為食duck's Profile

成日經過想食都見到好多人，商場門口只係得幾個位可以坐，又唔想買外賣，串燒外賣邊好食㗎🤷🏻‍♀️心血來潮好想食串燒就諗起哩一間未試過，特登行去睇下佢有冇開啦，唔知關唔關落雨事，今晚竟然有位坐唔使等😬 款式雖然唔算好多，但係價錢夠晒實惠，款式亦都幾吸引😋 揀咗個$70有7串嘅串燒（牛肉，牛舌，雞翼，鰻魚，墨魚丸，仲有兩串唔記得係乜🤔）， 每樣一串試到唔同款式，不過個人來講唔係太鍾意有沙嗲汁淋喺面...印尼炒飯（包2串唔記得$12/14串燒，過咗補差價）+ 燒雞皮，呢個炒飯有驚喜，雖然無蝦片，但係炒到好香仲有少少飯焦又辣辣地好好食唯一係唔鍾意有羹麻醬喺角落頭... 至於我最愛嘅燒雞皮，完全係我鍾意燒到好香脆嗰隻，如果調味可以重返少少就更加好啦 炸芝士，呢個堅好食，老闆仲好細心提醒炸物好熱 唔記得叫凍檸多定益檸多，總之就係檸檬加益力多啦，聽個名好似怪怪地，但原來幾好飲，個姐姐仔出咗去好耐老闆燒緊串燒都仲要出嚟幫手沖野飲收銀，真係辛苦晒題外話，之前經過仲諗住坐喺門口食會好熱同埋等好耐，所以次次經過都冇去試，今日坐低食就發覺原來頭頂有兩個風扇裝咗喺假天花，一啲都唔熱仲幾舒服…Read More

夜晚10點幾睇吓條街有咩食啦🤔本來想買個粥食加油炸鬼，睇睇下走咗去隔離孖寶，尋晚又食咗過橋豉油雞， 咁叫個梅菜肉餅跟油飯，加多個魚香煎肉餅油跟油飯可能太夜梅菜肉餅賣晒，咁要個口水雞少辣🌶都係跟油飯啦等外賣途中走去隔離東喜買杯野飲先拎完外賣返屋企，咦～ 點解魚香煎肉餅係白飯嘅呢，明明話咗加錢要油飯喎（+$3）開埋另一盒，咦～我啲口水... 點解口水雞變咗海南雞明明落單時仲特登問我要乜嘢辣🌶雖然都明佢就收工，但係就收工無乜客嘅情況下亂出單，咁不如直接同我講收咗工算啦雖然佢啲海南雞好食，我都唔想連續食兩日差唔多口味嘅雞…Read More

之前成日以為哩間只有辣嘅野食，一直都無去試（隔離果個唔食得辣）今日見到原來有串燒，可以唔辣，咁就即刻入去啦成間店都黑麻麻咁，我地坐個位係望住串燒，睇住佢燒，佢地見我望已經主動介紹首先講個茶先，唔知係咩茶，好似啲草本茶，又有啲玄米咁，飲落甜甜地，甘甘地，不過個人覺得味道好怪，唔鍾意孜然雞皮，夠脆，正黑椒雞泡魚乾，麻麻地，唔夠juicy，無外脆內軟嘅口感紐西蘭羊肉串，無羊味，麻麻墨魚鬚串，幾好食，只嫌份量太少胡椒花甲海藻湯，超超超咸！直頭叫個廚自己試！要求加湯之正常返少少！如果唔係咸到咁係幾好飲嘅濃醬宜檳紅燒肉，味道超濃，有茶樹菇好香幾好食嘅，白飯都食到成碗！唯一係肉唔夠淋，硬... 其實最想食係個水煮... 但條友又唔食得辣，見隔離2個人都叫咁大個水煮，又好香，好想食…Read More

叫咗個4餸外賣：河粉翼尖豬紅牛筋蟹籽丸腩汁外賣合共收$45返到屋企，見到份量都ok，翼尖有8隻，豬紅有7-8粒，蟹籽丸都有2粒，牛腩... 咦？變咗豬皮嘅豬皮$8牛腩$10喎，但重點唔係收多$2，而係... 我！唔！食！豬！皮！外賣係一個碗上下隔分湯嘅，牛腩汁都ok，唔太濃但亦唔會無味，其他餸都正常，係個翼尖賣相唔靚，好多瘀血，望落亦唔似滷水，但味道正常嘅。一直都想試佢個「足料花膠碗仔翅」嘅，不過下次先啦…Read More

見呢間野開咗成個月都唔知買咩，今晚想掃街咁就就去睇下啦，原來食乳鴿，粥同炒麵！粥呢就有三款：有兩款係魚嘅粥（賣晒）同雞粥。啲乳鴿一隻隻就咁掛晒出嚟，不過睇落好瘦好細隻...好啦，叫咗一隻乳鴿同埋一個炒麵乳鴿細隻一開二，但估唔到好好食，肉嫩皮脆夠入味又唔咸落單嘅時候即時炸返熱炒麵即炒，好足料成盒滿晒！炒得剛剛好又唔會乾又唔會太濕下次要買夠兩隻乳鴿先至夠食呢間小店雖然款少但好食價錢合理，希望佢可以做得住…Read More

今日心血來潮又去咗太興買個外賣午餐，枝竹豆腐火腩飯跟熱柚子蜜。其實＄48連野飲，喺觀塘食個午餐都算係咁上下價錢，比喺apm真係平民價，要再平就要等下午茶囉。因為買外賣拎走，所以睇唔到兜野點嘅樣，返到公司一開蓋，咦？點解有舊青色皮咁多毛嘅？睇清楚真係火腩嚟，有毛都明呀，但點解會喺青色... 好驚，上次食就豆腐有少少變咗味，但無青色火腩，今次就豆腐無事，但青色火腩...下次都係唔好咁浪漫食枝竹豆腐火腩飯啦…Read More

見到形點II嘅大家樂終於開咗，又多一間平民食肆真好今日放工去買左個下午茶：碗仔+翅雞翼+粟米，餐牌最底寫住加配意大利咖啡加＄9，但無好似其他餐咁寫配汽水或茶... 俾錢時好彩問一問，原來$29嘅下午茶係無野飲（冇嘢飲其實唔算下午茶囉？）！ 返到屋企，發覺碗仔翅原來只有半碗，啲餸大大嚿，份量唔多，但味道好食過大X活嘅，雞翼同粟米正常，唔會乾身由於等外賣同取餐同一位置，外賣係有個姐姐喺櫃檯拎個餐落嚟再幫你包起，全部人塞晒係同一個地方好逼夾，而顯示牌號碼亦不正確，包外賣個姐姐話「顯示牌號碼唔啱㗎，每5分鐘就出個號碼，但啲餐根本出唔切」，我個外賣係等左7分鐘顯示牌就show 可取餐，但實際等左差不多15分鐘...雖然堂食地方唔大，但啲座位睇落坐得都好舒服，唔同以前固定卡位啲椅無得郁，整體感覺寬敞，服務都幾好…Read More

見呢間西餐廳開咗一段時間都未食過，趁住星期日就幫襯下啦兩個人叫咗兩個午餐：蟹肉南瓜意大利飯 個人覺得味道麻麻，啲蟹肉配落去嗰陣味比較腥，但蟹肉嘅份量都OK嘅全日早餐80幾蚊唔抵食，薯餅夠脆不過好細塊，煙肉好鹹又煎得唔夠香，黑松露炒蛋老實講整得唔好食，越食越反胃，加上果兩片薄薄嘅凍肉同埋切得勁薄嘅蜜瓜唔使講啦包個一杯野飲好似係有機茶同埋唔記得咗熱情果同乜嘢生果茶... 如果要咖啡就要另外加12蚊定15蚊，咖啡唔難飲但唔算好好飲...（即係全日早餐加埋杯咖啡已經成舊水，我去Yoho俾多10幾廿蚊已經可以食到一份好好多嘅全日早餐，咖啡選擇又多好多又好好飲添）…Read More

無所事事，係Yoho行完街街，返屋企前食返個下午茶先，第一時間就諗起呢間野嘅carbonara！可能太耐無嚟，發現下午茶（佢好似叫午餐）原來有個炸魚黑豚肉腸仔薯條，就試吓呢個！嘩！個下午茶同我想像中嘅好唔同，我幻想係一塊手掌連手指咁大嘅魚柳，同一條手掌大粗粗地嘅黑豚肉腸...結果係一塊比手掌大少少嘅魚柳，兩條手指咁長咁粗嘅黑豚肉腸，同平時一樣好脆嘅薯條，再加¼碟沙律。魚柳唔腥OK嘅，炸得好趣，黑豚肉腸就比較鹹同埋口感好油，薯條唔使講啦都係好脆，沙律配上日式芝麻醬，最重要係啲沙律菜新鮮！而最後呢個睇出嚟咁靚嘅餐只不過係＄45連野飲啫，幾抵食…Read More

由一開鋪，前後食咗三次...第一次：招牌油渣麵 -》油渣脆，但個麵冇乜料好齋，味道普通冇特別梅菜扣肉飯 -》好食，每菜份量多，非常好送飯，扣肉剛剛好，唔會乾爭爭第二次：沙薑雞飯套餐（$7X) -》有油菜有嘢飲，以份量哩計呢個價錢感覺唔係好抵，因為雞嘅份量都好少，但估唔到個沙薑雞好好食喎，雞肉尚算嫩口，但對於我討厭食雞胸嚟嘅人哩講可以再嫩啲就好喇，個沙薑整得幾好係太咸第三次（即今日）：懷舊小食三拼（$28）-》小食可以揀三拼或者四拼，有豬紅，韭菜，大腸，蘿蔔可揀，而我就揀咗豬紅大腸蘿蔔，味道唔錯，呢個價錢分量OK，豬紅好多，蘿蔔都有四舊，大腸就比較細條同埋肥豬油撈飯（$15）-》好細個嘅時候喺九龍城食個菜san嘅豬油撈飯，其實太耐已經唔記得係咩味，依家樓下竟然有得食梗係要試吓啦，因為我係買外賣豉油係分開自己落，開蓋見到白飯面頭有少少閃閃地，仲以為落得好少豬油，點知撈碗飯嘅時候先發覺原來個底有好多油好食好食，下次再食，但真係要做下運動減肥先…Read More

話說今日心血來潮想食譚仔，咁觀塘廣場果間又未開，唯有過嚟哩間。次次都堂食，今次第一次叫外賣。叫完，張飛74號，之後見啲外賣都係出緊50幾號，咁ok啦，預左等耐少少。好啦，之後叫到60幾號，諗住快啦，點知叫叫下又出返50幾號嘅外賣，其間不斷好多人喺度追外賣，如事者，等左20幾分鐘，73號個小姐追追等左半個鐘，幾分鐘就出咗俾佢，之後外賣又叫返60幾號同50幾號...結果等左30分鐘，睇住個大肚婆入去堂食食完埋單走人我仲未有，好啦追單話等左半個鐘，拎外賣出嚟嗰亞姐仲話「73號都未出啦」，真係嬲，我追「我睇住人地10分鐘前追單拎左外賣走左啦」！雖然我明白堂食果啲未俾錢梗係serve左先，等佢地食完快啲到下一個，但外賣都未之於過分到要等超過半個鐘呱！買得外賣都係想快，打工仔得果1個鐘食，來回+等外賣已經無左45分鐘，食都要趕頭趕命...話事話，依家分湯轉左好似吉吉家咁，上面個兜係米，下面個碗係湯，分湯照舊收多你1蚊，但個米明顯少左好多囉…Read More

睇住佢開見雜咩打水蟹粥一直想試，見哩間開咗一段時間，門口都仲係成日坐滿人，心血來潮今晚就試下佢啦！第一次就梗係試咗佢個蟹粥先啦！2個人，叫咗個套餐A，揀咗蟹粥同天麻川弓魚頭湯，$108無加一。先飲湯，好香，魚雲好滑同好多，冬天飲會更正，好暖胃再試蟹粥，嘩！好綿，唔洗落鹽都好好食，但唔係有味粥底嚟㗎。再試個蟹，一碗粥有一隻蟹，個蟹... 好。鮮。甜。 真係好好食，明顯新鮮，好緻口，啲殻朴開咗，啲蟹肉可以啜出嚟，真係唔多夠喉𠻹呀下次試埋個澳門雞湯先。（除咗蟹粥，見好多人都有叫小菜，應該都唔錯嘅）…Read More

見轉咗新鋪，即管嚟試下佢！由於鋪頭無座位，只有摺枱，所以預在有飛飛㗎喇，食之前都會睇清楚啲食物有無，不過好耐無坐室外食，感覺好舒服！叫咗沙嗲牛米配餐肉腸，炸雞翼意粉，富記招牌菠蘿堡。沙嗲牛米配餐肉腸及炸雞翼意粉就普通啦，重點係個菠蘿堡！包又熱又脆，有大蕃茄，生菜，芝士及火腿蛋，配搭好食，不過下次會叫走沙律醬溫馨提示: 菠蘿堡會食到周圍都係，記得準備紙巾！仲有係老闆好好人，打算落完單俾錢先，但佢叫我地慢慢食，食飽之俾！…Read More

食完飯同細佬揾飯後甜品，見到哩間好似ok就試下啦，細佬叫咗蜜瓜紫米露，味道普通啦。我就叫咗個芝麻合桃糊，見到2隻色分明，好似唔錯，食第一口，味道ok有少少粉粒，再嚟，又有嘅？再望下個碗，成碗都係粒粒。。。食咗一半已經放棄，除咗粉粒仲有一pat pat嘅嘢。。。成間鋪都後生仔打理，店員坐底同朋友玩到好大聲，難怪質素咁差哩間嘢質素麻麻，但勝在價錢唔算貴。不過行多2分鐘附近已經有間x記，佢再唔改善都應該幾難做。…Read More

已經一早用apps拎定位，但去到都係過左一張號碼，要等補枱。本來無野等叫，但之後發現原來佢地個制度係正飛一定要有人入座才可以叫一次補飛，即我23，叫咗24，之後叫25無人入，叫26，直至叫到有人入，再下次叫飛係叫返之前補枱19！！如是這叫到30，咁我地話咪有排等！？另一個男人聽到又走嚟話自己26聽唔到叫飛，點知補飛叫完19叫返佢26！喂，我地23反而俾26入先？一句聽唔到見人地惡啲就俾人先！好啦，終於入到去，全部卡位，坐得幾舒服嘅，餐具全部喺枱下面，熱水連喺枱，好似壽司店，自己搞掂。之後全部用枱上面嘅ipad落單，包括茶包，不過只有一款天山雪菊食物好快喺輸送帶送上，有上下層，食物一到就會自動開門，唔怕對面會攞錯，之後按紅包制關門。整體係ok嘅，不過份量真係超少，如果大食嘅真係全部double上都唔夠食。最正係個楊枝甘露，fb like，打卡及upload相就可加10蚊換一碗，不過最後都無check我仲問要幾多碗…Read More