yummyyan's Profile

港九新界都有的街市熟食中心，細細個已經在街市熟食中心打躉的小妹，見證著臨時街市到冷氣街市落成。熟食中心的姨姨叔叔們都很有人情味。今天跨區來到大埔墟，看看有什麼街坊美食～決意來到熟食中心搵食的人，請先準備好幾樣東西。1. 紙巾/濕紙巾 2. 耐性 3. 降低對環境的要求 4. 現金 5.需要搭枱的心 🤭相信大部分港人都認同。話雖如此，但價錢的確比起街外餐廳更親民，我則認為一分錢一分貨，拉上補下，不過不失。食物方面，炸豬排的確是即叫即炸鬆脆可口。炸醬則有少許麻辣，比較乾身。份量和味道對得住價錢。如果尋找上海風味的話，可能會失望而回。如需飲品，須向就座位置附近的餐廳下單。畢竟，熟食中心內的座位已經暗暗埋地劃分區域，這是公開秘密。「過枱」也是常見的香港熟食中心文化。不夠local 的話，被禮貌問候也是難免的🤭下回再試其他檔口😎…Read More

📍堅尼地城一帶無人不曉的尼泊爾小吃店，今次終於😎聞名不如見面～店面小小，承載了老闆和老闆娘的熱情。堂食只有大約5個座位，街坊大多數都外賣返屋企慢慢嘆。不過堂食Pani Puri 同 Dahi Puri就不能夠慢慢嘆喇～香脆的波波（Puri)，釀入特色餡料，再加入凍湯，一定要！原粒啪！落口，否則餡料和湯汁漏出，後果自負了hahahaha（外賣會貼心分開餡料和凍湯，保持波波香脆）據說部分印度餐廳都會有Puri作餐前小食，但餡料就各間店舖，甚至家庭都不盡相同。這間的話，個人喜歡Dahi Puri, 乳酪、紅石榴和酸甜凍湯，配搭得恰到好處，🍃很fresh~Momo 即餃子的意思，分別有豬肉和雞肉兩款選擇。兩者都肉汁豐富，本身沒有辣味。喜歡東南亞香辛料味的話，可選擇🍅Spicy Tomato Chutney作點醬。小舖還有提供兩款飲品和兩款麵食，今次未有嘗試。專誠前來光顧堂食的話，強烈建議揀非繁忙時段。就當天所見，下午6時已經有外賣員及街坊等候取餐。店面只有兩人，繁忙時間，需要更多耐性等待餐點🫶🏻…Read More

高街一直都有很多不同風格的餐廳和酒吧。今天來到附近修剪頭髮前，先覓食一番髮廊員工異口同聲推薦的這一間，小妹當然不會錯過由於單人匹馬，今次只能嚐一個set lunch.小碗餐湯尚算足料，雖然標榜 no MSG, 但仍然有感受到一絲MSG 的味道（心理作用？）主菜點了各人大力推舉的Fried rice Pad Ka Prao, 即泰式肉碎炒飯🌶️ 一上枱見到有煎蛋在飯面🍳馬上加分（利申：雞蛋愛好者～）。肉碎、炒飯和所有香料，已在鑊中完美地炒至均勻分布，不是飯還飯，肉還肉。跟飯有一小兜魚露，不過本身已經很夠味。飯中夾雜幾條大辣椒，怕太辣的話，務必挑走/先告訴店員。 （5小辣已是盡頭的me）辛辣味道，新鮮天然的，跟味粉炒出來的有很明顯的分別很是喜歡，辣得過癮～另加一杯$15 Thai Lemongrass juice, 雖說不是跟餐飲品，但午市價錢來說，十分合理。如果下次再路經西營盤，是會encore 的餐廳🫶🏻…Read More

經YouTube channel 介紹完，更多人都理解。當堂食未能照顧好，不如專心做好外賣/是但一樣啦。為咗出貨快，就煮唔熟都照出餐，咁樣會做壞自己招牌。觀塘搵食好艱難，打工仔一個鐘lunch, 比左十幾分鐘等位，20分鐘等食, 剩返幾多時間可以好好完成午餐呢？或者唔係舖頭無咁大個頭，唔好接咁多外賣。而係客仔無咁多時間，唔好幫趁。…Read More

地方很大，地理位置很好。不過weekend已取消set lunch 還要加一。在食店林立的荔枝角，繁忙lunch time 只有4枱客。韓式拌飯，味道還好，但飯很爛。接近90蚊，沒有飲品，如此質素，可以有更好選擇。不是所有人都喜歡韓星，如果單靠這條水吸客，恐怕站不了多久。 …Read More

一間小cafe,經營困難我理解。但如果在門口貼上 「繁忙時間恕不招待淨飲」或「淨飲限時__分鐘」/「繁忙時間，每人最低消費一個main+飲品」。咁會好過未夠12點行左入去，聽到你叫杯野飲堂食就話”peak hour做唔到淨飲”。我都係未夠鐘上堂，諗住有個空間休息20分鐘咋🤷🏻‍♀️見到好多名人合照，可能老闆做開大生意，呢啲幾十蚊飲品客人，根本就唔算得係咩掛🤨…Read More

專程行過去叫外賣，叫左蜂蜜牛油薯條＋紫薯奶昔。 開始落單已經落錯左一次 ，變左牛油果奶昔  更正完拎到返去薯條變左做熱狗！ 天氣咁熱又餓，已經企係到等左半個鐘打去同佢地講，好似屈佢地咁！一句唔好意思都無！幾黃幾好食都唔會再幫趁…Read More

剛剛開業都很喜歡光顧午市，但可惜愈來愈貴。以前肉燥飯有半隻蛋有隻蝦仔，依家得返啲肉燥。雖然味道不差又有少少特色，但開得係呢到都係想做街坊生意姐。60幾蚊一個午餐唔係個個街坊都食得起，靠附近打工仔/學校老師做支撐，長遠黎講恐怕支持不住。…Read More