手機上傳的個人專頁

嗰一晚，仲諗緊食啲咩我：不如打邊爐啊，我想食牛你：不如簡單啲KFC就算你嘅不如，其實係咪就係指示？你：唔好煩啦，咁食炸牛啦感謝你嘅EQ同我嘅IQ今晚係享受食物，唔係罵戰Well炸牛，要我揀去食吉列牛嘅話我寧願過嚟呢度炸個牛腩咁你要食雞就滿足埋你啦亞南嘅無敵組合炸牛腩加竹笙花膠雞湯只要配上喺門口嘅一個車位可以肯定會係一個完美嘅晚上呢個組合唔記得已經食過幾多次只係踏入夏天呢兩個月冇嚟過炸牛腩一貫嘅外皮夠脆，內裏牛腩炆得夠入味夠身竹笙花膠雞湯＇眼見嘅足料，品嚐指引可參考上年嘅紀錄。其實唔想食KFC，係因為好熱氣個口會刮損俾我發現咗個有趣嘅安排將炸牛腩厚皮部份浸落個湯度就好似蛇羹加薄脆咁Well，我諗下次兩個人嚟都要一人一份炸牛腩…查看更多

喺綠怡居放低咗個朋友正想離開大西北之際轉錯咗個路口，入咗藍地大街心裏咒罵住前邊將馬路當行人路嘅人ssssss臨到路口之際，見到呢間鋪門口大大隻寫住$98一隻雞。咁就試一試佢？一坐低見到原來要半集都得，只係$50咁梗係嚟半隻試一試先落單就車隻雞落炸爐10分鐘左右就送到你面前新鮮炸起個皮就梗係脆啦夾起俾你睇，紅骨，滴汁我諗都唔使再文字描述值得配薑蓉同埋汁醬都有心意猶未盡，雖然豉油雞已經凍咗都要半隻試試佢淋上溫熱嘅蜜汁油雞個皮反而有啲厚度肉係嫩嘅，但係豉油味唔算好入到啲肉度有啲期待佢出爐時嘅表現總結一句返嚟試多次隻豉油雞同埋未食到嘅燒腩See you next time …查看更多

長眼界的體驗，唔知會唔會比老闆拉黑的點菜推薦。😂兩個炸物都係比大多小菜館更好既質素。椒鹽鮑魚炸衣輕薄剛好，重點係火路精準僅熟，輕輕裹上椒鹽，唔洗喼汁已可清碟。如果要追求更好，可能要去六福摘星了。脆皮牛腩更加高難度，除左炸功之外，牛腩既選材同準備功夫影響住成品既完成度。上枱既一舊野，夾出一片睇睇就知道乜料。香料氣味充足，炸皮厚而脆加強左牛腩既口感。炸物完食，應該胃口已開。叫雞煲？不如叫個湯飲啦。竹笙花膠雞湯（煲），個人黎講覺得升級新鮮雞好抵（去開買餸就明）。小資級別建議食法。火鍋店既好處係每枱都有個電磁爐，可以等個雞湯慢慢滾起。滾起之後較到一千火等多五分鐘，就可以飲湯食雞。雞肉剛好，花膠爽滑，竹笙吸滿了雞湯，而個湯係有厚度既。記得要同時間競賽咁享受啲雞，盡量喺飲完三碗湯之前就啱啱好。而花膠果時就變成淋滑版本。兩口子撐枱腳既話相信好夠皮。好胃口嘅叫店家加點雞湯，淥多個烏東一定夠。如果唔係隔離枱傳黎陣陣麻辣雞煲既香氣。你真係唔會覺係一間雞煲店。…查看更多

晚市堂食終於放寬。唔洗自煮或者外賣。銅鑼灣街頭終於唔係死城咁。行走於登龍街上，間間堂食都可以直入唔洗等，食肆要捱過呢關，都要大家多啲消費。見店員最落力招客係呢間，就入黎。比舊時白楊街舊店光猛多了，店員年輕左一截，服務亦殷勤得多。主膽一定會叫花膠雞煲翅。要半隻雞先食得過癮。見有新產品香辣花膠豬紅，就加多個。本身想加齋米粉。店員問試唔試吓撈刀削麵，咁就留多個XO醬海三絲撈。兩人晚餐，足夠得很。花膠雞煲翅實屬冇得輸之作。在火腿既加持下湯濃味鮮，雞肉剛好不過火。花膠同翅仔焗得夠身。香辣花膠豬紅有驚喜。豬紅係小時候車仔面既有味豬紅。花膠比沙爆豬皮高級點。撈刀削麵呢。海蜇絲同海參絲加強左口感上既效果，如果XO醬落得在慷慨啲會更好。食到咁上下先發覺原來三味都有花膠。今餐真係骨膠原滿滿da。聽日起身皮膚應該好似剝殼雞蛋咁滑…查看更多

想當年同一地點既伊呂波，一位難求，滿席得人聲鼎沸，抽氣再給力都煙霧瀰漫。數載之後，再來這肉料理廣，枱櫈佈局好像沒有多大改變，燈光對比大了，空氣油煙沒了。跟伊呂波同壽司廣既關係，重要嗎？不如食過先講？差不多人人皆點嘅二人套餐，叫價人均六百，八款燒肉，兩貫火炙壽司，不便宜，但係飛驒牛，值！標記十分清晰，有大路既肉眼西冷同里脊肉，亦有名字有趣嘅代表，譬如友三角，和尚頭同龜之子。睇相都見到油花分布得好靚。燒過之後，始終都係霜降肉眼油香最出，和尚頭肉味最重，友三角就最精彩合兩者之大成。野菜拼盤嘅南瓜同地瓜都不容錯過。最風馬牛不相及既係套餐升級選擇竟然有芝士火鍋。配上既唔係法包而係日本面包。好奇心驅使下就加黎試下，六個圓包烘得熱烘烘，外鬆內軟。就算唔配芝士火鍋都可以一口氣食晒六個。如何未食曬啲牛，夾塊係中間再加啲芝士醬。真係this is heaven!…查看更多

「Yeah, she's a real fine babeYo, wish me luck to all your ownCan you hear me out there?」在深入大西北三聖既長征路途上，播到手機歌單上呢首十五年前既老歌。食罷這餐。共鳴感爆燈。每一遍來泰海鮮。一味總不能少。一定係海鮮湯！呢個番茄薯仔底，配上雜魚、沙白、蝦、尿蝦去煲。根本冇得輸。「Charm me charm me you make me crazyHow can I say I love you want youHow can I say you're beautiful beautiful'Cause when I see you you make me melt」Encore得最多既一定係白酒忌廉煮花甲。基本上配乜粉面底都好食。烏冬底清啲。煎米粉底香口啲。面底就脆啲。但係比著係我就會就咁叫個白飯。白酒既香，忌廉汁既滑，花甲既鮮。撈飯係最直白既共鳴箱。汁搶曬，飯仲有淨。食海鮮從來唔洗擔心。因為簡簡單單蒸個蒜蓉粉絲元貝。啲蒜蓉豉油已經足夠去清埋佢。元貝越食越大隻。又夠厚肉又鮮甜。當然啲粉絲都係吸曬啲精華。泰海鮮啲粉絲唔小器。唔洗打交爭「愛上殺手超過限期後除非今天你手槍生銹我怎得救何時下手請決定時候如子彈足夠攤位裡的木偶　多準確無敵手」食海鮮唔洗擇日既，有子彈就去食。享受下啦！…查看更多

八月下旬，連日下雨不斷。再不能再叫外賣，出門食個午飯，黎到呢個近來不少好評既小店。店是小，廿個位都冇，亦背貼背。食個快lunch沒多大問題。流量快，人手充。坐低已經準備好幫你落ORDER。第一次黎梗係試下當打既皇牌套餐。沙薑雞頭抽雞都試下。師傅手起刀落，應該五分鐘唔夠五分鐘，四份餐已備好食得。雞肉唔少亦平均，每碟背胸脾都有。唔洗怕冇肉得骨。對於唔鐘意加薑蓉同點沙薑醬既我，豉油雞更對口味，一於黎多半隻。睇相都對版，脾肉當然好食，胸亦嫩滑唔會鞋。你可能會味咁雞味濃唔濃？呢個價錢你唔會咁天真有新鮮走地雞過你食呀嗎。冇雪味有啲雞肉味，呢個價，冇得輸！…查看更多

對外國朋友黎講，中國嘅傳統節日係十分之咁interesting。亦都係一個非常之咁好嘅話題工具。所以對住外國客，佢哋收到你盒月餅，珍惜程度係比香港人超出十倍以上。而家我經驗入邊呢，金記個包裝，已經贏咗九條街。低糖雙黃白蓮蓉。蓮蓉夠滑唔算好甜，蛋黃夠油。入面有埋刀同叉仔。一盒月餅已經係一整個下午既談資。有盒面嘅嫦娥，講到一黃、兩黃、四黃。到冰皮、奶黃、雪糕。係外國人嘅眼中都竟然係鍾意傳統嘅月餅（同埋個鹹蛋黃）真有趣。！…查看更多

某日見IG有人打咭呢到既梳乎厘。見係附近食完飯就黎試下佢。梳乎厘命名為得意忘形。叫呢啲甜品等係預左嫁。又果真未夠廿分鐘就黎到啦。當然印左呀老夫子嘜頭上去。色水夠又香。切開一睇。夠鬆夠輕身。微微橙香配上雲呢嗱汁。唔錯。見到仲有個有趣得很既另一款甜品，名叫龐然大物既火焰雪山是也。上枱後淋上點左火既酒。成個場都洋溢住酒香。視覺同嗅覺先行享受。忌廉經火燒後帶焦香。搭上在旁既鮮果一同食用。Very Nice!…查看更多

沒錯！是說食物的說。這晚又入左三聖食海鮮。這三道很黃很暴力的海鮮菜式的確係正。但係受唔受得就睇人啦。先來既係鹽焗奄仔。從外表看起來又何來黃呢？ 橙紅的蟹殼散發著人有口水嘅香薰。拎起半只。中間是黃澄澄既蟹膏。香滑的很。膏足肉也結實。在鹽香帶動下單挑兩只毫無難度。再黎既係黃金鮮魷。高呼膽固醇萬歲的一味。鮮魷夠厚身。爽彈鮮美。用薄薄既脆漿保護下走油剛熟。推上一層香濃既咸蛋黃金沙。那有唔好食既道理。唯有忍口少食兩件要澱粉質下肚嗎？黎個芝士焗龍蝦啦。但係每次呢一味最早清光既唔係龍蝦亦唔係芝士。而係吸滿左龍蝦汁同芝士香既伊面底。用伊面沾滿芝士汁包住舊龍蝦肉一啖放入口度。果種味覺嘅爆炸真係冇得頂。…查看更多

戰友跌倒入廠係浸會攤抖緊。係咁而都要例行去探下。的士去緊之製。見到個好熟悉嘅招牌。橫掂未齊人就早兩步落車醫個肚先。真係唔知幾時呢個位開左間金記。梗係叫我至愛既喱腩丁。牛腩同薯仔一如既往既夠味夠腍。面爽仲好似比平時多左汁。撈得得別過癮。整多個羅宋湯飲下。足料夠濃唔會水淡淡咁。水準同西環一樣。臨走仲打包多個比呀傷者。佢一見到對眼真係發光。成間病房都係咖哩味。恨死隔籬呀⋯⋯最搞笑係隔離床問係邊到買。叫人探病唔好拎葡萄適買金記…查看更多

收工已經九點。做到個人冇乜胃口只想飲返杯。諾士佛臺一行吵得可怕。目標轉為樓上。想起abebe冇乜人既live。上到去竟然多人得很。隔黎返而可能過左晚市冇乜人。咁就唔好行。坐低啦。工作已經很苦。酒精來點快樂啲既。梅酒酸中帶甜。加冰平衡左口感和甜度。冰冷既一杯下去。酒精開始發動。胃口反而有返啲。咁就叫啲野送下酒。雞泡魚乾稍稍燒過。香氣十足。邊邊既微焦位置更加吸引。略嫌切得有啲過幼。粗條應該口感更佳。叫多個燒鰻魚咬下啦咁。係咪成田黎既我唔肯定。但係真係令我諗起當年飛東京成田之前有時間剩。去食個鰻魚飯先相機都真係幾過癮。唔知幾時先再去呢。埋單六百。一枝兩碟算係咁。見隔幾枱席前燒都幾香。可以下轉黎試下食個正餐既。…查看更多

當西貢同鯉魚門旅遊巴一車車。用廣東話再落唔到單既時候。香港人食海鮮唯有轉去更在地既角度。好似鴨脷洲同三聖。而呢兩處除左海鮮處理技術老到之外。更係有其他拿手野。三聖呢到幾枝旗既拿手野各有不同。有燒鵝又有或野好似呢到既豬扒。差唔多成舊水一碟。叫得做必食豬扒，你會唔會唔叫？為咗唔識海鮮嘅朋友仔我哋叫咗一碟碟。（唔食海鮮都唔知你做乜黎）咁一食就梗係食豬扒先啦。肉質鬆化。冇雪味冇鬆肉粉味。收貨有餘啦。最盞鬼係面頭啲炸香左既銀魚仔。仲有旁邊嗰啲走咗有甜得來仲爽口嘅洋蔥粒。淨係呢兩樣野成疊我都食得晒。海鮮呢⋯⋯夠新鮮。火候夠到位。成日都覺得食海鮮真係唔需要驚喜。做返應該做嘅嘢已經好好啦。成餐最令我印象深刻嘅。竟然係平時送俾你飲嘅魚湯。想當年香港仔魚市場食堂嘅一桶雜魚湯。雖然已成絕響但係始終令人念念不忘。今次呢個魚湯。啊！應該係海鮮湯先真。唔單止唔係送。仲要收你成＄20一位。但係可以同記憶中的味道黎個大比拼。分到第一碗。梗係炸炸臨襯熱飲。魚味唔夠濃但係鮮味更有層次。亦都有一種好熟悉嘅味道。學星爺話齋。飲得快更係要添啦！分到多一碗再細味之際。湯料曝光即刻明白晒。原來除咗魚之外，仲有沙白，同埋一隻有膏嘅賴尿蝦。鮮味嘅層次就係由此而來。而佢就熟悉嘅味道就係屋企成日飲嘅蕃茄薯仔。有幾好飲？我諗我一個人可以飲到四湯碗。淨係呢個湯已經係一個需要返嚟嘅理由！…查看更多

呀滔滔話打邊爐最緊要個爐。我估大部分人同我一樣都會覺得最緊要係啲料。料正就白水淥都好食。今晚啲料係正既。湯底都唔錯。只係隔黎枱個沙爹真心好香。香到我想夾塊牛過去淥！而今日用既係蟲草花雞湯同胡椒豬手。蟲草花雞滾左十幾廿分鐘就咁飲都幾好味。胡椒豬手就夠香但係唔辣。不過湯底黎講ok la。成枱牛魔王。一開爐就叫牛。唔洗諗一定係要個塔試一試邊款正啲。頂層係牛腩粒同胭脂粒（即係平時啲骰仔牛肉粒）。牛腩粒要煲廿分鐘。個湯有冇出到味就唔知。但係粒牛腩咬落肉味夠。唔柴皮。胭脂粒合理期望係更好。三四分鐘。咬落仲有肉汁噴射既。中間係牛脷同滑牛。牛脷爽身味濃。合格！底層兩碟要追加。咁梗係正野！特級手切肥牛。簡單直觀啲姐係頸脊。各人口味不同。有重口味朋友話佢唔係肥牛唔夠肥。我就覺得好夠。重點係夠平衡。有牛肉質感之餘唔會纖維粗。油分同肉味既比例。呢個係頸脊吸引既地方。爽脆金錢牛𦟌。呢個係亮點中既亮點。平常食牛𦟌好忐忑。因為一淥一縮細到搵唔返。一係食完就要搵牙簽因為啲筋位易攝牙。而安哥得既就梗係唔會係平時果啲。大𦟌位雙飛切法。唔係丁屎咁細塊會縮到唔知去左邊。同埋唔會太厚。令筋既纖維唔會太長。縮水程度冇咁勁。話唔縮你都唔信啦係咪。同時因爲纖維短。冇咁易攝牙同會爽好多。爽脆金錢牛𦟌真係實至名歸！真係不要再說了。叔叔北行鳥。好想要個沙爹湯再食多轉…查看更多

話說面書個回帶功能真係好幫到手聚下啲朋友。友人見到上年個食評。咁快又一年。即係吹雞原班人馬同樣地點再食多餐。唔好講咁多飲返杯先。唔知係人老左一歲定個個扮晒嘢。竟然面紅紅咁話夠再飲。大家唔知係咪太耐無見。講野多過食野。話叫啲野咬住先點知就淨係食左呢兩味。秘制豬手皮爽肉腍。夾埋生菜蒜片食真係冇得輸。menu上數一數二貴既item但係分量真係大。而且啖啖肉。夠麻甩確係得。紅炆牛肋骨又係啖啖肉加夠骨又係得。友人見有三大舊蘿白。話如果都係肉就好。點知馮一聲就比人夾埋。絕對夠曬火。肉又腍。蘿白又入味！其實我仲想燒下肉。不過班友竟然話要返去湊女要走。唯有下轉啦…查看更多