phy28's Profile

約左幾個朋友一齊返去揾返啲童年回憶，記得讀書既時候食炊豕店覺得好貴，而家出左黎做野，反而覺得係銅鑼灣呢啲旺區可以食到咁既質素既食物，真係性價比好高。門口既感覺同以前好似，特別係門口呢個點餐紙既setting ，個時好多人迫係到揀食咩，個模式都仲係一樣。話得要揾回憶，緊係食返最原始既味道啦，呢個蔥油豬扒飯真係無得輸，仲係成座山咁多豬扒，特別係啲蔥油，真係多到跌曬落黎。平時出面食個啲可能得個少少，成碗飯都唔夠撈，呢間就唔同呢，仲多過飯，每啖都有味，最啱重口味人類XD。不得不講下個豬扒既厚度，係好認真既成吋厚，唔好以為係炸粉扮肉個啲一般貨色。唔好覺得厚豬扒就一定會好柴，呢個係軟熟唔會實的的，仲唔會個朕鬆肉粉既味，各位食肉獸可以一試。仲有呢個酥炸鳳尾蝦，勁大隻，好香脆，最好就一人一隻就夠了，約夠三個朋友就啱啱好，唔洗爭。野食都算有得揀，唯一美中不足就係飲品冇咩選擇，好彩都有可樂飲。如果有凍檸茶個啲，可能會更加正~…Read More

夜晚既旺依然係人頭湧湧，上左二樓個條食街，緊係由頭買到尾，再行一圈之後返黎攞野飲啦唔知係米好耐冇飲過台茶，又好想飲甜野，以前飲開微糖，今次叫左半糖諗住會啱啱好但原來啲珍珠唔係超甜個隻，係淡淡地既甜味個種如果怕甜都唔洗驚，可以少糖就OK了唔知係我錯覺定點，覺得清玉個杯特別大，飲極都仲有咁XD …Read More

每次check in完，都會落返接機大堂到食一食Délifrance 既早餐通常都唔洗等位，三個人叫兩個餐，再等到上機食野就prefect 喇都幾多野食揀下，睇你有有時間喇，有時間就叫個餐，再食埋杯野就啱啱好趕就可以係收銀前個食物櫃買走食，同出要市區啲餐廳差唔多價錢，又唔洗入閘食貴野唔鐘意飲咖啡可以飲果茶，小小酸甜果味屋企人就最鐘意食牛角包，呢間啲牛角包唔會油淋淋一pat野咁，都可以一試嫁至於個雞扒通粉就不過不失，湯底唔會死鹹，雞扒都幾juicy …Read More

Pepper Lunch個鐵板真係好熱，如果平日好趕時間真係食唔到。但咁啱今日唔洗返，好想食一個長長既lunch記得一定要瘋狂落啲汁，咁啲聲先會係咁滋滋響XD都仲係熟識既味道，同埋熱度，個鐵匙真係熱到癲呀，大家都要小心食用呀…Read More

沿住利園個邊行過黎，一路聞住丹麥個陣油炸味，真係好想食炸野雖然話呢間既牛肉麵值得一試，但真係好想食炸野 叫左個"豆乳鹹酥雞肉燥飯" ，見到豆乳呢兩粒字，真係有啲驚中伏但都係好食既，啲雞唔油，細細粒入面唔乾，唔算話好juicy係好食既鹹酥雞，好好笑咁，侍應哥哥倒左一粒鹹酥雞落地下，攞個細碗仔裝返幾粒黎唔通我個樣真係咁sadAnyway 多啲黎密啲口…Read More

行過女人街，是但揾一間唔多人既食下野，都係為左吹下水入到去個環境係好大既，唔算坐左好多人比侍應發配左去邊疆到坐非常貼心咁比左幾杯水，等我地一路飲一路諗記住，心情要似外國食飯咁，唔好急，用內心既念力呼喚，再加上殷切既眼神佢地就會知你ready叫野食呢間日本野貫徹左港式日本菜既奧義首先係吉烈豬扒飯然後，黎一個豬扒滑蛋飯唔好睇錯呀，唔同野黎嫁 都算多野揀既，唔想諗都可以參考下是日套餐吖大致黎講幾好，冇人會係你身邊行來行去，又唔會話好急咁叫你落柯打啱曬啲選擇困難重症病人，同埋站長們一齊黎食，又唔怕阻到其他客人…Read More

下午茶唔貴既，係有限既選項入面，都叫做可以一試既望落紅卜卜，係個種越食越辣既味道份量都幾多，細食少少既人應該食唔曬環境尚可，計返人口密度黎講，可以話闊絡既始於都係寸金尺土唔係食飯時間黎，都算人滿啦食定唔食自己決定…Read More

尖沙咀雖然有好多野可以食，但突然好想食烏冬，是但search一間雖然要係isquare坐好多條扶手電梯先可以上到去，係有少少唔方便，但諗一諗個價錢 OK 識食緊係食淨烏冬啦，窮吖麻 加多幾粒蔥花，就好似加左餸咁 食到一半加啲蔥落豉油到，又可以轉下口味一味N食，任你玩呀~鐘意加粒蛋或者加罐紅色既可口可樂 都係$40  …Read More

呢一間餐廳地理位置唔算好方便，不過人流唔多，都幾安靜但如果想係灣仔揾啲安靜既飲酒吹水餐廳，港灣道呢邊就啱曬喇雖然同地鐵站有一啲距離，但同碼頭好近XD講返啲野食先，算係幾有水準，炸雞大大舊，最緊要係唔乾，配啤酒啱啱好呀但唔係好韓式，如果係想食正宗韓國菜可能就還好 環境氣氛一流呀~…Read More

係APM入面想揾一間有位既食肆都唔易嫁，咁啱呢間有位，就入左去試下首先睇返個價錢，都算幾抵食，通常食個拉面沾面呢啲，都起碼要一百蚊啦試左個沾面，都唔差喎，都係有沾面一貫既重鹹味而且個荀都幾重口味，唔鐘意既人可以唔食無話超好食，但係呢個價錢黎講，其實唔差 …Read More

星期日既上環同平日真係兩種氣氛，有好多鋪頭都係唔開，特別係食肆，有好多只係做平日白領生意星期日冇咩做，係到hea揾間coffee shop 坐左大半日，揾左好多餐廳都冇開門，見到呢間仲有開就入去試下~五點幾唔係食飯時間，冇咩人啲點心幾好食，推介春卷，好脆好好食~其他點心都係一貫水準，星期日大家經過都可以食下P.S. 有好多外國人都會黎呢到感受下飲荼氣氛~…Read More

由佢舊鋪食到新鋪，交通真係方便左好多，而家一出地鐵站就會見到間店，有更大意慾黎食呀~蛋餅緊係必食啦，同係台灣食到既口味簡真係copy and paste 啦最緊要係個個環境，真係好有台灣氣息。而且價錢唔貴，性價比都幾高吖三個人食啱啱好，要去飲埋杯野啱啱好呀!有啲人話新店水準冇以前咁好，但我覺得唔係吖，啲野食都係咁好食!!|而家店面大左，又唔洗排咁耐隊，最緊要係唔洗行個大斜路吖麻…Read More

雖然話pancake 熱潮好似無以前咁勁，但都係好想去朝下聖。已經係開店早少少到，但都已經有好多人係到排隊喇~~入到去個環境幾靚，好啱啲人黎下相，打下卡咁~有個日本人店長好nice, 而且餐廳有好多年輕媽媽帶埋小朋友黎，呢間野食都幾啱小朋友一齊食吖~Pancake有鹹有甜，但作為甜品控，緊係食甜味啦~原味可以話係必點呀，真係好好食，又香又軟，而且唔會太甜，男女老幼都會鐘意呀~~~~後面有個開放廚房，可以見到好多師傳係到用手打蛋，辛苦曬大家，我地先可以係香港都食到日本既味道呀😍🥰雖然而家已經少人左啲Z，冇一開頭咁多人，但都仲係要排隊嫁證明香港人真係好鐘意食日本野😋😋😋😋會再去食多幾種唔同味嫁喇~ …Read More

就返啲屋企人，揀返一間近地鐡站既酒樓，星期日十一點幾去到，等左半個鐘左右，唔算等左好耐。見到今期出左個鮑魚系列，叫左燒賣同鮑魚雞粥，一開始以為會好伏，但估唔到都幾大粒而且個燒賣仲幾好食，鮑魚咬得開，唔好會好似食緊香口膠咁性價比算高，貴普通燒賣價錢差得唔係好多，有啲新鮮感，可以一試四個人食左三百幾蚊，唔算貴，係啲位有少少迫，但香港地租金貴，大家都明嫁啦…Read More