小翼翼's Profile

搬左嚟土瓜灣住，平時都會成日叫外賣平台，最近食過幾間台灣牛肉麵外賣，都麻麻地，一間就個湯底太重藥材味，牛肉鞋，一間就牛肉好淋，但個湯酸酸地，同埋啲麵煮太淋今日又叫外賣平台 台灣牛肉麵，送到嚟見賣相普通，都唔抱太大期望，點知食落有驚喜喎！佢個湯底係幾間中調得最好味，甜甜地辣辣地，個牛呢，見佢切咁厚都擔心會靭，點知都好夠淋，仲有幾舊大大舊，個麵都好彈牙唔錯，最想讚係棵小棠菜，竟然都煮得好夠淋好入味，超欣賞！平時都係搭單做配菜，出面嘅餐廳9成都係煮唔淋，好生好硬唔好食，但呢間餐廳連棵菜都有用心去煮，呢啲細節位真係令人印象深刻，所以令我平時極少留言都忍唔住要上嚟寫篇文讚下佢我老公話碗麵正常囉，但係以今時今日香港嘅外賣質素，煮到正常水準已經唔簡單，仲有杯珍珠奶茶味道都唔錯，唯一要彈就係啲珍珠唔夠淋，有改善空間唔好意思，張相係食到一半先影😅因為平時都唔係相機食先食之前都無諗過寫食評總括嚟講佢嘅味道唔算驚為天人不過外賣嚟講已經算係水準之上有機會可以試吓，用心煮嘅值得支持…Read More

以前好鍾意叫呢間外賣，覺得好好食，咖哩牛腩飯、手打牛肉漢堡、芝士撈麵、魚麵⋯⋯等等，食過好多次，堂食仲正但最近呢兩次都味道大不如前，對上一次食係半年內，果次食皇牌咖哩牛腩飯，勁鹹，牛腩唔淋，個汁又唔香，以為一次半次失手啦⋯⋯點知今日再俾多次機會佢，都係咁差😫個汁鹹到生腎病⋯⋯我老公都覺得好鹹，鹹到食唔到，啲牛腩都係唔好食，結果我哋要再叫過第二間外賣有兩個可能性，一係轉左師傅，一係就轉左食材，唔知係邊個原因，但我哋已經對呢間餐廳失左信心唔會再食喇…Read More

最近帶小朋友去歷奇公園玩，玩完之後試左呢間茶店。連續幫襯左兩次，試過4杯飲品質素都唔錯，想推介一下支持小店。芝士芒芒好大杯，香濃芒果味，同芝士好夾，好飲芝士奶蓋大紅袍奶茶淡淡大紅袍茶味，芝士奶蓋好味，都幾夾幾好飲，鍾意大紅袍茶嘅人可以一試金鑽菠蘿果茶買完先知原來係茶，起初仲擔心會唔會唔夾，估唔到好夾，好驚喜，飲到新鮮菠蘿肉，又唔會太甜芝士Oreo 朱古力飲品加芝士奶蓋，上面有啲Oreo脆脆，如果就咁飲驚喜唔太大，攪勻一齊飲好飲好多，建議呢杯買咗盡快飲，啲曲奇脆脆浸淋左無咁好味原諒我幾次都掛住飲無影相下次補返之前未聽過呢間嘢，原來深水埗、新蒲崗都有分店，良心小店，店員好有禮貌，價錢合理，作為慈雲山街坊，要多多支持一下！…Read More

桃園在慈雲山開了好幾年，以前試過堂食普通，因為疫情關係叫多左外賣，偶然一次試過覺得唔錯，自始就成為我地一家嘅飯堂。早餐、下午茶、晚餐都試過晒，食過幾十次，水準幾平均，偶然一兩次失手，唔知係咪果次轉左師傅。總括嚟講係值得食嘅。不過今篇唔係想講嘢食，而係想特別讚下啲飲品，呢間係少數嘅餐廳因為想飲佢嘅飲品而食🤩 最初我哋飲開奶茶同凍奶茶，係好飲嘅，後來試過凍檸水，佢杯檸水係打碎檸檬肉嘅檸檬汁整，好好飲，無諗過茶餐廳會咁有誠意，超級驚喜😋 之後我哋試凍咖啡，咖啡味香濃，唔苦，咖啡及奶嘅比例剛剛好，似出面cafe飲到嘅凍啡味，我同老公都覺得非常好飲😍 平時我哋出街食飯好少叫凍啡，因為凍啡好多餐廳都唔好飲，一係偏苦，一係偏酸，太多奶/太少奶，太甜等，但係呢間茶餐廳嘅凍啡真係好出色！忍唔住要寫個post真心讚下今日為左影相特登叫左個外賣，有機會大家不妨一試，可能你都會愛上…Read More

已經食過好多次，無意中試過一次叫food panda外賣，覺得好好味，再以再Encore左幾次，忍唔住要寫個食評美式熱狗🌭️其實個名改錯左，應該係港式熱狗至真，但個包好軟熟，暖暖地，夾埋生菜青瓜沙律醬熱狗腸，簡簡單單已經好好味蕃茄肉碎/牛肉通👍🏻👍🏻👍🏻👍🏻佢個蕃茄汁好甜好好味，用嚟撈通粉/麵都好正，呢個係我地最愛咖哩牛腩飯🍛係其中一個招牌飯，真係好正，第一次食已經覺得好好味，個汁辣度同味道都啱啱好，牛腩比例適中，都夠淋同入味，連d薯仔都好正，我地成日食芝士汁肥牛撈麵🍝佢個芝士汁做得好好味，唔會好漿，好食過尖沙咀個x記好多，肥牛唔多筋，仲有d洋蔥、蘑菇片，好有誠意薯條🍟港式炸薯條，送到嚟仲熱辣辣，新鮮好味暫時試過係咁多，唯一覺得普通嘅係多士，塊包好硬又唔夠牛油，可能外賣凍左又爭d，自己烘好食好多，可以試其他包好鍾意呢間餐廳嘅食物，係平民美食，希望繼續keep住水準，我會多多幫襯～…Read More

我係慈雲山街坊，睇住呢間餐廳裝修至開，成日經過但係一次都未試過，夜晚好多人幫襯架。今日放假同老公提議去試下，睇下個餐牌，超多野食，常餐麵餐、下午茶、焗飯、小菜、煲仔菜，我地去時已經過左早餐時段，所以叫左常餐做早餐試下。呢度除左公仔麵、通粉、米粉等可揀之外，仲有兩款近龍門自創「彈彈麵」同「可可粉」，我問個姐姐係咩嚟，但佢話呢兩隻麵都賣晒。蜜汁叉燒通粉+奶醬多+牛乳炒蛋我覺得通粉味道正正常常，但無乜驚喜，叉燒都係普通多士個包係厚身的，味道正常但口感麻麻，唔夠脆，如果可以做到外脆內軟就好喇至於個牛乳炒蛋⋯⋯好失望無乜味又好油⋯⋯雞扒公仔麵+奶油脆豬+牛乳炒蛋我覺得雞扒麵比叉燒通粉好味，但老公話正正常常唔係特別好食奶油脆豬好硬試左老公杯奶茶一啖，唔好飲我杯熱華田就Ok總括嚟講⋯⋯食物質素有待改善如果食常餐我會揀返其他茶餐廳🙈但會有興趣下次再試焗飯同夜晚嘅小菜…Read More

近來成日無胃口，晚餐想食清d，想買碗粥返屋企食。慈雲山粥品唔係好多，平時食開另一間，今日試下呢間店面有d Up Dup嘅幸福粥店。餐牌都幾多粥揀，平時我多數食粟米粥/肉碎粥/豬骨/雞粥，今日想揀有魚味嘅粥，最後揀左魚腩粥。我平時好少食魚粥，因為好怕有骨，但今日又好想食魚，順口問老闆一句：「會唔會好多骨架？」老闆話：「魚腩咪一兩條骨囉」好，就試下啦！生滾魚腩粥係即叫即整，都等左幾個字，整完佢會問你要唔要蔥花同花生，我無要到。返到屋企，急不及待打開碗粥食，試下個粥底先，比起我平時食開果間鮮甜，再試埋個魚，好滑，一咬就化開，唔會煮到好實好鞋，好好味啊！同埋真係唔多骨，每舊魚腩得1-2條大骨。碗粥細細都有3-4舊魚腩，好足料，好有驚喜！下次都多d幫襯呢間小店先～…Read More

慈雲山美食多，茶餐廳數目更是多到梗有一間係左近，當中最得我地歡心就係叙苑，我地最鍾意就係食佢個早餐/茶餐- - -沙嗲牛肉通或沙嗲牛肉出前一丁！我雖然唔係太鍾意茶餐廳嘅牛肉，因為茶餐廳啲牛肉好多時都落咗鬆肉粉，但我鍾意個沙嗲牛肉湯底，好多時都會叫沙嗲牛肉通，牛肉就會食剩晒。但係叙苑嘅沙嗲牛肉係唔同，食得出佢冇落鬆肉粉，又唔韌都幾好味。個沙嗲湯底仲好香！今朝又同老公去食早餐，一人叫一個沙嗲牛肉餐，沙嗲牛肉通+餐肉煎蛋+麵包+凍奶茶，超滿足！我哋成日講笑，如果有一日要離開香港住，我最唔捨得嘅一定係茶餐廳嘅美食。…Read More

在灣仔返工多年，今日lunch經過太原街諗住去食個魚湯米線，去到才發現執左⋯⋯變左味皇餛飩。橫掂都要食飯又趕時間，阿姐又熱情招呼入坐，就試下新野店內的裝修大致同以前一樣，除左牆上d餐牌轉左之外基本上無轉過裝修。叫左個鮮肉小雲吞(15隻)$30，灣仔嚟講價錢唔算貴，阿姐問我加唔加麵或米線，第一次食想試左味道先。湯底加左少少蔥花莞茜紫菜，但好咸，又唔香，唔係預期豬骨濃湯底嘅味道😅小雲吞就不過不失，肉餡同皮都正常，可惜被湯底破壞晒。總括嚟講，好麻麻，我見佢有其他午市碟頭飯食嘅，但應該唔會再嚟。…Read More

最近灣仔新開左間糖水舖，佢係在坑口和銅鑼灣都好出名嘅「聰嫂甜品」。自從幾年前食過第一次之後就愛上左，佢個「龍眼冰」真係超好味！！！每次去都係食依款，冇試過其他XD不過其實佢其他糖水都好出色架，特別係榴槤及芒果製品：佢地話榴槤Pancake好出名，我地點左一客share，冇介紹錯，真係好好味，榴槤餡好新鮮好甜，肉同cream嘅比例啱啱好，個皮又好軟熟。因為太好味了，食完先發現唔記得影入面嘅相。因為冇得食龍眼冰，佢地話ｄ冰未夠硬，所以試左佢地極度推介嘅「芒果奶昔雙皮奶」，估唔到又幾好味。上面ｄ芒果好甜，中間係芒果奶昔打成嘅沙冰，下面係雙皮奶。原本仲驚會怪，但係出嚟味道又幾夾。榴槤水晶珠，口感似龍眼冰，都係沙冰狀，但依個真係「超．好．味」呀！！！！！鍾意食榴槤嘅人會好鍾意，以後除左龍眼冰又多個選擇喇^^紅豆味及綠茶味水晶包，個皮好煙韌，好似食到少少桂花味，不過好似甜左少少同事C點嘅「芒果柚子/荔枝果凍」，上面都有水晶珠，佢笑說話口感好似食緊三文魚籽店內位置唔多，略比銅鑼灣店小，卻寬敞一些因為同事C識朋友在文鼎做，所以我地有幸被邀請試食。正式開業日期為2015年12月14日，依段時間都係試業階段。以後灣仔嘅朋友有口福喇！…Read More

10年冇寫過食評, 今次很想寫返一篇。本人是拉麵痴, 心願是試均全香港的拉麵。上星期外出工作, 11點幾經過銅鑼灣, 諗住碰碰運氣睇下多唔多人排隊。幸運地, 只見門外有一條小小的人龍, 約十幾二十個左右, 心諗應該唔係排好耐。果然不出所料, 大概20分鐘左右就進入店內, 估唔到入到店又是另一條人龍。反正我又唔趕時間, 都唔緊要, 等多20分鐘左右就有得食喇。職員建議, 第一次來秘製醬汁應選1/2份, 其他就揀普通。我喜愛重口味, 所以湯底及油膩度都揀左濃厚d湯的濃度: 超濃油膩度: 濃香蒜: 普通蔥: 無叉燒: 有秘製醬汁: 普通麵軟硬度: 軟追加了一隻半熟鹽煮蛋等了5-10分鐘有得食, 好香。湯底真的很濃郁, 不過感覺重手左, 鹹左少少, 下次可以試下揀濃/普通再試下。油膩度普通都應該ok。麵條質感ok, 是我喜歡的軟度, 掛湯ok。叉燒可以, 略嫌唔夠淋。秘製醬汁辣辣地幾惹味, 有少少豆瓣醬的味道。它令我聯想起一風堂的赤丸新味上面的紅醬, 如果兩暫比較, 我比較喜歡一風堂的紅醬味道。最後是追加的半熟鹽煮蛋, 這個比較普通, $12一隻有點貴。每個坐位有獨立水機, 提供自助冷水不求人。食完拉麵飲啖水, 清一清喉嚨再感受湯底的美味, 是一種享受。好食, 但沒有想像中咁好食。總括o黎講可以一試, 不過與其他拉麵比, 價錢偏貴($89/碗)。因為一蘭拉麵只有蔥同叉燒, 沒有其他配料, 有點齋。聽同事說日本的版本有紫菜及木耳, 大兜d抵食d。份量對我o黎講剛剛好, 沒有追加麵底也夠飽。有機會會帶男友再來, 不過價錢太貴, 不會常來。…Read More

因為魚躍在花見o既關係, 前幾日第一次試食板長壽司, 同男朋友在尖沙咀亞士哩道分店食, 覺得好正!!!今日放工後同同事去灣仔依間分店食, 點知無論服務定係味道質素都差天共地!我已經好耐冇寫食評, 但係今次真係忍唔住要上o黎寫一寫食到一肚子氣!!<上菜慢>第一round, 我地叫左11件壽司等左大概7分鐘, 上左2件, 是同事的佢食完之後, 我地再等等等等......等左十幾分鐘先又上多幾件食完又等多5分鐘先又上埋其餘果d是晚客人唔係特別多, 當時已經係十點, 咁o既上菜速度是不能接受的!我在尖沙咀分店食就算好多客人都上得好快<加茶慢>等候期間, 同事很口喝, 很快便喝掉手裡的茶但係d侍應冇o黎醒目, 反應慢要開口叫佢先會加茶隨後幾次都係一樣<老屈wasabi>>我同同事都唔食wasabi o既第一次落單時沒有註名, 發現有幾舊壽司塞左pat wasabi在裡面跟住我地同個女職員講, 個職員幫我地問左師父話冇得轉, 仲話其實得好少咁我地真係唔食家ma!!佢解釋係因為有d魚生可能怕"聲", 所以師父會加d wasabi入去咁都冇理由屈人食架?!?!不過因為我地事先冇講明, 咁唯有算數個女仔態度都誠懇, 並答應我地下次落單一家全部走晒wasabi後來我地第二次再oder, 每張紙大大隻字寫明「wasabi全走」點知佢o黎d壽司部份仍然有wasabi最離譜係「火焰三文魚腩壽司」食件唔係生喇卦? 但係點解竟然有wasabi!?!?!?!?!?仲要我明明寫左走wasabi, 而果位姐姐都應承我, 但係都冇走到唔知係咪因為今次係俾另一位貌似經理o既職員, 所以佢求求其其冇幫我跟進我望住果舊占有wasabi o既壽司, 完全唔想食跟住同果個女職員講, 佢就煞有介事地同經理講「丫也, 佢地唔要wasabi架」跟住個經理就嬲嬲地, 拎走左我同事睇住佢拎俾個師父, 個師父好嬲咁拎起舊壽司定落垃圾桶我覺得有咁o既態度已經唔o岩, 明明係自己睇錯, 錯加wasabi後來o黎果件壽司, 都係有wasabi積......好明顯佢係冇心裝在, 或者特登同我地作對為免佢在我件壽司裡「加料」, 所以我死死地氣整走d wasabi食左佢不過咁o既service, 咁o既態度, 唔會再有下次!<漏單>漏單同錯單o既情況都幾嚴重o岩o岩坐低, 隔離枱兩母子埋左單, 之後o黎左3碟壽司個媽媽話:「我埋左單喇喎...」經理:「咁你仲要唔要丫?」媽媽問個仔:「你仲食唔食呀?」個仔仔話:「我乜都唔想食喇, 好飽呀」見到咁o既景像, 已經對service打折扣食到最尾, 我地發現有兩件壽司等左好耐未o黎, 但係我地已經好飽, 所以叫埋單點知我地一話埋單, 佢地先整果件漏左單o既壽司俾我地, 仲有一件明明冇落, 佢入多左我話我地剩係叫左一件黃旗吞拿, 冇兩件咁多, 佢話:「如果我地o黎左壽司, 同事一定會劃左, 會唔會d壽司顏色太似, 你地食左都唔知?」嘩....嬲到我丫我有食過黃旗吞拿, 但係我地剩係食左一件, 冇兩件咁多最衰冇影相, 冇得對證後來佢都delete返一件果個戴黑色粗框眼鏡o既經理態度非常差臨走前我問女職員佢叫咩名, 佢話佢叫阿龍唔知佢有冇講錯, 不過我一定會投訴佢o既態度成餐飯食到一肚氣, 為左mit走wasabi同埋去除佢o既味道, 我地同鼓油洗魚生搞到都食唔出最好味o既壽司味道…Read More

前幾日同同事在旺角彩福飲完茶, 食過返尋味! 今日放假, 同男朋友去左觀塘彩福飲茶!12點去到, 未到食飯時間, 所以一入去就有位!叫左壺鐵觀音, 好香茶味, 唔錯!來到觀塘彩福先發現, 原來唔同分店o既點心係有少少分別的!例如旺角有酥皮叉燒包, 觀塘有雪山叉燒包, 即係墨西哥包o既皮都好味o既, 但係冇酥皮咁脆咁好味!因為旺角個錦卥雲吞實在太好味! 所以o黎到照叫, 不過依度做得好似冇旺角咁好味, 但係個汁依然係very good!黑魚子燒賣 & 蝦餃, 全部都好大粒同叉燒腸粉一樣, 味道方面是好吃的, 但沒有太大驚喜我地仲叫左籠牛肉球, 依個好好味喎, 但係gip汁如果多d就更perfect哪! 埋單$143, 兩個人o黎講有少少貴, 不過都係可以接受o既範圍總括o黎講, 食物味道好, 招呼都唔錯! 不過如果多d款式會更好呀~P.S.另外我仲見到佢地有d午市行政套餐, 2人/4人/6人都有, $2xx 左右有炒粉麵飯+小菜+點心, 都幾抵食, 好方便上班一族, 不過我唔係依頭返工, haha…Read More

上星期四同D同事去左始創彩福飲茶4個女仔叫左8籠點心, 估唔到依間酒樓除左婚宴有口碑之外, d點心okay喎!!酥皮叉燒包錦卥雲吞三星燒賣流沙包芝士xx酥煎薄餐芋角蝦餃雷沙湯圓首先要讚下就是那籠酥皮叉燒包, 真係超有水準!!外皮脆, 入面d餡甜度適中, 汁多味美最緊要係新鮮熱辣! 所以好快俾我地KO左, 哈哈跟住要讚o既係錦卥雲吞, 皮脆少油, 個汁超得! 酸酸甜甜好開胃另外仲叫左個三星燒賣, 燒賣上面放著的是蟹柳﹑鮑片﹑冬菇幾創新, 不過味道普通啦, 我都係鍾意食傳統o既燒賣多d蝦餃d蝦好大隻, 咬落有汁流沙包都要一讚, 味道一流, 不過記住新鮮熱辣食, 咁樣d「沙」會流得勁d雷沙湯圓都係做得出色的, 甜度適中, 煙un有咬口, 唔會成舊粉團, 正!芋角都炸得幾香脆, 薄餐同芝士xx酥就一般, 不過都係少油, 幾好埋單每人都係$50左右, 都幾抵食!有機會會再o黎呀…Read More

上個月已經知道眾安街開左新甜品鋪, 今日去開荃灣, 入左去試可能晚飯時間, 所以唔係好多人個餐牌都幾多野食我地叫左甜心同法式焦糖燉蛋, 兩樣都好好食!法式焦糖燉蛋, 以為係熱食, 原來是凍的~:)個焦糖層做得又薄又脆, 燉蛋甜度適中, 好好味另外有一兜生果, 店員話, 食完燉蛋食生果, 感覺清新d生果都ok新鮮, 不過同張相比, 細兜左少少甜心其實係椰皇椰汁西米湯圓~椰皇裝住椰汁西米露, 配合熱辣辣的花生芝麻餡湯圓配搭得好好, 出奇地好味~依度o既湯圓係兩種餡都有, 味道異常出色而且湯圓皮十分軟滑, 煙煙un un, 講真, 真係好耐未食過咁好味o既湯圓椰皇都係好野, 椰肉好鮮甜總括o黎講味道好好, 男朋友超鍾意唯一美中不足o既係個椰皇是凍的, 所以上桌時入面d椰汁唔夠熱但係同左老闆講之後, 佢都即刻叫廚房拎番d椰皇出雪櫃接受意見願意改變, 值得加分~其他野都好似好好味咁, 下次會再試甜心 $26法式焦糖燉蛋 $24…Read More