Chercher398's Profile

東海薈茶樓坐落於青衣城，擁有寬敞舒適的用餐環境，這裡的點心款式不僅傳統，更是款式齊全。點心用心，小炒有鑊氣，價格方面唔算特別平，勝在樣樣大大碟，味道好，性價比高。佢哋有推出一啲精選套餐，都唔係hea做㗎，所以絕對係要嘗試。服務方面，我覺得佢啲阿姐就認真要改善下喇，個個黑口黑面，可能因為人手比較少，不過而家出面個市真係難做啲嘅，大家都應該多啲留港消費幫襯下香港嘅市度啦。純粹個人意見，不喜勿插。在青衣城的茶樓日漸稀少的情況下，做得到有水準，呢度真係值得一試再試。…Read More

餐廳環境靚，有泰國度假風情，晚燈氣氛一流！又有泰服試著、仲有夾公仔機，打卡指數滿滿柚子沙律做前菜，賣相吸引, 柚子夠新鮮又多汁，份量都幾足，仲配咗乾身蝦米同腰果，食落有啲香口煙煙靭靭嘅口感，幾有層次。惹味得嚟唔太辣，開胃！咖哩牛坑腩配薄餅, 咖哩本身係唔辣，但味其實唔錯，香料味濃又夠椰香，牛腩都算軟淋，不過薄餅就有啲失望😅 可能回熱咗幾次，食落唔夠香脆，口感比較乾實，如果餅可以現煎就perfect。最後係泰式香辣蝦膏海鮮炒河～ 河粉係闊身薄薄嗰隻，炒得好乾身唔油膩，條粉透亮得嚟又吸晒醬汁味，好特別。海鮮方面都幾豐富，有蝦、魷魚同青口，啲料新鮮彈牙，辣度啱啱好，越食越想食！生日月份幫襯，仲會送蛋糕。開頭以為係一個脆脆地嘅細蛋糕啦點不知個蛋糕出到嚟呢係好驚喜呀。糯米飯仲整成 **心形**，擺盤用咗三色糯米——藍、白、綠層層疊起，上面放咗芒果雕成嘅玫瑰花，中間仲插咗蠟燭同寫住壽星女名字嘅牌 (雖然佢串錯咗)，成個畫面又夢幻又有誠意 💛 糯米飯暖暖哋、軟糯香甜，配埋冰凍芒果塊一齊食，口感層次好明顯，甜而不膩～ 一啖入嘴有椰香、有果香，味道好和諧。旁邊嘅椰汁滑滑香濃，淋上去更加加分！整體好食又打卡靚，氣氛感十足，朋友話佢好滿意嘅生日甜品之一 🎉💐 其實佢哋嘅餐牌都有兩大本呀，但我哋只得兩條友，呢度真係適合多啲人聚餐,下次我都會再嚟，雖然佢不在市中心，揸車會方便啲嘅。…Read More

環境👍👍👍 唔太嘈、座位闊、易傾計，氣氛親切, 貼切啲講係有格調但唔拘謹珍珠奶茶: 分凍熱 春水堂招牌。 奶泡厚而均勻，茶色溫潤，奶香與茶味平衡，平常飲港式奶茶係會胃痛嘅我，呢杯真係冇。我相信佢用嘅奶同埋茶都係最靚嘅。我同朋友都order走糖, 我覺得已經係非常出色。圖中係凍飲嘅杯，外型觸感好，又夠大大杯，好正。我本人就叫咗一杯熱飲(原味香醇奶茶)一樣咁出色，必試。小食：鹽酥杏鮑菇及黃金香酥雞都好味，外脆裏面有汁，不過建議一定要趁熱食，味道會更出色。 主食方面，鰻魚飯定食同半筋半肉蕃茄牛肉麵，色香味都唔錯，不過溫度唔夠熱，食落失望。 最驚喜嘅反而係嗰個麻油雞紅藜麥油飯，細份量㗎不過足夠一個人食，但侍應話要即整，要等起碼十分鐘。到餐嘅時候呀啲飯仲係出緊煙㗎，呢個真係正。意外地好食，呢款真係必點之選。講到服務，雖然冇過失但係still room for improvement。原因係侍應想清理檯面。佢建議我哋兩盤食淨一半嘅食物倒埋一齊， 我個friend忍唔住同佢講你好趕時間，今時今日香港地做生意尤其飲食業真係要畀個心出嚟㗎。…Read More

這次湖南菜體驗雖然整體「樣樣大大份卻平平無奇」，但其中一樣菜式卻令我印象深刻，就是蓮藕排骨湯。這道湯的風味相當出色，可以選擇一鍋：三五知己share，亦都可以叫小燉盅： 一人份量。蓮藕當造，煲湯火喉剛剛好，蓮藕口感鬆化但唔爛，每片都有吸足湯汁，入口清甜同帶有湯底嘅深厚肉香；排骨軟腍入味，肉質保持鮮嫩，唔會散但好容易用筷子剝離。整碗湯底濃郁但平衡，對於喜愛濃厚口味的人來說，絕對值得。不過，其他菜式卻有些不足之處。酸菜魚的味道帶著些許雪味及腥味，讓人略感失望；而芹菜炒牛肉雖份量上足夠，但牛肉切得相對薄身，缺乏咬口的感覺，讓整體稍覚普通。儘管如此，餐廳的環境卻是相當舒適，光線明亮且空間寬敞，非常適合與朋友聚餐或辦公午餐。這裡的蓮藕排骨湯會係我想翻兜呢間餐廳嘅一個重大原因。 …Read More

今日同老best去咗葵芳新都會廣場搵食，本來諗住求其搵間坐低大家傾下計，但係我哋又想食多啲唔同嘅嘢食，見到有間茶記menu 嘅選項好豐富,又唔貴,咪入去試下囉。裝修係香港風，好光猛好舒服嘅感覺～今次試咗幾樣招牌菜，真係有驚喜！尤其係佢哋嘅一人份酸菜魚呀。一上枱已經香味撲鼻，配料好足，開頭仲以為會好辣，仲將嗰啲辣椒同花椒逐粒咁夾出嚟，但係試落酸辣開胃，帶有濃郁花椒香，麻得嚟唔會過火辣舌，魚片堅新鮮滑溜淡淡肉，出奇地配料並冇冚過魚片同埋蔬菜嘅鮮甜，你係知道自己真係食緊魚真係食緊菜㗎，真係必試呀。牛油煉奶多士外脆內軟，牛油夠厚夠凍加上滿到滴出嚟嘅煉奶，邪惡指數💯！啖啖都係幸福味，齋食一件都覺得滿足～…Read More