學生仔's Profile

最近天氣又焗又熱，無乜心機買餸煮飯食⋯路過見到『八沢』呢個位置似乎係新開日式餐廳，有位又唔等就入去試下啦！望完餐牌，最後叫左以下呢幾樣：1. 黑蒜炙燒黑毛豬叉燒極濃骨膠原雞白湯烏冬2. 黑松露忌廉海鮮烏冬3. 追加小食明太子雞翼（2隻）🌸黑蒜炙燒黑毛豬叉燒極濃骨膠原雞白湯烏冬$88湯底比較濃味偏油，但配烏冬就岩岩好。配有木耳、炸蒜、葱花。叉燒就有兩款，份量足，味道唔錯。原來個烏冬配埋有溏心蛋。溏心蛋正正常常😋🌸明太子雞翼（追加小食）$35個人口味唔太喜歡⋯🌸忌廉黑松露海鮮烏冬$98店家話可以先試左個忌廉湯既味先，然後先再搞均黑松露醬，咁就可以一個湯底試兩隻味。海鮮入面有兩款：三文魚、帆立貝。有幾大舊三文魚同兩粒帆立貝。味道正常，值得試一次，不過忌廉湯就有啲滯⋯總結：街坊有多一個選擇，值得一試。店家會主動介紹餐牌既食物，呢樣值得一讚。…Read More

本來想試通記既米通，但撞正星期一休息所以無緣啦。不過原來長州都有好幾間鋪頭有米通食，於是就黎左蓮香呢間啦。我點左份炸豬扒雪菜米通。米通份量十足，大大碗。炸豬扒唔錯，醃得夠味岩岩好。雪菜同米通都正正常常。值得一讚個凍奶茶，茶膽夠香，所以沖出黎既奶茶重茶味，另外再點左一份咸牛肉蛋治烘底。因食過更好味既咸牛肉蛋治，所以覺得呢個真係麻麻地。佢唔係難食，只不過無驚喜既感覺，純粹係普通既一份咸牛肉蛋治。因為見佢招牌係炸豬扒，所以以為其他炸既小食都ok⋯但可惜係我誤會左⋯雞翼雖然炸得夠脆，但係好明顯未醃夠味⋯…Read More

一直對台灣既芋圓念念不亡，雖然係香港而家有好多鋪頭有芋圓賣，但係就好難揾到心目中岩口味果款。長州冰室呢間算係做得唔錯，芋圓有返原材料既味道，可以食到真係有芋頭味、蕃薯味，口感煙煙韌韌。我點左一份芒果仙草三色圓紫米露，賣相色彩繽紛一次過滿足多個願望，有芋圓又有紫米露點呢個既時候開頭猶豫左一陣，因為芒果係11月份應該唔係當季水果，怕會好酸。但原來又唔會喎，有芒果本身既清甜味，唔似係浸糖水。所以呢個都算係驚喜之一。仙草都唔錯，淡淡仙草味、滑滑既口感。芋圓煙韌有咬口，兩粒一齊食既話，原材料個味道就會出啲。友人既榴連三色圓黑白配因為我唔食榴連，所以無試⋯⋯不過友人話個榴連都ok。我覺得個餐牌好靚呢間小店既選擇同搭配都算幾多。雖然店鋪人手比較少，但服務都ok。上餐速度快…Read More

屋企附近又有新開既鋪頭，做白老鼠黎試一試先。用餐環境：簡約既裝潢，光猛整潔，但二人枱有啲迫狹，當兩份餐點到齊時，根本無乜位可以再放小食⋯餐點選擇：可能依然係試業期間，日式食物方面選擇唔算多，有d西式fusion既感覺，所以會有薯條沙律意粉呢d揀⋯另外，建議餐牌可以有實物圖片，餐點名稱太長，就咁睇文字實在唔太吸引⋯餐點質素：擺盤算ok，餐具顏色幾靚。我點左一份烏冬，友人點左一份豬肋骨。烏冬湯底應該係鰹魚清湯之類，而配既牛柳粒有d過熟，所以比較難咬。溏心蛋做到半熟，但外層明顯未浸夠時間，我覺得比較淡⋯炸蝦我一向都麻麻，所以就唔作評價。友人點既豬肋骨，我地一致覺得唔係難食，不過又未至於好味果種，豬肋骨有啲位如果無汁點住食就比較乾⋯薯條值得讚，夠熱夠脆。芝麻雞翼，套餐可加10蚊/隻，炸得夠脆，但有一隻就燶左小小⋯雞翼有醃過，味道ok。服務算ok，見我地張枱唔夠位放食物，店員主動提議將收據放去另一張台，騰出位置繼續用餐。價錢方面：暫時無加一，套餐叫做包野飲同有個餐前小食。唔係貴，但唔算好抵食一定要試果種。暫時唔會有衝動再試第二次。套餐包埋既。呢個好似80蚊定85蚊。呢個唔記得左係80幾定90幾蚊跟餐加10蚊一隻。右邊果隻燶左小小。…Read More

食物質素：味道一般，份量足夠，見之前既食評人人都點左土豆絲，所以我都試下。不過有小小失望，土豆絲酸辣味唔太夠， 無左川菜既感覺同味道。小炒肉尚算ok，但係有d肉炒得燶左小小⋯用餐環境：超級無敵迫狹既一間店加上政府要求既防疫措施，加上膠板後迫上加迫服務方面：似係家庭式運作，人手方面略為不足。安排坐位比較隨意，有d客人得一位但張枱卻比兩人用餐為大⋯為左做多一單生意突然安排搭枱，但枱面位置明顯係唔能夠令客人舒適用餐。價錢方面：收費價錢合理炸餃子，麻麻地可以再酸辣度重啲會更好米線比預期中好加左腩肉，如果腩肉有加小小鹽去醃左先會更好小炒肉唔錯…Read More

之前曾經試過alva house既自助午餐，當時印象係還可以啦，但見網上啲人話佢既晚餐唔錯，凍海鮮有波士頓龍蝦、生蠔同蟹腳，於是就係兩個月前book定（因為疫情關係，再加上政府既消費卷，好評比較多既自助餐真係要提早好多book呀⋯）任食凍海鮮既選擇有：波龍，波龍隻鉗，青口，麵包蟹，長腳蟹腳，生蠔。選擇夠多，一次過滿足多個願望！波龍refill速度快，味道算ok，唔會太乾又或者擦子膠咁硬。而麵包蟹就無乜點refill，只係拎左一個蟹蓋就無lu。青口有驚喜，質地味道都ok！:(蟹腳就比較瘦，肉質就麻麻地，不過都好過無既。生蠔雖然細隻但新鮮，師傅開得好亦無蠔殼碎。而家唔係間間酒店都有做自助餐，能常有龍蝦就無生蠔。alva house依然有齊呢兩樣已經好好。蜆肉偏咸，凍蕃茄帶子湯有d難接受⋯拆完d蟹腳，整體偏瘦一啲生蠔比較細粒，但都算新鮮。食左應該10隻，第二日腸胃無事剌身方面，八爪魚唔錯！有海水既自帶咸味，亦有八爪魚既鮮味。但係個白身生魚片就麻麻，好似係𩶘魚？總之有小小泥味⋯燒牛肉都ok，個人喜歡呢個生熟程度。片皮鴨好味片皮鴨卷好味，食左兩三舊賣相唔錯既西班牙海鮮飯，不過因為肚既空間有限，只係淺嚐左一口飯。味道都ok中湯冬瓜排骨湯，茶餐廳例湯既感覺⋯如果有燉湯就好⋯⋯甜品其實有好多選擇，但因為已經飽啦，只可以食多少少⋯呢個牛奶燉雪耳桃膠非常唔錯，但耐何肚既空間有限，想再飲多一碗都無位啦下次再黎既話，必定會留多小小空間去試甜品。…Read More

整體評價環境：安排了卡位，枱夠寬闊，用餐環境舒適。食物：上菜速度麻麻，味道一般。價錢：同區來說屬於偏貴，食物味道及質素不值這個價錢。服務：感覺一般，若不主動詢問，店員對於收費項目沒有清楚說明便端上枱。酸菜魚配料有薯粉及？雞脾菇魚片有小骨刺，整體酸香味道不足小炒肉肉有點瘦，肉的比例比較少淡茶一杯，$8位⋯再另計加一⋯最後我們點了一碗白飯，因價錢跟小菜一樣，於是店員最後沒有更改。二人晚餐兩個菜338，性價比一般，難怪每次經過店面也人煙稀少⋯…Read More

偶爾到元朗一遊，從openrice中隨意選了這家日本菜的小店。好評很多，但是次自己的用餐體驗卻一般。可能好評愈多的店舖根本不愁客人，所以根本不用顧及服務態度。因著政府的防疫政策，店鋪的營業時間只能到晚上十時，既然標明了營業時間是晚上十時，我們在九時20分進店 也跟店員溝通了，在10時前必定能離座。其間我們要求要水（其他正在用餐的客人也有一個水壼，所以並不是無理的要求），第一次店員給我們的是空瓶。只能無奈地要求店員更換，店員上一秒還在與其他店員交談甚歡，得知我們要求加水時卻面露不悦。而店家給序的二人枱實在有點小，當餐點上枱後卻容不下水壺，我們只好放在旁邊沒有客人的餐桌上。但沒過多久便給店員收走了⋯期間並沒有詢問客人是否還有需要⋯（另一枱客人的水壺還好端端的在枱上，這說明並不是一定要即時收起）只好再要求店員再一次給回水壺⋯我明白待應趕著下班，恨不得盡快把所有東西收拾。但是店家的營業時間明明是晚上十時⋯⋯距離十時還有一段時間。最後我們在十時前已經離去，但是次用餐體驗實在很一般。（若然店家在與店員簽約時寫明是十時下班，希望店家能把營業時間改一下。好讓店員能有充足時間收拾準時下班，不要遷怒於客人身上⋯⋯）至於食物方便，上菜速度快，份量正常，壽司魚生食材新鮮。除了蟹棒跟鹽燒三文魚頭比較失色⋯蟹棒是廉價的粉漿型蟹柳，鹽燒三文魚頭則比較淡而令腥味突出⋯這板壽司已經佔了二人枱的大部分位置⋯…Read More

第一次到布袋澳食海鮮餐。聽聞布袋澳無咁割客同比較老實，突然想食海鮮咁就揸車入去試下。（自己揸車入去無得免費泊車，停車入去要比20蚊小費，不過叫做無限時間）入去坐低就揀左小小海鮮，揀左一隻細既針墨、一隻奄仔蟹、花甲一份、花螺一斤。價錢屬於可接受既範圍。我諗係街市既三倍價錢，但係自己買又要揀，又要清洗海鮮，仲要煮都係工序黎，所以呢d錢值得比人賺既。豉油皇炒針墨針墨肉質爽彈有咬口，不過就無乜味，全靠個豉油皇去調味，個底有韮黃，為成道菜增色不少。豉椒炒花甲夠鑊氣，料頭爆得夠香，花甲係大size果種（係花甲！唔係蕃薯蜆），新鮮又鮮甜，而且每一粒都無沙，調味各樣配合得岩岩好，呢個必食呀！（出街食飯已經好耐都無食過好味既炒花甲）每一碟其實份量都ok個人覺得比起長洲、西貢既海鮮餐廳黎講，布袋澳既海鮮上枱至少係熱辣辣同份量係ok。辣酒煮花螺聞得出有玫瑰露酒既香，少少辣，其實佢個辣酒既味道幾特別。不過我地都係鐘意食返原味既花螺多小小。鹽焗奄仔蟹其實佢個烹調方法係好得，可惜隻蟹啲糕唔夠香。而蟹肉方面，啖啖肉，無泥味無噏味，食得出蟹肉應該有既甜味。食完可以係附近行個圈，吹下海風都幾舒服————————————總結整體覺得值得一試，性價比正常。廚師手勢唔錯，夠鑊氣。…Read More

小店位於香港人既後花園-西貢。若果係平日放假，但又諗唔到香港仲有乜野地方可以閑逛，可以考慮一下入黎西貢食返個lunch又或者tea，配返杯特色咖啡，享受一下慢活時光。遠遠望見呢幅壁畫就知道已經揾到佢啦！可以唔洗掂萬人摸過既餐牌，門口有大大個menu，睇岩心水先再入去。店入面既氛圍好奇妙，好似去左另一個地方旅行咁⋯坐得尚算舒服。唔會好嘈，適合人少少傾下計。杯咖啡黎到有驚喜，有拉花架。咖啡唔會酸，香味同濃度感覺係偏淡一啲。（因為我通常飲齋啡，所以先會覺得偏淡😂）如果平日既話，點餐可跟免費咖啡，我揀左熱泡沫咖啡。西西里蟹肉意粉$158食得出係真蟹肉，不過個汁好稀好水咁。蕃茄味唔太濃，可能驚如果太濃會搶左蟹肉個味？個汁屬於偏甜一啲，味道還好。意粉軟硬度正常。喇沙椰香鮮蝦意粉 $168個汁既味道幾好，不過都係覺得佢太水咁，大蝦肉質彈牙有鮮味，意粉都係軟硬度正常。但價錢黎講屬於偏貴⋯店入面可以自助加水，我覺得幾好。總結價錢黎講，食個lunch係偏貴。但係當比自己放下假，可以放鬆一下係無價，好難得可以有個地方，令自己感覺好似去左旅行⋯…Read More

天氣炎熱，實在唔想買餸煮飯洗碗。但晚餐始終要食，咁點算好呢？突然醒起附近明明有間陳記喎，食燒鵝都好呀！燒鵝（半隻）味道唔錯，不過就略為細隻。比起同區某間酒樓，陳記呢隻質素好好多⋯啫啫通菜煲呢個超級有驚喜，炒得夠鑊氣，上菜時熱辣辣、香噴噴。而且賣相唔錯，通菜依然翠綠。味道唔錯，肉碎醬汁個調味非常惹味。————————整體感覺環境：清潔衛生，枱夠闊略，坐得舒服。但係冷氣太凍太大風，要帶返件外套⋯食物：味道、賣相、份量都正常，值得👍🏻服務：上菜快，待應姐姐招呼唔錯…Read More

星期日剛好去完美食展，疫情關係，今年會場入面無野食。下午三點呢啲時間，有d餓但係又唔想食太飽。妹妹話呢間緣聚有做下午茶點心，而且幾抵食。於是一行三人就入去醫肚。點心套餐$88，免兩人茶位。可選一個飯再配兩個點心。我地揀左鳳爪排骨飯，蝦餃同埋鴛鴦燒賣。呢個抵食，份量充足並無將貨就價。如果叫其他點心就收多一位茶錢，我地一行三人叫左個套餐變相就免左2位既茶錢。其他點心整體都唔錯，選擇非常多，份量同味道都係正常水平。（套餐）排骨鳳爪飯排骨算係有幾多下，鳳爪就少啲得兩隻。非常大碗，兩人有多既飯量。（套餐）蝦餃蒸起熱騰騰上枱，粒粒飽滿充滿鮮蝦，皮亦唔算厚，正常既水平。（套餐）鴛鴦燒賣原蝦燒賣王配牛肉燒賣，兩款都正常好味。魚肚棉花雞睇相都見到魚肚份量好足，正！煎釀茄子炸起熱辣辣，應該係即叫即炸。茄子厚厚一舊，魚肉份量亦十足，配埋甜豉油，正呀呢份令人好滿足。而家出面好多地方都係預先炸起放到，又或者薄切厚子配小小魚肉⋯但呢份煎釀茄子，緣聚真係算得上係真材實料。香煎蘿蔔糕煎到兩面都微微金黃焦脆，蘿蔔糕有少量蘿蔔粒係當中增加口感，粉既份量適中唔會太硬，配甜醬一齊食岩岩好呀。鳳爪正常水平。呢個好難整得唔好食吧？金錢肚夠稔夠入味牛栢葉開頭望落去比佢嚇親，以為個份量點解咁少既？原來係我誤會左佢，呢隻係碗，並唔係碟。所以份量同味道係正常既。底部配少少薯粉，吸左醬汁個味，唔錯。香茜牛肉球大大粒，又係份量十份。牛肉球帶上淡淡芫茜既香味，點埋喼汁食，非常正。排骨腸粉呢個幾抵，特價$7.8。唔係特別好食但亦唔係難食。…Read More

平時屋邨商場既酒樓會有特價孖寶，諗住百零二百蚊可以有條蒸魚加個餸。可惜係無既⋯⋯唔知係咪政府推出消費卷既關係，而家做既所謂優惠都麻麻地吸引。以下幾樣食物加一碗白飯連埋茶位加一後$365。食物味道整體好一般，性價比低。應該唔會再黎試佢地既晚市。燒鵝例牌味道黎講，同區既陳記好好多⋯古法炆班頭腩味道偏咸，份量偏少，八舊入面，有4舊無乜肉可言⋯乳鴿成餐得乳鴿係比較正常⋯沙薑雞腳無沙薑味⋯而且偏硬，有d難咬。…Read More

暑假加上政府推出消費卷之下，自助餐變得愈來愈難book。一時興起想食自助餐，碰一碰運氣，打電話約第二日既自助餐兩位，又真係有位喎。雖然見fb既自助餐群組有部分人比佢既評語好差，但係睇youtube又好似ok。反正之前都有人話w酒店自助餐好差，但其實我自己試完又覺得ok，所以口味既野人人唔同，今次就試下cafe kool先！我本身好喜歡食海鮮，不過cafe kool海鮮種類比較少。當晚有生蠔、翡翠螺、蜆仔、凍蝦、藍青口、小龍蝦。而波士頓龍蝦就限左一人一隻。龍蝦好好食，肉質爽口彈牙又鮮甜，龍蝦鉗已經預先打爆左個殼，不費吹灰之力就可以食埋隻鉗既肉。之前去過playt有任食龍蝦，cafe kool呢隻既質素就好好多，美中不足係只限一人一隻。其他凍海鮮就係呢d，翡翠螺、藍青口同凍蝦都係正常自助餐既質素。小龍蝦我無試，因為一向都唔食😅生蠔每人每次限拎兩隻，成晚我應該食左6隻。size都係細細隻既生蠔，間中有一兩隻特別鮮甜。我覺得自助餐既生蠔黎講，算係咁。男友就覺得比較淡味。姬松茸燉湯呢個都好飲，我飲左兩盅羊架羊架都好正，唔會過熟，肉質夠嫩其實佢都幾多唔同既熟食選擇，扁皮鴨、滷水墨魚係其他自助餐比較少見一啲。不過素餃同魚塊就麻麻地。自助餐黎講，cafe kool既甜品款式其實都幾多。仲有雪榚同蛋白杏仁茶我無影到。 d蛋糕都幾好食，蛋白餅同梳乎厘就麻麻地。——————————整體：食物種類多，其中一兩款比較出色。例如係龍蝦同羊架。刺身新鮮，反而呢榚有d驚喜。（忘記貼上刺身既相）用餐環境舒適，張台夠大，台與台之間亦都唔會好迫。服務態度唔錯，職員會主重問需唔需要幫手（當時拎住碗湯），又會幫我切蛋糕（可能驚我毁滅個蛋糕？講笑）。仲有執台亦算快。價錢方面，匯豐卡有75折，所以算係正常可接受範圍，但如果用正價黎食晚餐就感覺上唔太抵。…Read More

今次係第二次黎食晚餐，覺得值得做一個紀錄。比起連鎖壽司店黎講，玥屋既食物種類唔算多，但係刺身同壽司既質素都唔錯，性價比高。蟹籽沙律比起好多店舖做得好，唔會太濕出曬水，沙律醬既份量岩岩好。八爪魚刺身厚薄岩岩好，爽口唔會靭，有八爪魚既鮮味墨魚刺身比想像中好，爽脆鮮甜左起：象拔蚌、帶子、劍魚腩、三文魚腩、油甘魚腩、赤貝全部都好新鮮，帶子尤其鮮甜玉子壽司呢間鋪頭係一件一件咁計算價錢，咁就可以每樣都食小小👍🏻北寄貝壽司呢間小店會係刺身上劃上一兩刀，我覺得幾好，刺身既鮮甜味係味蕾上更突出鰻魚壽司正常水準海膽壽司一般，海膽今日麻麻地。好彩無叫一板。（上次黎有叫過一板，果次既海膽反而幾好）花之戀份量正常，蟹籽新鮮，三文魚厚薄岩岩好，夾起亦唔會咁易散開三文魚腩壽司睇個樣都知唔錯，有三文魚油脂既香味隔離枱客人想加單時，師傅話無曬三文魚腩，我懷疑最後一兩件係我度隱藏菜單1是日特別菜式：梳子魚賣相唔錯，不過呢款魚魚味有d淡，唔太岩我既口味⋯隱藏菜單2是日特別菜式：池魚都係唔太岩我地口味⋯但睇得出師傅既係用心制作—————————總結：刺身鮮甜，性價比唔錯。推介帶子、劍魚腩👍🏻師傅上菜速度快，服務態度良好。缺點係間鋪真係好細，坐得唔舒服⋯ps:一定要訂位，walkin基本上係無可能有位。…Read More