揀飲澤食's Profile

今晚同屋企人行完街搵日本野食, 終於揀左呢度, 6:30來到, 不用等位.:)壽司好平, 都係$4-$7一件, 當然選擇也不算太多, 有三十多款, 也足夠我們選擇.壽司質素不俗, 飯結實不鬆散, 魚生尚算新鮮. 另叫了一個日式叉燒拉麵及泡菜豚肉飯, 呢兩個就不太好了, 麵質及味道均似公仔麵, 泡菜質感也不似平日吃開的.:(總括而言, 呢間餐廳壽司是不錯的, 可以一試, 其他就不用特意去試了~…Read More

環境：位於賓館一樓，能望到下面大堂，燈光充足，環境舒適，座位間稍為狹窄。總體來說還是很好的:)食物：選擇不多，而且水準也不太好，基本上沒有什麼值得留意的食物，生蠔和魚生也不太新鮮，甜品選擇和水準也不高。:(服務：基本上也可接受，收碟很快，不過排隊指示略欠清晰，被混淆了@@ 而且服務員也不太醒目。本身不抱太大期望，而且 $220 一位價錢算是自助餐中較便宜的選擇，所以也沒得抱怨什麼，如果重視環境的這裡也可以，對食物有要求的話就可以不必特意選這裡了~ …Read More

之前生日，見呢間餐廳食評幾好，諗住信得過上黎慶祝生日點知俾佢破壞左成餐飯要左兩個 set (一個係海鯛, 一個係紙包雞), 另散叫一個巴拿馬 pizza, 一個義大利飯落左單十分鐘黎左個麵包, 我已經奇怪點解有包冇湯. 再等左十分鐘都唔對路, 同個侍應講. 個侍應聽完都唔知有冇幫我跟. 又等左十分鐘都未黎. 真係火都黎. 坐左半個鐘, 湯都未有?? 問另一個侍應發生咩事. 佢走左埋部電腦度 check, check 完連一個回答都唔俾我, 淨係向度望住我. 咁即係咩意思? 擺明自己冇入單, 唔過黎道歉都算了. 講聲都應該掛? 一句都冇.再等多五分鐘先有野黎. 但個主菜依然係三番四請先出黎. 等個主菜出黎已經係我落單之後既一個小時了.服務已經差. 食物質素唔見得好幾多. 個巴拿馬 pizza, d 巴拿馬火腿同芝士都冇味. 但個"香草"就落左勁多酒醋. 擺明特登用黎蓋過成個 pizza 既味，去掩飾材料既不濟. 唯一叫好少少既只有係佢個餅底夠脆，但咁都冇辦法彌補味道既差勁.另一個主菜海鯛, 從佢既外型黎睇，我冇辦法說服自己呢條魚唔係向百佳買返黎既... 我完全想像唔度, 俾成 $170 蚊, 同我向百佳用 $30 買返黎既魚係同一個樣紙包雞同義大利飯既味道係正常既... 不過個紙包雞正確黎講佢係俾左個"紙包雞粒+冬菇"我...而我發覺問題唔淨正係出向我張枱.. 左邊張枱叫左個加哩雞, 但黎左個加哩豬. 人地問佢咁點算, 個經理仲要顧而及他, 兜幾個圈先肯同佢地換過個送. 後邊張枱上左個牛排，但人地食左一口就要求佢換過, 我唔知發生咩事, 但斷估都係方好得去邊, 佢先肯二話不說幫佢換.總括黎講.. 呢間野既佈置係 ok 既. 不過呢... 服務同食物質素真係超唔掂. 我要求其實唔高. 但都接受唔到等成個鐘先有野食. 何況咁既食物質素, 四個人俾 $600 蚊. 真係唔值.. 下次請都唔黎添呀...…Read More

去玩夜行之前想食 d 野, 九點半入去坐低, 環境尚算乾淨.叫左個蔥油雞套餐, 朋友鍾愛拍青瓜, 叫左一個.蔥油雞套餐 $45蔥油雞餐湯味精味超重. 好難飲.蔥油雞、飯 都係凍的, 飯也是硬的. 菜 有黑邊.. 勉強揀左兩條食之後放棄. :(拍青瓜 $12朋友說拍青瓜唔掂.. 青瓜係本地貨, 完全唔新鮮整既時候亦都冇用鹽水浸過... 完全冇誠意.. :(雖然地方服務尚可接受，但食物唔得, 下次不會再來了:(…Read More