夏璐蒂's Profile

平日去玩的一個下午，食飯時間IFC 很多人，原本想吃的餐廳要等20幾張枱，所以放棄了！靈機一動，想到中環8號碼頭，有間餐廳，於是去試吓，一入去，光線充足，食客也悠閒地坐着閒談，服務員的良好服務態度，飲吓咖啡茶，食吓輕食的一個好地方可以選擇。有室外，室內位置。…Read More

店內有佈置好有心思，點餐的食物未到，都可以感受一下，仿佛回到80年代家中某個角落一樣，木門框、筷子架、油漆水杯（用來插筆）、電燈制、鐵信箱……車仔麵又叫嗱喳麵，小時候喜歡沾甜醬吃陳皮魚旦配米粉，長大了喜歡沾辣椒醬吃，不過唔知點解當年會有甜醬㗎呢？！🤔這裡就沒有甜醬和辣醬了，辣椒油也不見在枱面，在紙上可以選擇喜歡的湯底和辣度，我吃得辣，點中辣已經不用再加辣了。職員告訴我，點了3個餸的麵餐，可以半價加飲品。我加了膠樽裝的六花茶，不知道是哪六種花呢！只知道入面有杞子😋好飲，不太甜。重點是，我吃完麵之後，沒有一口氣飲把飲品喝掉，還剩下半支放在袋中。我今次點了車仔麵3寶：豬紅，豬皮，豬大腸，芫荽麵。聽外國家人說，豬紅在外國很難吃到嫰滑，這間店的，我覺得下次可以介紹他，因為不太柴，嫰滑的。豬皮炆得透但唔爛，又入味，豬腸賣相就有啲參差，但都好味。我喜歡吃的大腸是好似車呔咁嘅款嘅有皮，有肉，有脂肪，看到層次得。芫荽麵，質地和麵感从粗麵，不太吃到芫荽味，可能我點了中辣，辣味蓋過了吧！其實車仔麵又點止三寶，我其實想點埋雞尖，蘿蔔，魚旦，咖哩魷魚……可是一個人又點吃到這麼多（個人覺得3餸加麵份量都好夠飽），但下次我會再去，還有今日想食但未試到的黃金炸豆腐……吃完可以順便逛逛花墟散散步🥰…Read More

兒童餐算是有誠意之作，有一個餐盤的食物外，還有一個烏冬跟餐，夠晒飽。魚生壽司盛，我就有點失望。圖片和上菜的魚生有出入，我為了赤貝壽司點這個餐，上桌時望真吓，咦？件赤貝壽司呢？??。職員答我可能是參考圖片，然後說問一問同事先。最後才拎起某一件魚生壽司轉返件赤貝壽司給我! 有點不解，點解你圖片入面是有赤貝壽司，但喺上桌時又冇? 之後問一問，你又變到舊赤貝出來? 好似有啲唔老實囉！除了件赤貝，都有另一款是看到和圖中不符的壽司。明白可能有啲魚或海產貝類是缺貨，但客人落單前，你要先講清楚，或寫上售罄，而不是用混水摸魚方法上菜，博人食咗唔知囉！畢竟店舖都在海港城入面，畢竟都$380一個餐!…Read More

我所指的是tiramisu杯裝款，由當年30幾蚊，好似$38，食到現在$54元。某年生日時都買過磅裝，但還是喜歡吃這種，一人獨享的杯裝款。一經過尖東都心思思想買嚟食。轉眼間已經咁貴，要$54一件，真喺要嗒真每一口。我喜歡這種濕潤的口感。另外買了一盒蛋卷試.…Read More

星期六下午3點，走在漆咸道南尖東街頭，早午餐只吃了一個 牛角酥，晚飯又未喺時候，選了這一間店，點了杯生啤，10隻雞奕(反正價錢一樣，2個人吃，5隻一碟咁點， 熱騰騰咁食，唔夠再點)，一個牛肉鍋，湯汁 鹹咗啲 。一碗豬排蛋飯。由於這時段不太多人，坐得算舒服。…Read More

新開餐廳又入嚟試吓brunch，一份兒童餐pancake$75, 一份4 eggs Omelette$155, 一份 egg Benedict $140，飲品另計共 $460。Um...普普通通囉，價錢如果大眾化啲就更好了。,…Read More

平日早上7點45，經開太子咁早，想食個早餐又想坐耐少少，除了酒樓、茶餐廳或連所咖啡店，其實酒店都是不錯的選擇，坐得一定比茶樓舒適，少了遊客，人流不算多。價錢唔好以為好貴，其實只是$78/set，選擇不多，只中式/西式兩款，但一定食得飽飽，好豐富。西式是英式早餐，有3款包種，又有2杯飲品，中式點心的帶子燒賣和黑松露餃好吃，特別是燒賣，帶子下面是蝦膠，口感一流又夠熱，鼓油炒麵略為過咸。包一杯茶用茶包，可選香片或普洱。可以安心輕鬆自在又平又飽食一頓早餐，不錯的選擇假日星期六，日還有自助早餐。…Read More

10蚊1隻生蠔，6隻60蚊好抵呀～石頭上的美國西冷,呢個叫咗medium well. 本來想點赤貝刺身，可以冇貨，要不然都幾抵食，50幾蚊一隻(點兩樣才有這優惠價)。…Read More

去完天際100參觀，慳咗幾百蚊，近近地，去吓Ritz Carlton酒店試一試下午茶，除了點了英式傳統下午茶，還點了三文治(配薯條)，水牛雞奕。這間的甜品，好似比較甜，水牛雞奕醬汁又比較酸，其實收呢個價錢有4隻，又較酸，其實可以加返啲配菜(青瓜條，甘荀條等等…)清吓口腔。三文治入面塊bacon太乾硬，我要撩出嚟，口感不對(軟脆的三文治易咬，但突然有塊乾硬的煙肉夾中間，有啲影響咬感)職員的服務幾好，見太曬，自動自覺幫客人落半窗簾，檔到太陽光，又不會看不到景。座在窗口位置，沙發略太軟有點凹陷感，要用但有咕臣可以頂一頂背脊，就舒服一點(唔知是否我坐個張喺咁定點啦～)今餐大概吃了$1300幾。總括來說，是幾舒適的環境，飲杯茶食件餅，酒店價錢，一年一次又ok嘅…Read More

將軍澳海濱附近，又開了一個新的屋苑商場，趁假日就去行吓，場地不是太大，暫時比較多教學中心，上電梯行到去1樓盡頭，有這間德國餐廳，即管入去試一試。天氣不太曬沒有猛烈的太陽，又冇落雨(因為座位都貼欄桿邊)，室外位置空曠一點，選了座外面，眼見室外位，都歡迎有帶狗仔的客人。點了3個餐，總共$380左右。set lunch就有A~F, Holiday就多5個set(A~E)選擇.由上午10時至下午5時。…Read More

天氣不穩，見快下雨，看到旁邊的這間店，空間感都不錯又是新開的，不如試一試。一行4人的我們，座在自成一角的位置，又幾舒適，可能樓底夠高。我們去到已經是吃Brunch時間，多數都是包類。好似幾特別，成隻軟殼蟹放入去牛角包加煎多，我最喜歡牛角包的酥脆鬆軟。朋友的章魚腳包，真喺好足料，見到成條章魚腳，外表就幾靚，但唔知口感如何。好貼心有兒童餐，都是小孩喜歡吃的，雞蛋 薯容 生果 朱古力蛋糕 蕃茄長通粉 還有杯蘋果汁，。朋友短聚一餐的不錯選擇。埋單要7佰幾蚊…Read More

晚飯外賣，試一試嘉悅地下新開的潮州食店~陳儀興。點了5樣食品：潮州蠔仔粥一碗，潮州炒飯，啫啫雞煲，甜酸排骨， 鹵水拼盤。先講蠔仔粥，啲蠔仔好飽滿，最怕食這些帶殼粥類有沙或碎殼，而它又沒有，食得好順口，一個人清咗一碗。雞煲鑊氣好夠，另外還有啲豬潤，雖然我第一次食雞煲內有豬潤，但喺又幾好食哦，啲豬潤口感幾好， 放在口中咀嚼起沙的，我比較喜歡，而不是似豬潤肉的豬潤咁粉滑。甜酸骨就大路款，冇咩太特別。 鹵水拼盤，值得一試$108 有雞蛋，鵝奕(骨多，只有3舊好似骨咁，唯一食到的是奕尖位)，豬耳，腩肉，豆腐，豬腸，豬頭肉，紅腸…要嚟餸啤酒一流吧！將軍澳潮州店又真喺少見啲，值得一試…Read More

前年聖誕節，被英國式濃厚嘅氛圍吸引入去看看，買了罐茶葉，再去已經是上星期六了。今次去試這間餐廳，英式下午茶。職員的態度很親切有禮，這是一入到去非常良好的感覺，餐牌上點的東西不多選擇, 但喺眼見差不多每枱都是點這下午茶set . 更好的是這裡的鬆餅和手指三文治是可以再refill. 不過待應會問你要暖水，冷水還是sparkling water，sparkling water就要收費了，好似$68元未加一。總結來說，一年一，兩次，坐吓感受吓都不錯。…Read More

有近年半冇出去堂食了，所以之前個post都停留在2019年10月! 今次這間店，算是我踏出來除口罩吃東西的第一間店。大概2時左右Du了安心出行入去，座位間格都幾好，基本上都是卡位，今次點了兩個定食，一個是精選壽司，冇咩特別，但奇怪地上了前菜，壽司後到…要讚的是職員服務態度好好，誠懇有禮，所以後到都冇所謂吧！另一個是和牛定食，都幾ok, 可以自己用爐燒吓來食，質感都不錯唔會太柴。蒸蛋上枱時，好夠熱👍，飯後還有 Haagen dazs雪糕，或者 雪芭可以選擇。最讓我感覺良好的是，隔離枱埋單走了，女職員拎了支噴霧來清潔抹枱面消毒!👍👍…Read More

近期降雨量都很多……等待雨後雖則天陰陰，都出去行一行，散散心。行到將軍澳南海濱藍塘傲區，多咗很多有露天位置的餐廳，眼看都有8間左右，其中一兩間還在裝修中。今次試呢間，裝修設計都幾正，有啲高枱高櫈，另外可以選擇座外面或室內。點了一杯啤酒(但不太夠凍)，一碟炸薯條，一個pizza, 一碟香脆雞奕，一份迷你漢堡。食物方面我覺得最簡單嘅Margarita Pizza不錯，夠熱，薄餅底不太滯胃口。雞奕第一啖就好香口夠熱，但之後好口渴，唔知關唔關事。薯條幾鬆脆，普普通通。迷你漢堡一客2件，入面有片生菜仔，漢堡一塊仔，少少沙律醬，但個麵包皮，幾鬆軟👍…Read More