Rabbit Rattie's Profile

2025年6月4日，與朋友來尚悅軒晚餐，其中點了原隻燒雞。 這燒雞是豎起原隻插在一支鋼管上，連在一隻梗盤上桌。 侍應並提供一把鋒利剪骨刀及一些透明手套給客人自己剪雞。 侍應並講明我哋唔會剪，你哋自己剪。 朋友於是出手去剪。 眼見隻雞又油、手套又滑、把刀又利，張餐枱又唔係廚房功具枱，剪起來極不就手，剪刀好易插傷手，簡直險象橫生。 唔明點解酒樓為咗綽頭要令客人置身危險當中？雞是好食的，但自剪並不合適。 此外，有碟炒黃鱔條都好硬，極不新鮮。 有碟餸又好咸。 煮芋頭又唔粉，咬落好「腎」，絕非好貨。 整體感覺欠佳。…Read More

今日下午，叫了兩個豚肉生薑燒飯，一個原味，一個有咖喱汁。原味的，老公食到有兩塊肉有酸宿味，吐咗。之後大家食欲大減，擔心肚痛，都無咩點食餘下的。最後同店家反映，答話廚師試過無事。咖喱味的，咖喱汁多到浸滿啲飯，好難食。豬肉估計是雪肉片，解凍後變壞。講真都唔似生薑燒製法，唔知是求其炒熟定烚熟，無薑味，而且肉質唔林。真係唔知質素及廚藝點差點做飲食。還有個老火湯，味道唔錯，但每人一小紙杯仲要唔滿。80元一位完全唔值。中伏！…Read More

前兩天午飯時間，不想吃飯麵，想吃小食，便到公司附近的東方小祇園買小吃。蘿蔔糕、腐皮卷和豉味齋都不錯。我也是第一次見齋是有豉味。芋角，看來賣相不錯，但可惜入口細嚼就有種亞摩尼亞味，希望店家找出原因，以免食壞人。…Read More

2022年8月6日星期六下午，與朋友到中環IFC翡翠小籠包午膳。朋友先到，坐在最埋邊靠牆的枱，本身張四人枱已經中間有塊膠板，即係同人搭緊枱，一個字：迫。而同隔離枱都係得15cm度，迫上加迫。當隔離枱食客或侍應要出入，就要打側身因爲根本唔夠位。有個女侍應（只是中等身裁）因為身高關係，剛好個「八月十五」就貼住喺枱的邊緣上, 真係提早賀中秋。疫情之中，遊客減少，食店已無良心可言，亦未必理會社交距離。我同侍應講好心你地啲枱唔好咁迫喇, 你個屁股都坐在喺枱邊。她一於借咗聾耳陳隻耳。建議有關當局得閒巡查下IFC翡翠，睇睇有否違規，順便賞下「八月十五」。…Read More

一向幫襯開好彩集團旗下的尖東彩晶軒, 知道原來荃灣亦有一間彩晶軒, 於是路經葵興時便順道到荃灣彩晶軒晚飯。荃灣彩晶軒的裝修頗高檔, 以中國戲曲为主題。我們一行五人, 其中叫了"碧綠炒雙蚌"(大概$128), 蚌很少, 其中一款品質奇劣, 很 "韌" 的, 估計此碟菜帶給了酒樓超高的毛利!!! 另一個是餐牌上聲稱為招牌菜的 "櫻花蝦炒飯" (此飯在尖東彩晶軒是一絕的) 只見櫻花蝦少得可憐, 我還吃到幾塊面積不少的焦皮, 也是"韌"的, 估計是燒焦了的蛋白, 只有嘆句: 竟敢自詡為 "招牌菜", 真是連快餐店也不如!!! 總結一句: 荃灣彩晶軒, 一次無repeat。…Read More