KaKa522's Profile

呢日難得同老公都放星期日，大家就去康怡行吓街食吓嘢。去到康怡嗰時大約1:45，所以就睇lunch menu點知隔咗陣2:00店員就遞上Tea Set Menu，所以我哋兩邊都有嗌～▫️Lunch:《燒豬肋骨 配alfafa輕盈沙律及薯條 $108》附熱飲/加$5凍飲升級+$24 芒果Yogurt drink 份量比預期大，有成六至七條肋骨，燒得入味，肉夠腍唔會乾，加上燒汁幾惹味； 粗薯條外脆香糯，令人一條接一條；沙律菜新鮮帶微酸可減膩。這杯芒果Yogurt drink好美味，乳酪口感濃稠，偏甜唔會酸，仲有啖啖香甜芒果肉～▫️Tea:《燒烤醬炒牛肉芝士漢堡·薯條 $69》漢堡包焗過帶微脆，牛肉份量多加上半蓉芝士同蕃茄，可口又Juicy～ 同樣配有香脆開胃的粗薯條～附熱飲/加$5凍飲升級+$12 法式焦糖爆谷朱古力（熱）呢杯朱古力賣相吸引又好味，$12好抵～▫️Tea:《即製香蕉pancake·雪糕 $59》附熱飲/加$5凍飲熱雜莓花茶 pancake熱辣辣香噴噴，入口鬆軟，加埋雪糕一冷一熱好正～ 埋單時仲免費登記埋佢個「 Cuisine Rewards 全新會員計劃 」，有成總值超過$400迎新優惠，包括$25優惠券及免費alfafa 招牌沙律優惠券～又可以留返下次用啦！…Read More

餐廳入面有宮廷服比大家著嚟打下卡～幾過癮.座位舒適仲有生日優惠醬料盤多款湯底中揀咗呢個滋陰養顏嘅👑 《 雍穆公主·花膠雞湯鍋（半隻） 💲328 》未落雞前先飲湯～湯底好清甜零味精，飲完唔會渴，湯中又有好多花膠～ 之後就落雞肉啦～肉多嫩滑～ 湯底打到最後一啲都無變咸👍🏻🎋《 自家製足料竹蔗茅根 💲78 》一壺大約有5杯～ 清甜零添加糖，好下火👍🏻🥩《 艾莎公主牛肉寶盒 💲498 》一上枱已經有視覺享受，以乾冰營造仙氣特效，然後就到味覺享受了，盒中共有7款牛肉： 頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花。肉味濃郁有口感，牛黃喉十分爽脆，一啲都唔韌，牛舌花薄身爽嫩～ 🌿《 海帶苗 💲68 》 又嫩又鮮爽～🍜《 刀削麺 💲38 》 彈牙唔粉，掛汁好食～ 🐟《 白鳝片 💲128 》 肉質嫩滑；🐷《 猪頸肉 💲58 》 嫩腍爽脆～🥟《 蟹黃餃4粒 💲78 》 肉餡實在，鮮甜～ 服務員態度好，有得換服打卡，又有生日優惠，岩晒啲飯聚、慶生！…Read More

又去食串燒！呢間啲串燒都係$10/串起$10-$20嘅串燒就每款2串起:🍢鹽燒西斑牙五花腩 $10 - 口感好爽 ；🍢鹽燒雞腿肉 $20 - 肉幾滑；🍢燒雞心 $15 - 唔好乾；🍢豚肉秋葵卷 $15 - 薄薄嘅豚肉包住秋葵好易咬，亦清甜；🍢免治雞肉棒（配日本蛋） $28雞肉混咗軟骨碎有口感，蟹醬汁好惹味；🍢鹽燒牛舌芯 $28 - 唔韌，口感彈牙；🍢山椒鰻魚汁燒白鱔 $48 - 肉厚爽彈；🍢蒜蓉粉絲卷蟶子 $38 - 鮮嫩清甜；🍢蒜蓉燒蠔 $48/2隻 - 鮮嫩香口；🍢白酒忌廉煮蜆 $68 - 醬汁香濃惹味，蜆肉鮮嫩；🍢味淋魚干 $38 - 香甜唔會太乾，配沙律醬好開胃；🍢鹽燒和牛牛小排 $48 - 肉質嫩唔會韌，牛味濃有肉汁；🥠（新）咖哩牛舌手抓餅 $58 - 咖哩汁好香濃，牛舌入味，手抓餅熱辣辣好脆口又掛汁，幾惹味；🍜明太子忌廉烏冬 $58 - 個汁有咸香幾香濃，但可惜啲烏冬過腍。🥤青檸梳打 $28 （凍）🥤冷泡白桃烏龍茶 $18（凍） …Read More

估唔到喺Harbour City 一間有維港靚景嘅星馬餐廳，一人晚市套餐都只係 $118 加一 （ +$16/茶位）🔖 *茶位$16 及 加一服務費 *🦐 《 脆蝦片 💲12 》 一籃，脆口開胃～🐔《 香茅椰糖烤難全翼 （2隻） 💲20 》燒至雞皮微脆，肉仍然滑嫩～ 🍢《 瑪萊沙嗲(3串) 💲58 》牛/豬/雞，揀咗雞肉～本身已經調咗味，再加上有花生香、帶甜嘅沙嗲醬汁更惹味～🍲《 星洲胡椒肉骨茶 💲158 》湯中有肉排，吸湯嘅豆腐卜同蘿蔔。入口先有胡椒味，然後就有濃濃嘅蒜香味，好暖身～🍛《 少爺海南雞飯（例牌）💲98 》已去骨雞髀肉好滑，蘸黑醬油好食；個湯好有菜嘅甜味，幾好飲，而個飯太乾，配湯食岩晒～🥘《 椰香青咖喱配豬頸肉 💲118 》 份量幾大，豬頸肉爽嫩，加埋青咖喱惹味～🥬《 森巴蝦仁通菜 💲68 》 微辣開胃。🍞《 班蘭咖椰多士 💲48 》好多咖椰醬，班蘭味幾出，甜甜哋但唔會好膩～🥤《 香水檸檬泰冰茶 💲38 》🥤《 鮮凰梨振式冰茶 💲38 》 兩款口味都好fresh，可以減膩～ 都幾多人，記住book枱📞…Read More

喺太古城行完街肚餓💭想食炸雞諗起Banchen & Cook有韓式野食環境開揚坐得舒服🌸 仲要✖️加一服務費 ～係呀，呢度係自助形式，即棄餐具，提供鮮果水（免費自添）～🍳《 芝士和牛漢堡蛋包飯 💲148 》蛋包好吸引🤩襯熱切開仲會有流心效果，蛋香陣陣～和牛漢堡好厚，肉嫩唔乾，再淋上芝士好正！ 🍗《 韓式炸雞（無骨半份） 💲108 》多款口味中揀咗🧄蒜香炸雞～～皮脆好香口，肉滑有汁～仲有年糕同薯條架！ 🍙《 明太子蟹肉紫菜包飯 💲92》放有蟹肉特別鮮味，加上明太子醬好惹味～🍰《 開心果芝士蛋糕 💲62 》口感香滑，開心果加芝士好夾～ 🍹🫘《 軟綿綜紅豆．豆花鮮奶咖啡（凍） 💲52 》 四層效果靚～入口有紅豆蓉但唔會太甜～ 咖啡味唔濃，合大眾口味～ 🍹🍫《 溶化朱古力(凍) 💲42 》朱古力濃但唔甜膩，拌勻啲cream入口更香滑～ 冷氣風口有啲大，所以要快食否則啲嘢好快凍晒🤫 …Read More

#溫馨提示 ❗️收8點❗️晚市時段上層不開放❗️呢晚同朋友7點嚟食先知☝🏻 所以只有地下門口嘅四座位，要搭枱同食得比較趕🤫想嚟食嘅朋友可以外賣或者再早啲去～ 📌 出左新湯底 - 雞白湯/麻酸辣濃湯 📌⁠仲可以加配 一蚊一件花膠《 清酒大蜆湯米粉 （大） $60 +$1 》 好多隻蜆呀～蜆肉都肥～米粉應該係新竹米粉，幼身彈牙， 雞白湯鮮甜～+$1 有一片花膠～ 《 金牌花膠湯米湯 （小） $63 》大大塊花膠，腍身唔韌，入口膠原感滿滿～《 古法醉鮮鮑 $88 》 有咬口但唔會韌，入味清甜～《 鮮灼大扇貝 $89 》 大隻帶嚼感～《 師傅醉雞翼 $28 》 好入味～《 雞油燙菜 $37 》 特別香口，菜亦鮮嫩～《 溏心醉蛋 $19 》 十分入味，會偏酒苦味～《 龍眼蜜 $16 》同《 茅根 $12 》 下火消暑～想點埋《 醉盆菜 》因為見有限時特價 $78（原價$128），但可惜當晚無～…Read More

成日都望到呢架「洋紫荊 」🚢但從未上過去，呢晚就帶屋企人上船玩！點去❓❓由北角A1出口直行向海邊會見到7-11便利店之後轉右行1分鐘就到啦！好方便～7:15 pm開船，我地就提早去到登記之後就輕輕鬆鬆上船去～ 然後9:30pm就落船～ 但buffet係可以食到10:00pm架！ 開頭以為同場會有好多國內旅行團點知大部分都係港人，又有外藉遊客同兩枱公司團建^_^都幾熱鬧～⁠自助餐為海上觀光體驗中嘅一部份一上船就食buffet先！有海鮮i.e.龍蝦仔、蝦、螺、青口，多款沙律冷盤i.e. 壽司、冷麵、煙三文魚、火腿等等。熱盆有意粉、牛尾、各式燒味etc，仲有廚師即場切牛排，同煎青口同雞軟骨片！最後仲有生果同雪糕、甜品sss! 全晚仲一路會refill👍🏻 以四月優惠成戈每位HK$370嚟講，真係超出預期❣️ 食到中途就開始Live Band🎤啦！到8點仲可以到船板欣賞 #香港夜景 同 #幻彩詠香江 🏙️打個靚卡！喺海中央望維港兩岸係唔同啲～打完卡返去繼續食飯！同時Live Band都開始勁歌熱舞💃🏻 座上客都陸陸續續聞歌起舞，仲出埋出舞池好熱鬧！雖然唔係我熟悉嘅歌曲，但見到啲長輩都玩得好開心，個氣氛真係好好！感染到我同朋友都睇得好開心😁 最後，差唔多9點鐘，仲有refill食物。我學就想食朱古力蛋糕，職員幫我地努力咁搵，真係好好人👍🏻呢個體驗令我有驚喜，下次帶埋屋企人先！落船前後都係見唔到放養嘅貓船長 ，希望下次見到佢啦！ …Read More

大王東街入面有一棟三層高嘅泰國🇹🇭餐廳環境舒適，食物高質，店員仲好殷勤有禮～呢晚就帶兩老嚟食飯～ 《 巴東牛展💲118 》餐廳招牌之一！坊間嘅巴東牛肉好多時都會選用牛冧肉或牛腩，膩感較重，但呢度就用牛展，厚身但極嫩腍，仲有啖啖膠原感，醬汁香濃惹味，配薄餅/飯一流！《 燒豬頸肉 💲98 》肉嫩爽口，蘸埋泰式醬好提味～《 日本南瓜焗海鮮飯 💲158 》原個南瓜，飯面舖咗芝士南瓜蓉並焗得焦香～焗飯加咗紅咖喱，入口有椰香，甜中帶微辣，好惹味～ 並加入南瓜粒、大蝦、鮮魷同青口，好足料～食嗰時我刮埋啲南瓜肉，所以真係好美又勁飽肚！《 馬拉盞通菜 💲88 》菜嫩無渣，幾香口唔會咸～《 原個椰青大菜糕 💲75 》坊間好少有呢個食！鮮椰汁製成大菜糕，好清甜！入面仲加左大大片嘅鮮椰肉，真係好原汁原味，份量夠2-3人，好岩夏天食！《 椰青斑戟💲60 》開頭以為係一般嘅斑戟，但原來係糕點嚟！面層焗得有一層薄薄嘅酥脆，入口煙煙韌韌，加上椰絲、椰青肉，味道香甜～ 下次再嚟！ …Read More

其實我真係好中意食中菜#駿景軒 又連續7年榮獲米芝蓮一星⭐️襯5月有8折優惠，即去食下晚飯！呢度環境舒適，服務到位～ VIP房都坐滿人，隔音十分好～佢地共有18款主菜，我地揀咗4款～🐔《 脆皮黑松露炸雞（半隻） 💲318 》喺駿景軒嘅招牌菜式之一！表面喺皮脆肉嫩嘅炸子雞，其實脆皮下係用上黑松露醬同黑松露油拌勻過嘅手撕雞肉，肉質嫩滑，上桌前再刨上黑松露片，香氣四溢～🦴《 鹹骨大芥菜煲 💲298 》以豬骨湯加魚湯同普寧豆醬等烹調，湯底香濃帶咸香～豬骨肉好嫩腍，大芥菜嫩無渣，甜而不苦澀～🐟《 砂鍋生焗魚頭煲 💲248 》新鮮魚頭連同蒜子先喺砂鍋中以慢火焗製，魚頭鮮嫩多汁，蒜香中又帶麻辣香，味道惹味有層次！🥩《 醬油安格斯牛柳粒石窩炒飯 💲238 》慣咗要有飯氣落肚，呢個飯就正啦～ 用石窩盛裝，香噴噴～米飯粒粒，口感煙韌，配上醬油牛柳粒嘅肉香同油份，令米飯香氣四溢，爽身不油膩～放多一陣仲有飯焦添！ *有茶位及加一服務費*…Read More

北角海逸君綽酒店官網推出「 Harbour GrandCafe【鴨肝二重奏海鮮自助晚餐】 買一送一‼️人均HK400+，即買❗️❗️樓底高、地方寬敞有空間感，唔會枱貼枱～兩邊落地玻璃，感覺開陽～自助區整潔，食物款式種類多！海鮮夠新鮮，包括即開生蠔、即開生蠔、波士頓龍蝦、蟹腳、7吋長阿根廷蝦！更可食盡鴨肝和牛酥盒、迷你和牛漢堡配香煎鴨肝、鴨肝慕絲煙燻三文魚球等主題美食～ 另外仲有紅酒燴和牛臉頰肉、燒牛肋骨、片皮鴨、火灸和牛壽司、蒜片和牛粒、焗和牛批、點心、精選刺身壽司、燒味、燉湯、多款熟食、前菜沙律及甜品！！甜品區好吸引！多款蛋糕、中西式甜點、朱古力噴泉、即夾pancakes、仲有12款Mövenpick雪糕😍飲品方便有果汁，仲包埋無限量暢飲生啤🍻及汽水🥤～🌟每晚7:15就有「火山排骨表演」🌟緊貼住8點就會有「火焰焦糖燉蛋表演」📌星期六、日及公眾假期晚上8時正將呈獻「巨型Mövenpick雪糕火焰雪山表演」。📌📌指定節慶日子晚上6時45分將呈獻原條黃鰭吞拿魚席前解體表演。 食物有keep住refill，唔會有空碟嘅情況～服務：職員友善有禮，收碟又快～仲期間主動補給紙巾俾我㖭，加分～四百幾蚊就食得咁豐富又滿意，推介🙌🏻🙌🏻…Read More

呢間 「一家」 主打食上海菜，連續攞咗三年米芝蓮推介餐廳！之前嚟附近間戲院睇戲都會嚟呢度食晚飯，但自從戲院執咗之後就少咗去，但呢晚好想食，於是同朋友專登去食！晚飯時間如常滿座～ 🫖茶芥 💲8/位🐔 《 七里莊酒糟醉雞 💲88 》 佢啲雞真係好滑好滑好滑，重要嘅事情要講三次，而且酒味剛好，唔會苦澀唔會搶味～ 🌮 《 上海蔥油餅（3件） 💲58 》乾身不油膩，外皮酥脆，內餡蔥香濃郁，放涼咗keep到口感一樣，亦唔會浸油～ 🥟《 小籠包（4件） 💲88 》個皮好薄好薄，基本一夾起就會薄到穿，肉餡香嫩～ 如果皮薄得來有少少煙韌度唔易穿就更好～ 🥬《 上湯豆瓣莧菜 💲118 》莧菜多又鮮嫩無渣，蒜粒爆香個令整體更香口，加上仲有豆瓣、菇同咸火腿，令到個湯鹹香鮮味～🌯《 蔥爆牛肉配薄餅 💲148 》偏向上海嘅重口味，蔥同牛肉份量多，味濃偏鹹，所以配上薄餅，入口煙靭減膩～ 餐廳其實都有賣飲品架～ 但餐廳嘅絕對唔係廢水，係滋陰養顏嘅～ 🍹《 B1霸氣大哥 💲36 》百香果加上生薑，好香薑味，但加上百香果嘅果甜完全唔會辣，養生又好味！女生必試！🥤《 香茅檸檬薏米水 💲34 》好大杯，微甜潤腸又養顏～ 抵飲！ 🫘《 棗泥拉糕（4件） 💲52 》原來係江蘇蘇州一帶嘅傳統特色糕點，入口軟糯，棗泥味道剛好唔會太甜，合乎香港對甜品嘅最高評價😆 同朋友邊食邊傾偈💬都差唔多食完甜品嘅時候，店員姨姨溫馨提示我哋半個鐘內天氣轉壞，所以我哋就急急腳埋單走人👣 返到屋企真係變黑雨，好彩得佢提我哋咋🫶…Read More

每次收工就會去食好食嘅慰勞自己，天氣熱好想食湯粉，所以去咗食平時去開嘅灣仔「 西貢街頭 」食越南河粉。 平時去都會吃生牛肉河，今日就想試試蕃茄蟹檬粉～佢 《 河內蕃茄蟹檬粉 $88 》送上就見到有很多蟹膏和蟹肉鋪面，又有新鮮蕃茄肉、扎肉和蟹肉丸，相當豐富。湯底有茄香又不會太過濃郁過酸，很開胃。檬粉幼身掛湯，每口都掛有蟹膏蟹肉，實在惹味！ 扎肉厚身爽口，蟹肉丸彈牙。整體加點鮮檸檬汁就更加提鮮～《 串燒雞肉濱海 $92 》雖然很飽，但還是想多吃一點！一碟4串，雞肉燒得香口入味，而濱海就像時「米粉餅」，幼身爽口，連同炸蒜片加上越式酸甜汁很惹味！ 下次再試試其他！…Read More

想食椰子雞鍋唔使北上，去旺角就有啦～大陸人氣「鳳園雞煲火鍋」喺香港開咗第一間分店！🐔🍲《 木瓜椰子雞煲 （半隻）$238 》職員將完原隻泰國椰青🥥嘅汁倒入鍋中，煮滾大約4分鐘後，職員再將半隻雞連同木瓜肉倒入鍋～個湯底好清香，加咗木瓜仲清甜～～ 一路煮都唔會變咸，試完呢款湯底返唔到轉頭了～ 🦪前菜： 《 撈汁紫菜生蠔 $48 》紫菜爽滑無沙，生蠔鮮嫩滑溜，醬汁微酸開胃～🍄‍🟫《 黑皮姬松茸 $36 》 好滋補有益，健腦益腎、抗氧化、增強免疫力、抗腫瘤等多種功效，食火鍋都要食得健康！🌰《 潮汕牛筋丸 $48 》 爆汁彈牙好正～🪸《 海帶苗 $36 》 睇色水已經知道好鮮嫩！🌱《 淮山條 $38 》 好鮮爽～🥬《 西洋菜 $26 》 鮮嫩無渣～🍚《 米飯 $5 》 我習咗要有米氣～*調料費 $16/位 ｜餐巾 $5/盒**加一服務費*…Read More

Weekend去咗澳門做野即日來回，臨走先仲有少少時間去行下街、食下野。行到去關前正街附近見啲人拎住個撻好吸引，就走去問下喺邊度買，對方指咗比我地睇，仲話好好食！ 去到見到原來係葡萄牙主廚手工製作架！感覺即刻好正宗，一定要試試，所以即刻買咗兩個唔同口味：一個原味 （$12）、一個抺茶（$26）。 酥皮香噴噴，係用咗法國頂級牛油，口感的確比一般嘅酥脆！而個蛋餡係用咗日本生食級夢王蛋，蛋味特別濃郁，都好滑順細膩～ 抺茶撻個抺茶味都好出，但我特別中意食原味，所以買咗一打返香港同屋企人分享，佢地食完都話好味～ …Read More

呢日去開又一城就直接喺嗰度食埋飯，特別想食上海野所以就去咗王家沙。同埋花好月圓 🌕 呢個名好岩同屋企人/朋友嚟食中秋飯～～茶茗 💲12/位 🥟手工鮮肉小籠包（五件）💲68 看得出來啲皮唔算薄，但勝在肉餡鮮嫩汁甜～🐟炒鱔糊 💲128 鱔肉份量算多，肥美爽嫩，配上濃油赤醬但唔會好咸，調味剛好～🫓家鄉炒年糕💲108 年糕偏軟正合屋企人口味，肉絲多，椰菜又幾甜，唔會太咸太濃味，調得岩岩好～🫛乾煸四季豆💲98 四季豆鮮嫩無渣～啲肉碎同蝦米咸咸哋配飯/銀絲卷會好夾～ 坐得舒適，上菜快，食物滿意（除咗小籠包個皮），整體感覺不錯。…Read More