Apple Lamb's Profile

見到價錢幾抵食，就一於去試下係黃竹坑既南灣如心酒店既Dinner Buffet😝 見未夠鐘食飯，順便行埋新開無耐既”The Southside”商場😊⭐海鮮區有任食小龍蝦🦞蟹腳．蝦🦐青口．螺仲有炸蠔 同 蒜蓉蒸蠔，但呢2樣搶手貨就每次輪流fill，同埋好快俾人拎晒😝⭐刺身區3魚文刺身．希靈魚刺身都好厚切肥美，正👍🏻⭐熟食區肉類區: 牛扒，羊架。羊架唔會太羶，唔駛擔心串燒區: 有幾款唔同泰式串燒🍡粉麵區: 最受歡迎係海南雞飯/麵，叻沙湯底都好出色湯區: 有中式同西式湯，中式湯好足料⭐沙律/冷盤區有既種類都算多，有齊晒基本既沙律吧🥗⭐甜品區甜品方面，款式都算唔少🥳都可以叫滿足到鐘意食甜品既朋友⭐以性價比黎講，都算不過不失❗汽水，雪糕任飲任食。另外係補充食物方面都好快手👍🏻🔔Ig: applelam_b…Read More

去開黃金買野，順便搵下深水埗附近有咩好食😆 不得了❗不得了❗見到有一間叫牛舌專門店，鋪頭細細但坐滿晒人🤣等左15分鐘左右，一入到去枱枱都係食緊鐵板牛舌🙈⭐鐵板系列二重牛舌二重牛舌係牛舌芯同牛舌尖組合，燒至五成熟，再放在鐵板上熱度岩岩好👍🏻牛舌尖比較淋D牛味比較香👅牛舌芯就比較厚身爽口，完全可以滿足到鐘意食牛舌既你🤤⭐安格斯牛板腱配牛舌尖呢個叫左升級套餐，重點係白飯升級為[滿溢牛舌筋溫泉蛋丼]、湯、沙律、汽水。升級既牛舌筋飯，真係肉量十足，成碗都係牛舌筋，大大粒要夾D出嚟先食到😆安格斯牛板腱相對牛舌尖黎講無咁出色，但勝在牛味亦都夠濃🤣…Read More

旺角Moko’s foodcourt裝修好後，都無咩點真正行過。一去到先發現完全唔同晒，變晒全部一間間餐廳😆 見到呢間餐廳坐得又舒服，又係天婦羅專門店，就決定試一試🙈⭐天丼蕎麥麵定食初頭見到menu寫滿腹度💯都唔覺得有咩特別 ! 見而家天氣實在太熱 ，諗住食冷蕎麥麵開胃，配埋沾汁食夠清爽😂 點知呢個定食一上枱，嚇到呆左😯個性價比簡直超高😂簡直係叫重量級❗❗❗天婦羅有：虎蝦、魷魚、茸茹、茄子、南瓜同日本流心蛋加飯底，再配埋蕎麥麵，天婦羅仲要係即叫即炸，好新鮮超豐富👍🏻👍🏻👍🏻⭐特選天丼人氣推介「特選天丼」🤗 天婦羅有：虎蝦(3隻)、鏝魚、海鏝、魷魚、茸茹、茄子、南瓜、法國邊豆同日本流心蛋加飯底不同材料配搭不同口感，每啖都有鮮味仲無油膩感😆…Read More

係希慎廣場買完野，搵餐廳食Dinner就比門口餐牌既梳乎厘pancake吸引左入去😜 呢間鋪頭好特別，Crossover左Flipper's 同阿夫利，直頭可以一次過試晒呢3間餐廳既野食🤣⭐阿夫利: 柚子甘露沾麵 + 唐揚炸雞 (套餐: 包小食同一杯野飲)柚子甘露沾麵個汁好清新有柚子香味，沾麵軟硬度適中，好彈牙同埋好掛麵！叉燒肥瘦岩岩好，食落又唔太油膩🤗 炸雞炸得乾身外層香脆😋⭐J.S.FOODIES: 煙肉蛋漢堡轉秘製焦糖洋蔥用安格斯牛肉，食落口啖啖香濃多汁🤤配秘製焦糖洋蔥好特別，有淡淡既甜味！有驚喜配粗薯條(好耐無食過粗薯條)⭐Flipper's: 原味梳乎厘pancake識食既就梗係揀原味梳乎厘pancake🥰即叫即做，預要等20-25分鐘! 一拎上枱，見到3件厚度十足既熱辣辣脹卜卜，有空氣感既梳乎厘pancake超香蛋香味 🤩個cream仲要唔會太甜同覺得膩。鍾意食甜品既，絕對無可能抗拒到🥳…Read More

灣仔名物「薔紅」，一講到「薔紅」自自然然會諗到最出名既招牌脆皮燒春雞🔥🔥🔥 無論係中午定夜晚都超多人排隊🤣真係不得了⭐脆皮燒春雞配薯條絕對唔係非一般既燒春雞，皮脆肉嫩又Juicy🤤仲可以揀配飯、意粉、薯條、薯仔沙律，好多選擇! 最重要係差唔多枱枱都會叫燒春雞食🤣一黎到就會俾埋手套同濕紙巾，方便用手撕開隻雞🤣大家唔駛怕羞斯文食，個個都係會用手撕開黎食架😆 用刀叉真係好D難搞。燒春雞一出黎係熱辣辣，要小心撕開隻雞，會有超多熱油流出黎，小心燙親隻手🙈 一口咬落去雞皮好薄好脆，雞肉直頭係有汁流出黎，超嫩滑😍會跟椒鹽同泰式辣醬一齊上，簡直同燒春雞絕配👍🏻 真係食到舔舔脷🤤⭐豬扒包拼肉醬意粉豬扒包外層香脆，炸得乾身唔油膩👍🏻值得讚肉醬意粉，新鮮蕃茄肉醬意粉開胃得黎，食落又濃郁同帶少少甜，加埋意粉韌度剛剛好😄⭐乾炒牛河乾炒牛河既牛肉比想像中多，唔係孤寒得一兩件咁少絕對係邪惡既食物…Read More

去到沙田想同朋友傾下計，決定試下Odelice!睇返網上資料先知道原來Odelice! 係一間由法國人主理嘅餐廳一直以為食法國菜會好貴，但食完覺得Odelice! 性價比好高🤗我地3個人見到一個Dinner set for two:有是日精選湯x2, 頭盤x1, 主菜x2, 甜品x1,仲有兩杯白酒🥂想讚一讚Odelice! 職員服務態度好好，見我地3個女仔諗緊食乜嘅時候，會主動同我地講可以幫我地將白酒轉檸檬茶👍同埋話份量都應該夠3個女仔食叫Dinner set更加可以用優惠價加配生蠔，食法國菜點少得新鮮生蠔🤪即叫⭐生蠔（半打）生蠔厚肉鮮甜，入口有微微海水味，好新鮮👍⭐是日精選湯雖然係是日精選餐湯，但一啲都唔馬虎。我地當晚係紅菜頭湯，湯好濃郁creamy⭐頭盤我地揀左一口燒豬腩，豬腩燒得超級香脆，肥而不膩，點埋餐廳特調野菌醬汁👍好食⭐主菜1)    阿根廷安格斯牛脊肉2)    軟殼蟹墨汁意大利飯安格斯牛脊肉真係啖啖肉搭配鴨肝砵酒醬汁，人口好香牛味，而且油份比例都岩岩好😍我食開五成熟所以都要咗五成熟，煮得熟度剛好，好難得有真正嘅五成熟，五成熟軟硬煎嘅程度好準💖仲有用左薯條伴碟，薯條炸得好好👍墨汁意大利飯配原隻烤軟殼蟹，好吸引😜軟殼蟹酥酥脆脆，但又唔會炸得太乾仲好juicy！而意大利飯煙韌度適中⭐甜品冧酒燒菠蘿可麗餅法式出名的火焰橙酒可麗餅，今次dinner set都可以跟冧酒燒菠蘿可麗餅😆可麗餅加埋雲呢拿雪糕 同燒菠蘿，味道好香🤩另外我地仲叫左杏仁榛子焦糖布甸🥰面層焦糖烤得好香脆，而下面的杏仁榛子布蕾榛子味好香，夾埋杏仁好好味👍…Read More

未食過都一定有聽過「低調高手大街小食」呢個特別嘅名鋪名可以改到咁型，老細一定對自己都好有信心😂梗係要試下好食😜我就覺得同媽咪雞蛋仔差唔多，要比較嘅就係媽咪雞蛋仔唔洗等咁耐😂超好多人排隊，所以一定係即叫即整! 新鮮熱辣辣出爐嘅雞蛋仔格仔餅好難唔好食🤤我就叫左一底雞蛋仔一底格仔餅，等左45分鐘左右，見到好多人買五底以上😯格仔餅快出過雞蛋仔，現場見好多人都叫2-3底雞蛋仔，雞蛋仔受歡迎程度大拋離過格仔餅😝⭐原味雞蛋仔第一次吃，梗係要試下原味雞蛋仔! 呢度雞蛋仔嘅口感係外脆內軟，烤得脆卜卜有少少甜味，新鮮熱辣辣好食~係回憶嘅味道🤣⭐金莎格仔餅格仔餅而家有人叫夾餅，始終都係叫格仔餅最順口😝格仔餅算係香港地道小食之一，低調高手大街小食有好多唔同口味，我就試左金莎格仔餅。格仔餅個面係脆脆地邊，入面嘅粉岩岩好所以食落脆脆地，有層次又唔會變成蛋糕咁厚身…Read More

仲記得之前去一起果醬尖沙咀店食晚飯，覺得呢間餐廳好特別，估唔到之後要食佢地果醬同食物就要入西貢先有得再食。好難得係尖沙咀有一間小店經營，環境特別絕對係尖沙咀一片小淨土😚好多人都食過佢地最出名既果醬九宮格多士，外脆內軟嘅多士熱辣辣真係好好食，口感👍佢特別在一次過可以試哂一起果醬九款果醬味🍎🍍一起果醬全部都係手工製果醬，所以食得出係天然甜味冇添加糖。👍特別想推介佢地既熱食：黃金蟹肉軟殼蟹意粉同埋慢煮厚切安格斯西冷扒配蘋果玫瑰汁⭐黃金蟹肉軟殼蟹意粉👍👍👍👍⭐慢煮厚切安格斯西冷扒配蘋果玫瑰汁👍👍👍👍👍原本以為一起果醬係主力賣咖啡同甜品，對主菜無期望既我點知覺得一起果醬主菜比九宮格多士更吸睛！！🤩如果大家有機會去西貢，都可以試下，係西貢環境同一起果醬間鋪更加夾👍…Read More

講到灣仔區兩餸飯，你一定無可能唔識<駱克美食>既兩餸飯😜呢間鋪仔細細，未到12點15分已經有一條龍餅係駱克道🤣你會發現佢價錢唔平，但全部排隊都係fans，個個打工仔西裝長裙都會為左佢既兩餸飯而停留🤗⭐佢個餐單好吸引，圖文並茂，不過實際菜式要睇返當日供應!有一D受歡迎既就日日都有，好似肉餅，蒸水蛋，椒鹽豬扒，辣子雞同水煮牛肉呢D。好多食物選擇😆所以飯都會配例湯，唔飲例湯都可以加錢轉凍檸茶或者凍奶茶既飲品👍留意返佢價錢比坊間兩餸飯貴，但無論味道同份量都蒐得住個價錢。佢好食到我公司有差唔多一半人都係食佢既兩餸飯🥰證明真係好好食👍⭐我必食既菜式一定係辣子雞同水煮牛肉，蜜糖薯仔牛柳粒，肉餅蒸水蛋都好好食。佢既蒸水蛋唔係好水，可以用筷子夾起。留意返其實我留意到無論叫三餸定四餸，份量都係差唔多。咁叫三餸會抵D😆不過我成日想食多D唔同款，可以同同事share，好多時候我都會叫四餸，哈哈🥰🤣🤣🤣如果你係附近返工，真係可以做飯堂架🥰…Read More

Bakehouse的魔力......你以為Bakehouse熱潮會過去咁你就錯啦🤣Bakehouse係灣仔條人龍每日都係咁多，而家仲有好多遊客特登買Bakehouse既葡撻食，仲見過有遊客一買就買左二打葡撻帶上飛機慢慢食，證明Bakehouse既吸引力有幾強大👍⭐Bakehouse一直主打自家養殖酵母，而酸種葡撻就係最受歡迎。每一次食Bakehouse葡撻我都依然仲會覺得好幸福，焗都金黃焦糖色既酸種葡撻酥皮超鬆脆，每一層都分明。一食落口個蛋漿好軟滑，真係食一個都唔夠，食完一個又一個😆原來Bakehouse只係得灣仔門市可以堂食👍如果想堂食Bakehouse就可以過黎灣仔食，除左葡撻Bakehouse都仲有好多出色既麵包😜…Read More

旺角實在太多美食選擇! 但呢間泰國菜真係食極都唔嫌，過一排又會想再黎幫襯🙊 鋪頭既員工都係泰國人，超nice同識講廣東話🤣⭐豬手飯超多豬手，豬手燜得又腍又惹味👍🏻 個汁又唔會話太濃，味道剛剛好⭐黃咖哩牛肉飯有得揀青咖哩同紅咖哩配搭，但友人唔係太食得辣，就揀黃咖哩😃 咖哩偏甜， 奶味濃得黎又唔會覺得太咸🤩 牛肉都好多同埋有少少蔬菜底⭐香葉豬肉碎炒河炒河炒得夠乾身又夠鑊氣🤩有少少微辣，連食唔到辣的友人都話呢個辣度是可以接受的🤣 ⭐視帝奶茶(泰式凍奶茶)話明視帝奶茶，梗係要有返咁上下分量先可以配得上呢個名🤣🤣🤣 呢杯奶茶味道，真係好似係泰國飲緊個D奶茶，又香又滑，好鬼正宗 (每次都必飲)…Read More

無意中發掘到呢間餐廳，比佢既簡單黑白裝修吸引左入去，入面每個角落都花心思去裝修❗ 打卡絕對一流🙊去到先知原來呢間餐廳同時係寵物友善餐廳😍有幾枱毛孩貓貓狗狗乖乖等緊野食⭐海鮮意大利飯好Creamy嘅意大利飯！意大利飯既軟硬度適中，每食一啖都好滋味😍⭐大蝦雜菌薄餅每一件pizza都有一隻大蝦，超足料加上濃濃既芝士雜菌鋪面，每一啖都好滿足🤩⭐雙層炸雞漢堡伴炸薯條個Burger一上枱，又係超足料勁勁勁大份! 炸雞不得了，好脆好香口😋⭐香草雞肉意粉唔好以為碟意粉好似細細份，入面D雞肉好多，食極都仲有🤣⭐Lunch set係包餐湯，麵包，同一杯野飲👍🏻…Read More

又心思思想食自助餐，今次試下朗豪坊酒店果間 The Place海鮮自助晚餐先😝估唔到有驚喜，主打即煎鵝肝．新鮮生蠔．任食龍蝦 🤭如果係榴槤愛好者，甜品仲有榴槤泡芺，榴槤拿破倫😍⭐海鮮區 有任食生蠔🦪龍蝦🦞蟹腳．蝦🦐黃金螺．青口 生蠔有2款，每次排隊都會每款各比2隻，排一次隊已經可以試晒2款口味😝龍蝦好大隻，隻隻都爆膏❗ 全部海鮮都好鮮甜又受歡迎，最好既係由職員夾俾大家為大家服務👍🏻⭐刺身區 8款刺身任揀😋 件件都好厚切肥美壽司🍣同手卷都有幾款揀，正⭐熟食區鐵板區 : 沙嗲雞肉串，牛舌，魷魚鬚。絕對一流，夠晒鑊氣又惹味蒸籠區 : 鮑魚，蝦，扇貝，海鮮釀蟹蓋 (鍾意食熟食既朋友絕對Like)肉類區 : 威靈頓牛柳，火雞胸，羊架，即煎鵝肝 (個鵝肝熱辣辣，又夠肥油入口即溶)湯區 : 有中式同西式湯，中式湯好足料⭐前菜/沙律區有既種類都算多，有齊晒基本的煙三文魚、火腿、芝士同沙律吧⭐甜品區❗鍾意食甜品既你肯定滿足到你既胃 最緊要係全部都細細件，可以試晒唔同款式既甜品😆榴槤泡芺係用菠蘿包既皮，一咬落去係脆卜卜，入面D cream超重榴槤味😋榴槤拿破倫，酥皮好香脆又重榴槤味❗ 另外仲有十幾款甜品、台式仙草凍，Movenpick雪糕🍦⭐最值得一提係飲品任飲🥳 果汁，汽水，茶，咖啡連啤酒都有❗…Read More

「坐忘Camper's」呢個名好特別，比呢間鋪頭名吸引住好想去試一試！係一間日式料理小店⭐小貼士：鰂魚涌分店坐位有限，午飯時間12點已經要排隊，附近好多扮工族會過嚟食😆想食嘅朋友仔要早啲到或者避開繁忙時間😜⭐豬軟骨咖哩烏冬附餐會配一杯凍/熱茶☕️配菜係時令的～今次食有粟米、蔥花、椰菜同少少紅蘿蔔絲襯色，仲有半隻溏心蛋😆烏冬食落好彈牙好好食！日本咖喱味道唔太辣反而甜甜哋大人小朋友都岩食😋⭐豬軟骨飯坐忘名物豬軟骨軟腍好入味！必食❗❗❗坐忘嘅飯唔係普通白飯，係健康飯😆佢會有時令14種蔬菜做配菜（唔愛菜的朋友建議轉烏冬），當日茄子好出色！…Read More

燒肉就食得多，但有時想食日式燒肉一個人又唔想食太飽，輕食一人餐EaT燒肉就岩岩好! 一人一個爐，份量都唔細。餐廳有好獨特既設計，就係用飛船送餐🛸感覺就好似去左食壽司咁，不過送上黎既唔係一碟一碟既壽司，而係一盤又一盤燒肉😆難得今日做野過左黎河畔花園，就睇下有咩食先！行下行下見到好大間燒肉店，裝修好新又好特別，以外星太空為主題。岩晒大人帶埋細路一齊食，有得玩有得食👍⭐最重要既係一人燒肉可以按個人需要既份量去選擇燒肉同飯既克數，完全自己可以選擇岩自己既食物同份量😆咁就唔洗驚浪費啦一人燒肉就第一次食，估唔到就算已經選擇左燒肉同飯既克數，份量都細，食到好飽😜 …Read More