心血來潮好想食串燒就諗起哩一間未試過，特登行去睇下佢有冇開啦，唔知關唔關落雨事，今晚竟然有位坐唔使等😬
款式雖然唔算好多，但係價錢夠晒實惠，款式亦都幾吸引😋
揀咗個$70有7串嘅串燒（牛肉，牛舌，雞翼，鰻魚，墨魚丸，仲有兩串唔記得係乜🤔）， 每樣一串試到唔同款式，不過個人來講唔係太鍾意有沙嗲汁淋喺面...
印尼炒飯（包2串唔記得$12/14串燒，過咗補差價）+ 燒雞皮，呢個炒飯有驚喜，雖然無蝦片，但係炒到好香仲有少少飯焦又辣辣地好好食
唯一係唔鍾意有羹麻醬喺角落頭... 至於我最愛嘅燒雞皮，完全係我鍾意燒到好香脆嗰隻，如果調味可以重返少少就更加好啦
炸芝士，呢個堅好食，老闆仲好細心提醒炸物好熱
唔記得叫凍檸多定益檸多，總之就係檸檬加益力多啦，聽個名好似怪怪地，但原來幾好飲，個姐姐仔出咗去好耐老闆燒緊串燒都仲要出嚟幫手沖野飲收銀，真係辛苦晒
題外話，之前經過仲諗住坐喺門口食會好熱同埋等好耐，所以次次經過都冇去試，今日坐低食就發覺原來頭頂有兩個風扇裝咗喺假天花，一啲都唔熱仲幾舒服
