foodie_km's Profile

同朋友睇完戲就黎到呢間係台灣同係香港都同樣咁出名既阿元來了食晚飯啦。呢間睇網上都已經有好多人讚既餐廳，今次就試下有無名過於實先。台南擔仔米粉 - $36味道唔錯，米粉煮得岩岩好，爽滑彈牙。有唔同配料：豬肉丸、芽菜、蝦、滷水蛋同少少肉操。湯底帶有少少蒜味，鮮甜可口，下次黎食會再叫。阿元魯肉飯 - $42份量多，無論魯肉定飯，相當抵食！味道方面，魯肉汁鹹甜適中，撈飯食好滋味。魯肉油脂比例適中，唔會有好多肥膏令成碗飯油膩。值得推介！炸花枝丸 - $35 （下圖左）炸至金黃色，粉漿鬆化可口。花枝丸質地結實鮮甜，可以食到有墨魚，唔係食落成粒粉狀個啲。好味道。鹽酥雞 - $37 （下圖右）份量比預期多，亦係炸至金黃色。味道調教得岩岩好，唔會過鹹。粉漿薄同鬆脆，雞肉帶有肉汁，唔會乾身。唔錯。整體黎講，呢間餐廳環境、食物質素同價錢都唔錯，會再幫襯。…Read More

今次同朋友黎試一間好出名，專食炸豬扒飯既台式鋪頭食飯。個日人流唔算多，唔洗等位就食到啦。秘制豬扒飯（肉燥汁）- $58 首先講豬扒，脆漿炸得唔錯，好鬆化。豬扒肉質結實，炸得岩岩好，帶有少少肉汁。味道亦調較得恰到好處。豬扒下面就有肉燥汁，味道帶甜，撈飯食一流添！提提大家，呢度可以嗌少飯，就減一蚊。另外，鋪頭上菜速度快，豬扒溫度暖身，值得一讚！…Read More

香柚檸檬氣泡飲 - $26呢杯飲品原本想嗌少甜少冰，但店員講氣泡飲品味道係劃一，酸甜度全部黎自生果本身再加梳打水，無添加任何糖水。味道方面，好飲。好適合夏天既時候飲用，柚子同檸檬酸甜度岩岩好，飲落好醒神。鍾意飲清新水果飲品既你就唔好錯過啦！…Read More

呢間日本料理餐廳放飯時間成日都有幾多中學生去食，自己覺得受中學生歡迎既餐廳應該係唔太差，見價錢同一般既日本料理餐廳唔係話貴好多就入去試，食完會覺得普通，無令我會再返去食。環境方面，座位與座位之間既距離窄，前後左右都係！客人出入時較為麻煩，感覺上幾逼。温泉蛋一口牛丼 - ($68連野飲) : 首先講賣相，還可以啦，個人覺得可以同menu影出黎既再近似啲。飯同牛肉既份量好多，對一個女仔黎講會覺得太多，有大半碗飯，牛肉粒大約有十幾粒，自己就食唔哂，但男仔既話就應該岩岩好。飯係用珍珠米，軟熟好味。牛肉肉質就麻麻，好多筋同肥膏，咀嚼都需要一段時間，但好既係牛肉既size大細平均，係一啖一舊，食起上黎既方便。牛肉既味道正常，內有肉汁，唔乾，大約7成熟。温泉蛋，有蛋汁，足夠撈成碗飯。呢碗飯既驚喜位係個醬汁，甜甜地燒肉汁幾開胃，燒肉汁撈埋蛋汁送飯味道唔錯！對於鍾意食甜既朋友仔會幾鍾意個味道。但都因為醬汁係偏甜，食到尾會有少少滯。整體黎講，只可以話中規中矩，呢碗飯賣點係一口牛，但牛肉方面可以有更多進步空間，因為筋位太多，食起上黎係唔方便同唔吸引。…Read More

呢間出名食雞煲，無諗過晏就碟頭飯，無論係價錢同食物味道同樣吸引，令我胃口大開，下次去新蒲崗食晏都會黎呢間試其他野食呢！員工服務方面令客人覺得好窩心，好舒服，會主動幫助客人，抵讚！京都豬扒飯 ($38 - 唔連野飲) : 首先講醬汁，顏色吸引，味道調配得不錯，雖然陳醋味道並唔重，但酸度甜度適中，令人食指大動。份量方面，岩岩好，足夠可以送到一碟飯。具體黎講，味道好似薑味唔濃既豬腳薑。豬扒方面，份量幾多，有6舊，肉質軟淋，唔多肥肉，唔重梳打分味，好食。白飯軟硬度做得恰到好處，煙un軟熟，粒粒分明，並唔會有一大舊痴埋既情況。值得一讚既係京都豬扒同飯係分開上，令客人可以自行決定加幾多醬汁黎送飯，可以避免醬汁過多，令客人食滯既情況。…Read More

經過呢間鋪頭俾佢地門口貼滿明星相吸引睇下食咩。當仲諗緊食唔食，最後就俾老闆娘同員工既熱情感動入去食。食完好滿意！雲吞果然係佢地主打，做得出色，會介紹屋企人、朋友去食！老闆娘好親切友善，會關心每位客人，而且親力親為，好有人情味，餐飯食得開心滿足！淨雲吞($30): 當我仲心大心細食咩好既時候，老闆娘就介紹我食雲吞。因為本身都唔太肚餓就揀淨雲吞。淨需吞就有6粒雲吞，雲吞包得好靚，餡料豐富，蝦多爽口彈牙，仲有蟹籽，調味做得好！配上鮮甜大地魚既湯底，令人回味！同埸好多人都食雲吞！五香金錢牛肚河($30): 真係金錢牛肚！爽口同富五香八角味，很入味。但河粉可以更加滑身。金錢肚同河粉既份量好多，爸爸食完覺得好飽，抵食。酸甜蘿白: 老闆娘推介我同爸爸食，同時提我地係任食，鍾意食幾多就食幾多，好親切，好窩心。蘿白爽口，辣辣地，酸甜開胃，增加食慾。等野食黎既時候可以一試呢！…Read More

行過見到呢間新開既茶餐廳，就同朋友入去試。只可以話係食物方面很普通，但員工服務態度不錯。我揀左特餐A- $42 ( 鮮茄肉碎濃湯通粉、黑松露炒蛋、厚牛油多士)，連熱野飲。鮮茄肉碎濃湯通粉: 首先講湯底，沒有蕃茄味、淡口同偏油。肉碎份量少而且感覺上沒有調味。通粉口感還可以，唔淋身。賣相並沒有增加我食慾。黑松露炒蛋: 味道不錯，炒蛋嫩滑，有蛋汁。黑松露份量按炒蛋比例黎講還可以。厚牛油多士：並不香脆軟熟，感覺上係預先整好。有點失望。熱檸檬茶：我只係飲左幾啖就無飲，有苦澀味，檸檬唔夠新鮮。整體而言，一間好普通既茶餐廳，以呢個價錢黎講並唔值。食完唔會令我想再黎食。有少少失望。但員工服務態度很好，只係食物方面有好大既進步空間。…Read More

每次想食朱古力雞蛋仔，腦海裏面會有兩間，一間係媽咪雞蛋仔，另一間係Bove。雖然呢兩間價錢方面係屬於貴，但味道方面同員工既服務態度都俾我感覺到係值得。對我黎講，好味既雞蛋仔(只係講原味，唔講其他口味)要外脆內軟，有蛋香味，每粒最少有一半蛋漿。如果係朱古力味，有足夠濃濃既朱古力粒係一定要！除左朱古力粒份量要多，朱古力味並唔可以假，唔可以好重砂糖味。今次依舊揀朱古力雞蛋仔，亦都令我食得好開心，好滿足。今次食得開心之外，員工温柔、有耐性既服務態度，令我覺得好親切、舒服，就算我要等大約6個人，都等得開心！粒粒朱古力雞蛋仔 ($24): 外脆內軟，每粒雞蛋仔都滿有半溶既朱古力粒。對朱古力迷而言，見到已經會好開心，食落亦都會好滿足！濃濃既朱古力粒加上有蛋香味既蛋漿就係一底好味道既朱古力雞蛋仔！朱古力粒量份岩岩好，唔會令成底雞蛋仔過甜，鍾意朱古力雞蛋仔既你一定要試啦！…Read More

睇網上見到呢間鋪頭既麵底係自設工場整，就被佢既誠意打動黎食，最後並無令我失望，麵底爽口彈牙，煮得岩岩好！好味道！黃沙豬潤麵($29，唔連野飲):誠意推介揀幼麵，麵底爽口彈牙，無出現一餅痴住既情況，條條分明，麵底煮既時間岩岩好，唔會煮到淋身。湯底清甜，一路食，飲幾啖，喉嚨都好舒服，正！豬潤確實係黃沙潤，味道不錯，質感軟淋，味道淡口，但食落有根，如果可以去掉根會更好。呢次係第二次黎，上次係食雲吞麵，雲吞好好味，每粒雲吞用一隻蝦黎包，蝦質感爽口，調味岩岩好。今次同樣揀幼麵既原因係因為上次食過真係好好味，比起同區既粉麵鋪，麵底同湯底都做得好、相當出色。以後係黃大仙區食粉麵會黎呢間！👍🏽…Read More

呢間burger整得相當出色，我同朋友食得好滋味呢！呢度環境不錯，但唔知係咪太早去( 大約下午12點)，岩岩開門，人手並唔太足夠，得一個侍應招呼成間鋪頭既客人，要客人主動上前揾侍應落單。德州燒烤牛肉漢堡($88，另收加一): 比想像中大個，高度可以用隔離杯水作參考。燒烤醬汁，醬汁帶甜，如果鍾意食甜味醬汁既朋友會很喜歡。一路食，肉汁、醬汁同油會一路流落黎，很juicy呢！飽既質感內裏軟熟，並有用牛油煎過，很香口。相中可以見到有三圈洋蔥圈、一片煙肉、生菜、牛肉柳、芝士，以上材料加埋燒烤味醬汁真係好好味，但食到最後會有少少滯，可能啲油啦。整體而言，burger味道很出色，對一個女仔黎講份量可能有少少多，我並無升級做combo套餐已經食到好飽，好滿足。食完會令我想再返黎食多次，或者試其他口味既漢堡同其他野食！👍🏽…Read More

慈雲山呢間越色小店想試好耐，同朋友經過有位就入去試下，試下係咪真係好似網上講既咁好味。唔知係咪抱太大期望，並無網上講到咁好食。或者每人口味不同吧！沙嗲牛肉撈檬：沙嗲牛肉份量雖然多，口感爽口，但有一陣梳打粉味，牛肉味道不濃。呢間鋪頭既撈檬會有沙嗲醬(如果怕滯，可以走沙嗲醬)，一開始食會覺得味道幾特別，但慢慢食會有少少滯。所以，我會建議加入越式甜辣醋汁，去一去滯感。檬粉上亦有乾蒜片同油蔥，裏面都有紅/白蘿蔔絲，幾片青瓜。整體而言，只能說不過不失。…Read More

係新蒲崗賣特色既雞蛋仔鋪頭並不多，呢間價錢合理，味道也不錯👍🏽即叫即整，外脆內軟，好味道！而家有優惠，買兩底雞蛋仔或者格仔餅(任何口味，每樣一款都得)只係$40! 相比其他賣特色雞蛋仔/格仔餅既連所鋪頭黎講，價格吸引！今次我同朋友叫左紫薯星星雞蛋仔同朱古力星星雞蛋仔。紫薯星星雞蛋仔: 有驚喜！有紫薯味道而且不假，不重砂糖味，有濃濃既紫薯香味，甜度亦岩岩好。朱古力星星雞蛋仔: 每粒裏面除左有蜜糖星星之外，仲有少少溶既朱古力粒，很吸引，甜度亦很好，不錯！…Read More

我同朋友都好鍾意食鰻魚，就上網睇下邊度有價值合理又好味既日本小店。呢間鋪頭雖然比較細小，店內座位得一張4人枱，一張2人枱，但環境衛生不錯，富有日本特色！我同朋友叫左全份鰻魚($118)+一碗珍珠飯($15)+一客餃子雞翼($24/2) share黎食，全餐飯，三個人$157，平均大約$53一個人，對三個女仔黎講，分量岩岩好，價錢吸引！鰻魚(全份): 鰻魚肥美同燒得岩岩好，醬汁亦調配得很好，不太甜，亦不太鹹。配上粟米同車厘茄，這個配答不錯，可以一去肥漏感！呢條鰻魚並沒有令我們失望！值得一試！珍珠飯: 軟熟同有飯香，飯上有少許日本的芝麻及紫菜，配合鰻魚黎食，好味道！餃子雞翼: 味道幾特別，裹面包既係豬肉同菜，同平時出面食既餃子既味道差不多。…Read More