Anniep's Profile

放咗工之後男朋友話想食呢間韓國餐廳，話係韓國過嚟好出名。叫三三。一坐低男朋友就投訴話book唔到枱，如果要食燒肉就要上網book枱，但佢又唔知點樣book，所以最後就要食鍋物。我出發之前都嘗試想喺OpenRice度book枱，但都搵唔到途徑。 但即場book嘅話出面都有10幾個人等緊，唔想排隊。咁好快就叫咗土豆脊骨鍋，加泡菜同金菇，本身個湯都有西洋菜唔使另外加。等咗一陣加熱之後，就是飲啲湯湯，都舒服嘅，但唔係話好特別。之後些埋D 啲肉啦，其實即係泰國嗰個火山排骨，一模一樣。啲薯仔冇想像中咁驚艷，都係普通薯仔味，金菇都係不過不失。反而佢個冷麵係幾好食嘅，個汁同啲麵底同啲配料都好夾，我一個人都食得晒。另外加咗杯$40嘅柚子汽水，本身諗住覺得好頹，但係都幾好飲，但係都幾細杯飲兩啖就已經飲到底啦。咁樣埋單都食咗$500左右。…Read More

基本上每個星期六日嘅午餐都會有一日喺度解決，我會當自己係半個熟客。應該都黎左食五、六次蒸肉餅飯，雖然份量就唔係話好夠，但係調味都好有喺屋企食飯嘅感覺。 不得不嗌嘅係佢嘅炸雲吞，超級好食，好香脆，啲魚肉又好彈牙，超級好食。另外都會加少少錢飲杯柑橘蜜。通常食午餐都會送一碗餐廳。都試過食佢嘅黑椒牛脷飯，雖然係頹飯，但係係呢個價錢，性價比算好高。亦都試過佢嘅泡飯，都係好足料嘅。但係佢嘅營業時間比較短，通常三點前都會閂門，有心黎食嘅就最好一點左右嚟啦，如果唔係好多好食嘅嘢都會賣晒…Read More

年初二，落大街睇下有冇咩鋪頭開，想食個晚飯。咁岩就見到泰國菜，開左咁耐都無食過，就入左去食Dinner 。柚子大蝦沙律🌟🌟🌟🌟🌟係我心目中既泰式沙律味，好開胃，好夠酸，D 柚子好甜，Size 岩岩好👍🏻，好足料，有幾隻蝦。蝦醬炒飯🌟🌟🌟🌟因為怕葉肉碎蛋飯太辣，就叫左呢隻炒飯。中規中矩，叫得太多野食，要打包😂。D 豬肉鬆可以多D 就好 ～香葉炒牛仔粒🌟🌟🌟🌟好食既，份量唔算多，肉質都鮮嫩，調味OK，好左好多唔同蔬菜炒冬陰公🌟🌟🌟🌟我唔食得辣都覺得完全唔辣，好甜香檸味😂😂，但都幾貴，中湯碗都要98 蚊一碗泰奶🌟🌟🌟🌟我唔覺意倒瀉左一杯，佢地都比過一杯新既我，好感動。味道可以再濃厚d 就更好…Read More

同朋友聚會幾好👍🏻今日同d 舊同學黎食炸雞，有幾款特定既可以叫half half ，個蜂蜜牛油炸雞非常出色🍗，好香既牛油咪，D 雞都好嫩。另一款辣蒜炸雞就Ok la ，都香既，但食落無咁驚喜。另外叫左個Sun Tomato Pizza，D 芝士多到不得粥，3 位女士食就要有一位係大胃王先食得哂😂。 味道唔錯，但食完勁飽。最後叫左個lunch set 元祖奶奶意粉，味道唔錯既但都係我地叫d 野太膩😂。包一杯冰茶，味道唔錯。整體黎講水準唔錯，推薦蜂蜜牛油炸雞🍗🌟🌟🌟🌟🌟…Read More

住係鴨脷洲，睇到IG 話海怡工貿頂樓原來有個好岩打卡既地方，就順便去埋TreeCafe 飲杯野，食份Salad，打個卡。好想講佢杯Latte 賣緊38 蚊咁大杯真係好抵飲，當然唔係人地出面精品手磨咖啡既質素，味道非常一般😂，但如果純粹想搵個地方坐下，做下野，睇下海，呢度個性價比一流。之後男友口痕叫左個Avocado Chicken 沙律🥗，我覺得都係一般。佢就叫左一般熱咖啡☕️，又係勁大杯，好抵飲，味道好一般。大家都係想黎睇下海景，睇下日落，打下卡。…Read More

高質Cafe 鹽燒三文魚配三文魚飯真係唔得😂。味道太寡，唔太岩口味。其他食物質素同飲品都好好味。溫泉多卡邦尼係好食既，d 汁同d 意粉都處理得好好👍🏻。海鮮配黃薑意大利飯都好出色，d 飯既濕潤程度處理得好好、味道都好好，如果可以有重d 廿芝士味就perfect 池。值得一提既係佢既冷泡茶都好好味，有少少麥味，唔太甜。最開心最期待就係個士多啤梨Waffle，好符合到我既期望。好後悔無叫多一球雪糕🍦。下次會再黎試埋其他食物。…Read More

特登係大埔站坐小巴入大尾篤BBQ，等小巴都等左15 分鐘，落左車之後行5 分鐘左右就到。一人150 蚊左右，話限時3 小時，但果日星期六人流品係好多，遲左30 分鐘左右走都無計超時錢，幾好。睇到人地燒香蕉好開心，我都燒埋一份。三個人都係分到一條香蕉，但其實都夠食，燒完拎比前枱，佢地會加朱古力醬同彩色糖碎落去。賣相好好既，但唔知係味我燒得太耐，d 朱古力好快溶晒，變左水狀，就怪怪地😂。其實食物quality 都好好👍🏻，比一般燒烤店（麥師傅）新鮮。 仲有好多飲品選擇添（最緊要有啤酒😂）…Read More

世間少有良心小店：雖然佢地做埋呢個星期就唔做，但我都想寫埋最後既食評作為最後既支持。香燒雞皮蝦膠：蝦膠燒果時入面塞左香茅，好香口，外面用雞皮包住，燒到脆哂，完全無哂雞脂味，好特別既手工菜。醉鴿：我諗我唔會再食到咁好食嘅醉鴿，食過返唔到轉頭。宇宙無敵好食生腸：我不嬲都好鍾意食街頭小食，生腸。但係第一次喺舖頭食到咁厚肉地，咁香甜嘅生腸。絕對係全香港最好食嘅生腸，好食過肥姐生腸10倍左右。入咗餐廳就會發現大部份都係食開嘅熟客，氣氛非常之好。從來冇喺香港見過一間咁有人情味，服務態度咁好，食品咁高質嘅餐廳。另外，如果你係鍾意飲清酒嘅朋友，一定要黎試一試。…Read More

去完airside ，行左去新蒲崗食好出名既陳儀興。去到見到menu 好多野食，睇左好耐。侍應好熱情咁介紹我地食沙尖魚，有大有細，我地怕咖岩食，就叫左條細既試下先。都真係好好食，係用豆醬、芫茜、紅椒半煎煮咁整既，肉質鮮嫩，好香口，係岩season 先有呢味餸。好後悔無叫大條😂。之後食男友最愛既螄蚶，會比埋個鉗，佢食得好開心，自己食哂一碟。佢話係潮州嘢招牌菜。呢排佢賣緊嘉士伯既純醇滑，男友話好飲，飲左三支。當然有用滷水鵝片拼盤（加左鵝腸同墨魚片）黎送酒，不是太驚艷，但都好食既。單純佢個擺盤無放d 鵝片係最頂，覺得有d 美中不足😂。…Read More

今日去airside 潮聖，想食西餐，一search 就見到呢間零負評既cafe。入到餐廳，鋪面唔大，設計簡單，坐都舒服既。去到鋪頭，叫左French Toast ，Garden of Avalon 。 男友叫左黑松露意粉同Americano 。個黑松露意粉係好食既，黑松露味都濃，個醬同味都調得好好。但個意粉唔知點解一上就已經係斷哂，一條長既都無… 令口感無哂。有冇人答到我點解d 意粉會斷哂？ 勁短。French Toast 係敗筆。認真麻麻地，食左一半都放棄左。D 生果都新鮮既，個醬個味好似yogurt ，但都幾膩同厚身。但最fail 係個Toast （包底）完全無烘焗過，成塊都好軟，好林🫠，好似食方包既感覺。成件事好唔夾。 應該要焗到乾身，脆脆地，硬身先襯到其他配料。…Read More

尋日同男朋友特登去黃埔朝聖，喺黃埔站出口行咗冇耐，就見到個鋪面，唔難搵嘅。入到去佢大概得六個吧枱式座位咁，杯凍水都好夠凍，但係個冷氣吹到正就略嫌有啲凍得滯。我叫咗個鰹魚拉麵，男朋友叫咗個雞白湯拉麵同一份大阪燒餃子。鰹魚湯底都可接受，但係覺得有少少偏苦，夾住啲柴魚片一齊食就比較平衡啲囉個味。拉麵入邊有兩片豬肉叉燒，一片雞肉叉燒，味道都唔錯，由其是雞肉叉燒尚算嫩滑。但係啲蔥花就略嫌粗鞋咗少少，可以揀啲更幼細嘅蔥花比較啱口味。個日本雞蛋都算係出色嘅，流心蛋，係堅係日本雞蛋嚟嘅，處理得唔錯。但無咩話食完無咩特別既感覺。雞湯都Ok 🐓，我始終唔鐘意飲太杰既湯底，但男朋友就覺得好好味🤪 ，餃子不過不失，都煎得唔錯嘅，唔會好林，味道都還可以一試…Read More

想搵間好D既餐廳同朋友食餐生日飯，而且因為朋友偽醫護人員有８折，就選擇左呢度，４個人食每人３８８左右。係奧運地鐵站行過黎都要大約都要１０分鐘左右，地點唔算難搵，係奧利坊附近。呢度既裝修都幾好格調，餐廳中間有表演舞台，環境比較暗，部份枱會有鮮花同蠟燭點綴。一入到去同侍應講我地有準備蛋糕，要收切餅費$100蚊，侍應都好細心咁係咪要surprise or 比signal 先拎個蛋糕出黎，其他餐廳都無問到呢Ｄdetails。我地叫左sparking wine 同一支白酒，都幾好飲。前菜叫個法式熱融芝士面包，好食到喊，從來未食過咁好食既包（本人平時十分討論叫包）。建議加多３８蚊加多５塊包，我地叫左refill 一次包，但到既時間Ｄ芝士已經凍左（但都好好食）。前菜另外都叫左一個埃及風沙雞棒，呢都叫食既，但就一般般，不太驚豔（炸得好勁，都幾熱氣，哈哈）。主菜我地４個人就叫左３個ｍａｉｎ　ｄｉｓｈｅｓ（因為有蛋糕就唔叫太多）。1. 大啡菇飯燉飯：比一般西式餐廳（Simxly Lxfe）好食，Ｄ菇同飯處理得好好，好香同質地好好，而且比較飽肚。2. M5 和牛腹扒：serve 果時已經切好哂片，同樣處理得好好，肉汁鮮嫩，同朋友幾分鐘就食哂成碟。3. 農家鮮三黃雞: 呢道菜就花左我地少少時間開隻雞同分，我食左雞脾既部份，同樣食煮得岩岩好，保留到雞既鮮嫩。整體黎講食品質素非常好，如果份量可以多Ｄ就更加抵食。好食到我有社交平台follow，發現佢地有租場搞婚禮，好有興趣。…Read More

尋日做完Facial，搭電梯搭左好耐終於想l上到希慎11樓嘅food court 。威姿對於我來講唔太方便，但係如果你平時喺希慎行街, 行咗咁多層上到去都應該啱鐘數食飯。行咗一round food court 之後，都係會揀返食Coco嘅。睇完佢嘅Menu，就發現佢其實冇下午茶嘅。咁坐低之後服務員就會比一杯水and Menu你。選擇都好多嘅呢間咖喱屋，有沙律, 其他主要都係咖喱飯，食過咁多次，都係覺得食有肉嘅咖喱飯會比較飽肚。咁我就通常都會叫牛肉咖喱飯嘅呢個配搭啦，咁今次就試咗牛肉洋蔥咖喱飯，咁我咁我叫waitress 來嗰時夠佢都有問我駛唔駛減份量,因為可以減$5蚊或者你可以加返飯量就加$10啦。咁我就叫左標準份量，唔使加錢，即係有時300 g 嘅。咁你減返飯量就係有200 g咁樣囉。咁佢都有問我食幾辣，我都係叫落標準就得。咁我等左10分鐘左右，但係啲肉片得四塊左右，咖喱汁就好多嘅。呢個餐你原本就$68啦，但係佢會收+1服務費嘅，咁就收成70幾蚊啦咁我都覺得幾唔抵嘅。…Read More

鋪頭一川都會駅商場去健明邨方向，位置好方便，喺鄭譚仔對面。比起譚仔成日要等位，呢間反而人流不多，經常不用等位便可入內進食。鋪面係落地大玻璃所以成日都可以睇到出面有人喺度行嘅情況，當然啲人都會望返入嚟。通常同男朋友兩個人一齊食。因為有會員，所以tablet 落order都好方便。而且壽司上枱上得好快，用料新鮮。通常會點三文魚刺身、炙燒三文壽司、炙燒牛油果軟殼蟹卷，甜蝦其他都好好食。選擇比食爭先多，刺身雖然好新鮮，但壽司下面舊飯成日都好鬆，一夾過去豉油碟通常都會散晒。…Read More