reeve1226's Profile

朋友話放工有神秘飯局地點係Foxglove，個名好熟仲要話係中環附近咁近緊係無得say no放工時，朋友話已坐低左飲緊野九秒九去到門口，唔算難搵，不過外觀就一d 都唔似餐廳，跟住諗起Kingsman剛好server 招呼緊另一些人本來都無乜特別，自己入去就得但睇左好耐發覺搵唔到方法入去最後都要有另一個人出黎，按個機關先開到門至於個機關係乜，費事「劇透」入到去係氣氛係好好，唔會好嘈似係酒店或private lounge，以機倉的格局做主題仲有一個飛機引擎做背景的live band stage可惜當日就無表演坐低緊係要飲返杯先再食野打開menu, 好有英倫感覺，揭到後面仲有菜單唔睇下就真係一定以為食西餐全晚侍應都好細心介紹每一杯酒和每一款菜仲介紹就杯Osaka Sour， 係一杯以Whisky 做base 的cocktail，酒味唔強烈，係一杯清新開胃的餐前酒羊肚菌水中花雖然係中湯，但都唔係一般用燉盅上碟係一係好靚的透明器碗，更突出湯的清新味道羊肚菌是珍貴的食材，養生和營養的價值都好高加埋韮菜花和冬瓜花，成個湯清得黎又有口感黑白蒜牛柳粒紐西蘭安格斯牛大概煮至七成熟係用上日本黑蒜和自家炒白蒜牛肉軟淋，煮到啱啱好，肉味肉汁無流失蒜片香口，甜甜地，好味到大家完全食晒雪裡紅斑片雪菜包住紅椒絲蒸東星斑，就襯晒雪裡紅呢個名班腩片唔駛講，嫩滑爽口，加埋黑毛豬片，更突出班腩肉的鮮味黃金脆奶卷甜味最後都有一點小驚喜，雖然份量不多，但賣相正貫徹整晚的中西fusion 的特色外脆内軟，入面係濃郁的鮮奶餡，鮮奶、糖及粉的比例啱啱好，唔會太甜以往happy hour 或飲野，食野來來去去都係薯條雞翼但呢度就提供另一個特別的中菜選擇，加埋氣氛和環境，最啱就係食飯飲野懶得周圍轉場的人（不過順帶一提，男仕請著長褲，否則餐廳都有得借，你懂的⋯）…Read More

呢排放假成日去銅鑼灣，今日放工都唔例外突然又心癮起想食燒肉好快就揀好左-肉料理 廣一來朋友介紹好似唔錯又就腳，珍珠奶茶舖行前d 就係而且有我地最想食的飛驒牛食，日本高山食過就念念不忘，今次終於又可以再食上到去係傳統烤肉裝修，但沒有一陣油煙或肥膩感覺，抽氣通風好係好緊要今晚就好奇心下，叫左一個日本A5飛驒牛燒肉，另一個就叫美國、澳洲牛肉，各自都是精選的五個不同部位，都是挑選適合燒烤的部位飛驒牛就唔駛講，上碟時已標示不同的部位，一望埋去就油脂分佈極多，入口即溶，肉味各有不同，基本兩邊猛火燒各30秒即可食用美國和澳洲的參賽有：小牛排、後腰脊肉、三筋、里脊肉、胸外膜賣點唔係油脂，係啖啖的牛味和𡁻口，的確同和牛係不同的風格由於怕太油膩，多見一份泡菜牛肉石頭窩飯，熱辣辣撈埋一齊食，非常滿足佢地仲好好，送左杯自家製梅酒，加冰仍後有一定酒精濃度，好易入口…Read More

4個男人要諗食乜，一定食放題最抵突然醒起一間日式放題聽說不錯老規矩，去book定先上到去好有日居酒屋的感覺先叫一大堆刺身壽司雖然近來大家都話唔敢食刺身但我地無有怕除左希靈點魚每款叫一D上檯時排到靚，唔馬虎最好味係帶子，因為夠晒厚身蝦方面有3款當中極上虎蝦最甜赤貝亦夠新鮮爽口壽司色澤光亮，都算新鮮好彩朋友一早訂位送左個磯燒松葉蟹蓋豐富的蟹膏加入飯、蟹子、蔥慢慢燒，好好食反而鐵板和牛唔識好好控制火喉，燒老了，食落太靭又無乜肉味下次叫2個磯燒松葉蟹蓋仲好，咁就無怕失手香草燒羊架，有手板咁大，專人燒的確燒得嫩口好多天婦羅不過不失但沒有醬汁比較少少失色炸物叫了芝士年糕、芝麻雞翼、蔗蝦如果芝士年糕會流心比較好酒精汽水飲料種類都多，一定唔會飲到悶仲有雪條雪榚都有唔少選擇，雪米糍仲可以任食整體食物款式都算高質，食到大滿足之餘，絕對啱晒三五成群吹水飯聚！…Read More

每次要諗和屋企人食飯，都會萬二分頭痛顧得長老，又要考慮叔伯兄弟，三姑六婆的宏大要求經過多年實戰和案例，發現食中菜成功率最高當然也不能食得馬虎，今次有熟人介紹，揀左名門呢間私房菜，仲先訂定幾款有特式的小菜呢度係專食順德菜，聽聞老闆仲會親自出黎介紹菜式今次我地都滿有期待老闆出黎，起碼多個專業人士出黎幫手講下每款餸的準備和烹調，咁呢餐飯局都多分勝算杏汁白肺燉花膠天然杏汁加水加豬肺和花膠，無添加，係人手每天即磨杏汁並多次翻隔，豬肺乾淨無晒內臟味，花膠整得軟硬適中，口感十足薑蔥焗魚咀雞煲預訂時4件起，自問學藝未精，個個魚頭手掌咁大，呢碟野要黎孝敬長輩係必叫，佢地個個都練過野，完全能駕馭呢個大龍頭，加上用上順德的薑蔥酒煎焗，僻晒魚腥味，個個埋頭苦幹，食到津津有味，我就食雞最緊要蜜餞合桃素叉燒 席上唔留心聽書的，會話d 叉燒唔肥又好食，再話返佢地知係素肉無肥膏，仲有埋蜜汁合桃，佢地覺得成件事健康晒又好味另外席間仲叫做左個蝦瑤柱荷葉飯，非常好食，飯粒唔會焗到又乾又硬，仲有少少濕潤，用料十足，所以飽住都要食返碗生磨蛋白杏仁茶飯後甜品，點少得叫返個杏仁茶，每口都清甜滋潤，唔會好甜，呢個季節食的杏汁仲多左回甘，正正就是全手磨無後期加杏仁粉調味，所以味道就更正宗由於好多餸的食材，都講求新鮮，每天即叫即製，所以之前訂檯時，最好預先諗好食乜，等他們可以有時間充足預備食到最後，真係等到老闆出黎講幾句，介紹一下他們的順德菜各種特色，親友當然也聽得津津樂道最後大家仲罕見地話下次父親節可以再黎…Read More

沒有刻意或要慕而來 唔想飲杯野都排一個鐘不過最近又的確多人提起丸茶咁啱經過佐敦呢一間就緊係要試下呢度飲品種類很多各種冷熱口味 熱門流行應有儘有選擇困難的就要早d 諗好望落去真係杯杯都想飲如果遇啱現場即做丸子一邊飲 一邊睇 就更加有視覺效果有一舊粉團到一粒一粒咁碌出黎 幾治癒大家都會好自然咁圍住觀看除左今期流行的黑糖仲有幾種獨特口味的丸子黑芝麻 桂花 櫻花 芋圓經過經輪商議最後㨂左芒果奶蓋 和 童年回憶 珍珠奶茶芒果沙冰奶蓋上面有濃厚的芝士奶蓋非常好味 味道好似食緊芝士蛋糕一樣芒果沙冰就透心涼 啱晒無左冬天的香港珍珠奶茶無想像中咁甜 奶茶滑口 茶和奶比例啱啱好珍珠有咬口之餘，又唔會太靭即使唔係呢個年代的特式飲品 但都覺有水準下次經過其他舖都可以再飲過…Read More

去開尖東約左人未夠鐘在赫德道附近想簡簡單單食d 野沿途除左各式各樣的西餐、酒吧或居酒屋竟然有一間與眾不同的cafe裝修和格調係文青歐陸風好自然就入左去坐低入面地方唔大 有d 似去左event 咁 四周都有唔同種類和顏色的花點綴 又有小氣球做小擺設Set Dinner 一d 都唔貴Full set 都係百幾蚊揀好左兩個set香草蜜蜜烤春雞配德國腸估唔到舖頭細細真係烤到春雞皮脆卜卜入面肉質又唔算好乾身點埋蜜糖就啱啱好抵食夾件又唔似一般cafe 快餐式做法和風玉子芝士流心黑豚肉漢堡扒竹碳漢堡呢個真係不得了極力推介個芝士流心黑豚肉好味到噴出黎豚肉汁味道加埋芝士簡直係絕配襯返周圍的格調再叫多個玫瑰班㦸做甜品賣相真係好得有真玫瑰插在cream上圍邊仲有小乾花碎色香味都俱全在鬧巿找到優雅的cafe不易，繼續支持小店！…Read More

幾個朋友約埋唔知去邊，有個話想BBQ，另一個又話要打邊爐，唔通真係要拎住個湯煲去透爐？！最快方法緊係搵間烤肉火鍋混合體，仲要有埋刺身，地點就腳，咁就無得輸上到去係裝修係好日式居酒居，但地方就好寬敞抽風就普普通通，不過又因為咁，環境好有氣氛，好有老舖風味，每個角落都係燒烤味黎得放題，就緊係全力開動，呢度所有野食加埋，有6、7張紙有得到揀首先緊就食幾碟刺身充肌，刺身上碟都幾新鮮，三文魚和北寄貝最好味燒肉先係主角，長方形的燒爐，的的骰骰，加上陳年的醬汁漬在爐底，好有風味，好襯居酒屋的格調。（燒網緊係好乾淨啦）所有野都調好味，唔會好咸，非常推介秋刀魚和雞柳，好食到相都唔記得影，都數唔到叫左幾多rounds唔少得燒菠蘿、蒜蓉包、帶子等醬汁有三款，唔夠可以加同場仲可以有邊爐打，一次過滿足你三個願望，張枱夠位擺就得飲品選擇都算多，唔會只得韓國汽水，仲有雪糕有得揀，最後緊係食到捧住個肚走！…Read More

睇完杜如風攻略，一眾深潛的牛魔王都極想食日本和牛，有朋友介紹下，好快就揀好左銅鑼灣的牛襌，放工就腳之餘，話說呢度有真-日本極上和牛盛宴，咁就約好去止下心癮。食好西，除了book 位訂檯，仲要諗定食乜好佢地在電話中先介紹季節事令食材，有部份要兩天前預訂，令大家必定食到最好的前菜和和風野菜沙律 邊食邊等熱下身一口芝士和最鍾意的味醂魚乾味醂魚乾，唔會好靱好咸，但有少少咬口，自然要叫返杯野飲下任何套餐或和和牛盛宴，加多$100，90分鐘內指定清酒任飲，不過規矩就要個個都叫，一場黎到，個個都飲返杯指定的清酒，味道平易近人，易入口，唔會太搶喉和辛辣，貫徹house wine 特色五品刺身厚切深海池魚、帶子刺身、三文魚腩刺身、秋刀魚兩食和活赤貝，因為刺身要新鮮合時令先好食，記得記得記得提早2日打黎問好先，咁佢地先會有好介紹，上菜時大家都好自然嘩聲四起，現在睇返都不及現場的震撼各種刺身非常新鮮好食，味道絕對似在日本巿場內的食堂，有回到「家鄉」的感覺近江和牛盛宴日本三大和之一，有圖介紹各部位，再教埋先後次序點食，由淡味食到濃味店員仲細心咁教一下點先燒得好，重點緊係唔好燒到咁熟，最鍾意食就牛小腓，味道脂肪口感都係最平衡，現在諗起，都想瘋狂咁食 （如果進入到無限金錢模式）一路食，大家仲和店員交換下日本旅遊見聞吉列生蠔、炸蝦天婦羅粉醬唔厚，炸到啱啱好，食材新鮮之餘，仲食到原本的鮮味結論：環境空間都很寬敞，沒有好嘈雜。食物更加唔駛講，刺身是意料之外的好，唔會係一般日式放題質素，可以慢慢飲杯清酒燒下肉，放工輕鬆團聚的好地方之一…Read More

近期食乜飲乜都要黑糖，連Sharetea都有出左2款一杯好飲的黑糖厚鮮奶，個人認為應該奶味濃而且奶比較挺身，才能做出厚奶的感覺黑糖味不能太甜，最好就是珍珠都用黑糖煮過Sharetea的黑糖厚鮮奶奶味不算好濃好厚，係完整盒裝鮮奶口感，或許是沒有冷霜添加，是否正宗，見仁見智不過重點是冰量太多，弄淡了整杯飲品之餘，冰粒太大，也令原來已較輕身的鮮奶，飲落更不平均，但每搖均一次，味道又淡一次（現在知道碎冰的重要性）黑糖珍珠味道是ok好味的，珍珠帶有微微黑糖味不過...整體還是被冰水打了折扣總結：無理由次次飲杯野都要排成個鐘隊，如果口痕肚餓，即買即飲，再少埋冰，其實也飲得過…Read More

放假日程編到密密麻麻，由尖沙咀到中環，搭幾分鐘渡輪就得，快靚正！風和日麗，有點點秋意，落船就聽到有外國節日音樂，還有他們民族跳舞表演，不算嘈吵，大家在休閒的下午都自然放慢腳步，買點小吃和飲品去觀賞。我地都唔例外，見到碼頭有間Fish & chips，就跟隊買一份黎邊吃邊外呢間White beard 係小店式經營外賣，幾種炸魚柳和薯條口味的配搭，加杯野飲，都係附近遊人小休或三五成群吹著海風的常做的事。雖然話就秋涼，但有杯凍野就真係透心涼都係必須，今次食signature 招牌炸魚薯條Stella Artois，同行就再叫冰凍菠蘿特飲炸魚薯條即叫即做，熱辣辣，仲有七種醬可以揀，今次就試下mustard 芥末醬炸魚粉醬唔算厚，啖啖肉，加埋調味，所以去掉任何腥味，仲有嫩滑口感，咁啱加埋附近的音樂和氣氛，幾有去左外國旅行的感覺冰菠蘿原片好似雪條咁，真係夠晒終極涼快總結：係西式快餐車的旅遊回憶，平時就算拮開咖哩魚蛋，趁旺角舞王舞后未進駐時，點都要試多幾次…Read More

又到放工搵食，咁啱有個街坊有野要慶祝咁就約埋去食餐好慶祝下，上環西餐眾多，見呢間牛扒和生蠔都有唔錯評價，就訂定位試下可能有貴人招左個黃色暴雨，沿途濕住去到但成間舖隔一陣都坐滿人，真係見證風雨不改先黎個house wine warm up 下，仲可以配埋一陣的生蠔今次我地就揀左三周年套裝首先蟹肉南瓜湯和黑松露牛肝菌雜菌湯，個人覺得南瓜湯較出色，南瓜湯底香濃再加埋蟹肉，味道很配合另一個就牛肝菌味稍稍蓋過了黑松露，但亦無阻成碗飲晒跟住黎的燒雞沙律，唔係講笑，雞肉大件無雪藏味，仲有大舊薯仔和各樣蔬菜，個沙律汁亦係加分位，令所有野更清新開胃主角之一就係加單生蠔拼盤，呢期時令的是法國HCM蠔，288蚊有一打，都真係幾抵食蠔身唔算好大，肉質非常新鮮，屬海水味，配埋白酒食，會覺得更鮮甜，仲有少少回甘，好快食完一盤，跟住我地再叫多盤先夠喉之後就係四式薄餅，有西班牙火腿、煙三文魚、芝士和意式辣肉腸，一次過4種風味成晚的重頭戲烤美國Angus帶骨肉眼扒32oz 唔係講笑，超大塊又厚，之後會幫忙切開，烤得剛剛好，外面烤得焦香，入面肉嫩仲保留肉汁，一嗒肉一嗒肉，非常滿足最後飽到上心口，都要食埋個甜品佢寫雪糕新地杯，黎到係雪糕新地一大碗，生食Oreo 係將胃部容量推到極致，每人一球足夠有餘，食到呢一刻意識已開始模糊，只要食，不要問有什麼口味總結：下次黎真係要完全空肚食晚餐，太好味樣樣都自然好想食，叫埋街坊朋友黎就啱晒。佢地仲話假期全日啤/白/紅酒任飲，Brunch 時段生蠔買一送一，好過坐星巴克！…Read More

星期六要返工，做完野想快D返屋企唔想返到去仲要煮嘢食，於是去左利園東街附近一間台式店買外帶呢度係平日食lunch 勝地，各式各樣小店，幾乎每間都只做外賣，不設堂食依間台灣舖頭都唔例外，平日一至五好多人買，是淡水有名的食店，今日星期六下晝五點幾去到，好彩趕得切未收平時我次次都叫試海南雞飯，因為真係好味大大份，雞肉滑嫩，仲可以秒速拎走今日就試下新野，想試台式撈烏冬，下午茶唔駛$40有3個餸揀了甜不辣、百頁滷水豆腐、花干滷水味道濃醇，據說滷水和7成食材都是台灣直送，再跟返台灣台的煮法，務求做得返台灣風味加上酸菜和少少辣油，令烏冬和其他食材撈埋更好味結論：唔好以為下午茶份量少D，我覺得份量好足夠，店員仲送多碗菜湯飲，是長註每星期外賣排行榜三甲…Read More

一班人約埋食飯幾咁難得，要book到呢間中菜，仲要無人遲到早退射波飛機返教會，簡直係大奇蹟日鐘意食中菜，不單止地道或口味，仲有歷久常新的感覺估唔到今晚呢餐都食到新口味，真係不枉此行自問到中國各地菜式智識點低，今晚食的京菜、淮揚菜，只能看圖識字，打開菜單，真係樣樣都想食，在座有心人有先見之名，預先定左初稿，望住隔離每枱都一隻一隻片皮鴨咁推出黎時，總算可以快d 有得食值得一提，呢度嘅茶玫荔堂煌好好飲，淡淡和玫瑰和荔枝味，很平衡，無色素無添加的感覺前菜精美四小拼，小巧精緻烤北京填鴨，據說是專登請北京的師傅來香港主理即叫即切片，先把後頸最嫩滑的皮切開，再有別於平時的切法，均衡的皮帶肉的斜直，沒有很厚的皮下脂肪，用麵皮包好時，每啖都食出香口鴨味。每塊麵包也細心用蒸寵紙分開，配菜食完也可以自動再添，樓面咁忙都可以做到，抵讚！之後烤鴨肉再係另一味-芹香鴨鬆生菜包，一味兩吃，呢個係食過最有水準，唔會又老又乾荷業杭州雞原隻雞在蒸籠上再加好濃味的醬汁配菜和香菇在底，用刀輕輕一掂，就成隻雞支解左，肉質嫩滑，送飯佳品黃金明蝦球潮流興食胆固醇，大大隻蝦都爽口彈牙，真係要多幾隻先過癮砂鍋醃篤鮮食左咁多濃味野，食返個湯平衡下，第一次飲有驚喜，用料十足，豬肉火腿百葉結的配料，煲到奶白色，味道有d 層次之餘，又不會淡而無味木桶包菜飯呢個又係差不多每一檯必叫的，好入味，有d 似荷葉飯的感覺腰果露最後經理仲送甜品食，傳統的公雞碗，夾晒老餅口味，幼滑得黎又係唔會過甜，幾飽都要食埋佢總結： 人多好辦事，可以食多幾款，又唔怕做大嘥鬼；而且每碟餸整體都是水準之上，個個都食得滿足又難忘…Read More

去到大角咀，最經常都係打邊爐和食糖水，其實成日有新餐廳開，有好多選擇今次就試下新開無耐的Villa Villa在奧運站沿住天橋一直行，過條馬路就見到，好易搵到餐廳入面地方比北角店寬敞，紅色小磚牆，再睇埋餐牌，也和北角店唔一樣，不過最緊要都係仲有黃金炸薯條適逢2周年紀念，飲野大部份都有買一送一：巨峰提子乳酸特飲味道唔錯，飲到底唔會有一堆糖漿，清涼解渴天然玫瑰花冰紅茶賣相無得彈，上面有玫瑰花瓣喺面，飲每啖時都有玫瑰花香，而個底就有d 花蜜，搞勻飲先好味全日供應的套餐，由$98起，主菜加一個創意拼盤主菜選擇都算多今次就揀左自家製櫻花蝦幻蛋麵麵份量唔算好多，啱啱好一人份量，麵身煙韌唔會太淋，仲要每條麵都掛左明太子，味道口感都好好食材就相對顯得更豐富，大大隻蝦和新鮮三文魚子，好味！創意拼盤入面真係乜都有，一次過試晒所有款式拼盤有野菜沙津、吉列甘栗紫薯餅、龍蝦沙律自家製香草包、明太子蟹肉玉子和泡沫芝士杯 吉列甘栗紫薯餅個人最鍾意，上面吉列嗰層炸到剛剛好又唔厚粉，甘栗紫薯蓉就香甜，可擺喺飯後當甜品食泡沫芝士杯就少少似木槺布甸，口感比想像中輕盈，味道亦配合唔太濃味，配搭幾好蒜香磨菇雞肉意大利飯隨餐就跟左一個羅宋湯和香草包意利飯煮得幾好，唔會過濕，加左蒜香調味，整體都好食黃金炸薯條全晚重點來⋯名不虛傳，極邪惡，係粗身薯條，每條都很上滿咸蛋黃，現在講起都想再食，是必然推介！總結：現在去連鎖快餐店食個牛扒加酥皮餐都要$7x，呢度食物的質素和配搭，性價比真係唔錯，又坐得舒服，可以列入飯堂系列…Read More

去到離島，唔食海鮮好似差緊d 野雖然食左成日，臨走見時間和個肚都仲有d 空間咁依稀幾年前跟同事黎其中一間食，味道和份量都唔錯，可惜又無記得個名，憑張舊相上的格仔檯布，在碼頭附近試下搵返呢間海鮮酒樓再食，好彩又搵得返喎去到天未黑，就差唔多坐左8、9成人！2個人食就整返個$188自選海鮮小菜套餐好簡單就在個list 任揀3款，唔駛怕要指定跟其他配搭咁就直接揀好三款海鮮，有小狗在身上，都係唔好要食得複雜的菜式。可能呢度廚房和樓面都知大家食完要趕船，手腳快，上菜效率高。蒜容蒸蟶子講真呢個價錢，本來都以為細細碟得幾隻，但上到枱份量都夠和味道仲非常好，蟶子無蒸到過老，粉絲又無乾晒水椒鹽鮮魷出去食小炒，椒鹽系列點都要有一碟炸完就上枱，外面粉醬唔會過份厚，鮮魷又唔韌，夠惹味紅燒班腩呢個真係夠晒大碟，班腩新鮮唔駛講，仲要大大件，下面仲有少少菜、肉絲和菇伴碟，個芡汁少返d d 更好總結：食海鮮 呢度味道和份量真係無得輸，最緊要食完埋單放心，真心推介，記住預返時間黎等位，好東西要排隊是常識 ;p…Read More