蘋果金寶飲品係百香果冰紅茶，叫左少甜少冰，食大餐解膩剛剛好🤭…Read More